敏華冰廳

營業中

休息中

返工咁辛苦唔通個個都想返工？返工的確係攰嘅喺返工之前嘆番個肥仔早餐就啱晒啦最鍾意就係敏華嘅沙嗲牛肉加埋烘底嘅厚多士😋仲有炒滑蛋 勁過醒神全餐啊🤣🤣覺得敏華所有嘢食都不過不失！不過早餐沙嗲牛肉係真係出色嘅😋

年廿九周圍都好多人，最終選了哩間冇咩人嘅餐廳係，上次冬至已經冇咩人，今次亦都唔例外，點了以下食物：1. 栗子滑雞煲配白飯 & 熱咖啡：好彩點火冇幾耐打開黎睇下，原來入面好少汁，差啲未食就煲燶底，栗子與雞的份量差唔多各半，雞唔係特別滑，相比之下會喜歡上次食香辣牛腩煲。2. 豉汁蒸鎗魚配白飯：即叫即蒸，魚肉有點老，時間過左少少火，條魚大細&質素唔差過一般酒樓，整體都唔錯。服務都幾好，幾有禮貌，上菜速度都快，讚讚讚!!!

今年做冬連個溫度都係好冬，其他餐廳都係大排長龍，想快快食完返屋企唯有揀敏華，晚飯時段只有接近10枱客，入座後見到隔離枱牛腩好正幾正，有個小火保持溫度，經apps 點了以下套餐：1. 香辣牛腩煲配白飯 & 熱咖啡：凍冰冰食辣野好爽，牛腩份量幾多又夠腍，豆卜索曬啲汁好好食。2. 豉汁蒸鎗魚配白飯：即叫即蒸，魚肉鮮嫩，時間岩岩好，質素唔差過一般酒樓，飲埋杯熱薑檸樂，暖返曬。服務都幾好，一向都幾有禮貌，上菜速度都快，讚讚讚!!!

同同事食lunch 你當晚話一定要嗌黯然銷魂飯啲叉燒好嫩滑啲汁好香濃應該有加到香蔥轉左太陽蛋叫咗小飯但都食唔晒咁啱蛋撻新鮮出爐所以即刻叫咗蛋味好香酥皮好鬆脆我今日早到唔使等位

星期日到沙田第一城敏華食早歺，廚房炒蛋多士及煎魚柳雞扒等食物做唔切，等了半個鐘頭以上，個個客都要追單，亂作一團，大家沒有時間耐心等的話，千祈唔好入去。有些客人甚至等到火滾，中途離場。如果歺廳知道食物等待時間較長，應該喺門口通知啲客人要等候食物時間。在門口排完隊，入到裏面又要等，真是一肚火，而且食物價錢比一般茶餐廳貴，咁嘅服務質素，實在冇下次囉！食物質素也只是一般，管理層應正視這問題，如果唔係之前買了coupon, 也不會光顧😔

星期日食早餐，雖然係人多，但係我哋啱啱先放低，就行埋嚟話有人等緊，企喺你隔離等你走，不停講有人等緊，我哋又有小朋友，走都要執好嘢，戴好口罩先得架？使唔使騷擾成咁？火都嚟埋😡

一直覺得佢自家制糯米雞好出式又多蓮子d d 糯米乾身彈牙宜家👎🏻👎🏻👎🏻👎🏻👎🏻👎🏻👎🏻👎🏻D 糯米好黏好爛好難先夾起痴晒係d 葉度又咸蓮子都少咗超市叮叮好食好多宜家仲要買$41 😡😡唔怪得宜家咁多隻準備以前好早就冇晒大家唔洗再嚟食

下午茶至六點鐘, 可以食個早啲嘅晚餐都唔錯😜🥪冰火暗然銷魂三文治$42兩件裝, 麵包烘得脆口, 冰凍嘅沙律蛋碎及濃甜的蜜汁叉燒碎粒, 配搭好特別嘅三文治, 不過雞蛋碎唔算太香, 蜜汁叉燒碎醬汁過甜, 本人覺得過於濃味, 不過如果喜歡濃味嘅朋友應該會鍾意, 因為口感其實唔差🍽️乾炒黑椒牛肉意粉$52意粉分量唔算太多, 不過炒得幾香口, 意粉有質感唔會太淋, 牛肉新鮮彈牙炒得唔韌, 配上少少洋蔥🍵餐茶叫左檸茶, 茶味比較淡, 但係檸檬算新鮮餐廳明亮光猛, 好多卡位坐得舒服, 服務及清潔度中規中矩魚堅總評性價比 3.5👍(以5👍為滿分)

