拉麺食堂 蔵

營業中

休息中

昨天吃饭忘记了 希望商家看见联系一下我 我给你们打电话打不通 怎么还要80字 kwksjsbbsjsjskdkjdjjdjdjdjdjjdjdjdjdjdjndndjdjjdjdjdjddj

見到條街周圍d鋪頭都排曬長龍，雖然呢間鋪冇乜人排隊，裡面都算係坐滿曬，以為冇伏就入去試，我地今次叫串燒，全部都好失望，唔會有下次我同朋友叫咗一份牛舌，一份雞腎，一份雞腿肉串，一份五花腩包蔥，一份忌廉蟹肉餅，3隻餃子，埋單要$364，呢個價錢好食嘅話冇問題，問題就係每樣嘢都唔好食我地食完個牛舌已經失望到食物相都唔想影，真係好難食。牛舌去薄得黎係韌到差d咬唔到，得個4片薄片都要$69雞腎上到黎，反轉另一面完全係生嘅，粉紅色咁樣，我地叫個侍應幫我地整返熟d，佢仲好困惑咁拎走碟嘢，我個朋友第二日肚痾埋，如果唔係我地都唔會打呢篇野警世雞腿肉老到好似雞胸肉咁，都唔知佢點做到，真係好誇張五花腩都係 非常薄 d蔥又硬到咬唔斷餃子同其他人講嘅一樣，睇落似煎，食落似煮，味道都ok嘅，但一定唔係煎餃子囉唯一食得落就係個蟹肉餅，呢個同其他地方整嘅冇分別，唔洗專登去呢間鋪食講到最後就係又貴又難食，冇乜事大家都係去隔離食拉麵算啦

原來無人排隧真係伏，食物質素麻麻都預左，但店內有位操非廣東話的女店員真係令人作嘔，非講不可，首先那位店員沒有服務態度都算了，最最最恐怖嘅係.. 佢當值期間係度撩鼻屎，仲撩得好滋味！🤮🥴🤢

禮拜日打算食拉麵，就去歌賦街搵野嘢食。到咗歌賦街，發現幾間想食ge拉麵店都要排隊，天氣又好熱，見到藏拉麵唔洗排隊，就入去試吓。日式擺設，牆上貼滿日文菜單，睇唔明唔緊要有中文菜單係枱面。坐低見到隔離枱面食緊咖哩，忽然又好想食，就叫咗咖哩吉列豬扒飯。普通日式咖哩，偏甜，吉列豬扒炸得好食，配上檸檬沙瓦，都係唔錯ge配搭。食食吓又見到牆上貼咗煎餃子ge菜單，就加點咗，點知係伏，個餃子皮煎得唔夠，又軟又濕，後悔加點。如果嚟食，都係乖乖哋，點拉麵就ok。

同啲舊同事走一轉西、上、中環，來一趟本地遊，因為「HKWalls」推出咗一批新大型壁畫，專誠去打打卡，此外順道帶佢哋行埋「元創方」、「大館」、「中環街市」，仲坐埋摩天輪添。因為唔知要行幾耐，打卡打幾耐，所以一起手就打算行到邊食到邊。接近中午時間，逛到「歌賦街」一頭，有好幾間心水嘅日本餐廳都排長龍，所以，好隨意揀咗呢一間「拉麵食堂蔵」。 餐廳裡面地方細細，裝修一片和風拉麵店咁，但枱櫈都排得好密，感覺空間幾逼狹。而當期時見到裡面有唔少客，一心諗住幾穩陣，結果喺伏伏地，其實食物方面算喺不過不失，伏位喺過「環境」。我哋一行五個人，室內位啱啱坐滿，所以被安排 「偽室外位」，其實喺餐廳尾嘅「後巷位」，初時坐低唔覺，但坐落就聞到久唔久有陣陣異味，隨風送上，原來對下嘅公園（九如坊兒童遊樂場）內有個公廁，加上呢個後巷位另一邊有啲整幢大廈嘅去水渠，亦有少少氣味。不過落咗單，加上朋友行得有點攰，否則會轉場。仲有，坐時頂住膝頭，又無地方擺袋，個人嚟講，就覺得呢度喺完全唔適合招呼人客。餐具、餐紙、少少調味料放喺枱上面，當中有朋友都好講衛生，所以，餐具都幫佢完全消毒，唔抹都唔知張枱其實幾污糟。等候上菜期間，無意中

