戶井北海道米比薩 (已結業)

哈~ 今日阿媽冇煮飯, 諗住捉佢落淘大行陣, 點知順手話不如係度食埋先返..又得者~等埋老豆放工就去搵食... 平時假日帶住阿爺, 選擇唔多, 今晚得我地3個就可試下其他野...未試過唔敢帶佢去呀! 見呢度開左咁耐都未黎過, 望見好似幾吸引, 就入去望望啦.入到黎望到餐牌就大鑊喇..呢度招牌菜係米PIZZA, 想試既話得2人餐有得揀, 但2人餐既選項係SALAD+PIZZA + 意粉同飲品, 同埋原來魔鬼在細節, 個餐以為有得揀, 實際上係FIX 死左好多野, 要轉野咩?! 加錢啦唔該~~我就認為太多澱粉質, 如果想試PIZZA, 我未必同時想食意粉類, 可能係一個PIZZA + 肉 好似咁樣揀會開心D~講到呢個MENU, 揀唔落手, 差D 想走, 冇既, 咪散叫咯~我地叫左小食拚盤 $58 有雞翼X2, 墨魚仔串X2, 餃子X2, SALAD菜同薯角。另外叫左個千島天婦羅大蝦米PIZZA $108 REGULAR SIZE都唔錯既, 不過不失~之後叫多個鐵板豬柳扒$58 有兩大塊豬扒, 但除左豬扒外, 配菜比較少~SORRY 呀真係, 平時有睇開我D 食評, 其實我都唔係一個要求高既人, 可能會覺得我寫乜都話好食, 唔差.講真, 我都明白做生意有幾難, 未去到難食頂唔順我都唔會畀差評~原本一入到黎, 安排左一張台我地話太熱唔夠冷氣想轉台, 呢個時候已畀人黑面...都算, 睇完MENU D SET 揀唔落手都真係有D想走.不過個個時間走左可能搵唔到位.正所謂好又一餐, 唔好又一餐嘛個人感覺, 去返大X活應該會抵食又好味D~因為去快餐店我唔會有EXPECTATION, 但去餐廳食, 重係會收加一既餐廳, 我真係會有少少要求~…查看更多

今日夜晚去左淘大商場，呀媽同吾姊話想食pizza，又唔想食連鎖店，所以就揀左呢間。可惜，食完之後真係覺得「可一，不可再。」餐牌方面，主要有兩份，一份係主餐牌：有Pizza、意粉、沙律、前菜小食、蛋包飯、大阪燒以及各種特色飲品；另一份係套餐餐牌：有鐵板扒餐同$168的2人套餐。留意返：呢個2人套餐其實Fix左你可以食嘅嘢（包括：西班牙辣雞肉番茄米pizza、溫泉蛋肉醬意大利麵、北海道牛油果沙律），如果要轉其他Pizza、飯、意粉、沙律，就需要加錢（大概加$28-38左右）。環境和衛生方面，可能因為地理位置嘅問題（喺2/F嘅篤篤位置），晚餐時段，鋪內仍然好多吉枱，店內客人寥寥無幾。正當我同吾姊睇餐牌睇到興起之際，突然有隻長達1.5cm的小強出現喺枱上嘅餐碟上，嚇得吾姊飛撲在我身上，此時心裏已經暗暗扣左10分。食物方面，我地最後叫左$168呢個2人套餐，首先黎到嘅係北海道牛油果沙律。賣相唔錯，牛油果同蔬菜都夠新鮮，但一齊上枱嘅沙律醋嘅味道唔係我哋一般食到嘅酸甜味，而係好似豉油咁嘅鹹味，感覺有啲奇怪，雖然係咁，但怕且呢個沙律係全餐飯最好食嘅一道菜。然後上枱嘅係溫泉蛋肉醬意大利麵（左上角），正當我想將溫泉蛋嘅蛋汁同意大利麵撈埋嘅時候，我發現呢隻溫泉蛋原來得蛋白，並冇蛋黃汁，有啲被騙嘅感覺。將蛋白撈勻之後，試咗一啖，兩隻字：「極鹹！」意粉嘅味道雖然同大X樂/大X活嘅肉醬意粉味道差唔多，但鹹幾倍。最後上枱嘅係西班牙辣雞肉米pizza，都怪我地睇餐牌嘅時候睇漏左個「米」字，呢個其實都稱唔上係一個Pizza，「批底」只係一啲用飯焦整成嘅餅底，脆脆地咁，但同Pizza口感大纜都扯唔埋。雖然雞肉好大舊，亦都可以玩芝士拉絲，但其實雞肉唔辣，整體材料唔夠豐富。另外，餐牌上話有「無限添加汽水」，但落單嘅時候店員問都冇問過我地要咩汽水，跟住就比左一罐百事可樂，分別倒入兩隻杯serve上枱，我個人唔鍾意飲可樂，仲要係「百事」，大失所望。總括來講，$168加埋一，即係$185，三個人來講算唔貴，但質素咁樣真係好失望，再加上比隻小強嚇一嚇，成餐飯即刻冇晒食慾，水準有待改善。…查看更多

