影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
今日去完海洋公園鬼咁餓，諗住茶記特色快靚正，錯左，茶記既價錢，慢過西餐既速度。新達呢間敏華真心慢，侍應態度好好架喎，最慘係佢地好客氣叫你等等，問題唔係１個侍應係咁，我同１個問題叫過３個侍應，佢地３個都係好客氣咁叫你等等，真噁血。一坐低，QR CODE落單，QR張紙都要等，客人講完，係咪應該解決完一樣，你先去忙第２樣，應完等等，可以去忙別的事情，完全丟低左行開。順利落好單，飲品先上，明明有得選擇小冰，我裝出一大杯冰，２杯阿華田剩返一杯。食物等下啦～晚市選擇唔係咁多，又唔係炆唔係燉，點解需要等咁耐，等到有得食，已經餓到飛起，想加個白飯（我加1個啫，依家睇返單先見到你們收2個飯錢），我又係向唔同侍應催，好好聲氣叫我等，我都好客家問返D侍應哥哥姐姐，請問等咩野呢？佢地話等廚房出。等多兩等，我差點想行去廚房自己裝飯，結果碗飯係我響吧檯自己拎，敏華發生咩事呀，以前唔係咁架。講回味道，菜餚味道唔差，一貫敏華既質素。店內坐唔滿客人，員工都有幾個，未至於忙到倒瀉羅蟹，態度係唔差，似係無系統既忙，咩都等，客人自然催，越催就讓雙方感覺越忙咁。我見其他D客人已經催得好包容。最後，我想提既係，收銀長期去左做侍應既工作，唔係個個都好似我咁，老老實實企響櫃檯等你地黎收錢，今晚我埋單時，就幫手截左個無埋單，疑似駁大霧既食客，幸好收銀沒有被該食客胡混過去。
繼續閱讀
午餐難食。 漏單 無招待 錯單。 如果唔想心情差，唔好去食。香港想食個餐真係困難。個西西里牛肉飯，汁有汁味，肉有肉味，飯有飯味。 3樣都唔夾。追單，唔理。 再追單，又唔理。杯涷奶茶送錯單後 亂放，追到第三次求其攞一杯放左唔知幾耐的俾客.個別仕應係有笑容，但典型唔夠人手，甩哂碌。not a good choice if you want a happy day. hong kong is dying for food and restaurant.
繼續閱讀
今日去這連鎖店茶餐廳食早餐，首先，服務員系會比Q R code你自己叫野食，而不會主動落單的！以前茶記有客坐低一定會 比水客人先，現在要叫先有🤭，我要求4杯水，服務員望完我無反應走了，再行過再問就比左一杯水😵💫🤣，櫃桶無紙巾，同服務講，繼續聽5到算😵💫食物上枱時間快既，食物亦夠熱，只是湯粉D湯比較咸，食物質數一般可接受，奶茶比較細杯，味道也一般，基本上無乜賣點，其實如果一間餐廳服務和食物質數都管理不善，真係好難留住客人😎
繼續閱讀
敏華其實久唔久都會幫襯, 但對上一次都算半年以上了, 今日再次光顧. 感覺奶茶味道不同了. 叫茶走, 但嚟了好像是走甜的. 點了黯然銷魂飯, 點了後, 足足等了超過 20分鐘先至有得食. 對於茶餐廳快餐, 真係等待時間比較長. 好彩. 跟友人邊等邊傾計. 不趕時間, 還可以.叉燒水準幾好. 雞蛋一碗煎得幾靚, 另一碗就熟左. 不過整體係好食. 久唔久都想食番碗. 其實之前睇電視有介紹過, 但叉燒既顏色同水準與電視上的確有點差別. 上電視一定用最靚既質數同顏色. 不過好彩食落算好食, 都無問題
繼續閱讀
叫一個奶茶，一個腸仔包，等半個鐘。我追單，佢同我先上一杯冇茶色的奶茶，根本就是沖錯將就出俾人。跟住同我講冇腸仔包，只有雞尾包，咁唯有雞尾包啦。好喇，如果我唔追單，就一路等。杯奶茶認真超級難飲。麵包都麻麻地。這間餐廳往執笠狂奔之中，退步速度驚人。其實我都俾左好多次機會這間餐廳，因為位置方便，不過已太傷心，太失望，不會再俾機會佢。侍應態度唔好，冇問題的，茶餐廳係咁，不過宜家我寧願去遠些少，大埔墟那間華立，至少奶茶唔會咁垃圾。
繼續閱讀