日式丼定食，係中上環啲比較高級&貴嘅地方。閒閒地都收你百幾、兩百蚊一個人。原來，歌賦街有間日式定食&拉麵店，都幾抵食，價錢公道，最估唔到，呢間日式店，有一位日本人打理樓面、同落單、用簡單嘅英文都可以溝通到。炸豬排滑蛋套餐 - $115呢個吉列豬扒好脆口，肉質好爽，無油益味，炸得真係好香呀。配以滑蛋同埋個甜醬油洋蔥汁，真係好好味。簡單嘅定食，有沙律、有麵豉湯、有漬黃瓜、仲有片橙俾你食。好體貼同營養均衡健康。

lunchtime 得佢唔洗排隊 但係都算full 入到去要咗「outside」對著公園個公廁 有啲坑渠味 臭臭的！門口企咗個日本人但係唔好比佢呃到 感覺上呢個餐廳係港式日本料理 同埋野食好一般 叫咗個辣拉麵 隻麵係黃色油麵 隻蛋仲要係熟的…..搞不掂 朋友食果個炸雞重要係淋的 另一個朋友食咖哩炸蠔 份量好細不過味道就正正常常…..但係lunch 成90幾蚊一個set/一個拉麵….🥲🥲🥲🥲🥲🥲🥲🥲真係寧願去食雙送飯都唔黎食😓

🧑🏻‍🍳 大家都知歌賦街好多排晒隊好出名嘅餐廳，而呢間就比較少人去，所以就入咗去試，呢間係由一位日本師傅主理嘅日本居酒屋風嘅食堂，餐廳裝修有一種日本小店嘅感覺，餐廳內貼滿手寫嘅日文餐單同清酒貼，有多款套餐同定食，價錢都好親民，不過今次試咗鍋類嘅嘢~😋—————————————————————🍴 牛腸二人鍋 ($395) 相信唔係好多人食過牛腸，我都只係食過幾次，牛腸脂肪好高，最好唔好成日食🤣，不過呢個牛腸鍋都幾推介🫶🏻，牛腸嘅份量都幾多，質地同口感好正，口感非常嫩滑，而且有微微彈牙嘅感覺，咬落去可以感受到濃濃嘅肉汁香，再配椰菜韭菜，可以中和牛腸嘅油膩感，加埋佢清甜嘅湯汁，係好好食🥰。但佢加咗大量七味粉，唔食得辣嘅我係覺得好辣嘅，不過都仲感受到清甜嘅湯底，大概係有味噌同鰹魚嘅味道😋建議大家加個烏冬食，雖然要+$30🥲，不過湯汁掛喺烏冬上面，係好好味的😍😋 美味指數: 7.5/10—————————————————————🍴 梅酒沙瓦 ($58) 太太太太多冰，令到梅酒嘅味好淡，係淡到好似飲水咁，然後飲兩啖就已經冇晒🥲😋 美味指數: 3.5/10🍴 荔枝沙瓦 ($58) 荔枝味幾清新嘅甜，

一齊發掘香港嘅美食 😋.今日喺中環做完gym，就同兩個朋友行咗去呢間日式餐廳試試。餐廳嘅環境好有日本風味，上至廚師、下至侍應都係講日文，服務殷勤。.Sutamina 豬燒肉定食 $91-定食嘅賣相似汁煮豚肉多啲。餐廳將豚肉切成薄片，肉味算濃同幾有咬口。再配上洋葱同微甜嘅醬汁調味，滋味十足！ 😋-作為配菜嘅麻婆豆腐好、豆瓣醬味好出，用嚟撈飯一流。😽-沙律菜同麵豉湯味道正常。沙律用咗少少胡麻醬調味，食落爽口。麵豉湯偏濃味，冇太多味精。🥰.燒牛舌套餐 $89-主角牛舌只有四塊，份量偏少。調味方面，只係用咗最簡單嘅黑椒同鹽。由於係薄切嘅關係，牛舌嘅肉質腍身嫩口、容易咬開。-跟餐嘅飯偏乾同硬，呢一點平衡返嘅話會更加好。😣.炙扇貝壽司卷 $158 🍣 -扇貝厚肉鮮美無腥味，卷物入面嘅玉子仍然保持到有餘溫，食得出係即製。-卷物嘅頂頭蘸上特製嘅醬汁，完美襯托出扇貝原本該有的鮮甜美味！😻.豬五花肉蔥卷 $55-腩肉 🐖 雖然不算肥，但油潤而帶脂香，味道唔錯.總結-餐廳以小店形式經營，定位比較貼近日式食堂。🙆🏻‍♂️-食物不過不失，相比起定食，呢度嘅卷物較為出色。.拉麺食堂 蔵中環歌賦街13號地舖

