排排座食屋 (已結業)

在葵興地鐵站, 呢間食堂的質素一直保持, 在物價高涱的時代一個午餐價錢維持40-50間難能, 雖然午餐時間只能有5個餐的選擇由40-46蚊不等, 涷飲再加3蚊, 但每天轉菜單, 保持新鮮感, 而且以快餐而論是有誠意的小店, 而且味道都好OK, 所以午飯時候經常等位, 而受歡迎的午餐到1:30已賣完, 呢個就是佢最大問題.

Came here during lunch hour waited table for about 10 mins. It is my second time here, they offer great service however their food sells out really quick. Rice and angel hair was sold out that i had to order spaghetti. Curry is good but only wish to order it with rice~

因為係葵興返工，同事介紹呢間，話下午茶抵食又好食，於是lunch就遲d食，兩點開始下午茶都唔算遲。友人極力推介焗野，有焗飯、意粉、天使麵同薯蓉揀，真係即叫即焗。我叫左焗豬柳飯，好有驚喜！汁夠多，調味剛好唔會過鹹，米係珍珠米一d都唔削。舊豬先好食，平時d豬咬極都咬唔開，呢舊好鬆軟！有六七舊，足料！友人點菠蘿雞扒，聽落伏，但只係加舊菠蘿，洋蔥汁上，試左啖飯都唔錯。除左焗飯，仲有米線、肉燥飯、即炒意粉等等，包野飲都係40蚊，下次再試！

因於小店附近居住,所以由小店開張至現在都有幫襯. 早,午,下午茶都有. 絕對是誠意,有質素的店舖. 以這價錢,是物超所值的. 我和家人於不同地區食飯時. 都會有感想地說有質素的食品和價錢抵的都是這一間. 以及幫襯咁多年. 　逐漸知道這老闆和老闆娘是一個難得的有人情味. 對客如此. 對員工亦如此. 自己打工咁多年, 咁有人情味, 良心的老闆真不多見. 所以都想推介一下. (即使未寫過食評. )

呢間餐廳，因地點便利 同 水準穩定 ，即使比同區既其他茶餐廳貴少少 ，午市同早市都係人頭湧湧所以要坐定定食都係要下午茶時間去但下午茶時段 炒pasta 唔係日日有ga冇炒pasta 個陣 我會食焗野另外 佢飯類 分量 絕對夠一個大男人食 我最 推薦 推薦 推薦 就係佢炒pasta佢仲可以揀 天使面 或 烏冬 ，不過天使面都係唔係時時有今次食左 D 跟意粉 睇落唔大份，但絕對飽肚一黎到，噴住煙上台，再望清d，佢個面有香草配料新鮮兼爽口，有洋蔥同三色椒我估佢係用茄膏，因為有蕃茄衣ga，所以唔會好似茄醬咁，意粉係會掛住時蕃茄蓉，口感比茄汁炒個啲，係豐富啲ga辣肉腸一啲都唔係流野雞肉腸，而係黑椒腸，肉好實，腸衣同肉餡都好有咬口，仲要唔係一兩粒薄chichi ，係差唔多啖啖都有肉ga調味方面，一流，有一個食材係相睇唔到，就係芝士，佢炒既時候加入左芝士，所以一路食，係睇住有拉絲因為用料好實在，調味從來唔會過火，所以味道真係好，而且水準一直都好穩定當然 飲品 真係麻麻 ，環境因為最近裝修左，茶餐廳咁從排排座既食品，即使貴少少，都值回票價，係我comfort food 之選

食物的熱度剛好，而且不同餸的汁及醬都不同，所以可唯根據自拍想要的味感而購買。我會食到有芝士味，而且可以拉到一候線出來的，而且當我食到最後一口時，都依然會有醬的，所以我覺得剛好，雞排都煎得很好食，不會濃掉的，而且很大片。而且奶茶很好食，是用碎冰的，所以奶和茶的分量很剛剛好，喝到日最後一口都有味道的。

新公司搬左去葵興，就周圍試下附近的餐廳，我覺得呢間都不錯，我叫左個B餐，係黑椒汁帶子牛肉粒長通粉，黑椒汁唔太辣口，帶子應該係素食果種，因為係一卷卷咁，好似蟹柳咁，但係牛肉都幾"林"，又入味真係幾岩送飯呢類清清地既野，但係我叫左長通粉，其實都係貪好特別可以叫長通粉，但係長通粉唔點汁，就咁食都有味，一點點咸咸地咁，我喜歡這種味道，好似媽媽以前煮的味道，真係不錯呢。雖然1點去的話會好多人，公司人多可能要分枱坐，但係老闆、侍應的服務真係幾好。

