拉麵Jo (已結業)

今日去咗圓方同小朋友行街，行到攰，小朋友話想食麵，所以就食呢間jo拉麵🍜本身小朋友話想食低溫叉燒拉麵，但未到6點已經話賣晒，咁就查詢侍應，有邊隻拉麵味道會比較淡味啱小朋友食？同埋一定唔可以有辣味！侍應們一致推介特製東京醬油拉麵🍜好啦，咁就落一碗俾小朋友。同時我們亦要求麵底要煮腍啲．．因為比小朋友食，太硬佢哋咬唔開。點知嚟到碗麵上面會有（辣筍）🫢向侍應反映，佢哋都好好，即刻承認出錯，立刻換過一碗俾我哋，最後，小朋友好俾面😏拉麵食唒，我再加多咗兩碗粟米俾小朋友，小朋友食得好開心☺️☺️至於大人嘅拉麵🍜雞白湯拉麵🍜食落去都係覺得豬骨味好重，冇乜雞味嘅，拉麵唔係好索到湯，可能食沾麵會好啲🤔拉麵中規中矩。反而個蔥花牛舌幾好食🤪👍👍切到薄身，炒到好香，咬落爽口，好惹味👍下次再嚟嘅話，想試吓佢嘅低溫叉燒拉麵😆

- 醬油豚肉拉麵 $88湯底較為濃郁、濃稠，醬油咸香味道偏重～配料有紫菜、竹筍、半肥瘦叉燒、少量洋蔥絲🧅片狀叉燒油脂量較高，口感偏軟腍，肉味亦香濃🐖以麵質偏軟身，掛湯能力不錯🙌但整體來講太過油膩，偏重口味💆‍♀️ 我覺得一般般～ - 蔥花牛舌👅 $78薄片牛舌份量足夠，但同樣地十分油膩！可以配上檸檬汁減去部分油膩感🍋但牛味不足，質地較柴🐄下次都未必再食了～ 📍 拉麵Jo – 九龍站 尖沙咀柯士甸道西1號ELEMENTS圓方水區1樓1030號舖 #justlingggxd_米芝蓮#justlingggxd_日式#justlingggxd_九龍站

餐廳幾細，開放式，坐邊邊就同行商場走廊好近，人來人往咁，感覺太開揚，欠私隱度。午市選式都多，份量同味道正常，鰻魚同天婦羅蝦幾好食，但個飯有點偏硬。另觀察到唔少人叫外賣。

12點幾入座，兩個人，都得4人枱…我見二人卡位個客已經食完，就同侍應A講一陣調過去，費事霸住張4人枱…過多陣二人卡位個客走，我起身行過去，侍應B帶住兩個客坐入去，我不停同佢講「唔該唔該…」，佢大大聲話「等陣等陣」，又用手擋住我…兩個新客已經坐低，我費事同佢嘈…而佢「等陣等陣」完之後冇再理我…過多陣，開始人多，侍應A叫我如果一齊有人要坐埋一邊，我咪話一早講咗調枱，你同事頭先唔俾我調枱呀！侍應A知衰冇再叫我郁…食完埋單，侍應B放低張單1秒都冇，同我講「快啲」，我以為自己聽錯，我問佢「你叫我快啲吖？」，佢仲話係，人手唔夠叫我快啲，check價錢就得…我唔係望住張單check成分鐘喎！真係1秒都冇！依家我食澳牛吖！有啲咁嘅侍應以後都唔幫襯！拉麵一般，叉燒比較少，又薄，加辣都要俾多$15，而且menu上好多野都冇，如蒜油拉麵、餃子…總之冇下次！

今日約左朋友係圓方睇戲，睇戲前想食個晚飯，圓方出名無咩好食🙈朋友就搵到呢間拉麵，一於就試下！餐廳比較細間，開頭都差啲搵唔到，好彩咁啱去到仲有位，唔洗等就入得。我叫左最普通嘅醬油拉麵，隻蛋係用左鵪鶉蛋，幾特別🤣第一啖試個湯，唔錯，調味唔會太鹹或淡，跟住就到個麵，軟硬適中，叉燒都好林，好入味，整體上都係好符合我會中意食嘅拉麵，飲品可以加10蚊飲Ooha(原價$28)，美中不足係無最新口味，所以最後揀左柚子海鹽，成個餐total $88加一，係圓方黎講性價比算高🫶🏻