歌賦街不嬲都多出名嘅食肆，但係好多都要排好耐隊，但係係咁多出名嘅食肆之中，竟然有一間日本師傅主理嘅居酒屋，因為其他食肆太過出名，反而令佢冇咩人知道因為天氣比較涼，所以佢哋係冇開冷氣，靠打開門通風，但係唔會覺得熱，幾舒服架一入到去就見到牆上貼滿好多寫日文嘅餐單（好有日文當地風格）不過都有中文餐單，唔同星期幾都有唔同嘅定食，好適合成日想試新嘢嘅人雞肉照燒丼定食 $92星期一嘅定食係依個雞肉照燒丼，會有一份沙律、兩隻餃子、漬物、麵豉湯、一嚿橙和最主要嘅主角——雞肉照燒丼，份量都唔少，不過除咗雞肉照燒丼外，其他都係一啲好容易就買到嘅急凍食品，但唔代表佢唔好食，但唔可以有太大期望雞肉比較乾身，所以配咗好多照燒汁，撈勻一齊食會比較好少少，同埋雞肉底會有椰菜絲咗隔開雞肉和飯，唔鐘意太多汁嘅也不用擔心照燒汁會落曬啲飯到燒牛舌套餐 $89對比起雞肉照燒丼就會少咗餃子和沙律，但份量都唔算好少，只不過就係牛舌得四片，好容易食完牛舌都未食晒啲飯；牛舌燒到好香，流出嚟啲汁點旁邊嘅沙律菜也一樣好食，因為是薄燒牛舌，雖然冇咗彈牙嘅口感，但係變得容易咀嚼，同埋更加惹味鹽燒鯖魚 $71因為同行人士好鐘意食鯖魚，所以單點

是日無意中發現呢間餐廳，入內坐下就發現帶點居酒屋氣氛，雖然地方細細，也坐得舒服，加上日本人服務員主動熱誠招待。餐牌有不少選擇，我就試點了一個set lunch ，慢慢享受了一餐不錯午餐。😊

同太太行過見幾多人，本身想食果間又冇開。。。見個裝修又唔錯咪入去試下。。。叫左個牛舌，燒雞皮，醬油拉麵，炸雞軟骨同牛油果軟殼蟹壽司。伏點第一牛舌好韌。。。伏點第二雞軟骨炸到乾曬。。。伏點第三燒雞皮脆都唔脆林既。。。最伏黎。。。個壽司D 飯熱既唔在講。。。D 飯林到一個點。。。仲要d 壽司豉油，佢比d 豉油我一試都知萬字醬油黎。。。可能我小見識啦問佢有冇第二款豉油啦。。。佢同我講一款😑總括黎講又唔係平。。。都唔知食緊咩食到一肚氣。。。

蔵最吸引既就係第一下經過呢間店既氣味，直接吸引左我入去，裡面裝修有種去左日本旅行既感覺。入到去見到老板同兩位日本人傾計，老實一句，野食整體唔差，但比起價錢，個人覺得並不值。如果係話當lunch set差唔多100一餐，地段黎講還可以，但如果真係想食日本居酒屋既野食黎食，性價比低。-✨洋蔥薑燒鹿兒島豚肉西冷定食 ~$91 (6/10) 當我地問店員兩人份量夠唔夠，佢建議叫多個定食推介就係呢一個豚肉定食，我都係覺得呢個地方100蚊既定食當係快餐都還好唔好比佢有太多既期待-✨牛舌 $69 (6/10) 第一碟上場既牛舌，4塊夠簿夠入味，唔會話難咬-✨餃子3只 $23 (6/10) 不過不失，煎得岩岩好-✨炸蠔 $40 (7/10) 唯一一款我覺得性價比係同一線道上既就係呢款炸蠔，炸得岩岩好，蠔本身都仲有鮮味，如果單點小食黎講，呢一款都叫值得哦～-✨吞拿魚小卷6件 $68 (1/10) 問心6件68$真係偏貴，呢個係勁為失望-✨串燒類 ~$30一串 (4/10) 燒鳥店既價錢，大排擋既水準?-✨玉子燒 $68 (4/10) ✨枝豆 $32 (3/10) -

因為隔離間間舖都排長龍所以見到呢間就入去試吓，叫咗一個牛舌飯一個雜菜拉麵牛舌飯得四五塊薄牛舌薄到飛起圖文不符重要啲牛舌可以非常之少飯量有小舊橙比得嗰半舊我雜菜拉麵自己睇樣唔知點形容面好難食湯底同日清拉麵一樣

之前下晝有一次好肚餓經過歌賦街，見到幾間日式餐廳都冇乜人，然後我就入咗呢一間，叫咗碗拉麵，感覺已經非常滿足，因為我一向喜歡地道小店，而呢間居酒屋令我好似去咗日本咁，上次睇完餐牌已經同自己講，想夜晚再嚟多一次試其他食物。今晚星期五再去搵食，發現原來呢條街幾間日式餐廳都排哂隊，唯獨是呢一間冇人等位，咁我就入咗去啦⋯⋯今次同老公叫咗兩個定食，再加咗我最鍾意嘅燒明太子，枝豆。我不嬲都好怕排隊，同限用餐時間，幾好食都唔及食得舒服同輕鬆，所以我覺得呢間餐廳好啱我，再睇返好多食評都唔太好，所以想寫返客觀啲支持呢間小店。如果你喜歡真正嘅日本風味，呢間係會合適嘅