手卷駅

營業中

休息中

去沙田禾輋嘅手卷駅食壽司同鰻魚丼，叫咗三文魚手卷、鰻魚丼同幾件壽司同女女分。手卷魚生都幾新鮮，飯粒分明，鰻魚丼道濃郁但又唔會太鹹或者太重味遮晒鰻魚既味道，鰻魚都好大條。蛋壽司叫俾女女食，都係正正常常嘅蛋壽司味道，唔會太過死甜。 價錢真係夠晒親民，份量足夠，真真正正嘅良心小店。餐廳環境簡潔，有別於其他壽司店，佢比較清靜，靜靜同女女享受一下壽司。加上我哋係非繁忙時間去就坐得更加舒適。 下次都可以試下外賣少少壽司俾老公食下。

禾輋邨街市外的小店，舖仔細細，食物高質，而家價錢抵食。三文魚、油甘魚、吞拿魚、海膽都好新鮮，單件壽司同樓上壽司郎差唔多價，但大件好多。平日夜晚堂食唔多人，不過見佢都多外賣單...街坊可以多多支持😋

今次去咗間細細地嘅店舖食晚餐，環境潔淨清靜，令人心情好輕鬆。🍱 首先話你知，佢哋啲飯真係好入味，咬落去QQ嘅，啲湯頭又夠香濃。啲小吃選擇有限，但係做得幾好食。例如個炸豆腐外皮炸得金黃鬆脆，入面豆香四溢，好過癮！海鮮味好鮮，個八爪魚多汁彈牙，係成日食過嘅中式小食當中，算係出色。🐙朋友點咗燒魚好香口，特別係個皮炸得啱啱好，唔會過於油膩。啲飯菜好有家鄉味，原汁原味嘅好食，就算頂級食材唔多，但係佢哋將平凡嘅食材做到咁有水準，真係唔容易。😋 服務態度好親切，令人食得更加開心，感覺到老闆嘅用心。雖然冇提供飲品，但佢哋嘅食物質素令人忘記咗呢點小遺憾，下次肯定再去！總括來講，如果你想搵個舒服嘅地方嘆下家常好菜，呢間店值得一試！記得早啲去，免得搵唔到位。👍

在戶戶送叫左d壽司，拖羅寫住係新鮮非急凍，價錢同🍣郎差唔多，所以就叫左中拖+大拖壽司。大拖油花好均勻，軟綿綿，入口就充滿油香，冇筋，我覺得好食過🍣郎。其他壽司都好食，魚生厚薄適中，唔會似爭先咁薄。可惜全部食晒冇影相😂另外叫左原隻軟殼蟹手卷，中間有加左d沙律醬，軟殼蟹有少少蟹膏，撈埋d醬食幾好味，送到黎屋企仲係暖同脆少少缺點，個飯容易分開兩截，wasabi一般，所以我用私伙wasabi😂 豉油味道不錯唔會過咸。屋邨小店黎講算好好食，價錢合理，一定好食過我樓下果間😭

家人平時會嚟手卷駅叫外賣，我都係第一次跟過嚟堂食，三大兩小食日本野，已經諗要食幾多先會飽。餐廳位置係巴士總站隔離，如果唔係家人帶路，可能唔易發現呢間小店。入座後，我地有叫刺身丼 ，刺身，壽司，辣味冷麵，炸軟殼蟹，天婦羅蝦等等，上菜都好快手。先講下刺身丼set，入面有三文魚，甜蝦，同北寄貝，跟三件壽司，我揀咗芥辣八爪魚，虎蝦，仲有三文魚壽司，除咗跟兩件小卷之外，仲有小食芝麻八爪魚，咁嘅丼set先58蚊，抵食到不得了，大胃王嘅我，食完都飽咗一大半。壽司都叫咗好多，當中左口魚壽司，同海膽壽司，馬糞海膽真係好好食，左口魚灸燒完充滿油香，都係必食之選。三文魚刺身厚切，新鮮同抵食，連小朋友都食到停唔到口。另外讚下店員哥哥，小朋友食完生冷野係咁咳，店員哥哥好好人，即刻煲個暖水俾小朋友飲，好有人情味。佢哋而家九點半就收工，如果下次想叫外賣，可能最遲九點就要打/whatsapp俾佢地，九點半前落去拎喇。

