文康食堂 (學生飯堂II)

營業中

休息中

大學飯堂，早餐系列邊間大學？你哋自己估下啦！只可以話我係一個善變嘅女人👩，出門口，搭車果陣都話要食啲有湯嘅嘢，麵或者粥，去到canteen ，睇睇下～我都係想試吓雙層豬柳蛋，就嗌左佢，嗌完先醒起，粥呢？麵呢？果然係女人🤭🤭個煎蛋係流心，所以要小心食到成隻手，個飽即整，芝士俾我感覺係慢慢融，所以還好，但係成個飽可以再熱啲，包無麥記咁硬，所以個人認為好過麥記，如果有埋薯餅，咁就有得同佢打過嘅，而且都唔貴～

今次叫左碟一碟咖喱炸魚柳飯啦。總括黎講，呢碗飯係普通水平，唔算太出眾，但依個價錢嚟講算唔錯啦。首先，我要講下個咖喱味。嗯，咖喱味道係有嘅，不過冇咩特別之處。啲咖喱係有啲濃郁，但味道唔夠深厚。唔係咁多層次，啲香料嘅味道冇咁嘅突出。如果你係咖喱愛好者，可能會覺得呢碗嘢味道唔夠咖喱嘅精髓。然後係魚柳。魚柳係炸過嘅，個質地都幾脆，不過唔係最脆嘅啲。啲魚柳好好都算有咗個炸嘅香味，不過冇咩驚喜。有啲部分可能會有啲乾，我覺得有啲更多嘅醬汁會好啲。總括黎講，呢碗咖喱炸魚柳飯係一份普通嘅餐食。味道中規中矩，唔係太出眾，亦都冇啲特別失望嘅地方。如果你只係想飽下肚，又想食啲咖喱同埋魚，咁呢碗飯係一個可以考慮嘅選擇。不過，如果你追求啲更豐富嘅味道同層次，可能就要再考慮下其他選擇啦。

Openrice比較少人寫大學飯堂，就等我寫下啦😆雙餸飯一向係學生同埋”窮人恩物”🤣🤣$29 有兩個餸，加$3再有熱飲，紅磡區嚟講係好抵食。Canteen D雙餸飯賣相比以前好咗好多😛，以前d肉餅係硬到好似嚿磚咁😓😓，今次睇落去都幾靚仔，所以就試吓，的確OK喎。個菜都煮得幾淋。成個canteen改造咗啲形象，多咗啲新嘅梳化位，唔同顏色嘅圓枱、吧枱，梳化chill傾偈嘅位，竟然仲有足球機😳😳以大學飯堂來講，polyu個canteen質素係高👍🏻

#搞串個pantry係#香港 🇭🇰每間大學都總有一間大家公認唔太出色嘅canteen😖。今次我哋就去咗#理工大學 一間canteen食嘢，感覺真係麻麻😇。呢個canteen餐單上嘅選擇都算幾多，有西式🍽️、中式🥢、日式🎋，甚至連雞煲🔥都有，不過質素如何真係要試過先知。今次就普通咁嗌咗個三餸飯(魚香茄子、蒸滑雞、胡椒豬肚)、肉醬伴長通粉🍝。三餸飯(魚香茄子、蒸滑雞、胡椒豬肚)🌟🌟要讚嘅係個飯比想像中好，起碼唔係硬嘅😂，而茄子味道好濃郁🍆，但口感偏向爛溶溶。蒸滑雞口感算幾好幾嫩😎，但係個調味有啲奇怪🧐，似落咗糖。胡椒豬肚味道正常，但豬肚太硬，有啲似肉乾🙃。肉醬伴長通粉🌟肉醬感覺同中學lunch box會有嘅肉醬一模一樣，喺口感同埋味道上完全相同🤯，肉嘅感覺，似肉燥多個似肉醬。而長通粉偏硬，食落口好粉，似煮得唔夠耐😕。仲有一樣嘢要提嘅，就係嘢飲。叫咗一杯可樂🥤，估唔到竟然喺杯可樂嘅表面見到一層油，唔知係個杯洗得唔乾淨😖，定係可樂或者啲冰出事。果然每間大學都會有一間比較慘烈嘅canteen😶‍🌫️，不過可能大部份莘莘學子都係以飽肚平價為首選，所以呢度都算接受到嘅😎。

