手作功夫茶 (良景廣場)

冰打得冇咁細，明顯飲到勁多勁大粒冰 口感差，完全冇味勁淡，奶蓋都係得一啖咁大把，好似飲緊冰溝水咁！！！！！店員態度差淨係掛住傾偈，唔會主動問需唔需要要少冰或少甜，整嘢飲嘅時間雖然非常快，但係啲冰完全冇攪勻，咁嘅服務同質素完全唔值得洗幾十蚊買杯嘢飲，超唔建議去買，完全唔值得去飲…查看更多

職員態度勁度差劣，對客人嘅態度同語氣其差，買杯茶都唔會問你少甜少冰需唔需要！最基本嘅服務都唔識，多謝/唔該！全無！講野倔擂槌！淨係識得喺間鋪入面吹水！ 杯茶越嚟越難飲，講咗少甜都甜到嘔！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯。。。。。。。。。。。。。。。。。。。。。。。。。。。。。。…查看更多

今次嘅評論都一早有見過有其他類似嘅評論分享過，只係冇諗到會一直都唔改善.OpenRice落咗兩杯飲品- 柚香晶球綠茶（凍）＄32- 鐵觀音拿鐵(熱） $29打算一去到就拎得，點知去到見兩杯都係凍嘅，之後我就同佢講番話我杯拿鐵係熱嘅你以為職員會講「唔好意思」「依家即刻換返比你」？ 係完全冇！.女職員冇出聲，淨係喺部機度翻查一次，就拎返走杯野入去，徒手打開（但開口唔夠大，再用手指插入去撐開個口）之後就直接到返落另一隻杯到，再由隻杯隔冰倒去第三隻杯到，跟住應該放入另一部機度做稍加暖，最後成杯野就由男職員拎入去另一邊。（其實因為佢塊簾冇遮得曬，所以客人可以見到佢係點樣操作）.女職員之後就坐返埋個位到繼續撳電話（最初拎杯野入去之前都係一直撳緊電話，check返單之後都係冇洗手嘅情況下，就用手指直接撐開杯口）.最後男職員將杯熱左嘅飲品拎出黎，見到佢再倒啲熱水，再封返蓋口就比我。同時間有其他客人入左黎，我反問佢係唔係將頭先杯野倒返入去加熱比我，男職員都係冇出聲，只係輕輕搖頭。（去到最後兩個職員都係冇講過任何一句說話）.之前喺屯門其他分店一直都有好好嘅購買體驗，只可以話呢一間良景分店每況愈下，態度差，服務差，衛生差，質素差.冇下次，寧願行遠少少過田景買仲好！…查看更多

之前叫過佢無糖嘅綠茶都幾好飲，所以今次經開試下好嗌咗杯38奶霸 都幾好味㗎 珍珠仙草，口感豐富 飲完都會覺得好滿足 同埋就算冇嗌少甜都唔會過分甜😆😆😆唔怪之得開咗咁多間分店🤣…查看更多

呢間嘢真心唔得收咗杯鐵觀音珍珠奶茶去冰然後俾咗杯有冰嘅我，我同返佢講然後佢就攞多個杯隔走D冰，唔知係咪有D冰落唔到去然後就見到佢攞隻手係到掟D冰😅😅都算仲直接加水確定杯嘢仲飲得？完全冇味同水一樣。。。間嘢嘅名聲都俾佢哋搞臭，請埋D咁嘅員工咁搞遲早执…查看更多