影片
以上資料只供參考, 請與餐廳確認詳情
食評 (36)
未試過寫差評 ，呢間係垃圾都不如 ，入到去已經勁迫 ，明明地方都唔細，但勁唔好坐，真心佩服，職員 、顧客講野好大聲，環境勁嘈 ，啲職員態度都冇好得去邊，食物極度昂貴 ，車仔麵個靈魂係湯度但湯底好淡 ，清水咁款，但神奇係啲食物醃過鹹身處係海洋咁款 ，急凍食材，例如雞翼、豬紅、牛腩；食完勁頸渴 ，超重味精，環境負分，食物味道負分，香港仔有更多更好選擇 ，但好笑係居然有咁多人 🤯 ，再有下一次，我一定係食開屎😡😡😡😡
繼續閱讀
好耐無食呢間車仔麵，因為有其他鋪頭吸引咗我。不過今次有啲心血來潮，又返來食下重溫舊夢一下。我覺得佢比較出名嘅有釀茄子，好大舊，炸雲吞都唔錯。不過我今次都無揀，揀咗啲大路嘢，通菜／雞中翼／鮮蝦雲吞油麵，再多蔥。本人食車仔麵都係比較傳統，點都會揀油面。加咗佢秘制辣汁，其實我就略嫌唔够濃，可能食過比較濃香嘅醬汁，所以有呢個感覺。油麵煮得過淋啦，出枱已覺得比較白，唔同一般比較黃，煮耐咗，我都係鐘意有咬口嘅。通菜都好多，够爽脆，雞中翼就鹵得好入味，幾好食，鮮蝦雲吞都正常。其實拱照都佢好好嘅，送豆漿／酸梅湯，我一般都會揀豆醬。整體表現不過不失，可能我比較鐘意味濃啲嘅車仔麵啦，真係希望下次如果再食，個油麵唔好咁淋就好，或者我提一提個姊姊唔好煮咁淋。
繼續閱讀
外賣三餸加底幼麵要5拾幾，鴛鴦齋加炸雲吞加底，竟然俾少咗炸雲吞，即全齋要五拾幾蚊，點食呀！本來主要因為想食炸雲吞至叫外賣，依家…仲要食加底…依家D車仔麵超貴㗎啦…又無心…叫外賣時又唔係多人回頭返去同佢哋理論…回水都無用…唔通又齋食炸雲吞咩？五十幾蚊食個鴛鴦齋麵…可能只有呢度！麵極度普通之下，無麵味，湯底已經係味精湯，味精就足，齋就街市普通貨式…講真依家香港仔已經無乜車仔麵可以食，石排灣街市果檔勉強可以，做車仔麵本來已經無敵㗎啦！以我呢次可能十蚊本都唔使…仲無心去做…唉！！！點繼續…
繼續閱讀
食了拱照多年，佢哋嘅辣汁最出色，如果唔介意重口味必叫，另外蘿蔔亦好味，酸齋，辣魚蛋亦必食，如果外賣必須分湯，食完亦唔口乾，叫外賣如果繁忙有機會俾錯餸俾漏餸，不過多年街坊小店，人有錯手絕對體諒
繼續閱讀
一、侍應態度惡劣：叫咗幾次都冇人應 忙就大晒？唔識請多幾個人？明明車仔麵係最快整好 唔明有咩要搞咁耐囉如果唔係每個食客都照顧到 做咩要開咗多個位？識唔識做生意架二、衛生情況恐怖：碗湯上面有一粒粒疑似係蟲 最後唔食算 啲錢當買個教訓 豪畀狗！真係未見過一間車仔麵可以污糟成咁地板一撻撻濕晒咁 唔驚跣死人架？有老人家入嚟食點算 老人家跌一跌真係命都唔使要 屋企有老人家就唔好帶佢嚟食新搬嚟香港仔諗住近近地食下 大家真係唔使試
繼續閱讀
您可能會有興趣的...