擂茶館 (已結業)

現在疫情，但間中唔想煮都會嗌下外賣，第一次幫襯，竟然變咗最後一次幫襯😭因為之前本人比較懶，冇乜寫食評，但近排再行過，舖頭竟然已關門大吉，估計係小店店主捱唔到落去，不過希望店主嘅心意，有朝一日可以繼續番。當天我外賣咗個套餐，細擂茶飯配粟米餃，外賣用全紙盒裝，用紙袋，好環保，好有誠意，值得欣賞👍🏼👍🏼回家打開，滿滿驚喜，同佢傳單上嘅相片，係一模一樣，冇花冇假。打開未加湯時：可見粒粒花生，配菜都切到一粒粒咁，好仔細，仲有炸到一粒粒嘅飯。加咗擂茶之後：因為係綠色，所以感覺上好健康好田園feel，食落口有好多切粒蔬菜，一路食一路聽到「索索聲」。加埋粟米餃，簡直健康之選。多謝老闆嘅努力。希望有機會再去食到你的高質食品啦。

原本諗住上個禮拜試呢間 點知原來星期六日唔開 同埋知道佢地做埋今個禮拜五就結業 所以今日就走去試下 自己就完全無食過擂茶飯或麵 食完覺得幾特別 味道都算唔錯擂茶飯(細)配煎釀豆腐 $50老板會響你面前將擂茶倒落啲飯度🍃🍚擂茶湯底幾特別 有淡淡嘅茶香味 而且浸咗一段時間 啲飯會更加入味 而且配料都唔少 例如有豆角 乾豆腐等等 整體味道都唔錯👍份煎釀豆腐好好食🤤平時啲豆腐冇咩味 比較清淡 但係呢間小店整得好入味 而且煎得好香口 正吖🥰擂茶上海麵(細)配滷水牛展 $54擂茶味道同上面擂茶飯介紹差唔多 上海麵都整得淋身 不過會覺得擂茶飯好食啲份滷水牛展都整得唔錯 幾好食😋不過份量就比較少咗啲擂茶蕎麥麵(細)配韭菜餃 $48反而蕎麥麵相比之下冇咁好食 因為吸唔到擂茶嘅味道 感覺上爭咗少少咁韭菜餃整得麻麻地🥟因為上面嘅米漿整得太燶 而且之前有食過更加好食餃子 所以就覺得普通咗啲

成年冇行過去富榮花園嗰邊🤣見到都開左唔少小店🤤就決定搵間餐廳食晚飯見到呢間 擂茶館 食啲嘢好似幾特別🤤就決定食呢間🤣餐廳靠牆座位上面放左坐墊同cushion 坐得幾舒服☺️老闆好熱情咁介紹店舖嘅招牌-擂茶飯最後我哋就叫左擂茶套餐配瑞士雞翼 ($50)同埋 日式咖哩麻婆豆腐蛋包飯 ($58)我哋冇叫飲品 老闆就比左2杯高山茶我哋野食好快就送到☺️擂茶飯上碟嘅時候 擂茶同飯係分開嘅老闆幫我哋倒埋擂茶落啲飯度牆上面都有一張大poster講擂茶飯嘅食法我哋先飲左一啖擂茶飲落似五青汁嘅味道撈埋啲飯一齊食會比較易入口 食落好健康嘅感覺👍🏻都幾特別 香港都未見過食擂茶飯嘅舖頭雞翼有4隻 瑞士汁醃得幾入味👍🏻因為呢個係擂茶套餐 所以係細份嘅擂茶飯以男仔嘅食量黎講就唔係好夠跟著就係 日式咖哩麻婆豆腐蛋包飯 本身見到咖哩配麻婆豆腐日式架中式好似唔係好match咁😳但食落又幾夾🤣咖哩味好香 唔算好辣飯入面仲有少少茄子粒🤣整體黎講環境同食物都幾高質推介推介👍🏻

