敏華冰廳 (已結業)

當日有啲趕時間所以揀敏華貪佢上餐快點知咁就中咗個超級大伏🫠2:14分入座一坐低即刻叫一號姐姐落單有覆單以為無問題點知坐咗15分鐘連杯野飲都無上眼見差唔多時間入座嘅食客都已經有野食於是叫左二號姐姐埋黎佢一check機原來無落過單🫠嗱嗱聲叫佢落返同佢講我趕時間問佢可唔可以同廚房講聲快小小點知佢答我: 我自己個飯都未食。 聽完差啲爆血管🫠你未食飯可以同返你經理講但我叫佢跟返我張漏咗嘅單唔係好過份吧最後催左2次單先上得晒成張單🫠

朗豪坊分店1月7日下午15:54分手機落單，但一個鐘頭，沙茶牛肉通心粉都係未到，已經向同事追咗4，5次，但都未有。最後16:59分先到！其實非常過分，同事話可能係吹走咗張單，但冇理由追咗幾次都唔幫我跟進返張單，呢件事令人好失望。同一時間都見其他檯既客人追單，但我既都係係最遲先到。呢樣野應該唔係偶然事件，希望餐廳可以改善。

阿仔每隔一段時間就會想食黯然超人飯（黯然銷魂飯）😂😂見佢成日睇個YouTuber 夾公仔，又見朗豪坊間Namco都大間，所以就去朗豪坊！一放學就出發，撞正lunch time，又多人，想快啲食完就走人，見敏華無人排，阿仔又嗌黯然超人飯 ！好，拿拿聲食完夾公仔！一如以往，叫一個黯然超人飯加餐蛋治！不過呢間個飯等咗好耐，我見人又唔多，不過阿仔打住機等，所以我都無特別催佢地！等咗20分鐘個飯終於到，阿仔話呢間最好味，我都覺喎，可能我order咗多汁，真係好食啲！

見肚餓又趕住走咁就諗住叫個叉燒蛋飯，問左要等幾耐先叫，職員話等2個字(10分鐘)，咁好啦，覺得時間都可以就叫個1個叉燒蛋飯，之後就行開左去買雪糕甜品(呢邊問左大概5分鐘有得拎)走返去敏華到等，如是者我等左2個字(10分鐘)，想搵個職員問知個外賣拎得未，可能忙緊，叫左2次都無理我(但連等等都無一句)，等到3個字(15分鐘)，我再問左2次先有人理之後個職員問廚房張單，問完，我就見到有外賣可以拎嘅曙光「廚房嘅人拎個外賣盒裝飯同叉燒，然後大概5分鐘後隻蛋都裝埋盒」，「」入面全程用時10分鐘，我先發覺一開始講嘅10分鐘係廚房煮嘅時間但不包括額外等候時間好彩我個雪糕有放雪櫃，唔係我真係唔知點算而我應該唔會再食呢間野

極度惡劣嘅敏華呢間敏華出晒名等餐等得耐所以我一早打定電話去叫定個餐先去攞店員做錯嘢都仲大條道理極度惡劣經常出錯產品裏面全部錯麻煩你們經理好好處理吓你們的同事的情緒如果不想返工，請你回家不要帶着惡劣的態度上班從來未試過買一次個餐裏面嘅嘢係啱點解咁多間敏華就係呢一間最多問題

去到叫外賣 一個牛面餐 一個肉丁面餐呆等左20鐘唔對路 就叫店員幫我跟下張單店員隨即同我講「佢地有冇人同你講無晒沙嗲牛？」幾個店員行黎行去都無人同我講聲 由我係度等唔問就無人理 由你繼續等11:42落單 12:08先拎到

見到佢11點幾仲有得食早餐，加上出面落大雨費事行，所以決定食呢間。由入門口開始，完全冇人招呼，入面勁多位，但係截住晒喺門口冇人帶入位。開頭諗住算啦，求其食完個早餐快快趣搞掂就繼續等。點知落單開始計，半個鐘都未齊成份餐。見到附近啲人已經不停催佢哋，但係一樣冇嘢食，所以諗住都係唔出聲慢慢等，點知一等就40分鐘係40分鐘都未齊嘢食，其實呢個時間真係好誇張，所以如果食呢間，一定要預一個鐘頭嘅時間，唔好諗住茶餐廳可以快食，要用食法國餐嘅心理準備，等咗咁耐以為好新鮮，嚟到啲包已經凍哂，入座率只係三份一，樓面有兩三個人，唔明白點解可以由早餐等到午市都知道朗豪坊做茶餐廳好難做，但係如果冇心做到咁，求其俾人開間咖啡店都好。

11點19分叫左餐，11點45分都未出到11點35分追一次，話「我會幫你跟架啦，相信真係遲左」。之後到11點45分再追，個啊姐話「稍等一陣」態度其差，仲要無左回事，之後我直接同佢講取消左佢，仲要好大聲咁講「佢話取消喎」好似講緊野比我聽咁嚟呢到食要預有3個鐘先好嚟，唔係你預左比佢地既Waiter 「等陣等陣」之後就要取消永遠唔會再嚟，唔通入嚟齋坐？等運到？呢次唔係我第一次被拖，諗住今次會好D，原來一樣