今朝行過敏嬅見到得幾個排隊突然諗起佢自家制糯米雞等入座前問佢地仲有冇先好彩仲有經常冇晒佢自家制糯米雞真係好出式👍🏻糯米唔會太爛剛剛好最重要係佢入面有蓮子同馬蹄出面果d 真係好普通所以入嚟必食價錢可接受跟一般快餐店差不多仲唔洗自己拎另外叫咗個沙爹牛肉麵有沙爹香味麵底ok掛住食唔記得影個麵底😅

服務不知所謂，外賣落單前已問清楚要幾耐才order，一個飯放在櫃面25分鐘，另一個飯完全未製作，伙計連望都沒有正視客人，態度極差，幾好食都冇用！呢個時候，能正常開業已經感恩，但俾咁嘅服務… 累死哂！

之前光顧過好多次敏華九龍灣德福廣場分店的沙茶牛肉常餐，次次食都係好多沙茶汁，啲汁好濃同埋好香，倒落湯度仲好濃、好好味，變咗啡色濃湯。今日第一次試第一城樂薈呢間分店⋯ 完全無諗過咁垃圾！！好失望！！！一開外賣，見啲牛肉無乜汁，得少少色痴住啲牛肉上，已心知不妙。倒落湯後，牛肉完全無沙茶味，仲要肉騷味，根本就係白烚牛肉咁。腸仔平時係雞肉腸，又無端端變左微辣脆皮腸，仲要凍嘅！ 以後唔會再幫襯呢間分店，真係好垃圾！！！！

N年前喺大埔都光顧過敏華冰廳，質素都OK！今天在第一城shopping，見到開了間敏華冰廳，於是進去嘆番個下午茶餐。入到餐廳，職員站在談天，祇望了我一眼，完全沒有招呼我的動作。我只好找了一張沒有人坐的吉枱坐下，職員也沒有過來招呼。我便招手問職員有沒有下午茶餐？他只答我在枱上。我看着枱上的Menu，下午茶餐寫著的茶餐選擇真的很少，看了也很失望。於是唯有點了一個雙拼三文治（餐肉+炒蛋）及一杯熱檸水。熱檸水在5分鐘後到，但三文治15分鐘都未見上枱，於是我便問職員可否幫忙催促我的三文治，因為點了都成15分鐘左右，職員答我三文治是要做的，是要這樣的時間。多5分鐘左右三文治便上枱了。真的不明白製造一份那麼簡單的三文治也要成20多分鐘，選擇少已不在話下，還要等那麼久才有食物上枱。相信下次我不會再光顧敏華冰廳了，太令我失望。

敏華餐廳已經不知不覺城擴大，很多地方都有它的足跡，迎排沙田第一城也開了分店，出名蛋撻同菠蘿包的櫃位雖然不及馬鞍山那間大，但玻璃外這個特別鮮明的招牌離遠也可以望得到。每次來必定心水選擇就是豬膶麵，當天同朋友來吃早餐，看看餐牌原來早餐是沒有豬膶麵只是常餐才有，還要等到11點先可以點，為有看著朋友先吃吧！A9 夠薑豬膶牛肉湯米粉 拼雙腸及歐式軟多士凍奶茶這個我喜歡的原因就是個湯底超好味，濃濃豬膶和牛肉煲的湯很鮮甜加上大量生薑味道出眾，喝了定必愛上，而這裡的奶茶也特別很好，茶底香濃奶同茶的味道調得剛好。

尋日兩點鐘去第一城叫咗個叉燒飯,呢間舖比起新蒲崗嗰間店每樣野貴5蚊,$71但個叉燒飯嘅份量只係得半碗,仲要啲叉燒又靭又鹹,根本完全唔夠飽,焗住叫多兩個蛋撻,絕對絕對絕對唔會有下次,做生意做得咁無良！！！

見到Le間敏華 差評多個好評大多數唔係食早餐老老實實 見到個價錢我都唔會喺呢間食午餐晚餐一個叉燒蛋飯要$71夠姜豬膶牛肉麵個餐要成$6x我唔覺得 佢值呢個價錢我唔好去深水埗食過豬潤麵車錢來回都唔會貴過佢黎敏華 我只會食早餐滑蛋 都係敏華嘅水準👍🏻叫咗個牛通 一上枱 見到啲湯勁多😆心諗有幾多料喺裏面So far都正正常常有四五塊牛早餐水準係食得過同埋佢早餐去到12:00啱晒啲遲起身 又好想食早餐嘅街坊街里～午餐晚餐就不了 性價比一啲都唔高