敏華冰廳

營業中

休息中

本來諗住假期到收工後相約朋友行街街睇戲，見到時間尚早一於食小小嘢先開始節目，經過呢間餐廳門口見到裡面無乜人就諗都無諗入去坐，後來才發覺係我上次領教過嘅（冷冰冰茶餐廳），無諗到……又再次遇上！都唔明解餐廳裡沒有伙記做嘢只有收銀員在裡邊㩒手機！地下都是垃圾、紙巾，無奈等了差不多十分鐘終於按捺不住；叫了幾聲，該名收銀員從收銀處把門（嘭）的一聲行出來，我和朋友當然不滿，但似乎該員工更不滿黑起口面問我食乜！此時我和朋友打了個眼色立刻起坐而去！幸好隔不遠還有M記否則要餓住個肚去睇戲！我朋友話下次再要幫襯呢類餐廳一定要睇清楚至好入去，免得食唔到嘢食到一肚氣！👎🏾👎🏾👎🏾

平常經過這間餐廳，總是有人在排隊，今日 六點左右，人少一點，不用等就進來試試。位置挺寬敞，坐得舒服， 座與座之間都有些空間， 不會太逼和鄰座太親近。整體來說，食物質素ok。😋一般茶餐廳的款式， 餐單比較簡單， 不會太花巧 ，但每樣食物都做得不錯，而且在德福廣場，沒有太多同類的店，所以在這裏可能會有優勢， 始終香港人都喜愛茶餐廳食品， 可能是因為這樣經常都排長龍。值不值得排隊就見仁見智😅 非繁忙時間來也不錯。奶茶，不錯，很香滑。叉燒湯意粉豬潤牛肉公仔麵多士 👉外脆內軟，不錯！ 炒蛋👉 半生熟、 做得挺滑。門口位置，有麵包外賣。

呢間由佢開張到今日，早上日日有人晚上日日有人。一直未有機會試。本身對佢超級有期待。就算高膽固醇都要試佢常餐。叫咗兩個餐，一個係跟自家叉燒，一個係跟沙嗲牛肉麵或者轉左做大集團，質素真係難keep 到。全部而言，最值得讚係佢個公仔麵煮得剛剛好，其他就好一般。唔駛排可試，要排就唔會再食。公仔麵底 5分最值得讚係佢個公仔麵煮得剛剛好👍👍叉燒2分麻麻哋，聲稱係自家製，有期待但失望，豬肉質地唔夠滑，鞋口。似食肉片，多過係叉燒沙嗲牛肉麵，3分。正正常常，無特別。同出面茶餐廳差不多水準。安全牌奶茶，3分，合格。係茶味重d 的，但唔夠香杏仁霜。。。1分，唔合格好難飲，好質疑選左咩牌子的來沖，好化學味仲有d 膠味😭炒蛋，3分，唔係岩我口味的滑蛋，唔夠滑，蛋有d 腥味，可以再好d 員工，有1個啊姐好無禮貌😓，完全唔理客人，但其他啊姐都算好人。☺環境，幾好，德福入面，幾好坐嘅

今朝早左(8點左右)到九龍灣，一個星期過來九龍灣番工兩日就過來德福廣場食肆食早餐，經過呢間文華冰室見到得一個排隊，我稍稍望見有枱，我也排一份，但門口個亞姐掛住禁電話，禁左都忘了形、吾安排入座，我前面個男人問她是不是入得。亞姐好大聲好惡，先生，、有位我會安排架啦，都未清枱，依架入得啦。我當時覺得晨早'呢一刻影響曬心情。幾好吃的早餐也無味。希望攻善一下員工態度