九龍灣餐廳選擇多,但好食又抵食的通常都大排長龍😶😶費煞思量也想不到吃甚麼,抬頭看到toi的招牌,就選它吧😉晚上八時多,等了約15分鐘便入座了~叫了二人餐,指定的組合盛惠$168,汽水任添~ 指定組合有牛油果沙律,辣雞肉米比薩和肉醬意粉,也可加$28至$38的價錢升級至其他組合牛油果沙律🥑牛油果的份量大約有半個,沙律菜也算新鮮,但我個人不太喜歡那個沙律醋🤔不過香港的餐廳沒有很多間會選牛油果作食材,對於熱愛牛油果的我還是很驚喜的❤❤❤肉醬意粉雖然賣相可以,但味道很淡很淡.....🤢🤢(我怎麼覺得我自己做的還更好吃?!) 不推薦🙅🙅辣雞肉米比蕯這個我最喜歡😍雞肉嫩滑啖啖肉,不太辣,米比蕯脆脆的又沒有"燶",芝士也做到像傳統pizza的拉絲效果~ 但男友反而不喜歡,因為米飯太多,而且比蕯跟上面的配料很容易分離🤷餐廳環境ok,坐得舒服,但服務一般😓我們套餐的汽水遲遲不上,跟他們說了之後還是等了一段時間才有...而且侍應大多都掛著一副臭臉..不然就是累透了的樣子🙍🙍這樣的服務也值得收取加一服務費嗎??另外個人覺得晚市menu除了二人餐價格ok,其他一律偏貴~以後晚市時段在九龍灣應不會再考慮這一間👎…查看更多

話說之前去左隔離食飯,走嗰時見到呢邊二人餐都好抵,眼裡淨係見到$168呢個字眼所以今晚同朋友黎試下,坐低仔細睇先發現事情唔係咁單純..好早黎到,未夠7點,店內得一枱,應該都係坐低冇耐我地被安排坐佢地隔離,但帶位嗰時冇俾menu,等隔離落完單先拎menu過黎當然係瞄準二人餐menu,d食物相都影得幾差,仲有少少起格,圖片不能參考話說$168係有米pizza+意粉+沙律+無限汽水但原來以上都係指定款式,要轉款每樣就+$28後悔冇睇清楚就中入黎,我錯了~沙律賣相算係咁,不過上枱時已經parma ham包住左個蜜瓜,汁另上都幾值得一讚,可以自己選擇要幾多先落d菜都ok新鮮差d漏左講,跟餐指定唔係呢個沙律,呢度+$28意粉就冇轉,要返指定嘅溫泉蛋肉醬肉唔係好多,我選擇撈埋隻蛋黎食;意粉質感尚可,我個人都冇乜要求嘅最後係米pizza,都幾薄,呢個都唔係跟餐指定款朋友唔食洋蔥所以叫佢走左,店員當時話呢款有三色椒洗唔洗走,講左淨係走洋蔥,但最終似乎走哂...所以個pizza得返帶子+蟹柳始終都係飯黎,所以得個邊係脆,唔難食嘅,但唔會wow囉所謂無限汽水係喺你面前開罐百事倒落個裝左冰嘅杯度,又真係可以一罐兩份;不過我地冇添飲我算細食,所以覺得夠飽,但朋友就話佢仲有肚可以落去食甜品,可能男士會覺得唔係好夠喇…查看更多

雖然愛好周圍試新餐廳但已經來過這裡吃很多次(以前沙田分店也光顧過，可惜已結業）覺得是日式西餐抵吃之選有特別的「米紙 Pizza」是用米造成 Pizza 的「餅底」脆口得來沒有平日 Pizza 的膩.雖然公道地說不是所有菜式都很好吃但以這裡的價錢吃到這些質素算不錯無論午餐 或 晚餐 凍熱飲同價還送 Haagen-Dazs 雪糕（加 $5 可以選擇雪糕批）.環境方面座位也很寬闊最近九龍灣影藝戲院倒閉附近另一間日式西餐廳又倒閉有點擔心真的希望以後看完戲也能過來吃一頓！…查看更多