母親節就快到啦，想為媽媽慶祝同埋孝敬佢，仲要滿足自己嘅壽司慾望？手卷駅嘅外送日本菜正啱啦🤤 訂購過程簡單又方便，網站完成成個訂購，完成後只需要坐定定喺屋企就可以食到超高質嘅壽司喇！𝗕𝘂𝗯𝘂推介 🔥 👍海之幸禮盒盛呢個壽司盛盒有七款壽司，包括大拖羅、中拖羅、赤身、三文魚腩、海膽、珍寶赤蝦、三文魚子等，每款都新鮮可口，肥美飽滿，令人垂涎三尺。尤其係大拖羅，肥美鮮甜，入口即溶，令人一試難忘😋👍 四色極上刺身盛想品味新鮮嘅刺身，一定要試試手卷駅嘅「四色極上刺身盛」！四款厚切刺身，包括三文魚、油甘魚、吞拿魚、劍魚腩。三文魚脂肪分布均勻，口感豐滿，油甘魚則滑嫩入口，吞拿魚味道濃郁，劍魚腩更帶有特有嘅口感，中意刺身嘅你絕對唔好錯過👍依家仲有母親節限定優惠，凡消費滿$400，即可享免費送貨及$1拖羅1客，消費滿$800獲$1拖羅2客，如此類推🫡千祈唔好錯過🔥

最近到了一家日式小店——手卷駅，店面雖然不大，卻有著美味的日本料理。點了立貝丼，醫肚黎講非常實際，醬汁也算恰到好處。餐中還包了三件壽司，卷物同小食。一盒四樣，成年人都夠飽。如果你喜歡手卷，那這裡的手卷也是絕對不能錯過的菜品，經典的手卷味道令人回味無窮。最值得一提的是，手卷駅的價格相當實惠，美味的日本料理卻不需要花費太多，是一個非常好的選擇。當然5、60蚊既價錢就唔好要求100蚊既質素。始終一分錢一分貨。如果你正在尋找便宜美味的日本料理，那麼手卷駅是你不容錯過的好去處，相信你也會像我一樣愛上這裡的丼飯。

店舖好細，只有2張四人枱同一張二人枱，但都舒服嘅，餐廳無特登放多幾張枱，令客人都坐得寬敞。 食物方面係幾抵食，便當大概40-50左右，有好多野可以揀，不過40-50嘅價錢就不能期望係高質嘅刺身，但味道還可以的，不過份量就偏少，男仔就未必夠食喇！我揀果個係蟹子沙律+玉子燒，再加幾件壽司。玉子燒做得唔錯，可以一試。作為輕食係不錯。朋友果個係刺身飯便當，但飯量太小，男仔應該唔夠。另外就係佢嘅芥辣不是自己磨，不過可能我地係便當，所以都係現成貨。

第一次嚟幫襯小店因為疫情所以好耐冇食生野自己中咗後都冇所謂啦😅全日餐都算抵食掛住食忘記咗影相D 飯冇咩酸味魚生正常算新鮮散叫都抵每件計就方便同埋好環保用膠面餐單落order👍🏻

1️⃣ 炸蝦丼 $46 🤍4.5/5🌩 便當好出色🤩基本上包一個飯/麵+4份壽司+1份小食🍱好豐富料都好足~🌩 炸蝦新鮮即炸🔥好大條好脆🍤🌩 壽司方面有多款可以自選，三文魚魚生不過不失，粟米係有燒過嘅好有心思，選定嘅蟹棒反卷亦唔錯😋😋🌩 厚燒玉子好出色🌟🌟🌟玉子一層一層咁好厚，而且蛋香甜甜的🥚中間仲夾住微焦嘅半溶芝士🧀甜鹹match得好有層次感👅2️⃣ 吉列蝦反卷 $28 🤍4/5🌩 吉列蝦同樣超級香脆🍤 壽司飯仲温温的，夾埋紫菜食幾暖腹😌