黃昏時間，下午茶賣得七七八八無咩選擇，但感覺上又未到要食一大碟碟頭飯。 舊can總是剩低燒味飯或咖喱飯，在唔知揀咩好嘅之際，只好嚟新can 尋尋覓覓。見有漢堡包選擇，幅相有幾好睇。咁就諗住博博運氣。有魚柳有雞有牛做餡嘅選擇，我好乖，攞住個盤問一問阿姐，最多人揀係邊樣野先。佢話最多人選擇係牛，然後就夾左一大舊漢堡拍落個包俾我，隨即加上薯條，隻包好大隻，$25真係幾抵。為咗令自己冇咁guilty ， 我決定加了一杯迷你番茄同埋凍檸檬茶，多咗啲維他命C。老實講薯條確實香脆，大條有口感。但係咬落個包就出事啦，舊嘢又凍，又無味。最恐怖係個漢堡扒，明明我嗌係牛肉變咗山竹牛肉味，你知道嗎，山竹牛肉加茄汁係非常之恐怖嘅一件事。山竹牛肉應該有腐皮同埋有喼汁而且熱辣辣。我咬兩啖我真係忍唔住唔要，我抬頭望見「不要浪費食物」海報，更覺得於心有愧，但係又真係咬唔落

今日返學校考試，為了溫書加唔好浪費時間，返poly u student canteen 食早餐我叫了魚柳，炒滑蛋，配厚多士，肉碎湯米粉，凍咖啡，一共$28，價錢公道。米粉份量少，學生要補充體力，份量較以往減少。不過價格俾出面平左兩蚊，正所謂一份錢一份貨😅厚多士唔趣唔熱，只有烘底既痕跡⋯⋯

考完試，充下飢，去左新can，食個叉燒飯。我同廚師講要半肥瘦叉燒，最後係好瘦的叉燒，而且好鞋，咀嚼了超久，都未咀嚼到。啲菜就好硬，硬過石頭，真心希望佢會改善下，次次我都吾會食，因為根本放吾入口。雖然叫佢少飯，但佢真係又比得太少，真係幾啖食得曬，希望佢識得點樣先叫岩分量啦。杯檸檬茶太濃茶味，有啲澀澀地。啲員工不嬲都無乜禮貌，所以我都吾太期望會好好service不過呢個價錢係相對地便宜嘅，所以吾好抱有好大嘅期望。

成日都會去polyu舊Can食早餐，因為貪佢夠近紅磡，而且價格亦都好平！今次就試咗雞扒餐肉薯餅，拼雪菜肉絲米粉（$23）。個人認為賣相就唔太討好㗎啦，不過我不嬲都唔係介意，只要味道夠好同埋夠平就ok啦😂😂味道方面，個人建議雞扒最好走汁，始終個汁幾鹹下，而且食清淡D亦都會健康啲～薯餅嘅味道就一時時，有時即炸完食落去係熱嘅就好味，有時試得出放左好耐就覺得好難食。餐肉味道都唔錯，不過唔算特別有驚喜，而且份量都幾少下。如果嫌唔夠飽肚， 我通常會加多個雪菜肉絲米粉，味道幾好食㗎， 推介大家試吓～

咁岩今日黎左poly 搵朋友，本身我地諗住去紅磡或者尖沙咀食，但諗諗下都係唔好，決定試下佢canteen 既食物😋😋傳聞中，poly既canteen平靚正，我地黎左新can食。食can既飯堂都好大，而且係自助形式。我叫左碗叉油雞飯食。碗叉油雞飯都非常之大碟。叉燒同油雞既份量都好多。唔係因為係學生食，而份量減少或者質數下降。叉燒係半肥瘦，油雞咁岩比左雞上脾我。肉質嫰滑😋😋個飯只係需要$19蚊😱😱👍🏾呢個價錢真係無可能係出面食得到，加埋杯凍飲都係比多$4蚊，真心抵食🤤

落堂既時候已經係食tea既時間，就去左新can食tea黎呢到係為左炸脾tea!炸脾加薯條加綠茶都只係19蚊咋！好抵雞脾炸到好脆，又大件，薯條份量都好多，茄汁係任唧架！冇食lunch去食炸脾tea都好飽！