環境同普通茶餐廳差唔多，下午茶時間有啲逼，但係啲野食唔錯，幾西式，叫左個鮑魚片鴨胸煎蛋拉麵，賣相好得體，有小蕃茄同翠玉瓜做配菜，重有香草粉、芝麻同燒汁做裝飾，頗 吸引。 味道方面就冇乜驚喜，鮑魚片同鴨胸同一般超市賣嘅一樣味，個湯個人而言唔太夠味，個煎蛋反而整得幾好，個蛋黃半生熟，有少少蛋汁但唔會成灘黃咁濟。杯檸茶普普通通, 但有4-5片檸檬,幾足料。野食都幾多選擇，見到有人食薯蓉同扒餐都好吸引。價錢都算合理。

星期六，中午12時，帶囝囝去葵涌上堂前，在地鐵站旁搵食。沒有選擇之下，只有地下一層有茶餐廳，見到門口擺設，對店內食物沒有任何期望。踏進店內，即有店員有禮帶位及招待 。店員殷勤有禮，這是意料之外。真係好想比個 like 佢。 點餐後食物，飲品，很快便端上來，但我沒有電話先食的習慣，只好形容一下。食物擺設精美，豬扒ok，火腿是煎過的，覺得超有誠意啊！蛋是麥記的圓形煎蛋，而蛋黃是剛剛熟的，最啱小朋友，米飯是珍珠米，煮得好好，很有口。離開時，開始人多，老闆話12:30前走，還可以有$4折扣。

葵興呢間用心經營既小店一向深得我心只可惜因為人手不足不久前停做晚市我食過呢款燒汁豬柳焗薯蓉幾次 次次都大滿足！ 除左上面鋪滿既mozzarella cheese令我食指大動之外 煎香既豬柳配上自家製燒汁 薯蓉無用薯粉開 仲有粒粒分明既薯粒係入面 配杯凍奶茶 滋味無窮！  而家好多人講求性價比 35蚊 35蚊咋！夠兩個女人 一個男人食架啦 可以當為晚餐 反正而家流行早食晚餐早吸取食素既朋友可以選擇佢既雙花焗薯蓉

我食飯唔影相的，何況只係落屋企樓下食lunch，所以唔好意思，只好用文字推介！這些有質素的地區小店真的很需要大家支持。我住葵興，出九龍返工，有時星期六日都要做野，所以如果剛好星期六有空閒時間，我都會把握機會去排排座食lunch（佢地星期日和公眾假期唔開，平日又好早收，所以好難遇上）。排排座大約是三年前開的，一年前才第一次幫趁，一試之下，大呼驚豔，自此星期六有機會都會去，至今大約食過十幾次，試過一次早晨、一次非午餐時段的意粉，其餘都是午餐。午餐有5-6款，總是包括一個湯麵、一個扒類、一個咖哩、一個焗野，但沒有vegetarian option。我90%時候都會選A餐，即湯麵／烏冬／米線，好像多數都是豬骨濃湯底，配料好得意的，總是有兩三種東西，感覺好像自己煮野食，甚麼想食的都放下去。例如蟹子丸+烚蛋+雜菜，有時卻是魚皮鮫+煎蛋+煙肉，甚至吉烈帶子、蝦餅、蟹棒等等，總之跟一般茶餐廳有點不同，較像是一間fusion茶餐廳。除了A餐，也試過有扒的那個餐和咖哩，咖哩好好味。飲品方面，通常都叫檸水／檸茶／華田等等，正正常常，當中凍檸茶不錯（我飲少甜）！不過，他們在大約半年前開始，凍飲轉用即棄膠杯裝（

在葵芳工作數年，有感葵芳越來越少好而平民化食店。即使是好食店，人流也絡繹不絕，每次也需要等候一段長時間才可入座，水準也浮沉不定。難得這一天和同事有空間時間，便走到葵興一嚐這一所日式茶餐廳。時間是早上接近午市時段，當到達門口觀看餐牌，服務員便熱情地歡迎並邀請我們盡快下早餐單。當我們道明想吃午餐之來意時，服務員也毫不吝嗇地邀請我們進內稍坐一會。如斯熱情而真正照顧顧客的服務態度，與大多餐廳之「食完趕人走」態度相比，確是難得一見。早上11時，服務員便準時地轉午市套餐餐牌，午市套餐每天不同，也隨即點了一客。或許是剛開始午市之關係，20分鐘後我們才開始用餐，不過這是可以理解的。1. 咖哩薯仔蝴蝶蝦飯($38-)咖哩薯仔蝴蝶蝦飯香濃而鮮甜，而且不大辣，確實是正宗日本煮法。餐廳所提供之配料十分多，蝴蝶蝦提供了三件，也下了很多薯仔下去煮，誠意十足。蝴蝶蝦之外皮十分滑，有點像在酒樓吃腐皮之感覺，蝦也炸得十分脆。兩款菜再配上香草飯，整道菜便是香噴噴的，也能享受日本咖哩因為配上不同食物所帶來不同層次。熱朱古力是一般茶餐廳的水準，不大甜也不帶苦澀味，也許餐廳希望食客自己下糖吧。店裡不多人，只有電話聲此起彼落地響

