影片
店名：拮街小食地點：西環堅尼地城菜式：港式小食自家製瑤柱蟹皇雞湯翅 細 $28 呢度少見用自餚雞湯整碗仔翅，仲加左大量雞絲，木耳絲，冬菇絲，粉絲同瑤柱絲，非常足料，而且個湯底好甜，真係飲到雞湯味。我只係簡單要左d醋同麻油，已經好夠味。推介。冷盤：生腸，火雞腎，墨魚 $18x3串火雞腎我第一次食，原來口感非常爽脆，肉質唔會好似鴨腎死實。我都係第一次食生腸，一直好怕有怪味，不過呢度完全無異味，口感係超爽口。墨魚都係極爽口。呢度用左秘制冷盤汁，味道唔過火，已經好夠味。而每串份量超多，好抵食。手撕雞腸粉 $35手撕雞腸粉賣相一流，膠碗底放滿腸粉，面頭係滿滿手撕雞絲，再加上白芝麻粒。腸粉即叫即整，加上秘制醬汁，滑溜惹味，而雞有雞味，足料好味。脆皮芝士腸 $15 脆皮芝士腸一串五條，面頭淋上麥芽糖，食落皮脆肉多汁，味道甜甜地，配腸仔好夾。而且熱辣辣，口感味道都唔錯。瑞士汁雞翼 $20 3隻呢個價錢有3隻，雞翼都好大隻，瑞士汁好入味，而雞翼肉質好淋，唔錯。咖哩魚蛋 $10 5粒呢度咖哩汁味道好惹味，帶少少辣，配彈牙魚蛋係絕配。當然要整返罐汽水解解渴。好少會食港式小食，呢間小食店食物高質，選擇唔少，而且店員姐姐服務態度好好。
繼續閱讀
堅尼地城除咗有個好出名嘅海景，可以睇之類, 其實都可以試吓去嘅街頭小食!喺海旁隔兩條街嘅 吉席街加新開咗半年嘅吉街小食 舖頭唔算太大，但係五臟俱全 有大量嘅港式小食～ 個姐姐好好人 , 好好傾🤪試咗碗仔翅， 唔係啲行貨， 非常足料❤️大量香菇、木耳、粉絲和雞絲 ， 食一啖 係非常濃厚嘅雞湯， 仲係自家製調劑 非常順滑好吃手撕雞腸粉 腸粉即叫即蒸 上邊放上手撕雞肉 🍗 同特製芝麻醬 腸粉朔滿咗濃厚嘅麻醬，再加上嫩滑嘅雞肉 ， 正！再要咗個冷盤 , 有墨魚 豬生腸同火雞腎火雞腎好彈牙, 加上自家製醬汁 炎炎夏天食好正 墨魚爽口 冰涼清爽 !咖喱蘿蔔豬皮魚蛋咖喱係自家製， 鍾意食辣嘅唔好錯過！ 蘿蔔清甜，再加上大量彈牙嘅豬皮 同魚蛋 ～辣得好過癮 🤪🤪食完啲辣辣地嘅咖喱, 食返串話梅青瓜串解辣同解腻 ❣️竹籤上邊有切得好靚嘅青瓜片 🥒 再加上話梅汁 青瓜清爽多汁 再加上話梅嘅鹹酸 非常之refresh!!!呢間小店處處有心思, 經開堅尼地城不妨試一試!!
繼續閱讀
位西環吉席街跟電車路交界的小食檔，店名相當吸引眼球，又有gimmick。看到好少小食檔這乾淨，基本連油漬都看不見，吸引我駐足看看有甚麼吃的。店員相當smart，看見我，好快打招呼介紹食物，她特別自豪地介紹着，大部分食物連醬汁都是自家制，我是聽着聽着都流口水了。最後點了幾款想吃的回家慢慢品嚐。🐖炸大腸我還即時食了一串超邪惡的炸大腸😋，店員姐姐說炸3分剛剛好，加了必備的甜醬／黃芥末，我拿起來還滴着油，入口外脆內軟，太好吃了。🥣碗仔翅自餚的雞湯，加了大量雞絲／木耳絲／冬菇絲／草菇片／粉絲，竟口然還加了瑤柱絲，難怪湯頭這麽鮮甜，喝完不會喝。當時沒甚麼人，店員小姐還分享了他們老闆自己炒咖哩膽，平均兩三日炒一盤，保證新鮮，香辣而不刺激，所以點了一份咖哩拼盤。🍢咖哩豬皮／蘿蔔／魚蛋（細份）咖哩魚蛋必不可少，原來3款食物都不是浸泡在咖哩汁中，只是加熱後，再淋上咖哩汁，不但吃得到咖哩的香辣，還保留魚旦的爽口鮮味，豬皮入味，蘿蔔清甜。補充一句，他家咖哩後勁好強，證明用料十足。🥗冷盤：鴨腎／豬生腸／墨魚咀滷過的鴨腎相當入味，口感爽脆，但肉質不會硬，令我印象深刻，而豬生腸／墨魚咀沒有異味，口感也是爽爽的。店員加上了秘制冷盤汁，冰涼清爽，夏天食一流。🐔雞絲腸粉望落跟雞絲粉皮有些相似，粉皮換了腸粉，店員姐姐特別跟我說腸粉即蒸兩分鐘，軟度剛剛好，加上秘制汁醬，再鋪上雞絲，撒上的芝麻，腸粉爽滑，果然好食。總結，雖然只是一家在街角的小食店，但是制作食物非常用心，食物味道我覺得很可以了。
繼續閱讀
今日游完水之後行到嚟堅尼地城尾少少呢度，想搵啲嘢食咁😉原來開咗一間小食店系吉席街~ 靚姐話佢哋大部份食物都系自家制同，唔系預製菜！ ！要支持下呀🙌🏻🚀好耐都冇食過炸大腸，靚女推薦話個個都嗌，所以叫咗一份，即叫即炸，但系都唔會好耐！加上芥末一齊食，肥而不膩，脆口煙韌，必食！之後叫咗手撕雞腸粉，佢嗰個自家制醬汁好開胃！重點系佢唔會太濃味，足料好飽🤣🤣咖喱魚蛋豬皮蘿蔔當然要食啦💪🏻佢嘅咖喱汁系老闆自己炒，風味同出面唔一樣，香辣都齊曬，仲有少少沙嗲感覺，越食越辣架！魚蛋唔會好大粒，但系都好彈牙又有魚味🐟非常喜歡個蘿蔔，因為好甜😉冇渣添🥰小朋友最鐘意食魚蛋、燒賣、香腸🫶🏻特登幫手整咗個冇醬版本，而且竹籤會整走尖尖，非常貼心！今日仲有自己煮嘅碗仔翅，一飲就知道唔一樣，有好香濃雞味，同出面嗰啲precooked 系兩件事🥲老公仲嗌咗一份冷盤，最推介就系佢嘅火雞腎！好爽食落好香🥰越食越滋味😉拮街小食 Pokeguy Snacks😉堅尼地城吉席街22-34號順興大廈地下G2號鋪
繼續閱讀