話說琴日經開嗰邊睇完戲肚餓去醫下肚，又突然好想食叉燒，見敏華平時食開都ok 未入佢，點知個黯然銷魂飯等左45分鐘先黎到，旁邊已經有食客鼓燥，亦有人cut單，我諗住唔趕時間，唔等都等左咁耐，就等埋佢啦。點知黎到失望到一個點，啲叉燒一係肥到好似無肉咁，一係就柴皮，食過其他分店都唔係咁衰，唔知發生咩事我朋友個常餐仲絕，係呀，個麵的確係黎得快，但啲腸蛋多士又係等勁耐，同我個飯同步黎到，真係眼都突埋，力諫大家唔好挑戰！

食材-豬膶變壞照樣煮俾客人食，浪費食客時間同金錢。 食材變壞，廚房無法釋辨？ 希望有進步，做返應有水準。 #朗豪坊#敏華冰廳#7月2022年#請跟進食材#盡食市應有責任

今日過開嚟旺角，所以响朗豪坊揾早餐食。敏華其實食過幾次，算抵食所以再嚟食。不過疫情期間，呢間敏華某啲座位就係安排得好差，夾硬將4人位分成2人位，食得勁辛苦其實已經接近中午，所以我直情點咗黯然銷魂飯食+奶茶☕️。我鍾意食呢度嘅叉燒，肥得黎唔算油膩我老公就鍾意食沙爹粉面，仲有呢度嘅多士面包，因為舊多士的確比好多茶記有誠意，鬆軟香口。最後仲叫個咗咸牛肉三文治，味道不過不失。綜合黎講，我覺得食物質素唔差，但餐廳同衛生環境有進步空間，仲有普遍敏華嘅員工都一般般，有時問佢拎杯水或追食物都叫我哋等等，之後好明顯係唔記得follow，搞到經常食完碗面，份多士都仲未到…..

原本貪佢11點幾仲有早餐，加上諗住快食～～～點知由點餐開始～～我等左20分鐘。然後我見好多人都追單。咁我都諗住問下，但係店員行過當睇你唔到😕終於通粉早餐到左，但我發現無匙羹，問店員攞……又係要等…唔到。 最後係隔離枱個靚女客人賜我一條匙😅 我用左10分鐘去食呢個個湯有啲稀通粉，多士唔夠脆，最靚兩隻太陽蛋嘅早餐。最驚喜係佢唔知邊度搵隻咁厚嘅杯，入面嘅奶茶特別少🤣差唔多要走嘅時候，突然店員係我前面加咗塊「特長」嘅玻璃，仲問都唔問就推開我前面嘅碟😳呢啲服務好可怕😱唉～～～唔該你請多啲廚房同樓面嘅人啦。個個都做到黑口黑口…唔怪得員工心情差

今日放假，一早起身去敏華食返個早餐先，茶餐廳嘅早餐一向都好豐富，有包有蛋有面，仲有嘢飲，滿足晒所有願望。••••••••••••••••••••••••••••••今次揀咗個早餐係沙茶醬牛肉公仔麵，配上厚多士烘底，仲有炒滑蛋，仲有杯熱奶茶。厚多士配上牛油非常好食，我鍾意加埋炒滑蛋一齊食，更加豐富，炒滑蛋蛋味香濃，唯一美中不足係公仔麵煮得過火，太過淋唔好食。••••••••••••••••••••••••••••••

第一次去食，係朋友帶我去食<黯然銷魂飯>, 話好出名，叉燒的確係好味道，當然呢間係貴價茶餐廳，其他食物都冇試過，不過每次再幫襯，都只係會叫叉燒飯好煎蛋配了熱檸蜜！

去茶餐廳最開心就係可以食碗麵加小食，例如炒蛋呀、雞翼甘🍳🌭🍝叫完等5-10分鐘陸續上枱，熱辣辣好新鮮，餐具新淨，好衛生😍🍽常餐好豐富，潮式沙茶牛肉麵+炒滑蛋+雙腸+歐式軟多士$57: 沙茶牛肉好入味，有花生醬香，份量仲唔少。炒蛋好滑又大份，腸仔唔係cheap 腸，食落好實在比較多肉唔係粉🥰茶餐四川炸菜肉絲麵拼脆皮雞中翼兩隻$45見到叫3隻雞中翼個餐都要$40，甘緊係比多$5要多碗麵啦，估唔到勁驚喜，炸菜粗條甜甜地，唔似平時有d好頹又咸又有up味，肉絲唔多但都大大條，麵係公仔麵，煮得軟硬適中，帶麻油香，正👍雞中翼漲卜卜 咬落果然係脆皮，仲有肉汁，yummy為食叫埋酥皮蛋撻$7.5酥皮真係好鬆化，一層層酥皮又重牛油味，蛋好滑好香，好味🤤