1
0
1
電話號碼
93419505
營業時間
今日營業
11:00 - 22:00
星期一至四
11:00 - 22:00
星期五至日
11:00 - 00:00
付款方式
AlipayHK 現金
食評 (2)
前言:獨忍第一次寫食評,就比左「撈家」同佢隻芝士雞烏冬希望寫完唔會得罪人,仲有半條命再返頭幫襯。Q:咁多外賣店,點解會揀呢家店?A:咁都要問,咪為左支持小店囉!!!(如果唔係疫情關係,我係好少去買外賣食,所以就算係就近小店的認識亦唔深。如果唔係某某外賣指南介紹,都唔知有家叫「撈家」既小店,佢避開左食店林立既虹橋青菱徑,係虹橋舊街巿既好勝大廈到努力生存中。有啲私心睇,因為都唔想小店呢個時候執笠,加上未食過,咪走去試下囉。)Q:環境正唔正?A:天生一副外賣相。呢個時勢,老實講都少左揀坐係店裏面食架啦。但係「撈家」既店內格局基本上係完全岩哂做外賣生意,店仔細細,得一張枱仔係通道,落單店員就係枱仔位置standby;而師傅(老細?)烹調食物既位置,就係隔離個個大大個既open kitchen。你無睇錯!係open kitchen! 呢個時勢最緊要係安全同衞生,冒住廚房既熱氣、大汗搭細汗都堅持要戴住口罩煮野食比顧客,做到呢樣,我覺得絕對係一家負責任既食店。係我行去「撈家」既同時,我觀察過附近既店,唔係家家店都肯咁做,而「撈家」既廚房師傅係其中一個肯戴住口罩煮野食既店,呢到要比返個讚佢希望下次去都係keep住,唔好鬆懈呀師傅。Q:服務態度同效率又點?A:誠懇既服務,野食即叫即煮,落單速度方面尚有進步的空間。服務態度同效率係中上既。由落單到野食出爐,大概就15分鐘左右(個陣加埋我有3個人等梗外賣),係合理既出餐時間。至於落單方面,店員應該係新手朋友,但亦可能因為咁,店員係非常認真咁逐字落單,又肯仔細地同我再確認多次。大家多啲幫襯,比多啲機會店員磨練下應該會進步神速(無收錢既賣廣告mode~)Q:食物份量同質素如何?A:份量達標有餘,鴨胸食得過。份量方面,由於我個日肚餓指數係去到有70%,因為驚唔夠飽,所以我決定落單叫雞扒滑蛋芝士撈冬+忌廉之外,再加底同埋加鴨胸。成個餐夾埋$61,都係一個晚餐貼近時勢既價錢黎既。製成品見圖:一開蓋,以為份量係正常size;一食落,竟然好似個無底洞咁,食極都食唔哂……芝士方面,量多到好似唔駛錢咁覆蓋哂成盒烏冬,但芝士量多既同時佢又唔算好濃好咸既芝士味,質感上係有啲稠。鴨胸:咸度同質感適中,同芝士烏冬夾得好。滑蛋,質感上未算係好滑,係傾向碎身同埋炒得熟身個隻,但佢既存在好似未能夠將呢道菜既味道推高向另一層次,反而可以當係另一道獨立既菜式,咁岩擺埋係同一個盒芝士烏冬到。雞扒:口感唔硬,唔係一咬就散,所以係可接受既程度。味道方面,唔算好濃味,可能我個人本身係食開濃味,我覺得炸物黎講,整得濃味啲通常會得人喜愛啲(純粹個人偏見XD),所以我覺得係無強烈腌料味加持下,相對起個芝士鴨胸撈冬,雞扒比我既感覺反而無咁大感官上既刺激。份量方面反而係令人震驚,你見佢要額外用一個碗黎裝個雞扒就知唔會少得去邊,當然佢亦都有可能係想炸物還炸物,分開放置先咁做。最令人意外既係,我係見到舊雞扒係有2舊既!(因為食個陣無諗住認真寫食評,所以無影到雞扒全相,有機會會影返)唔知係啲雞扒本身係1大片剪開左變左2塊雞扒,定還是廚房師傅好人比多舊。總知最後我係盡哂力都食剩左少少雞扒…有啲內疚…Q. 再次幫襯?A. 其實已經幫襯左第二次XD....當日只係叫左一款菜做外賣,暫時唔可以話呢道菜係呢家店最應該試既菜。但後來我做二次幫襯既時候,發現原來有另一道菜係超越佐呢一款,佢就係「沙嗲豬扒撈冬」啦!食第一啖個陣,豬扒味道同口感係完勝雞扒~~如果有機會再出post介紹~Q.其他建議?A.「比啲掙扎」!!!加油呀!!!! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-11-10
1370 瀏覽
容許小弟講句,求其開間舖做老闆食物求求其其就算,煮食唔該認真d第一次去買佢地d餃,居然入面係凍冰冰第二次見佢有餐牌放出黎,趕時間睇一睇點知又中伏多一次先講炒烏冬, 睇見已經唔開胃,我係咪食梗齋?係飯盒底摷到一條約中指咁長既肉絲!然後呢盒野就賣32蚊?再講味道,炒野完全冇炒野既味道,夠膽死用電子爐炒野,難食之餘仲要完全冇味😅再講羅白牛腩飯,牛腩d毛多到呢,有兩條應該唔似牛既毛,成盒飯都冇食到,再試下d羅白,羅白係甜幾好味既!但成盒野都係凍既,叫我點食😥呢間舖……捱唔耐,我都未試過有飯盒d飯未食就丟左入垃圾筒😥講真一句,30蚊係紅橋朗x爸爸已經可以買到個好味 飽肚既飯盒,點解我要幫襯呢間野? 繼續閱讀
(以上食評乃用戶個人意見 , 並不代表OpenRice之觀點。)