92
7
1
港鐵銅鑼灣站 C 出口, 步行約1分鐘 繼續閱讀
電話號碼
25651111
開飯介紹
新派粵菜館,裝修以現代風為主,提供特色點心,例如,西班牙紅蝦水晶餃、和牛燒賣和乾炒澳洲M7西冷牛河。 繼續閱讀
營業時間
今日營業
09:30 - 17:30
星期一至日
09:30 - 17:30
公眾假期
09:30 - 17:30
公眾假期前夕
09:30 - 17:30
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
其他資料
網上訂座
餐廳運作模式 - C類
Wi-Fi
酒精飲品
切餅費
VIP房
電話訂座
賞訂座積分
加一服務費
當面支付
有關獎賞計劃
食評 (104)
等級4 2022-01-01
142 瀏覽
聖誕期間,當你突然有飯局但又未book位,呢個時候你腦入面只會諗到一個選擇 ~ 食中餐,果然真係仲有位,感恩呢間餐廳係新派中菜,主打精緻點心,亦都有中西合璧既fusion 菜,一入餐廳門口就有個書架,入面亦都有好多花既擺設,喇叭係D字頭喇叭,餐具亦都好靚,非常講究青蘋果叉燒酥賣相好似個青蘋果咁,酥皮好鬆脆,但個餡就唔係好食到有蘋果肉,味道就係一個普通叉燒酥鹹蛋黃竹炭蘿蔔絲酥餅用上竹炭粉將個酥皮變成黑色,底部有d芝麻,面頭撒上鹹蛋黃碎,蘿蔔餡料亦都好足,酥脆內軟酸辣土豆絲唔止酸辣咁簡單,仲有麻,食落都幾辣下,土豆絲好爽脆,刺激又開胃拔絲咕嚕肉咕嚕肉外層被糖漿包圍,外層微微脆口,入面啖啖肉,個肉一d都唔膻,味道不錯芝麻雞半隻芝麻雞整得好脆呀,芝麻既香味再加埋雞皮既油香,真係好難忍到口唔食埋塊皮,肉質都仲好嫩,好食乾煸黑毛豬肉崧芥蘭無諗過芥蘭會係咁樣呈獻,師傅真係好花機,只保留芥蘭最嫩個part,又嫩又甜,黑毛豬肉崧可以再煮得乾身d生炒M7和牛飯炒飯炒得夠乾身,但我就覺得M7和牛係個炒飯入面唔係好突出,可能切得太細粒,感覺同普通牛肉差唔多整體環境舒服,食物賣相同質素都不錯,連茶葉都係來自英記茶莊,待應亦都好smart好有禮貌,最開心既係個日佢無限時,可以一邊同朋友慢慢傾慢慢食真係好難得 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-18
969 瀏覽
🌹突然間想吃點心,時間早又想搵一些特色食店用餐,想起銅鑼灣《探花》這間食店開張已經想去,曾經訂位兩次,但因事不能前往,今早行山前可以去探店,最重要是開門時間可以配合到我們活動。🌹在OpenRice預訂座位,我們是第一台客人,餐廳面積不大,有花系牆的裝飾,粉色的檯椅組合擺放,打卡是好看的。個人覺得環境較雜亂,早到還可以在無人位置打卡,坐了客人較難影到好的相片。服務員最初安排在室內,經要求下我們可以坐到一個窗邊位置,服務需靈活變通好例子。叫來賣相好的點心🥢鮑魚酥⭐️⭐️⭐️較細小,香酥娥姐粉果⭐️⭐️淋淋的,餡料薄弱晶瑩蝦餃⭐️⭐️蝦稍硬,不爽口鹹蛋黃竹炭蘿蔔絲酥餅⭐️⭐️⭐️⭐️皮酥鬆,餡料充滿蘿蔔香青森蘋果叉燒酥⭐️⭐️酥皮稍硬,餡是蘋果义燒粒,感覺稍甜馬拉卷⭐️⭐️⭐️蛋香,鬆軟加評茶錢每位客人收$28,個人覺得貴,收費比酒店更高,我們是付款才知道😆個人評分食物味道飲品(用英記茶葉,但收費高)環境(椅子對個子小的我,感覺不舒適)服務衛生抵食回頭率 繼續閱讀