12點前仍然有早餐👏🏻少常餐兩條腸仔但平$15❗️早起的foodie食平d🤪11點前來到都係打哂蛇餅排隊🙄不過在商場有冷氣 排一陣都還可以接受🍳沙茶牛肉麵配炒蛋厚多士 | $35每樣都是熱辣辣 的確夠新鮮煮🍞厚多士烘得很不錯 上下都脆🥚滑蛋真係有水準喎 超滑溜🍜沙茶牛肉味道香濃 麵煮得剛好不會過淋☕️熱鴦看來較淡色但味道出奇地香滑濃郁屬相當高質得常餐 拍得住華星澳牛🤩🥪鹹牛肉蛋三文治 | $20出色的港式茶記三文治一定要烘底有滿滿的餡料鹹牛肉夠香夠濃味加上煎蛋 好好味😋🍞墨西哥奶皇包 | $8排隊時已見到剛出爐的奶皇包大大個脹卜卜好吸引一坐底就當然要叫一個😏但有少少失望...麵包好大個但墨西哥皮非常薄所以脆的比例好少奶皇餡亦比較失色 不夠滑味道亦淡

我突然很想吃菠蘿油所以去了這間茶餐廳他們定時有新鮮出爐的菠蘿麵包門口看到焗爐當天我叫了一個菠蘿油加炒蛋的下午茶餐再加一杯熱奶茶菠蘿包暖暖的加上滑滑的炒蛋菠蘿麵包不會太熱導致牛油溶化奶茶香茶味足我的下午茶餐都是$29,都挺值得服務不錯不過好餐廳當然多人去，所以都要等大約5-10分鐘

成日見到呢間排長龍真係好想試吓有咩咁巴閉😆咁啱富貴同事話過嚟同我食，開解一下我所以就麻煩佢黎排隊攞位😁😁入到去發現原來係澳洲牛嘅friend所以即時都係嗌咗同款嘅常餐來試多士來講都非常唔錯而啲炒蛋都可以👍🏻跟住再試吓個叉燒意粉叉燒係瘦叉燒，okay的意粉都質感可以，湯底就好似用叉燒黎帶起個味😏總括嚟講佢真係抄緊澳洲牛🤣相似度都有70% 80%只係多咗兩條腸👍🏻👍🏻加番分😁不過我都係覺得澳洲牛好食D😅😅如果要排隊食嘅話我寧願揀澳洲牛呢間唔使排隊都可以encore🤪

門口派位個姐姐串到呢!食左呢包會大隻D我都唔會幫襯!我喺門口等派位，嗰位姐姐呢語氣令到我以為今日唔洗錢，原來唔係，入到去原來要比錢既，仲要受你地氣，你地呢包有幾好食都好，但我真係受唔落淡氣，如果各位受到氣既，不妨落去試下!

位於德福商場入面嘅文華，日又有人排，夜又有人排🚶🏾‍♂️🚶🏼‍♀️🚶🏾‍♂️🚶🏾‍♂️真係好吸引我呢d犯賤嘅人去了解一下。是夜，終於決定去試下🤨 一睇餐牌，發現唔貴喎！而家喺大商場，呢個價錢食到晚餐好難得㗎喇！ 我地一行四人，呀爸嗌左個常餐潤牛米配炒蛋多士，炒蛋多士一放低未影相就比人食左😂So sad～但聽呀爸講個炒蛋好香好滑，多士好厚好脆👍🏻加埋個潤牛米全部都係正評～ 我同呀媽因為貪心，一人嗌左一個雜扒飯⋯⋯上菜後心知不妙，好鬼大份，點食呀⋯如圖所見，雜扒包括豬扒、雞扒、餐肉同腸仔🤦🏻‍♀️豬扒雞扒都好夠味，略嫌有少少過咸。但豬扒厚身、肉質鬆軟，好味過大x樂😂 老公嗌左雞扒飯，痴線⋯⋯塊雞扒大到呢⋯⋯但好高要求嘅老公就話塊雞扒d味無咩特別🤷🏻‍♂️唔會乾曾曾但都係偏咸。 我地就叫左份咖央多，好鬼邪惡嘅牛油⋯食落d咖央比平時的甜，多士脆而不硬👍🏻 跟餐要左杯熱奶茶，夠滑但茶味不太濃，偏向有少少似台式奶茶，幾啱心水😀 最可惜係菠蘿包已售罄🤷🏻‍♀️聽聞好好食🤨唯有等下次行過買黎試下啦🤭

