抹茶館 (已結業)

第二次幫襯 因為今次媽咪話想試下因為上次食完之後覺得唔好食所以今次都無好大的期望 哈哈.傳統綠茶有餐牌教埋點沖綠茶 好貼心啊唔係太苦 好易入口配埋小丸子 幾得意柚子黑椒蒸雞肉拉麵好有柚子的味道 酸酸地幾開胃.不過D雞肉就差左D囉 有陣雪味拉麵的質感算係咁啦 可以接受栗子忌廉銅鑼燒銅鑼燒餅無上次咁硬喎 口感好左紅豆同埋栗子蓉都好正仲有個綠茶雪糕 好味整體來講 比起第一次食今次好食左喎 唔錯唔錯

在早前得悉抹茶館進駐鑽石山之時已計劃抽空到訪，無奈在評語迴異的心理影響下一直未敢魯莽行事，到近日在沙田新城市廣場發現她的分店踪影，而沙田原居民倒應理解這座商場內的食肆要吃都吃膩了，在種種情況下筆者的確沒有理由推搪，這個週末相約同住沙田區的好友到抹茶館來個下午茶聚。由於豬頭筆者沒有下載商場提供預約的apps，所以用最原始的方法，就是比相約時間早半句鐘到達食店輪候，果然不出所料，下午二時三十分的食店門外人頭湧湧，當時心中的確十分焦慮，取了籌詢問店員，原來在九枱食客後便入座，我...安心了。等待時以手機上網打發時間、也幾經艱難穿過人堆看看舖前大型餐牌，店如其名以抺茶為主打，當中不乏以抹茶炮製的甜品與飲料，也有丼、烏冬、拉麵和茶漬飯等咸食供應。朋友扺埗再共同多等20分鐘後終於在大約下午三時十五分入座。事情並非如斯順利，坐下定定神、選了食物打算示意店員下單，舉起手15分鐘都沒人理會，大概是人手不足不扺應付食客數量吧，當時我由有耐性變為不耐煩，最後竟然是勞煩門口編座的店員幫忙，似乎她是全店最勤快的一位。鰻魚茶漬飯 HK$84總共由三款配件組成似乎先聲奪人，大大的碗內盛著鰻魚飯，中間的是新鮮山葵與玄

我本身好鍾意抹茶同甜品，加上住沙田，經過咪同老公去試下啦...冇諗過寫食評所以冇影相，老公叫咗柚子豬肉飯同杯雪糕抹茶牛奶。飯有跟湯，都幾好飲。個飯就有啲爛，豬肉超肥，整體一般，又唔可以話難食囉。杯抹茶奶就幾好飲嘅，係苦咗少少。啲食物賣相都唔錯，係食落有啲失望。服務方面真係差啲，侍應人手不足，落單又好似唔熟自己份menu同product knowledge。後加個甜品落錯單，來錯咗我同佢講，拎走話再整返啱俾我，點知一去冇回頭，等足半粒鐘佢都喺附近行行企企，明明一直都係佢幫我落單，見我哋枱面清晒呆坐唔覺奇怪嘅咩。最後我冇佢咁好氣咪開聲叫佢如果未整就取消啦整咗咪食囉，佢答完好行咗去又冇覆我喎。唉，我投降喇！價錢唔算抵，一個飯一杯嘢飲要$120，呢個價新城市大把好選擇。

其實一直都好想試哩間抹茶館但之前見到好多人等位 所以就放棄今次咁岩見到入面有位 就一於去試下啦.個待應見到我地兩個人 就安排我地坐係出面個d位我見到入面有好多位 就問可唔可以坐入面就係咁 佢先比入面d卡位我地坐咋果個時間擺明就少人去食野仲要安排我地坐出面 仲唔係 扮哂好多人係入面食緊野?!?!見到哩個名同埋外表已經好吸引--什錦抹茶紅豆銅鑼燒我相信都會好好食的 但食落其實都好一般銅鑼燒好乾 但紅豆 綠茶雪糕同埋vanilla雪糕都唔差除左哩幾樣之外 中間仲有舊綠茶野 第一啖覺得勁苦 唔想食食哂成個都好飽下朋友叫左杯野飲--豬古力牛奶綠茶(大約係咁 唔sure個名)都係外表靚 我朋友話cream好好味 但飲落都係勁苦.未試過哩到既正餐 下次要試下先.