咁難得黎到polyu啦梗係要食佢的新can是常識吧因為真係又平又抵食23蚊就有一個兩餸飯平過出面好多仲要好多選擇咁我今次就選左咖哩雞同雜菜同以前一樣的味道啊好有懷舊味同好有家常小菜的味道而且價錢冇變過我真心覺得兩餸飯真係polyu頹飯之選眼見舊can岩岩裝修完 又換左新供應商價錢又比以前貴左咁新can的兩餸真係唯一又平又抵食的選擇而且個份量又ok wor真係平靚同正而且仲要包野飲或者湯而橙汁同咖啡就要加$4.5真係超值啊不過唯一缺點就係人會比較多同埋係要有證先可以入去的啊

上次因工需要去到HKU 而食左grove，今次輪到要去poly。polyu，一直只知有個要落一層好似對住個泳池既canteen，今日係同事帶領下，原來仲有一個要上一層既食堂，就是叫理大食堂，對住架船。因為已經夠tea time，所以有得叫下午茶餐！一隻炸雞脾加薯條連野飲只係$19，真係夫復何求...！？ 佢個叫野模式係拎左野食先，再去counter 俾錢。一心諗住食炸雞脾，點知排我前面兩個細路都係叫炸脾，岩岩排到我就岩岩無晒，唉...！唯有改叫油脾，然後排我後面個人都係想叫炸脾，佢特登問阿姐，不過都係無stock。咁多人都叫，所以我極度相信poly 炸脾係傳說級既美食，一定要搵機會打多次大佬...！！好啦講番呢個油脾，其實都唔差哦，鹵得ok 入味，肉嫩多汁。食呢d 野唔使顧儀態既，落手揸住食，大啖大啖咁至夠滋味架嘛！至於d 薯條，唔單止係粗薯條，而且份量仲幾多wo，唔知係咪阿姐聽到我無得食炸脾特登夾多d 俾我呢...？

油脾飯$19 咋，真係平到笑，本身諗住出尖沙咀食，但都是想慳啲，平平地入左 canteen 食，出面食個油脾飯可能3 倍價錢！油脾幾入味嘅，仲好大舊，飯既份量都好足夠，係啲薑蓉鹹左小小

今日係新 can 買左份早餐，$21 呢個質素真係好抵...有薯蓉，炒滑蛋，粟米，仲有牛角包～薯蓉夠滑嘅，不過啲汁酸左啲，有啲怪，炒蛋唔錯，texture 幾好, 不過淡左少少，唔夠味牛角包比想像中好，夠鬆化，拍得住出面賣個啲牛角包，有誠意呀！！粟米普通罐頭粟米啦，正正常常，冇特別。仲有呢度 canteen 嘅檸蜜唔使額外加錢，好抵呀！整體黎講呢度性價比都好高😊聽聞新 can 嘅漢堡包都好好食，不過要 lunch 先有喇

由於幾星期前於香港大學的美心飯堂吃過的兩餸飯非常好吃，令我對同樣是由美心主理的理工大學文兩餸飯有好大期望。但世事總是不似預期，有期望必有失望。兩餸飯（雜菜和南瓜雞）連中湯$23額外加$6配凍橙汁雜菜：冇乜調味的健康雜菜，夠熟但不會過淋。南瓜：切得好大件，有三大快塊。中心偏硬，如果可以炆淋D就好了！雞：重點來了！有三大塊南瓜係咪好開心先？南瓜雞只有大南瓜，D雞唔多見到嘅？因為只有碎碎一兩件埋藏係D汁度……食唔到雞。白飯：ok ，正常啊～中湯：正常快餐店湯，不要有特別期望啊～凍橙汁：ok啦～整體感覺：一切味道正常，日日吃也可以，不過不會叫做好味啦～ 雖然比係港大平兩忟，食完令我掛住港大canteen 的兩餸飯呢～By the way, 中午時分，係呢個理大canteen 裡面，大部份人都係幫襯兩餸飯呀～ 總有長長的人龍在排隊呢！我諗因為這個是最抵吃的了！