星期日無無聊聊想食下午茶.見每次經過都咁多人，咪決定試下.主打都係常餐同菠蘿包.例牌門口都有檔麵包.麵包即焗即出.排隊娛慶節目，睇師傅整包.等左10分鐘有位.商場鋪環境都唔邋遢.餐都係大路野.睇用咩料同師傅態度.嗌左常餐，叉燒通粉.湯味幾濃.叉燒水準唔錯，來自太X.主角菠蘿包出場.13蚊兩件，揀埋雪山菠蘿包.雪山包皮夠薄，叉燒幾新鮮.波羅包中規中矩，未至於驚艷.但勝在新鮮.埋單83，商場鋪係尼D價.路過可以試下.

其實我真的很愛吃茶餐廳， 喜歡茶餐廳的上菜速度和多種簡單而美味的巧手小菜。 聽說文華冰廳的自家製包點很出名，可惜來到的時候已經全部售罄，唯有試試他們的常餐。點了這個叉燒出前一丁配雙腸炒蛋牛油厚多士，老實說味道一般。他們標榜叉燒是採用太興的叉燒 ，可是叉燒片十分薄，還有一點老身。另一方面，炒蛋的質地確是不錯，綿滑得格不會太重油膩感。香腸都不會熱氣。厚多士都有牛油香，所以整體來說配菜是令人滿意的。希望下次有機會可以試到他們的包點。

需然放大假但又瞓得唔晏，一早去德福廣場文華餐廳歎番個早餐，系食緊早餐嘅時候，見有個電子螢幕顯示麵包出爐時間，睇吓價錢都👌，7元一個若叫兩個可平一元，難得撞啱有新鮮熱辣辣既脆皮义燒包同菠蘿包出爐，又叫咗嚟試，香噴噴嘅义燒包入面確有好多餡、菠蘿包面啲皮好鬆化，包質輭熟，味道😋👍

Lunch同同事出去食飯，茶記都係必然之選，都知道依間冰室要等好耐，但一陣無機會試，今日終於的起心肝，同同事一齊去等位。結果等左半個鐘頭終於有位了。我地四個人各人都係叫左常餐，咁我就叫左叉燒湯通粉配腸仔炒蛋多炒蛋好滑，叉燒湯通粉都唔錯。另外，我地亦都加左兩個包，夾埋就13蚊，四個人share叉燒包併菠蘿包D包係自家製，菠蘿包外脆，包好鬆軟，真係不得之了。常餐一個五十蚊，價錢就中上，但質素ok，而且包真係好味，值得再來。

平時行過德福廣場shopping ,次次經過啲間文華餐廳無論乜嘢時間，門口都係排長龍入座，今次放暑假唔洗返工，一於早啲嚟，希望唔洗排隊可以品嚐啲間成日都咁多人排隊嘅餐廳啲食物。同honey 一人叫咗一個餐，一個餐只係30元左右，巳經有一個忌廉湯通粉或沙嗲牛肉麵，有厚多士、炒嫩蛋重畀埋包裝牛油一包同一杯熱飮，牛肉超入味又嫩滑😋👍，真係又好抵。

一早黎到九龍灣，當然要食番個活力早餐﹗星期日九點黎到，估唔到會係無-人-龍呢我同友人去到等咗唔到5分鐘就有位了~我地分別叫咗B1 & B5B1 鮮油菠蘿包拼炒蛋 ($29)菠蘿包新鮮出爐，熱騰騰，都幾難唔好食B5 忌廉雞湯火腿通粉拼炒蛋牛油厚多士 ($33)湯底唔係話好特別，同平時茶記常餐差唔多厚多士唔夠熱，不過炒蛋炒得好好食補番數﹗奶茶&鴛鴦奶茶滑，茶味重鴛鴦比例都好好，好啱我口味小結茶記早餐黎講文華真係好抵食每人around $30 up食物有質素 位置又無其他茶記咁迫Weekend又唔洗排隊有機會都想再encore呢~