手作功夫茶 (衙前圍道)

叫咗杯愛玉檸檬鐵觀音，茶底幾香，寫就沙冰，其實係細粒嘅冰，不過都叫好飲。飲品唔錯，可回購，但最大問題係員工態度極差，嬲爆爆，唔係要求要好好態度，但不至於放杯飲品俾客要大大力呯一聲卦，好冇禮物。如果老闆見到，真係要考慮吓係咪繼續用呢間分店嘅員工。…查看更多

叫左少甜少冰鐵觀音奶茶，但個女cashier話無聽到少甜，仲話翻我地轉頭話，好似係我地錯咁，一句唔好意思都無。個奶茶勁甜，完全飲唔落，老闆請著啲咁既員工真係唔使旨意有錢賺，我係老闆既話即炒。個女員工擺明hea 做，今時今日咁既服務態度，唔怪得香港越黎越無競爭力。個女員工自己做錯，仲好意思叫同我地講：你另外俾錢買多杯囉！最後飲左一啖飲唔落去，就咁擺低左杯野，白白浪費左30幾蚊。本身住附近，以後都唔會再幫襯佢…查看更多

啱啱去咗買兩杯嘢飲其中一杯係百香QQ我叫咗走甜走冰點知個職員話冇得走珍珠開頭我以為佢聽錯order所以我咪再講我要走甜走冰點知佢啲態度勁差: 冇得走珍珠呀!!!!!另一個職員即刻出嚟同我解釋: 其實我哋啲珍珠賣晒……表達有問題 仲要態度差😡😡😡…查看更多

買咗一杯飲品，男嘅店員將杯嘢放喺洗手盆內邊度，女嘅喺隔離用百潔布用洗潔精洗緊嘢，距離只有40厘米左右，係同一個洗手盆，同佢反映，你整緊嘢你喺隔離用洗潔精洗嘢，操作好有問題，影響衛生，雖然喺街邊你唔但求佢有幾咁乾淨，但係你都唔係喺個客面前用洗潔精洗嘢呀，仲要辯駁我喺隔離咋嘛。難度啲水唔會彈嘅？個客已經睇到你咁樣做啦，仲要辯駁喺隔離唔會影響，之後佢話再做咗一杯，然後我見到佢最後用個蓋撥開啲泡嘅同時，個蓋亦倒左啲水喉水落去。我諗你洗咗嘅水唔會用過濾水洗掛。30幾蚊俾杯咁嘅嘢你飲。…查看更多

經過響嗰度買咗杯熱黑糖珍珠鮮奶，飲咗幾啖都發現啲味好奇怪，完全冇黑糖味，勁淡，飲咗1/3杯頂唔順🤢絕對無下次！！唔會再幫襯呢間分店！從來未飲過咁難飲嘅黑糖珍奶😩…查看更多

選擇太多，選擇困難出現了，有唔同系列，例如有薑汁系列、芝士玫瑰鹽、黑糖波霸、鮮純水果茶、拿鐵、純茶、厚奶茶。🧋3Q奶茶 (珍珠、紅豆、仙草) 凍, 少蜜, 少冰鍾意食紅豆，又想食到仙草，又想試下珍珠，呢一杯一次過滿足我三個需要。奶茶味適中，珍珠有驚喜，Q彈有咬口，少蜜已經夠晒甜。🧋特濃黑糖波霸鮮奶（凍）外型趣致，黑糖味濃。🧋鐵觀音珍珠奶茶（凍）無冰，少蜜茶味香，天氣凍，飲凍嘢無冰都夠晒凍。🧋鐵觀音珍珠奶茶（熱）無蜜同凍嘅外型差唔多。無蜜都已經甜:)。…查看更多

今日叫咗一杯水果茶，茶飲是OK的，有茶香有果味，雖然唔明點解走甜依然咁甜⋯欣賞他們有請外籍小妹妹，廣東話好好👍🏻佢全程好勤力係咁做冇停手反而短頭髮女仔全程黑面唔知做乜，個個去買嘢飲都係客人同佢講唔該，全程零交流，佢個樣好似人哋得罪佢咁😥雖然買杯野飲幾十蚊唔係要咩服務，你回講句OK, 講句多謝都好啊，全程唔黑面個個客都好態度過你就唔係咁好囉， 希望佢只係咁啱唔開心會有改善⋯另外杯茶可能係我miss 左聽唔到佢嗌飛，佢又收埋咗擺喺枱底，搞到等咗勁耐，要問佢先拎出嚟唔知做乜🤷🏻‍♀️…查看更多