拾味正宗刀削麵館 (渣甸街)

依日係銅鑼灣渣甸街找到一間食刀削麵嘅拾味正宗刀削麵館，從未食過嘅刀削麵，真的好期待。入到店內，裝修簡潔，地方雖然唔係好大，但有種正宗刀削麵嘅感覺。睇吓餐牌先，刀削麵可以自由配搭，多款餸菜、麵食、上海菜飯、滋味小食及飲品等，選擇都幾多。麻辣牛筋腩牛展刀削麵       $72店舖主打刀削麵，當然點嚟試吓啦！刀削麵即叫即製，見到師傅即場削麵，麵條軟滑，煙韌有彈性，充滿麵粉香味，湯底清清地帶點蔬菜甜味。選擇咗兩餸有牛筋腩及牛展(+$10)，好黏口既牛筋，充滿膠質，牛腩炆至軟淋，有少少咬口，兩款醬汁非常入味，下次一定要再來。麻辣東坡肉豬軟骨刀削麵         $72另一碗刀削麵配麻辣東坡肉及豬軟骨(+10)，湯底清甜，刀削麵煙韌有彈性，揀選少辣既東坡肉，肉質入口即化，帶少少麻辣，猪軟骨口感軟綿，配麵好夾，越食越滋味。薑母茶      (+$8)熱熱既薑母茶，帶些辛辣，薑味唔會過濃，與甜度都啱啱好。Zero     (+$8)食麻辣配凍飲最夾，冰冰凍凍，口感好爽。…查看更多

銅鑼灣美食眾多，同朋友行左陣就揀左呢間刀削麵食，口水雞+生菜🥬 刀削麵豬軟骨+生菜+牛筋腩 熱拌刀削麵熱飲，凍豆漿都唔洗加錢😎🤣👍🏻刀削麵麵條好有筋道，食落好有口感，口水雞肉質都嫩滑，唔會好重口味，豬軟骨都夠入面淋身，最正係牛筋腩，勁軟腍，每一啖都係骨膠原，勁滿足，熱拌好岩重口味既人，夠哂惹味另外仲叫咗個小食，越式春卷🤨勁出色，外皮好酥脆，每咬一啖都脆卜卜咁，入面既餡料都好飽滿，值得一食🤗…查看更多

呢間刀削麵之前去過灣仔分店都唔錯，今日同朋友去咗銅鑼灣店！下午茶餐真係平靚正，$28起已經包埋飲品，另外仲有麵餐大約$50！上海水餃刀削麵份量都好大碗，水餃大大隻，湯底好夠味，刀削麵都切得好有功夫，削到都好長，而且又唔會太碎👍🏻食落去有種煙靭嘅感覺上海雲吞年糕上海雲吞係菜肉雲吞，配湯年糕一齊食，加埋啲湯飲非常滋味！酥炸雲吞即叫即炸好酥脆，而且又熱辣辣！平時食開點甜酸醬，但係點千島醬都好夾！郊外油菜蠔油菜心，家常小菜之一，食菜多啲纖維凍咖啡凍檸檬茶…查看更多

放工想簡單食碗麵，見到呢一間食山西刀削麵幾特別，仲有個師傅即叫即整刀削麵，幾新奇，就入咗去試吓。餐牌除咗湯麵仲有拌麵，拌麵都有冷熱兩食。 我同朋友都揀咗湯麵，貪佢濕濕地，夏天易入口。湯麵好大碗，刀削麵口感紮實，有咬口，食晒一整碗真係超級飽，配料方面都有好多選擇。我哋試咗雲吞同埋水餃，仲有口水手撕雞同埋蒜泥牛腱。我就最鍾意牛腱，薄薄一片一片，肉嘅部份鬆軟入味，筋部份煙煙靱韌，最重要係蒜泥超級香，啱晒我重口味。口水手撕雞都唔錯，啖啖雞肉配上爽口青瓜絲，好清爽嘅感覺。我哋仲嗌咗個小食酥炸雲吞，炸得好酥脆。熱辣辣，脆卜卜，沾上千島醬好滋味。食完之後飲返杯更餐嘅熱辣辣香濃豆漿，感覺滿足。…查看更多

3個人用餐，一行入門口明明成個場半空，有空閒店員卻無人上前招呼。自助入座之後店員隨便放低左份閱讀性頗低嘅餐牌隨即就離開左，決定好餐點之後先至被告知其實顧客需要自行掃二維碼落單，咁點解唔一開始就講？明明落單網站容易睇好多，其實3個人做完嘢已經好餓仲要有呢啲無謂嘅拖延，服務令人體驗好差餐牌上明明註明「即叫即削」本身令我好期待，但落單後第一碗麵食在3分鐘內經已出菜，令我地對宣傳及承諾真實性心生懷疑，但畢竟落左單又上左菜人又餓，點知另一個同行嘅朋友喺麵食度食到膠絲狀不明物！同店員反映後非但無道歉，對方只關心「證物」曝光急住收走膠絲並表明只可重做一碗淨麵，但俾一碗麵俾就快食飽嘅客有咩意義呢，甚至碗內本來有嘅餸都差啲被沒收實在無諗過滿懷期待行入一間餐廳但係極度失望地離開，唔敢再幫襯…查看更多