手作功夫茶 (天瑞商場)

營業中

休息中

叫兩杯嘢飲，其中一杯錫蘭紅茶奶茶，俾咗紅茶😤難得奬勵自己飲一次嘢，點知就俾錯，飲唔到自己想飲嘅嘢😭而家全部用晒全密封杯，真係要返到屋企飲嗰下先知俾錯，差評！！！

炎炎夏日🥵出街走一走就按捺不住要買一杯消暑解渴的夏日凍飲解溫💦💦經開天水圍天瑞邨，都想買一杯特飲解下暑🥃見到呢間舖頭都好多特色嘢飲：精選凍飲、熱帶水果茶…總有一杯啱心意🫶🏻🫶🏻✨【鳳梨椰果紅茶】（清爽果香口味）▶️酸酸😆甜甜嘅水果▶️鳳梨🍍解渴得來又美味▶️用上鳳梨汁，加入新鮮果肉💥▶️味道酸甜，清新😎十分消暑▶️每一口都能感受到紅茶☕️的香味▶️具有豐富營養價值✌️真係令人回味🤝🤝小朋友給大人，絕對不容錯過‼️

喂喂喂，講真，行過呢間小店，香氣撲鼻，真係忍唔住入去嘗下。手作功夫茶，一試，即刻愛上🥰。我揀咗杯鐵觀音拿鐵，微蜜，一啖，鮮奶香滑，鐵觀音茶底濃郁得滯，真係正到爆炸！BB個芋頭Q奶綠，微微嘅甜味啱晒唔鐘意太甜嘅我，芋泥香味撲鼻，Q彈彈牙好過癮。啱哂來個小食充個飢，聊嗲天，朝拜完肚，暖笠笠午後時光。😚💕你問我會唔會再嚟？答你兩個字：必須！下次我要試埋芝士奶蓋系列，諗起就流口水啦！🤤🍵💯

屋企樓下最近新開左一間台式飲品 手作功夫茶。我一向鍾意飲奶蓋，今日點了杯芝士奶蓋芒果。他們的芒果芝士奶蓋，入面有粒粒果肉，口感豐富。每一口都能感受到芒果的天然甜味和果肉的細緻口感，讓人垂涎欲滴。其次，芝士奶蓋的濃郁奶香與芒果的酸甜完美融合，形成了一個平衡的口感。喝著這款飲品，彷彿置身於一片芒果的世界中，美妙的滋味讓人不忍釋手。整體來說，屋企樓下的手作功夫茶店以台式飲品而聞名，而他們的芝士奶蓋芒果果肉絕對是一款必試的台式飲品。我強烈推薦這家店，無論是愛茶還是愛果汁的人都能在這裡找到自己喜愛的口味。不妨下次有機會時，去品嚐一番，相信你也會成為他們的忠實粉絲！

今日經過重新裝修嘅手作功夫茶點左杯38奶霸，一如既往咁足料！可能重新裝修嘅關係，店外人龍好長，但店員態度好好，值得讚！服務態度真係好好

14:19 係天水圍天瑞分店買左杯宇治抹茶拿鐵，一行近就聽到店內背景音樂十分大聲，同店員講左一次要飲咩（正常聲線），可能音聲大音佢聽唔清楚，就話「你係咪唔識講野？」。如果店員聽唔清楚我第一次點餐 ，可以禮貌叫我重覆一次，但她回應「你係咪唔識講嘢」，係應有既服務態度？ 我吾知該職員名字，只見到係一個綁馬尾年約20的女仔。成間公司香港區都冇一個投訴電話？係咪逼人喺你哋啲社交平台度公布？

放假無聊喺天水圍打個轉，今岩見到一間台式手搖飲品店，咁就一時興起想飲番杯嘢，而且嗰陣天時熱，最啱就係飲返杯凍嘢涼下個身體。我經過嘅時候排隊嘅人唔係好多，所以由等買嘢到攞到杯嘢嘅時間唔算好長，十分鐘內就搞得掂。對比起其他台式飲料店呢間舖嘅嘢唔算貴，性價比高。珍珠奶綠 $24本身叫左珍珠奶綠，唔知係本身就有黑糖加入去定係佢加多咗，飲落口就有好濃嘅黑糖味，成杯嘢飲極甜，飲唔慣甜野嘅人可能接受唔到，不過個甜味唔會掩蓋咗綠茶嘅味道，綠茶味道好飲，奶味都夠，如果個甜度少啲成杯嘢就好完美。珍珠用量都唔少，成杯嘢飲到最尾我都飲到珍珠，珍珠彈牙唔會太軟淋，有咬口，一啲都唔遜色。

山長水遠去到天瑞，叫左杯伯爵珍珠奶茶去冰半糖，拎走飲，走遠左先知道奶哂嘢。。。杯伯爵奶茶甜到嘔，勁度中伏，完全蓋哂Earl Grey嘅味道，只有甜味。叫半糖竟然仲可以甜到咁，只係得番啲糖水味😑😑😑永遠不會再幫襯，亦會叫所有朋友唔好幫襯Today I ordered a cup of earl grey bubble tea (half sugar / de-iced) in Tin Shui shop, but this drink is extremely sweet.😥😥😥Ridiculous!