The signature dish at this little shop is the “Lei Cha” (traditional Hakka Tea) served with rice or noodles. They also have Japanese and Korean inspired dishes such as omurice and kimchi fried rice. Everything tasted great, food is on the healthy side so some people may find the food not flavourful enough but I thought it was fine! I liked that it didn’t have the strong MSG taste. Portions are a little bit on the small side, so I would recommend getting some snacks as well. The service was excel

上次途經擂茶館，喺店外見到廣告介紹客家擂茶飯，講到生津止渴，清熱解暑，仲健脾養胃，覺得好適合夏天養生😆，好想試吓🍴，所以今晚特登跑過來試菜😋餐廳裡面地方雖小，但今晚人唔多，唔使排隊就有位👍🏻我跟友人各自點了一份擂茶飯及擂茶麵套餐，選了滷水牛展及魚肉豆腐小食，仲有粟米汁同低糖豆漿👍🏻擂茶味道清淡，但加上多種菜蔬、蝦米蒜末、豆干、蘿蔔干同魚仔花生炒米，多重口感，味道好特別👍🏻下次一定要再嚟👍🏻

這家店開了幾個月。擂茶是客家菜。這次沒有點。只簡單點了泡菜豚肉湯麵。幾大碗，湯底入味。再加點粟米汁。吃得健康又好飽。店面裝修簡單，晚上客人不少，但不需等位。下次會再來的。

近日需要在這小店附近返工，已幫襯了兩次，每次都有舒適的感覺。加上食物真的是有特色，擂茶是很多地方有得食，其他日式飯類都相當好味，自家製的飲品，粟米汁杏仁汁好新鮮，亦、是令我會多幫襯的原因

下晝路過呢間野，餐廳正正落緊場，門口放左餐牌，睇左睇好似幾得意未見過既風味野黎（仲見到有個日式咖喱麻婆豆腐飯想試伏😂）就決定夜晚要番黎食飯👍🏻夜晚返到嚟，的確係小店嚟，只有幾張枱，但裝修都幾精緻同埋舒服，本身想叫大份既主打擂茶，但老闆都建議食套餐，可以試埋個小食，仲俾咗兩杯紅茶我哋飲添🤤紅茶唔記得影相，但飲落同出面嘅茶都已經唔同，茶味幾清澈，有種飲完想繼續飲既感覺😂到野食啦，主打就擂茶，我哋揀咗配蕎麥面同埋豆腐小食，老闆都好有心機教我哋食擂茶嘅次序，擂茶望落好似抹茶，但飲落好清淳，有種煥然一新嘅感覺，當中有唔少嘅配料，菜蒲，蔥花，花生，魚乾等等，各種配合下的確有唔同嘅結果產生，可以話係一樣菜多種味，但個人覺得蕎麥面底就爭少少，蕎麥面麥味太濃，同茶嘅清純感有點相違背，個人建議配飯就會好食啲😉至於跟餐嘅豆腐小食就非常之意外，佢雖然濃味但路會有味精既感覺，上面既似混合魚肉同埋豬肉，識落甚至有少少香菇味，同平時食開嘅菜式確實有唔同🤤同老闆傾落先知道，原來全部都係客家菜既一種🤤🤤第二樣嘢食就係咖喱飯啦，作為日式咖喱佢有少少嘅辣味，同坊間嘅日式咖喱有啲唔同，但佢既辣味又有啲錦上添花，配埋少許嘅忌廉

On a day off, boyfriend messaged me to say let's try this place for lunch as he said it might be something I'd love and to meet him in Yau Ma Tei. Called 擂茶館, it was located in Tai Kok Tsui. We got a little bit lost finding it as we walked into  housing complex and couldn't get out. Apparently, that was the wrong way. It was actually on a busy street and just  few minutes walk from Olympian City.The place was very tiny. Probably 4 tables in total that fit 4 people each. As we entered, the staff