(以上食評乃用戶個人意見 , 並不代表OpenRice之觀點。)
《🥢又靚又精緻嘅點心,服務超班🉐》今次呢間餐廳真心推介,除咗嘢食好食,staff service十分好👍🏻每道菜都講解點做點煮嘅,一開始又問我哋有咩唔食,再介紹招牌菜俾我哋,佢唔止問我哋一枱,而係每一枱都問👍🏻又同食客傾吓偈交流吓咁,好有禮貌👍🏻食食吓佢突然拿住安心出行問每一枱掃咗未,我哋望吓出面原來疑似有機會被check,我哋驚訝係佢咁忙,跑足全場咁都留意到出面嘅環境,再提顧客,真係犀利👍🏻佢service好到連我老公都話要問佢咩名要讚揚佢(經理Kenji👍🏻熱誠有禮嘅招待)我諗以前到而家食咁多餐飯或者買咁多嘢,都未試過遇上咁好嘅服務,真心outstanding👍🏻講咁多service係因為佢真係好好講返嘢食啦🤣上網睇好多點心都好得意咁,樣樣都想食~但2個人食唔到咁多,揀啲最想食嘅:💟紫雲淮山🥢💰$68紫色嘅淮山好靚又特別😍Kenji話係用紅色火龍果汁令淮山上色,食落清新,淮山高纖維助瘦身排毒、補肺生津,食完自我感覺良好🤣🉐推介🉐🍏青森蘋果叉燒酥🥢💰$46/2件外型成個青蘋果咁,十分精緻,食落外皮好酥脆,入面嘅叉燒同叉燒汁都好豐富,好味🉐推介🉐🐮一口和牛燒賣🥢💰$68/2件木魚絲佈滿表面,下面係一片和牛,再有粒燒賣,有木魚絲一齊食都幾得別,燒賣蝦肉多👍🏻🥕鹹蛋黃竹炭蘿蔔絲酥餅🥢💰$48/2件本身飲茶都好鐘意食蘿蔔絲酥餅,但唔係間間茶樓都有,今次呢個仲要係黑色嘅,賣相特別,仲有好多鹹蛋黃碎,連埋一齊食好好味👍🏻酥餅夠酥脆,有鹹蛋黃本身都加好多分🉐推介🉐🦐水晶大蝦球🍤💰$168一上枱好驚喜,蝦嘅造型好豪華,中間蝦身嘅肉爽口彈牙,醃得入味👍🏻蝦頭係用咗椒鹽炸所以都可以食埋👍🏻🉐推介🉐🌬煙燻京葱頭抽煎牛頸脊🐮💰$288好大碟😍有6塊牛,好香牛味!頭抽汁有啲甜甜哋,好味!如果食到覺得膩,可以食件京葱,汁煮過嘅京葱又香又甜,可清清口腔👍🏻🉐推介🉐🦐古法紅蝦炒新竹米粉🍝💰$148本身鐘意食新竹米粉,但無諗過佢嘅炒米係可以好食到咁😍Kenji話呢道菜係考廚師功力,炒得好唔好,夠唔夠乾身~又真,炒米好夠鑊氣,炒得乾身👍🏻超好食!🉐大力推介🉐🍫雙色流沙煎堆仔🍡💰$42/4粒有奶黃味、有黑朱古力味,放入煎堆到都係一個幾新奇嘅做法,炸得香脆又唔油,大讚👍🏻好好食😋🉐推介🉐💰$942/2ppl⭐️5星/5星🈵分 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-03
840 瀏覽
