敏華冰廳

營業中

休息中

今日 order咗 敏華 四寶飯， 個賣相及質量還差過大x樂( 叉燒十分乾及 薄）、 只得幾片紅腸、 兩片四分一 午餐肉 、 半隻鹹蛋 及兩條菜，除了個白飯稍為ok， 其他 餸菜味道都一般。

呢間餐廳我間中都會嚟食，多數食早餐或常餐，午餐之類，算係葵芳一間可以食得人嘅餐廳食過個肉絲米我覺得ok唔錯，起碼唔會咸到飛起熱華田沖得夠濃、濃濃阿華田味，平時飲個啲水勁多，所以呢間係好飲啲多士真係烘完等於冇烘，如果可以俾啲heart 烘返多少少會好啲囉基本上冇服務可言，qr code落單不過間餐廳有個好嚴重嘅問題，成間舖越嚟越臭，食完一餐飯之後，成身都吸咗佢餐廳啲味，成個頭，成件衫，總之成身都係個陣臭味，揮之不去唔知咩事間餐廳會越吸越大陣味，食物尚可，但食親次次都成陣味真係令人卻步

今天忙了一個早上，到下午兩點幾先有機會停一停，咁啱路經新都會廣場，見敏華平時排隊條人龍無左，不用等，故就唸住入去食啲野醫肚仔!餐牌依然與主打茶記一樣，沒有變! 我見已過了下午兩點，所以就order 了一個價值$46茶餐 - 榨菜肉絲公仔麵跟兩隻脆皮雞中翼，連一杯熱鴛鴦! 因為我想再叫多個蛋撻但又怕肥，所以就將公仔麵改叫米粉， 罪惡感好似無咁重!首先來了杯熱鴛鴦，但我覺得杯鴛鴦分量好少，沖得唔多夠熱， 觸到落唇邊，熱度好似爭咗啲呀! 跟住就嚟咗個榨菜肉絲米粉同脆皮雞中翼， 個脆皮雞中翼都算ok，炸得幾夠味，不會太乾! 但係個榨菜肉絲米粉就唔係太掂 ， 撩勻成隻碗，湯多過粉 ，米粉好少，而且淨係得榨菜，見唔到有肉絲 ，偶有一兩粒碎碎浮面，確實有啲不對辦! 另外，唸住敏華會定時有新鮮蛋撻出爐，點知個蛋撻來到，酥皮淋曬，而且好似擺左好耐咁，唔好食囉!總括而言，今次嚟敏華食下午茶真係有啲失望，同我之前來食時，確實有點不同，希望佢地可以檢討下啦!🙏🏻

好耐冇去過敏華，今日諗唔到食乜嘢，所以今日就去食午餐啦-🌟叉燒意粉配煎雙蛋多士火腿 ｜$63意粉比較少叉燒，得4-5塊，叉燒比較偏肥，但係味道還可以。反而煎蛋火腿多士有驚喜，一拎過嚟好大碟，比碗麵仲大，個多士烘得好靚好乾身，仲有士多啤梨果jam 。-奶茶沖得夠濃，整體份量足夠，但係價錢偏貴。

今次當我行入呢家食肆，就點咗個人氣爆燈嘅黯然銷魂飯。啲叉燒嘅味道簡直正到出奇，鹹香中帶點微微甜，肥而不膩，嗰種焦香啖啖肉嘅感覺勁過癮！白飯就彈牙得嚟唔會過分軟綿，嗰種金鳳米係真係蓋過癮嘅選擇😊。蛋嘅部分就小小失望😔，因為我期待中嘅半熟流心變成咗熟透嘅蛋。但嗰豉油撈飯嘚瑟味道，一啖飯一啖喜，真係滿足到我個食魂。話說個榨菜肉絲雞翼米粉我一啲都唔放喺心上，點知個味嚟得出奇集中！榨菜嘅鹹香同肉絲嘅嫩滑交織得宜，而啲東莞米粉爽滑適中，同雞翼一齊嘅口感簡直一流，仲有湯頭，真係要多嚟幾碗。至於凍奶茶，無冰嘅出現真係令我開心到彈起🤤，因為佢保持咗茶香同濃厚嘅味道，啱晒我呢種怕水嘅人嘅口味。而家講翻個酥皮蛋撻，先嘅鬆脆酥皮同濃郁嘅蛋香，每次食都令我心思思，今次買四個回家，仲熱乎乎咁，唔食都難！如果你想搵返嗰種老香港嘅味道，嚟呢度準冇錯喇👍。

多年來光顧過貴集團不同餐廳，深感食物質素及服務優良，不幸地，本人於二零二三年十一月二十一日晚上六時三十分選擇了光顧葵芳新都會敏華冰廳,滿心歡喜點了晚市火鍋套餐, 但火爐燃燒了十五分鐘, 湯底還未滾起來，火已經熄滅，於是要求待應協助更換，更換後，這位待應不停在我身旁徘徊並說道: 小姐我見你食得好慢，快Ｄ落D肥牛落去滾，如果唔係我一陣又要換第三個爐, 其他客人都要用架。本人對以上安排及態度表示非常不滿:第一點， 火爐燃燒了十五分鐘, 湯底還未滾起來，是餐廳配套的問題第二點，本人沒有特意拖長用膳時間，只是貴餐廳配套的問題導致客人用膳時間延長, 間接浪費本人寶貴時間第三點，貴餐廳如果縑棄客人用膳時間長短，理應設定用膳時間，而非以言語催趕。第四點，爐具不夠是貴餐廳的問題，而非催趕客人盡快用餐由於被貴餐廳經理催趕，因此忘了拿走收據及記下經理的名字。是次晚餐經驗令我感到非常不愉快，不會再光顧。

