207
86
25
電話號碼
29815038
營業時間
今日營業
10:30 - 18:00
星期一
10:30 - 18:00
星期二
全日休息
星期三至日
10:30 - 18:00
以上資料只供參考, 請與餐廳確認詳情
招牌菜
食家推介
相關文章
食評 (355)
#搞串個pantry 今日要介紹一間迄立#長洲 28年嘅小食舖頭💕，專賣港式手卷🍣、紅豆餅🫘！！但係，又點估到呢間小食店係由一對日本人夫婦🇯🇵主理！相信應該好多香港人都嚟過呢間小食店，充滿無數回憶🕰️！今次嚟到照舊嗌咗紅豆餅($10)🤤，同埋腸仔蟹柳手卷($25)。如果大家叫set，飲埋嘢飲，係可以入內堂食🍽️，望下成間餐廳，放滿好多相、擺設等等，都好有feel🤩！！紅豆餅質素依舊，咬落非常軟，暖暖地🔥，紅豆餡份量剛剛好😛。食落同時食到蛋香、紅豆香！！而腸仔蟹柳手卷，就好傳統港式家庭會整嘅味道😋，除左蟹柳、腸仔，仲加咗沙律醬，食落甜甜地，好有童趣，小朋友一定好鐘意👶🏻🥳！！呢間餐廳無論外觀、內裡裝修、食物，都充斥著陣陣懷舊嘅長洲海島風🏝️，同埋日本人老闆、老闆娘滿滿嘅回憶📝。大家下次去長洲，一定一定要去感受下🤩！！
繼續閱讀
✨️紅豆餅 $10今次黎到故鄉俱樂部呢間長洲人氣小店！紅豆餅係即叫即整！所以一攞上手好辣手😂紅豆餡都幾多，但吾知係米因為咁，成個餅都偏甜。口感吾係外脆內軟，質感較似蛋糕。$10一個算幾抵食👍🏼推薦指數：7/10
繼續閱讀
大大話話有成3年無返長洲!當年長洲可以用人係地靈嚟形容，唔好話食巿餐廳，連店舖都唔多，依家食巿起碼多以前一倍，當然..... 以前食開來來去去都係果幾間，依家多咗選擇係好事.聽聞關公亭D櫻花盛開，於是探吓D舊街坊村民之餘又做吓龍友!習慣去澳門一落船就去瑪嘉烈，習慣去長洲一落船就去故鄉茶寮!長洲都係我故鄉嘛....雖然腸仔蟹籽手卷同紅豆餅都比以前細，但無損我繼續支持!紅豆餅餡料豐富，紅豆蓉甜而不膩又夠熱，腸仔蟹籽係必食，腸仔用上一條份量，配上沙律醬嘅蟹籽更惹味，味道同二十年完全無分別，只係當年開店嘅兩位日本夫婦已經失去蹤影多時，換成兩位妹妹開舖營業.好彩唔係太多人排隊，門口又有位坐，食完就快快離開，事緣當年食完手卷想話坐耐D，點知就被日本老闆娘趕走.
繼續閱讀
細細個係長洲大既人都會有食過阿婆紅豆餅同佢啲壽司。咁耐冇食過，當然要扮吓遊客食返啦。依家都係唔少長洲人食壽司既選擇去到嗰陣同以前一模一樣，咁多年既鋪頭同設計都冇變過。紅豆餅好似同以前咁上下價錢🤔太耐冇食依家紅豆餅只係$10，有芝士個款就$15排咗一陣隊就買得，紅豆餅同以前一樣咁鬆軟好多紅豆係入面😋不過以前係即整會熱啲好食啲，同埋依家感覺上細舊咗🤔
繼續閱讀
我呢個大鄉里，黎過咁多次長洲，我一直都唔知道原來呢間賣紅豆餅同埋壽司既鋪頭咁出名🫢都係男朋友同我講，我先至第一次黎試😅店主應該係日本人?! 我聽到佢同我哋講”ありがとうございます” 😳 好彩聽得明，即刻覆番句”どういたしまして”🫢原味紅豆餅 ($10)本身聽男朋友講到好好食，我都有d期待。但當我拎上手果下feel唔到個餅既溫度就知賴嘢😅 個外皮唔算厚，不過無左果種岩岩烤起熱辣辣微脆既感覺，反而係攤凍咗都導致外皮有少少偏軟身，單係呢樣已經扣好多分… 不過紅豆餡都幾足料，紅豆蓉幾綿密，豆香味唔錯又唔會好甜。雖然以宜家呢個物價黎講，一件紅豆餅賣$10唔算貴，但係我應該未必會食第二次😅
繼續閱讀