個2人餐有兩個拉麵跟兩份小食 拉麵份量都夠嘅 一般拉麵嘅配置 有半隻蛋 兩塊叉燒 幾片味荀 味道都正常 但湯頭有啲過咸 整體上拉麵係合格水準小食叫咗明太子煎蛋捲 啫係玉子燒入面包住啲明太子 佢有跟豉油比你 但完全唔使點 佢本身已經過味 點咗嚟食會咸到hihi 份量佢就有6舊 算多 如果唔計個豉油嘅話 呢個小食係最推薦 真心幾好食另一個小食係蔥花牛舌 懷疑佢個名係同佢個煮法一樣 淨係兩樣野加埋一齊 因為佢個牛舌係冇味嘅 唔知係咪因為咁比咗啲檸檬汁 加咗有啲酸味 總括而言 你唔係中咗肺炎冇味覺嘅話 都唔太推薦食牛舌話說食飯途中有個小插曲 佢間野喺商場入面 但唔知點解食食下有隻曱甴飛咗入嚟 唔知關唔關間野事 但就有啲震撼 有個女客人見到隻野 好似見鬼咁飛咗起身 應該就好巨型下 但大讚店員用9秒9嘅速度消滅咗佢👍🏿

去完西九睇日落又心癢癢想食拉麵，記得圓方好似有間拉麵咁近就一於去試下先💙🥢特製魚介豚骨拉麵拉麵似油麵完全冇質感😐湯底係靈魂但係竟然係咁令人失望，好淡好水冇咩味😐🥢特製沾麵沾麵麵質較粗，但同樣都係淋淋地冇質感，然後湯底同樣令人失望，湯唔夠熱又掛唔到湯🥲日本滷蛋，叉燒還好，竟然配料比麵好食總結係應該係我呢幾年食過最差嘅拉麵🫠我地啱啱坐卡位，所以還好，不過我見有啲坐位較出似坐喺舖頭外面咁。。。冇期望冇失望🙂

西九成為今年聖誕嘅聖誕小村，去之前想食個晚飯，就去咗圓方搵嘢食😋 ～💡 沾麵 $92麵條係粗扁身，麵質偏硬，麵嘅熱度係室溫，唔似其他沾麵有得寫紙仔控制麵質個啲。沾汁係魚介底，味精嘢夠味但唔expect就係咁only，入面有啲好稔嘅荀，有個陶瓷碗保溫。仲有一塊紫菜同叉燒，叉燒食落唔柴，都算係正常啦。💡特製沾麵 $108本身男朋友係點特製低溫叉燒沾麵，點完店員冇覆單，都冇張紙單俾我哋。到上枱個陣，佢都覺得好唔對路，低溫叉燒同我嘅普通叉燒一樣，又得半隻蛋，感覺都有啲奇怪。當時冇Menu係手，佢都係憑印象記得同相唔同，所以冇特別問。買單先知，原來落單就落錯咗成碗麵……講一講普通沾麵同特製沾麵有咩唔同，Menu 完全冇更多描述，純粹用「特製」嚟區分，兩者相差＄16。特製沾麵有4塊叉燒，多普通嘅兩塊，但每塊都比普通嘅短啲嘅😓另外就係多半隻蛋同 1塊紫菜……唔知係廚師唔記得定本身就冇，沾汁入面完全冇荀添🫠味道上基本上一樣，就係多少少肉同配料咁，感覺都幾昆水……沾麵控今次試拉麵Jo，店舖間隔好古怪，分開咗兩邊，店員經常行出鋪頭傳菜。店入面嘅位好窄好迫，伸隻手出去拎筷子又要避送菜嘅店員。人手嚴重不足，見

成日行過都想試，次次都有人排隊，今次唔使等。叫了一碗低溫义燒拉麵，盛惠$118加一。好快就到了。嘩！我以為張圖係騙人的，果然真係义燒圍碗邊，滿滿的有11片，無犯商品說明條例。後悔了，咁多點食得晒慣常一樣，先飲湯，咸、咸到‘那’脷，成杯茶飲晒，仍然咸，好咸麵係微溫，原來低溫义燒係咁解！义燒好凍，浸吓湯才食吧，浸得太耐？你和普通日式义燒有乜嘢分別？低溫肉食，不是嫩滑的嗎？？呢鋪我真係义燒！！义燒無味加咸到一個點的湯底，是這樣中和嗎！？一次都嫌多，不懂欣賞，就當叫唔中吧！

🍔🌭🌮🌯🥙🥗🍟🍖🍗🥓位於九龍站圓方嘅拉麵店，米芝蓮推介! 行街經過就試下佢 . .1. 醬油豚骨拉麵 $88個湯咸左小小，整體都又不太特別。食完要飲好多杯水🥲.🌸等入座時間: 平日晚上時間，可以即刻安排入座🌸環境舒適度: 餐檯跟餐檯有小小緊密，空間比較狹窄🌸好味道: 一般，咸咸咸🌸食物份量 : 正常🐶🐱寵物友善 : 不合適👑總評分 : 5/10