同朋友響葵芳做完嘢諗住搵個地方簡單食個下午茶，響地鐵站附近最方便唔係葵涌廣場就係新都會廣場，朋友想搵個地方坐得舒服啲，所以就去咗新都會廣場嗰邊搵嘢食，結果去咗敏華冰廳，好處係起碼下午茶唔使等位。我在叫咗個最基本嘅菠蘿油炒蛋，加杯紅豆冰。唔知係咪錯覺，好似菠蘿油以前裏面夠牛油大嚿啲，同埋可能下午茶唔係新鮮出爐，菠蘿包晏咗啲。炒蛋基本上都可以。杯紅豆冰好處就係花奶味好濃， P 冰亦都唔算太多對我嚟講啱啱好，但係有啲人可能會嫌佢少冰，紅豆相對份量唔算好多，不過都叫做可以接受。

I recently stumbled upon Men Wah Ben Ting while walking by and was pleasantly surprised by the variety of options available. Since I couldn't decide what to have for dinner, the one-man hot pot caught my attention immediately. This unique offering boasted an array of ingredients, allowing me to choose between beef and pork as my protein. Additionally, the customizable soup flavors, with three options to choose from, added an extra level of personalization to the dining experience.However, what t

飲品入面有毛毛嘅，都唔知咩黎，作為一間大型連鎖店，失望！冇做飲食嘅衛生意識，侍應都唔知係末做到踢晒脚，發悔氣！發悔氣你唔好搞客人嗎啦，將心比己，客人要食落肚嫁！！

睇戲前唔算肚餓就入左敏華搵野食，本身想食個菠蘿油同蛋撻，點知兩樣都賣晒，最後叫左一人邊爐同屋企人兩份分喇湯底：蕃茄湯底配米線配料有手打牛肉、芝士竹輪、金菇同大量娃娃菜兩個女仔食其實都好夠，湯底好濃，一啲都唔咸，讚

我啱啱去咗一間冰室食館食飯，真係好正啊！佢哋嘅煎蛋牛肉飯，啊味啊！香嘅煎蛋同埋嫩嫩嘅牛肉，夾埋啲飯食真係好開心。佢哋嘅奶茶都好香濃，一定要試下呀！除咗煎蛋牛肉飯同奶茶，佢哋嘅菜單都好豐富，有啲嘢真係好啱食啊，例如炸雞翼同芝士焗蝦，啊味啊！店員嘅服務都好好，態度好好好，真係好舒服呀！總括嚟講，如果你鍾意嗰種冰室風味，呢間冰室食館一定唔會俾你失望啊，好正好好啱食！

放假和家人出佐葵芳睇戲,見仲有時間先開場我去咗戲院隔離間餐廳嘆番個tea☕#叫咗個沙茶沙爹牛肉麵🍜加炒蛋腸仔多士🧇飲冰鎮凍奶茶🧉#再叫多個咖央醬牛油多士🧇飲冰鎮凍奶茶🧉大致上都可以！只是沙爹牛肉麵鹹咗少少😅

一直吃了都有好多年，由當初只有幾個常餐，到後期有豬潤麵(雖然豬潤每間分店水準不一)，亦是我作為下午茶及午餐的首選。今次吃的下午茶很普通，只是一個雙拼三文治。雖然是很基本的食物，大部分茶餐廳都有，但出品有沒有心也是吃得出來的。敏華的雙拼三文治在內茶會塗上牛油，火腿上下也會有一塊，這兩點已經不是很多街外的茶餐廳能夠做得到。為方便食物放入口或用叉子可以進食，敏華把三文治切成四等分，外型美觀。炒蛋有預先調味，非常細心，不會入口就只有食材單調的原味。至於凍奶茶來說，已經接近是全港最top的一個水準，入口細滑，沒有一絲苦澀，甜度亦算適中，冰鎮奶茶方式的處理十分不錯。雖然敏華與太興也是同一集團，但凍奶茶的味道卻有點不一樣，太興的茶味會較為重。三十多元的一個下午茶實在是非常抵食。

今朝約咗同事去敏華食早餐，因為特別欣賞佢哋嘅炒蛋同飲品。今日點咗炒蛋·腸仔·牛油多士配凍阿華田。炒蛋水準依舊，又嫩又滑，又有蛋香味。不過好可惜宜家佢哋唔係用廚X腸了。牛油多士不過不失，如果可以脆啲燶啲會好食啲。飲品永遠唔會令人失望，平時會叫凍奶茶，茶味香濃，同奶嘅比例控制得宜，口感順滑，甜度適中。今日想轉吓口味，揀咗阿華田，味道濃郁，飲落唔會好稀，絕不欺場。餐廳通風同抽氣做得比較差，食完出嚟通常成身油煙味，希望餐廳可改善一下。

我好鍾意食呢度嘅big men😋 雖然好似好普通嘅菠蘿包，但係夾埋啲配菜落去真係好正😆 呢度個菠蘿包真係幾好食，個皮係好脆嘅，不過奇就奇在，今日居然冇蕃茄😂 佢問我無蕃茄食，仲要唔要🥲 坐得低就梗係食🥲 同埋仲要讚下佢嗰原味鴛鴦，如果嗌開少冰嘅你哋😂 千祈唔好叫少冰‼️佢啲原味xx，全部都係無冰架！不過要嗌少甜🥰另外今日仲發現咗有新包叫冰火黯然銷魂三文治，下次會試吓🤤 佢menu個賣相都幾吸引😋