夜晚想食壽司嘅時候，就會諗起手卷駅🤣餐廳鋪頭細細，大約只有十個位，所以我今日係外賣返屋企食😛我叫咗九件單點嘅壽司 (共$89)🍣 有八爪魚、墨魚、劍魚腩、象拔蚌、油甘魚、珍寶赤蝦、海膽魷魚、鮮帶子同埋火炙左口魚😛我覺得最好食就係珍寶赤蝦同鮮帶子😍赤蝦好膠，都算大隻～鮮帶子好厚，入口鮮味爆發😍食完之後水都唔捨得飲😂😂另外厚燒玉子🥚 ($13) 真係非常厚，玉子好甜，同時有火炙香😛入面夾咗少少飯，必叫！紫芋薯餅🥔 ($13) 都係必叫item😆炸得啱啱好，仲要入面有好多紫芋蓉，仲有幾粒栗子🤣味道適中，唔會過甜🤣性價比高，即叫即整，仲係禾輋難得嘅良心店，真心推介呀👍🏻

抵食壽司小店! 呢一間少日本菜!重點係佢件件都厚又放滿料,好抵食! 飛魚子軍艦 堆滿籽,入口卜卜脆!腐皮壽司 滷入味夠甜! 呑拿魚腩蓉軍艦 切到好細碎入口好香滑!火炙左口魚壽司 燒過魚油味道特別豐厚! 魚肉夠嫩夠厚身! 厚切三文魚壽司 大大件成CM厚呀! 食飯定食魚肉呢?XD 非常好食,好抵食!菠蘿味炭酸飲品 日本貨,夠清爽解渴真正大件夾抵食,好多中學生食消費$99沙田德厚街3號禾輋邨厚和樓地下SU22號舖

今日同2個朋友去左呢間手卷駅食午餐，第一次食。舖頭唔大，枱亦唔多，但好彩我地就唔駛等位即入。雖然呢間舖頭主打「手卷」但今次就無食，反而食左佢地的A+B+C的套餐。佢地係張過膠咭紙上點餐，好似幾環保咁，不過之後又覺得佢地某啲做法唔係咁環保。我叫左呢個，有壽司、冷面同埋芝麻八爪魚。 壽司味道一般，係普通爭鮮質素，元氣較為好食。芝麻八爪魚係好食的，但可惜個醬好好好結，結到好似「鼻涕」一樣。冷面就加左好多沙律醬，如果只計個面係好食的，但個醬太多了，又係好結，我情願無醬，或者改返做冷面豉油加Wasabi。加多$3可以要盒紙包飲品。我朋友的A+B+C的套餐，也是有壽司，佢話螺肉同芝麻八爪魚一樣係個醬好「結」，蟹籽沙律就正正常常。而我另一朋友就話玉子好好食，咁可能就要下次先試下。我地另外要左個紫薯餅，$23/2件，呢個好抵食，因為真係好熱，係即炸，而且裡面仲有原粒粟子，我另外2個朋友都大讚。最後覺得呢個舖頭唔算係好環保，因為我地食的餐都係用即棄餐具。另外，呢間舖頭如果比較埋個環境和食物質素，其實唔算真係好抵食，CP值有待提高。不過發現好多中學生來食，可能附近唔算多呢個價位的日本食物掛。

作為沙田友，知道手卷駅係沙田有分店巧開針😆 但因為住得唔近而堂食既位少，所以開左一排都未幫襯過啊～ 有日去開個邊探朋友就順便試下啦！講下食左咩啦💁🏽‍♀️➿ 便當之選鰻魚丼 ($52)自選壽司: 松葉蟹棒 • 熟蝦 • 螺肉 + 蟹棒反卷小食: 螺肉➿ 自選魚生丼套餐($68)三文魚*2 • 北寄貝 • 玉子三文魚是必叫的，因為夠厚切啊👍🏽 刺身下面、壽司飯上面加左d飯素，加分加分！另外追加左兩件壽司🍣➿ 火炙蝦壽司 ($9)➿ 粟米壽司 ($5)粟米標謗來源係日本既☺️ 單單係刀工同炙燒過，而只係$5，絕對值啦！我覺得整體份量岩岩好，價錢合理，街坊要繼續大力支持啊💪🏽🙂

今日一起身就好想食壽司,但懶癌發作……所以5點幾先出門口😂去到舖頭已經18:20(暫時得職員同我地,但過多幾個字已滿座<舖內位置唔多,只有10個位>)出餐既速度拍得住落單……呢頭落完單俾錢;轉個頭已經可以拎得(快到你唔信)食物方面黎講都係比較新鮮,特別係海膽'食到鮮甜既味'但有啲失望～三文魚腩刺身咁早就賣哂！食到尾段既時候已經有人等緊位~其間外賣既人都唔少整體黎講非常好有望成為我既假日食堂~~~