拾祝X食神 (已結業)

前幾日買咗 素食便當 和 All day breakfast 外賣。All day breakfast 的料和質素，拍得住餐廳百幾蚊一個嘅 all day breakfast。（當然，我明白香港租貴人工貴，呢個係無奈嘅事實）仲有俾$48 買咗一個湯，足料好飲。送咗2枝凍嘅烏龍茶。我在家沖多一次嚟飲😅。

叫咗一個台式便當($68)和一個素食便當($68)，台式便當 ok 好食，豆腐入味，係蛋卷失望咗少少；甜品的紅豆椰果似係罐頭食品，唔係太甜，不過不失。素食便當有驚喜，黑松露菌醬意粉、南瓜和炒雜菜都好好食。仲有蘋果和菠蘿（似係新鮮菠蘿），感覺比其他選擇健康一些。另外，加$50 叫了一包湯，揀咗「螺頭黨參粉葛赤小豆湯」，可以叫佢幫你加熱，返到屋企倒出嚟就得。湯好足料，唔係味精例湯，亦沒有像其他連鎖店湯包咁咸。配便當一齊食的話，湯的份量一個人未必飲得晒。