62
30
27
餐廳: 挪亞度假酒店豐盛閣
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
電話號碼
34118836
34118837
營業時間
今日營業
11:00-22:00
星期一至日
11:00-22:00
付款方式
Visa Master 現金
座位數目
150
其他資料
酒精飲品
電話訂座
加一服務費
海景景觀
食評 (123)
等級3 2017-10-17
62 瀏覽
之前睇過有個研究話,一樣食物好唔好味,取決於色﹑香﹑味,仲有對象同埋環境今次呢餐,我覺得真係五樣都有哂首先個馬灣靚景已經無得輸,呢晚仲要係夜晚,夜空再加燈光的映襯,真係陶醉到不得了再加一班好朋友一齊,實在太開心食物都好高質,特別係啲蝦,真係太誘惑性感了,光澤飽滿的線條,再加咬落口彈牙軟滑的口感,真係令人忍唔住一食再食。仲有這幾款外表沒那麼起眼,但同樣味道高質的菜色,格仔餅雖然平平無奇,但勝在火喉恰好,又厚薄適中,愛吃格仔餅人士必試。魚生好新鮮,入口軟潤,同樣水準上乘當然要有美味甜品才滿足,甜品實在款式多多,我也忘記了哪款打邊款,總之就係正,不過都有幾款我認為太甜太重口味了,相片這兩款就味道適中,又讓人回味,特影了相讓大家一試。快樂嘅時間過得特別快,又係時候講BYE BYE,我們作戰到最後,眼見全場只餘下我哋一台,只好帶著滿足的心情離開 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-07
903 瀏覽
馬灣出名風景靚,可惜之前一路都冇機會去。今次屋企人話要去挪亞方舟食buffet,有buffet 食喎,幾忙都要去啦先唔好講食物,入黎對住個海,望住個夜景,都已經好滿足,心情即刻放鬆晒。我諗呢度應該係全香港擁有最靚景嘅buffet~呢度嘅食物選擇相對其他buffet少一D,特別係熟食方面,不過整體而言食物質素都唔錯,性價比幾好~先黎嘅就梗係冷盤~雖然呢度冇我最鐘意嘅生蠔,但選擇都算幾多,有硯、青口,蝦、長腳蟹等等,同埋4-5款刺身。一開始唔知D野質素如何,每樣都只夾一兩件,但食落發現D海鮮夠新鮮,有甜味~咁多款之中我最鐘意硯,多次encore~刺身夠厚切,八爪魚爽口食完冷盤就到熱食啦~個人覺得有幾款都唔錯。豬手嘅皮仍然有微脆,而肉夠腍,點埋芥辣食唔錯~避風塘炒蟹好香口,個人唔太食得辣就覺得有D辣,食得辣嘅人會更加可以享受到。炸軟殻蟹我一開始特登揀舊細D嘅,炸野好易中伏,因為放得太耐就會又油又硬唔好食。但食一啖之後有驚喜,同我想像中嘅唔同,如果佢岩岩炸起應該會更開心~而呢個葡撻仔我都好欣賞,微熱,唔會過甜,又有個份蛋香味;酥皮一層層有口感,如果唔係因為要留肚食其他野嘅話我都會再食一個呢度好特別嘅就係佢有個戶外嘅燒烤檔,有好多唔同款色即叫即烤嘅食物。而我就叫左其中幾款黎試下,燒蠔,燒靖魚,燒粟米,燒五花腩同埋我大愛嘅燒菠蘿‌~燒蠔夠晒高級,最多只可以叫2隻,蠔夠鮮甜,不過我都係鐘意食生蠔多D~靖魚不過不失。燒粟米火候幾好,唔會太乾。而我大愛嘅燒菠蘿當然仍舊出色另外見到佢有個即叫即整嘅意粉,可以自己揀醬汁,配料同埋麵,覺得幾得意,就叫黎試試。配料同麵嘅份量可以隨你加減,唔駛擔心會太多食唔晒。最後就到我最愛嘅甜品環節啦~除左呢度影嘅之外,我仲試左個梳乎厘。梳乎厘偏甜,但口感好好,空氣得黎又滑,值得一試~Tiramisu 唔錯,口感滑漏,個人唔太鐘意酒味,而呢個tiramisu 就岩我口味。咁多甜品之中我最欣賞係個桂花糕,清甜得黎有陣淡淡嘅桂花香,好高質,唔輸比我係出面食過嘅桂花糕~咁樣可以悠閒咁享受美食同望住個靚景,真係好正~有機會真係要再黎~ 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-07