排排座食屋就在我屋企附近，可惜逢星期日都休息，一直都冇機會同老公試！其實之前見客食過一次tea架啦！7月初試過呢個雞柳腸仔焗意粉︰印象中$34蚊跟熱飲，份量中規中矩，送上來果陣有D失望，只見兩條芝士腸，點知原來好多雞柳隱藏在意粉下面架！佢個白汁做得好，唔會好漏，但每條意粉都有沾到白汁，食完剛好飽飽，印象不錯！今次捉老公陪我食tea，同上次一樣，2點左右去到，但係幾乎全場滿坐！呢間食肆睇黎真係好受歡迎呀！香草燒豬柳配濃濃的黑椒汁意粉，仲跟一大塊火腿同埋煎蛋，見到都開心！火腿、蛋同埋配菜係一般貨色，塊豬柳就係正野了，煎得夠香，又易咬開，唔會黏住D牙，而且好大塊架，抵食！意粉份量都多，黑椒汁都幾辣架！怕辣的朋友可能揀蒜蓉汁好D，我呢排胃口差，個黑椒汁就夠哂醒胃！呢度服務都唔錯，雖然人又多又逼，侍應都好有禮貌。美中不足係兩次去飲佢杯熱檸茶都偏苦，可惜我唔飲咖啡奶茶，下次可能改飲好立克好了～

葵興廣場尋食店, 由2/F行落G/F都尋不到一間合心水, 忽然右面傳來幾聲:「喺咪食早餐, 快d入嚟做埋俾你地。」原來轉角遇到「哦 名乎其實角落(鋪)頭」, 差不多鑽石型面積鋪頭冷氣強勁, 顏色以橙色為主調, 小小的餐廳竟然有六、七位侍應生, 可算是一對一服務早餐F $28, 可從雞扒、煎豬柳、吉烈豬柳、吉烈魚柳、煎魚柳裏選一, 再從火腿、餐肉、腸仔、煎蛋裏選一再加多士、薯餅, 選配洋葱汁、黑椒汁、他他醬或沙律醬。吉烈魚柳配煎蛋、薯餅...魚柳肉質滑但碎濕濕, 煎蛋有脆邊但全熟、薯餅是現成貨, 炸透雞扒配煎蛋、多士...雞扒的皮已烤脆, 下刀去切「咔嚓、咔嚓」響徹心靈, 並且立刻有點雞油汁溢出 肉質滑溜, 香脆可口 熊媽把脆邊全熟蛋放入多士內, 塗上他他醬及沙律菜 好一道清爽三文治

太久沒敲鍵盤，寫完一篇令人氣炸的食評後寫一篇讚的調劑一下身心。今次選的是一家完全不起眼的快餐店，之所以我將之定性為快餐店大概是我只光顧過早餐吧，但已足夠寫一篇食評讚一讚這家好店。我不敢說排排座是一家頂級的快餐店- 我怕後果就如荃灣嘉樂冰廳一樣，我也是其中一份子導致今次嘉樂擠個水洩不通，抱歉。我只想說，論價錢而言，今時今日可以找到一家仍有大大份20元早餐的餐廳數目著實不多，特別是排排座非常鄰近地鐵站，這個價錢也太划算了吧？其實餐牌有很多樣選擇，西式的早餐如煎蛋、腸仔、火腿、多士之類的，比較中式的餐蛋麵之類的，可是這裡我獨愛蕃茄湯米粉/可選麵，味道濃郁，足料，份量已夠一名男士作午餐- 份量當然因人而異。其實我早餐不喜太飽，容易飯氣攻心，不過這碗米粉的湯底不僅是濃濃的蕃茄茸餚製而成，更有薯仔、栗米、洋蔥、菜絲及雞柳配成- 可選肥牛，可是我覺得雞柳應該會配一點，味道特濃，雞柳似有輕輕烘過，偶然會吃到脆雞皮，雞肉也算嫩。主角完了，還搭配了一顆蛋和厚多士，厚多士當然沒有高質素時期的民華和澳牛般脆，不過偶然會選用提子包，包本身帶甜，加上塗上的牛油均勻，非常滿足，論價錢而言，早餐大約HKD20-24左