長文慎入,不過好野就講多兩句啦😆✨首先我係一個花痴,所以超鍾意充滿花花既環境🥰我最鍾意係佢地既茶具,覺得自己好似hightea緊,顏色又靚🙈🙈感覺係用西式既茶杯飲緊中式既茶,連茶葉佢地係選用老字號英記茶莊👍🏻🌷西班牙紅蝦水晶餃 $58/1一籠入面係有一蝦一餃🤣🤣蝦餃外層顏色特別,外皮用上紅菜頭汁去整,絕對唔會用人造色素👍🏻入面全部都係爽口彈牙既蝦肉😋大大隻紅蝦,配埋煮左好多個鐘由紅蝦頭煮成既汁,加入白蘭地,車厘茄等等調味….成個蝦味Up Up Up⬆️ 🌷青森蘋果叉燒酥 $46/2我咁鐘意打卡係一定會叫呢個🤣🤣餐廳自創加入青森蘋果做叉燒酥餡料,外層再用菠菜汁做成綠色酥皮,外型似足一個青蘋果🍏非常之吸睛🥰🌷鮑魚酥 $68/1鮑魚唔止炆得好入味,size仲比我喺五星級酒店飲茶食既大粒👍🏻底層菇粒好爽口,食得出唔係預先一早整定,因為酥皮保持乾身極度鬆化,有埋金箔好有貴氣😉🌷牛肝菌M7和牛粒 $288一口咬落和牛粒超香既油花滲出,果然真材實料用M7😋😋牛肝菌炒得好香,好有鑊氣👍🏻👍🏻個汁好味到我地連個脆脆鳥巢都食晒🙊🙊🌷拔絲咕嚕肉 $158呢個拔絲咕嚕肉又真係幾拔絲🤣🤣就算凍左都仲拔到粗絲🙈不過放心,食落唔會太甜👍🏻雖然冇講明係用咩豬肉,但係識得出都係靚野,有口感之餘又唔會韌,正😋🌷黃金大蝦 $218呢個黃金大蝦,除咗有鹹蛋黃味,仲有好重既鮮蝦膏味,食落特別滋味😋蝦頭炸到好鬆脆,亦都清得好乾淨,連唔知炸蝦頭可以食既朋友食完都讚不絕口🙊🌷拉絲雪燕流沙煎堆 $78/2雖然已經食到好飽,不過總係要有個甜品先係完美😈我地試咗餐廳Signature 甜品之一既拉絲雪燕流沙煎堆,外層鋪滿拉絲雪燕,含豐富植物膠原🤗入面係熱辣辣既流沙餡,好流心好香,成餐飯食得好滿足🥰🥰💕好欣賞佢地所有野都係熱辣辣上枱,熱度對於中菜來講真係好重要🤣🤣而靚靚既擺盤亦都好加分👍🏻✨另外要讚讚餐廳所有職員都好helpful👍🏻特別要讚下Kenji,就算佢地好忙都好,都樂意向每枱客人介紹菜式同埋特點🥰味道、賣相、服務、環境都咁好,所以平日7點左右已經全場爆滿🙈 繼續閱讀
(以上食評乃用戶個人意見 , 並不代表OpenRice之觀點。)
一路都聽聞呢度嘅點心好出名,終於可以喺晚市黎試一試!的確名不虛傳,齒頰留香!👍🏻西班牙紅蝦水晶餃有一隻紅蝦另上,蝦肉鮮甜美味,匙羹下有濃濃嘅蝦汁,配上九重塔嘅淡淡香氣,非常建議大家一啖食哂!而水昌餃內既蝦肉更加出色,同樣有原隻蝦肉,彈牙豐腴。👍🏻水晶大蝦球原隻大蝦,蝦頭要用巨型去形容。蝦肉分割咗出嚟去烹調,蝦米同蝦頭則用咗椒鹽方法,一菜兩味爽甜水晶皮非常薄。👍🏻豉油王鮑魚開頭感覺豉油王嘅煮法會相對上比較普通,但係呢間餐廳煮落鮑魚度味道卻升華咗好多,$138一隻五頭鮑,大過半隻手掌,小編覺得都值得一試。👍🏻鮑魚酥另一道鮑魚嘅菜式,酥皮鬆脆可口,不油不膩。酥皮上有蘑菇粒蘿蔔粒,增添左口感。鮑魚帶有適量嘅醬汁,但係完全冇影響到酥皮!餐廳更加利用青瓜做咗一個模仿提子嘅小拌碟,精巧細緻。👍🏻鹹蛋黃竹炭蘿蔔絲酥餅鹹蛋黃味好出,啖啖蛋黃碎鋪面。竹炭既味道比預期中濃厚,蘿蔔絲濕潤帶點微爽!👍🏻蝦膠煎釀帶子超級精緻嘅菜式,裏面夾雜着帶子同蝦膠,薄脆既外皮,炸粉完全冇過量。鋪面既鹹蛋黃碎帶來咸香。👍🏻拉絲雪燕流沙煎堆又係一款比較少見嘅點心,煎堆口感煙韌,奶黃流心爆棚,入口順滑微蕩。雪燕清甜,滿瀉。唯煎堆下墊有青瓜,令外皮有份青草香,見仁見智。👍🏻👍🏻餐廳連茶葉都非常講究,選用英記茶莊,茶香較醇亦夠濃。👍🏻👍🏻餐廳環境圍繞着好多花花,好似置身於另一個地方咁樣~ 繼續閱讀
(以上食評乃用戶個人意見 , 並不代表OpenRice之觀點。)