554 瀏覽
這天陪朋友湊仔,去挪亞方舟玩了一日,發現那裡真的很適合一家大小去,不像平時的主題公園,那裡的活動比較有教育意義,而且沒有機動游戲,不用排隊,空間十足,是孩子放電,大人放鬆的好地方玩完一整個下午,就要去吃一吃自助餐補充體力.我們被安排坐在面向海景的位置附近,真是幸運! 望著大海吃飯,特別寫意。本以為這個價錢不會有很多美食,其實不然,雖然沒有生蠔,但眼見也有不少海鮮,尤其是蟹,身為蟹王的我當然心花怒放先來一碟長腳蟹、麵包蟹長腳蟹的海水味雖然不太重,但味道不錯,最後我吃了7隻蟹腳麵包蟹就一般,多肉但不夠鮮甜右上角長方形的是蟹肉蔬菜凍批,蟹味清清的,加上有蔬菜,感覺很健康還有不能少的刺身, 刺身選擇都算多,而且都是我喜歡的,還有朋友喜歡的三文魚。刺身很新鮮,而且厚切,更不會限制你一次只能拿幾片這樣的待客之道令人很滿意小記: 第一次見識了帶小朋友吃自助餐的的食量,他當然不會像大人一樣覺得要吃夠本,他吃了他平日最喜歡的食物 : 沙律和 jelly (當然還有其他)。但因為這裡的價錢比較相宜,就算他吃得不多也不會覺得肉赤, 看見小朋友吃得那麼享受,我也很開心 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-06
588 瀏覽
難得放大假,一群朋友相約去馬灣挪亞方舟度假酒店食自助晚餐。先不要說食物,對住個靚夜景同亮燈的青馬大橋,已經值回票價。今個月酒店推出以「蟹」為主題的海鮮自助晚餐。海鮮有長腳蟹、紐西蘭藍青口、太平洋大蜆及熟中蝦,長腳蟹係必食,蟹肉好鮮甜,個姐姐仲會不時refill。青口同大蜆就一般般。仲有壽司,刺身等,有三文魚刺物、吞拿魚刺身、鯛魚刺身及加州卷等,都幾好食熟食有我最鐘意食的豬腳薑同清湯牛腩。豬腳好淋,且夠濃味,蛋夠哂入味。清湯牛腩d蘿蔔好淋,索唒d 清湯牛腩的味道,d清湯不會太鹹,飲完唔覺得口乾。仲有葡撻好好食!BBQ 都唔錯, 廚師有禮貌,燒羊肉,好味,不會太蘇,燒菠蘿, 菠蘿夠甜,而且充滿水分。甜品方面,有梳乎厘,班蘭蛋糕,dreyer's雪糕,但甜品我覺得略甜。整體來說,環境十分優美,食物有質素,價錢便宜。下次會encore!!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-10-06
471 瀏覽
朋友一家約埋我星期六一齊去玩,慶祝連續三日假期,我就提議去挪亞方舟,因為可以俾小朋友放下電,我地又可以落下隔離馬灣沙灘,遊水加睇夜景。玩左成日之後,walk in去食buffet,見到都唔算多人,個場地環境唔錯,擺野食嘅地方都好整齊。我地坐係靠窗位置,可以望住青馬大橋食野,個景唔錯呀,我地食食下仲見到佢著燈。好多野食可以拎呀,三文魚刺身幾新鮮,不過就有少少根。我對海鮮無咩興趣,所以都係食燒烤同熱食。我覺得佢個燒烤吧係餐廳出邊嘅設計幾好,唔會令到成間餐廳入邊咁大陣燒烤味。而且燒烤食物都幾好食,有我最中意嘅燒菠蘿,仲有豬仔骨,兩樣味道都幾好,而且係有專人即場燒俾你食,夠哂新鮮熱辣。甜品方面我就推介梳乎厘,即場焗出黎,要排隊等的,每人每次限拎一杯。見佢脹卜卜咁,食落好鬆軟creamy。食完9點幾,走出黎見到青馬大橋夜景好靚,今日好滿足了,下次或者帶埋男朋友一家黎呢度再食過。 繼續閱讀
(以上食評乃用戶個人意見 , 並不代表OpenRice之觀點。)