開開心心收工諗住買杯嘢飲，點知個職員個樣又西，一啲笑容都冇。態度仲西，一句多謝晒/唔該晒都冇。做嘢又拿西，杯嘢飲求其hea抹，搞到我成手黑糖仲hi到件衫污糟咗，真係好嬲其實之前都用網上外賣平台幫襯過，杯嘢飲喺齊度都唔叫人攞係咩事，我就白白企咗喺度等咗勁耐…其他分店我都幫襯過，都冇呢個情況出現，人地啲人手仲要少呢度好多，點夾都唔會多過4個人，佢呢度同時至少5個，客流量又未算好多，點解都可以咁hea

今次第一次飲手作功夫茶，望住個menu諗左好耐，最後都係係佢推介既飲品入面揀🤣揀左我平時都好鍾意飲既抹茶拿鐵🤤佢地既珍珠奶茶、水果茶同埋奶蓋好似都唔錯，下次可以試下。1⃣️宇治抹茶拿鐵（$32）因為外賣拎走，拎到翻去既時候已經冇左個漸層效果，冇咁靚了🙈嗌左走冰，微糖，幾好甜度啱啱好。不過個人覺得佢既抹茶味可以再濃啲，同埋奶味都比較淡。 

同家姐食完野 就同家姐過嚟呢度買嘢飲 因為之前試過呢間嘅「柚香晶球綠茶」都好味 ～天氣凍得來有少少陽光都想買返杯 在慢慢行返屋企😂我一心就諗住飲呢個 所以好快就諗到！但家姐有0.0 5秒選擇障礙 所以家姐諗唔到排到佢 佢就求其叫咗呢個 速微甜都唔記得嗌😂 家姐仲話呢度店員 無問佢冰量 同埋糖嘅濃度所以窒咗一陣 跟住我話其實我懷疑係正常嘅下次要自己早啲講哈哈😂😂 因為佢話其他好多連鎖店都有問埋要唔要少冰食嗰啲咁我個杯就一定要嗌「微蜜」所以甜到啱啱好酸酸美味好開胃 同埋我鍾意佢夠多冰😂😂個人覺得凍飲啲冰好快溶就冇嗰個感覺咁家姐個杯38奶霸冇「微蜜」咁當然會甜啲啦 但係我覺得佢嗰啲杯嘢飲好似奶味唔係好夠有少少奶精feel 同埋佢個杯好多料！肚餓嘅人可以叫 🤭

食完飯之後想飲杯奶茶，但9點幾好多手搖鋪都閂左，好在功夫茶係開到10:30咋! 第一次試呢間，又咁多選擇，完全唔知飲咩好! 最後簡左杯伯爵奶茶，先$22，就咁大杯，而家呢D款，出面至少賣緊27-29蚊。伯爵味都夠，比較重奶味，如果茶底濃多少少就更好!

手作功夫茶紅豆奶茶$24我自己好鍾意飲呢啲台式飲品，所以好多大型連鎖台式飲品店都飲過晒。今日有少少唔舒服但係都好想飲台式飲品，所以大熱天時，都叫咗杯熱嘅紅豆奶茶，絕對有驚喜。純粹口痕想食紅豆🙈🙈🙈由於唔想飲太甜，所以自己要無糖，一飲落口就知我解無糖係冇錯。我覺得冇糖甜度啱啱好，因為本身紅豆已經有啲甜味。佢嘅奶茶香濃得來，真係有茶香，整體感覺好好，有少少似茶餐廳嘅奶茶咁好飲。價錢好親民，咁大大杯都只係$24，會再飲。

冬瓜茶配寒天球 & 紅豆奶茶配黑糖珍珠建議：冬瓜茶太甜，如果真係配功夫茶應該會好啲。手作冬瓜茶 HK$24 (配寒天球)一個字甜🤣 茶味飲唔出，淨係飲到少少冬瓜味？！其他都係甜味。第一次試寒天球又幾好口感，唔錯，係可encore 既 配料選擇😋 (唔會係因為去冰，所以係得番淨甜掛 🤔 請指教)紅豆奶茶 HK$28 (配黑糖珍珠)以價錢黎講，算係可接受既，不過飲到底有啲紅豆可能煮得唔夠耐。有啲就好林，有啲又好硬 🤔 配黑糖珍珠 不過不失🤭➡️其實如果茶底用功夫茶，真係唔錯😋 不如考慮下呀✌🏻

今次已經係第5次幫襯，但好令人失望點左薑汁鮮奶+$4黑糖波霸佢個杯黑色我睇唔到入面杯野咩樣番到屋企飲先知冇加到同埋杯野同薑汁奶茶一樣味，可能連杯野都整錯呢件事已經唔係第一次發生上次點左熱薑汁奶茶+$4粉粿又係冇加粉粿再有一次幫襯點熱飲，但俾杯涷飲如果忙得濟所以整錯都可以原諒但係有兩次出錯成班員工都企係到吹水請你地既員工做野認真少少整既時候睇清楚個客有咩要求出單前再檢查一次其實杯野係整得幾好飲，但做野太大意如果員工小心啲會更好