餐牌看來很吸引，一半都是抹茶甜品及飲品。人很多，等了約50分鐘才有位。主菜一︰芥末忌廉三文魚親子烏冬醬汁太濃，吃了幾口已很滯，完全不想再吃下去主菜二︰山椒燒豬肉丼除了肥豬肉，就是肥豬肉。份量少得可憐。甜品︰抺茶紅豆銅鑼燒甜品不錯，可以試

潮流興抹茶, 抹茶甜品店越開越多, 之前試過佐敦”宏”, 宜家沙田新城巿又開咗一間”抹茶屋”, 仲寫著”京都?条”, 攪到好似嚟自抹茶之鄉京都/宇治咁. 平日下午茶時間人唔多, 出面大餐牌又好吸引, 就來嚐一嚐吧!整個店以白色及綠色主導, 視覺上已精神為之一振, 容易放鬆心情.綠茶朱古力芭菲- 高高的芭菲杯, 賣相已吸引, 忍不住卡擦卡擦影相.朱古力部份只限插在杯上的笛狀脆筒及點點朱古力醬, 連雪糕都欠奉,取而代之是一小球紅豆雪糕, 無厘頭又過甜. 芭菲內的綠茶雪糕是軟雪糕, 有幾粒綠茶糕小方粒圍著, 味道一般. Cream 濃帶點微酸, 有點點乳酪風味, 可以接受. 最不喜歡的是最底層的Jelly, 無味道無口感, 應該是大菜糕吧? 整體說看比吃更高興.傳統綠茶: 餐牌上有一個綠茶體驗, 只須19 元, 有一個托盤盛上傳統綠茶器皿, 有說明教你如何沖泡. 重手的陶瓷杯上有點點綠茶粉, 有一個大茶壺, 還有一個攪拌用的藤掃. 跟著指示攪吓攪吓綠茶起泡飲得, 苦澀味濃. 要苦盡甘來, 可吃掉隨茶奉上的糯米團小丸子. 整體而言, 好味見仁見智, 但風味十足, 幾好玩.下次可再來嘗一嘗這裏的

新界的綠茶控不需走到鑽石山的抹茶館了，因為沙田新城市三期已有分店啦～幸好天兔走了，可按約定和幾位朋友一起綠茶一番。芝士蕃茄雞扒烏冬，好香的芝士味，雞扒有5塊，肉質嫩口，每條彈牙的烏冬浸著酸甜蕃茄與芝士，整碗湯好喝得想淘空它。香蔥鹽燒豬肉丼，飯面舖滿切得非常幼的辣椒絲，千萬不要以為是裝飾呀！單吃這辣椒絲都感到辣味。豬肉厚度像肥牛，幾乎沒有肥膏，不油膩，這個飯的精萃在於胡椒柚子醬，把它與飯及配料拌勻，中和了辣椒絲的辣味，整個飯變得很惹味。隨飯附送的菜湯，就是清清的雜菜湯味，沒特別。什錦銅鑼燒，這個夠2～3人吃，銅鑼燒夠軟身，紅豆蓉黏黏的，兩球綠茶雪糕足夠塗勻兩塊銅鑼燒，當然我不會刻意塗勻，因為雪糕即食最好味，忌廉輕身不覺滯。抹茶芝士慕絲蛋糕，我認為是必吃的，慕絲蛋糕好黏身又夠滑，中間夾著塊塊芝士，與綠茶粉末及忌廉一嗒放在口中，味道非常的夾。最後是雪糕奶抹（大）， 抹茶不太甜，保留了輕輕的苦澀味，但雪糕球太細了。

星期五的晚上，相約E先生來到沙田新城市廣場吃晚餐，預先上網search一下有什麼新餐廳，才發覺位於第三期商場，新開沒多久的 MACCHA HOUSE 抹茶館。京都抹茶屋、宏、抹茶館等，這些以抹茶為主題的餐廳近來越開越多，這一間更已經是抹茶館 MACCHA HOUSE 在香港的第三間分店，可想而知抹茶的受歡迎程度的確不容小覷。我們來到的時候才19:00，抹茶館門外卻早已堆了一班等位的人，這是我們不喜歡來新城市晚餐的主要原因，星期五、六、日尤甚，19:00後到來的話，動輒要等1小時以上，甚至更久，要拖著又累、又餓的身軀等位，真是一件苦不堪言的事，所以曾經有段時間，除非18:00左右來到，否則我們絕不到新城市吃晚餐。直至新城市廣場的App出現，無何否認真的很好用，替我們節省了不少等位的時間，今晚在起行時先用App取票，到達後就只等了數分鐘就有位，實在非常方便。 抹茶館裝潢簡潔，以淺木色為主調，配上抹茶的綠色，非常切合主題，餐廳有部份座位位於商場位置，行人就在旁邊行來行去，私隱度低，不是所有人都能接受；至於餐廳內，座位與座位之間距離亦不多，鄰座說什麼都聽得一清二楚，當然在香港食肆，這種情況早已

本來見佢新開張又係日本野咪諗住試下lo，但一去到就......因為係出面等左都成30mins~1個鐘所以先見到抹茶館d人無論得唔得閒都會吹下水，就算明知出面好多人等緊既時候都會吹水，特別係水吧同出餐，都唔係好敢膽飲佢地d野本來見到帶位個個員工既態度都幾好既，點知就冇set lunch，我地都諗緊食乜好既，裡面既環境都幾好既，裡面既員工既態度都十分周到，見到只係得一個員工係入面，d人又好小入來幫手等落單又要等，其他員工又叫裡面既員工落單，又唔幫手，都唔知出面忙咩，又知佢地帶住部機，都唔知用來做咩既！我地點左芒果忌廉銅鑼燒、熱牛奶抹茶、香辣沾麵、炸豆皮烏冬！**諗住叫抹茶紅豆銅鑼燒(但冇貨)就叫左芒果忌廉銅鑼燒後上！沾麵同烏冬都ok既，不過豆皮真係得一塊敢就54$$，食食下就叫後上！其他員工服務又比較差小小，後上後上...我都知後上係時要時間去整，食既途中已經叫左後上！但冇理由要叫左兩三次都前後30分鐘至45分鐘都可以未上到既！本來諗住camcel左佢...點知裡面個員工一叫機cancel就來左等左敢耐咪試下lo，點知個芒果忌廉銅鑼燒都超級甜！d熱牛奶抹茶有苦有澀，都唔知加左d咩野落去！諗