喺附近諗緊食乜嘢，突然間見到呢間新開嘅小店，賣擂茶飯幾特別，於是決定試吓。見佢嘅簡介，擂茶應該係一種客家菜，感覺有啲似湯飯或者日本嘅茶漬飯，但係見到佢餐牌仲有蛋包飯食，所以就叫咗個日式忌廉野菌雞肉蛋包飯。忌廉嘅味道好濃郁，裏面嘅野菌都好多，雞肉就略嫌少咗少少，個忌廉汁仲有啲胡椒粉嘅辣味，食落好惹味，但係個醬汁嘅味道太濃，有啲蓋過咗蛋嘅味道，同埋食到最後都有啲膩。總體而言都係好食嘅！佢仲會包埋一杯茶👍🏻呢間鋪頭仲有買一啲無糖豆漿等等，下次再嚟應該會試吓個擂茶飯😆

駕車去油麻地電影中心睇戲前唔知食咩好，又唔想去奧海城食連鎖，想搵小店幫襯，朋友就介紹呢間新開嘅擂茶館！行過去都係三個字內，由電影中心駕車過黎唔洗十分鐘就到。未詳細介紹，先想總括一句：家的味道，價錢親民！擂茶館開左兩個月都唔夠，Google 仲未搵到地址，舖頭細細，座位唔算寬敞，但裝修簡約、氣氛輕鬆，小型聚餐或快食一流！擂茶館本身賣點係擂茶飯，唔係佢，我都唔知有種客家菜叫擂茶飯。鋪頭牆身貼滿擂茶飯介紹同食法！簡單黎講就係客家茶泡飯，入面會有菜甫、魚仔等配料，連唔同香料研磨成湯底倒入白飯食。味道清新同健康。雙拼，韭菜鮮肉煎餃/香菇粟米椰菜煎餃，味道足，好多肉汁，咬到粒粒粟米，好鮮甜！（心機位：同老闆娘傾完先知，係買新鮮粟米返黎逐粒粟米粒摵出備料！！！）朋友揀左日式咖喱鮮忌廉雜菌雞肉蛋包飯咖喱配忌廉香滑，不過略覺逛菌雞肉咪偏淡，我個人喜好濃味一D，朋友就覺得配埋咖喱岩岩好！我自己揀左泡菜炒飯，賣相平平，亦無平時出去食嘅午餐肉粒，反而有肉碎、豆角、大豆芽，一食之下，不得了！！！！夠泡菜味又有少少辣，惹味之餘，炒飯亦炒到粒粒分明，唔係一patpat或者油淋淋，加上有大豆芽，食落有嚼頭，落豆角同鮮

新開的小店,裝修得有點文青和小清新,雖主打自家製擂茶飯,但其他飯類及小食亦非常高質。今次試的是日式忌廉野菌雞肉蛋包飯,賣相與圖片一樣,味道亦很不錯,忌廉汁就好像'傑'身版的忌廉磨菇湯,味道很夠很濃郁,唯飯量較少。煎釀豆腐亦很出色,魚肉香脆,豆腐嫩滑。

哩排食滯左，食晏唔想食太飽就試下哩間。不過晏晝黎講，選擇較少，印象中得三個飯。$44一個套餐其實都值回票價，份量啱啱好。擂茶套餐有小食揀，我揀左蒸粟米香菇鮮肉餃。唔係皮多過肉，而且有肉汁，可以回頭嘅水餃🤤擂茶飯，偷聽到姨姨同隔離枱介紹話係客家嘢食，佢地再加啲芝麻定咩再改良下，絕無味精，得少少鹽調味。一開頭食有少少唔慣，唔知點形容，可能思想上覺得茶正常唔係咸味😂。會有埋蘿蔔乾、魚乾仔，但食落都ok ，食晒😊跟餐有紅茶，好似可以加錢轉其他嘢飲。有粟米汁、豆漿同其他茶。見到人地叫左冷泡茶，透明水樽入面望到個茶包，幾靚仔😍

店員嬸嬸很耐心的介紹擂茶的材料。擂茶有點花生的味道，也有綠茶的回甘，作為泡飯的湯料也沒有很鹹，下午茶來說份量也剛剛好。瑞士雞翼擂茶泡飯套餐還包括手磨豆漿一杯，可選擇有糖或無糖。