今日叫左一碟蔥花牛舌，口感幾好，一碗鷄白湯拉麵，可以但係偏咸，一碗羅勒青醬鷄白湯拉麵，都可以又系太咸，一碗特製魚介豚骨拉麵，還是太咸，啲職員掛住傾偈，冇乜招呼啲客人，我見到啲客人要浸水，都要自己起身叫啲職員幫手

喂，夜晚8點幾已經冇曬d 慢煮系列。叫左個蒜油豬骨湯拉麵，冇乜蒜味，碗野夠熱lol，d肉正常發揮，細麵煮得岩岩好，湯油同埋鹹。所以量不多，飲埋個湯都飽。食物價格都幾高。但係環境，服務同食物都麻麻，坐得迫，水都會幫你斟下既，可以既話都唔會再食🤡

主要行程是前往M+博物館一睹波點皇后之作品，想節省預算，選擇其次就近而又有連接通道直達西九文化區之圓方食肆。路不熟容易受場內金水木火土區之迷惑。兜兜轉轉終走向「水區」，時間開始緊迫，見通道邊一斜角中間分成兩邊之麵店不假思索即就在面壁偏廳就坐。揀的午餐是一飯一麵平分春色，每碗是約莫兒童餐份量。其中一「併」餐揀「迷你沾麵」配「迷你馳名豬腩肉飯」$93，食肉獸到此等日式拉麵店得接受「肉」從來非主角，「麵」才是擔大旗，麵條不平整有點不像機製，沾麵汁依照傳統偏鹹及質地濃稠，只是浮面的大蔥嚼在口略嫌不夠蔥味；豬腩肉飯就doremi三件比一口牛大一倍的腩肉，肉味偏淡，調味不濃，反而那半隻溏心蛋的醬油味還比較大，雖說迷你，內裡的飯也很充塞。「迷你醬油豚骨拉麵」配「炸八爪魚球」$88性價比相對低，拉麵就是不留深刻印象的縮水麵，章魚球比一般的小很多，就普通魚蛋大小，燙口是有之，但每粒內餡就只有尾指甲大小的一截章魚鬚。以匆匆打個照面吔個麵來說算不錯，沒以咪諸連之標準考量，唯落單時沒人回應而要移玉步去另一邊舖找侍應落單，就顯得加一抬高自身店舖身價又令客人付得帶點冤枉。

好耐冇打食評一打就出負評證明間野幾難頂🙂事源琴晚要去翠竹公園睇洪嘉豪演唱會見收工離開場時間仲有幾個鐘味諗住同班朋友去圓方食啲野 再慢慢行過去去到見到呢間拉麵店好多人排又話係米芝連又過江龍仲夠時間味排下囉明明前面果兩位入完見佢又走左三四枱客諗住入得啦點知一等又等左三四個字前前後後加埋等左差唔多四十分鐘以為佢有人留座 或者比其他人後補入座先啦佢又唔係喎半個場嘅枱都走哂執又唔係全部未執嫁喎有一半枱都係執好左事實就係唔比人入座好啦入到去坐見中間未執果張枱原來有人唔知係倒瀉野定係嘔啦你話人地未執好啲漬唔想比人入 都叫情有可原但側邊果幾張枱執好哂又唔比人入就真係嬲囉無端端要人等多幾個字等都算啦呢間野其中一個賣點係低溫豚肉拉麵但等咁耐 入到黎先同人講賣哂點解見人排緊果時又唔同人講？叫唔到呢個 味叫另一碗哈另一款又話冇點做野嫁大佬？最後叫果碗麵真心 我會覺得XX一丁個棒丁麵都好食過佢我食雞白湯個麵呢 就粗麵黎碗呢個湯底 個麵嘅鹼水味出到呢唔望唔講都唔知呢碗係雞白湯拉麵我仲以為我去左食細蓉添啊個叉燒都真係幾叉燒嘅但會比人感覺好奇怪囉日本叉燒會食到港式叉燒嘅味道都幾特別😅食到一肚氣其他朋友食果啲都話寧願返

逛完M+，趁晚飯的人潮，天氣涼涼地，想食久違的日本拉麵，見係米芝蓮推薦，就帶少少期望去試試。香港餐廳自動波是常識吧～就先安心，後找位置坐下。落單有靚仔哥哥招呼，點左心頭好沾麵和芝士餃子。特製沾麵：麵： 粗而有彈性，但個人覺得偏硬义燒：偏肥，無切段 (前食評都有切，是某程度表現對客人的細心)湯 (靈魂): 夠熱，可惜稀而不掛麵，咸味重盖過湯頭的味道 芝士餃子： 餃子好味道，但醬汁過咸廚師先生，可否減鹽讓食客不致浪費食物和你煮的一番心機？我想試米芝蓮真味可能要到其他分店了😅