無諗過平日下晝 響沙田都要等咁耐先有位...入座後發現原來係無SET LUNCH, 全部都要分開叫不過諗下有咁多間分店 應該唔會差得去邊結果...牛油果沙律三文魚飯 (5/10):牛油果真係好"漏", 加太多沙律醬, 三文魚一般附送既湯都係蛋花洋蔥湯...無咩特別(請留意碟邊+碗邊)芥末忌廉三文魚親子烏冬 (6/10):還可以, 芥末中和了忌廉既飽膩感滑蛋豬排飯 (5/10):滑蛋豬排飯基本上屬於"無得錯"既主食類, 唯一敗筆係果堆和式沙律醬...真係好鹹, 要用匙羹"畢"走先食到...左至右: 熱抹茶, 黑糖忌廉抹茶, 紅豆白玉抹茶老實講, 一開始飲係覺得味道幾有趣....因為抹茶比較苦同埋有顆粒, 但係飲到一半, 再加埋忌廉都真係好"漏"下...根本無可能飲得哂總體上食物:    真係比較"漏", 而且係唔太值果個價,             不過可能主打係抹茶類甜品, 今次未有機會試服務員: 反應都算好快, 落單送餐倒水都做到, 態度亦都OK環境:    預左係嘈, 始終都係半開放式設計------------------------------但係唔該....上菜之前可唔可以抹

個日於上網睇到佢地分店既食評都幾好，就去左沙田試下，去到睇到門口個餐牌都相當吸引，跟住我就叫左個照燒雞溫泉蛋飯，味道都可以既同時我都叫左杯朱古力鮮奶抹茶，但係我飯都差吾多食哂飲品先到，但都吾係問題，跟住我飲左杯野一啖，感覺好似飲緊啲粉，飲完個喉嚨就相當吾飲服，之後就甜品都無試就走左了

一開始俾佢門口啲甜品相吸引左，順便入去食晏。點知要失敗而回...1）特濃拉麵 - 拉麵ok，但湯底連味都無，點濃？2）鰻魚滑蛋飯 - 本身自己好中意食鰻魚飯，去唔同鋪頭一見到有都會試。呢間係唯一一間有勁多蔥花同洋蔥嘅鰻魚滑蛋飯，仲要上面有生菜同番茄，食沙律咩？可能有人會賞識，但我覺得啲配料嚴重影響左鰻魚飯本身嘅味道3）士多啤利椰奶葛粉條 - 係幾得意嘅，日本野黎講價錢都過得去，不過唔係好濃綠茶味，份量都有啲小4）士多啤利銅鑼燒 - 呢個係成餐飯比較滿意嘅唯一一樣食物，雖然士多啤利小左啲，但個燒餅幾好味服務態度一般，落單上菜同埋單速度都好慢食物整體一般賣相ok

看到抹茶館這個名字，相信大家已經知道食物以抹茶為主題，抹茶食物主要是指它的甜品，記憶中吃過的抹茶甜品，很多只有抹茶的外表和香味，其內涵總是欠缺點點真正的抹茶味道，今次嚐試了剛開業不久的抹茶館，它的抹茶甜品絕對有著個人的魅力，其實它的烏冬也做得不錯，不過相比起甜品，吸引力始終遜色一點。店鋪是一貫日式西餐廳的簡單佈置，座位之間也算寬敞舒適，是個二人用膳的好地方。餐牌上印著京都二字，不禁令人對它有點寄望，它提供的食物款式和種類有點像UCC和Pokka，不過它有著自己的風格，特別是甜品方面，配著熱騰騰的苿荊花茶一起奉上，品嚐甜品後，以熱茶中和口中的甜味，此舉實在有點心思。 卡邦尼溫泉蛋烏冬--平時一般吃到的都是卡邦尼意粉，今次卡邦尼醬配烏冬，明顯是西式與日式融合的食品，感覺有點新意，奉上時，份量看來不多，但是吃到差不多一半時，開始有點膩口的感覺，皆因食物裡有大量的卡邦尼醬汁和芝士所致，也因為有這豐富的醬料，所以有著creamy的口感，溫泉蛋是半生熟的，夾開時可以看到鮮黃色的蛋黃慢慢滲出，烏冬也頗為煙韌彈牙，整個食品的味道蠻不錯 抺茶芝士慕絲蛋糕配苿荊花茶--甜品是放置於一個小小的竹籃子內奉上，