忙完終於有時間約朋友食飯～今次係九龍灣試呢間米比薩！一黎個湯⋯⋯味道係可以既！屬正常味道，但個多士唔脆⋯😔蒜蓉味都唔濃⋯差左少少⋯⋯到米比薩⋯我地揀左大蝦既⋯蝦既數量算多⋯亦都炸得幾脆⋯唔會好梅咁～不過我覺得個比薩唔係好夠醬⋯⋯令到食落好似飯還飯⋯同個蝦配唔埋⋯⋯可能加d千島醬會夾d🤣😅個蛋包飯～佢係可以自己揀咩醬既～我就揀左漢堡排配牛肝菌汁～😋😋我覺得個汁好香好好食⋯配埋個漢堡排好夾！重有d沙律菜～👍🏻不過個漢堡排就唔係話好特別⋯佢寫住話係自家製⋯不過食完一次唔係話好吸引會食第二次囉⋯⋯🤭個汁就會⋯⋯⋯大板燒⋯⋯我係咪未食過正宗？😫佢入面超級多紅薑⋯日式果隻紅薑⋯⋯我超級唔中意⋯個味好濃，挑極都挑唔晒🤢所以我唔鍾意！同埋佢入面好多椰菜⋯除左紅薑味之外⋯佢整體都唔特別⋯⋯整體黎講⋯⋯成餐飯⋯我只係比較喜歡個蛋包飯～個牛肝菌汁好味道！😋…查看更多

在九龍灣吃飯，隨隨便便的茶餐廳也要$50，但今天午市時段剛巧經過這裡，見價錢合適便與同事一行入內。午市時段有套餐優惠，而且憑公司職員證有免加一服務費，以今時今日的消費來說是非常化算。我們點了2 個套餐，都是北海道牛乳蛋包飯，我點的是吉烈豬排套餐，同事點的是自家制漢堡$66，同事強烈推薦配以牛肝菌汁，套餐還包一杯熱飲，一片蒜蓉包及一碗餐湯，份量很飽肚，亦很好吃～雖然不太像蛋包飯，可以說是炒滑蛋飯，但仍然很好吃，CP 值很高的一個午餐，值得推介👍🏻👍🏻👍🏻…查看更多

中午時間去光顧，店內不算多人。芒果黑椒雞肉米披薩用料豐富，雞肉都大塊，上面還有醬料和滿滿的芝士，真係好味。本身以為份量偏少，但係原來米比薩都好似食飯甘，很香又飽肚！略嫌米比薩的飯底比較軟身，拿起比較容易散開，所以如果個飯底再硬小小脆小小更好！另外蛋包飯也不錯，雖然個蛋不是特別重蛋味和牛乳味，但係勝在牛肝菌汁有驚喜，吉列魚柳好脆好食！店舖的環境和服務態度很好，很適合一班朋友來這裡聚腳和食野。因為其它米披薩的樣子都非常吸引，會再回來食～…查看更多

一直都聽到呢間食店既comment麻麻，但奈何今日lunch約左朋友12:30，係周圍都要勁排隊既情況下，我知呢到唔駛等，就決定試下佢係咪真係咁伏。首先，最致命係D野唔熱，係一上枱都唔熱，而且一D食物既香味都冇，有D似整好左好耐，放左係到，等客食咁。其次，餐湯配蒜蓉包，個湯係冇溫度既，蒜蓉包唔脆不特止，仲要"林'😖最後，個賣相都唔店，菠菜蛋包飯，個飯好似比塊大生菜包住咁，食落先知塊綠色野係蛋，唔係菜。伏成咁，唔怪得1230呢D黃金lunch hour 都冇人去😪…查看更多

見米pizza 咁得意就諗住試下 但結果好令人失望1. 環境：ok佈置ok 坐位舒服 2. 衛生 ：差坐位有飯刀有食物殘渣枱污糟3. 服務 ：差無侍應留守樓面，全部唔見晒，搵人搵足5分鐘先有人黎職員無禮貌上菜粗暴，求其撞開啲野就上枱枱面水都無支少客都要等四/五個字先上菜4. 食物 ：失望蕃茄海鮮米pizza -賣相可以但無熱度pizza 底唔脆 入口如一般米飯豬肋骨-成碟野凍冰冰份量細就連甜品，只係Haaen-Dazs雪糕都出事雪到勁硬，同冰一樣，擺左3分鐘，支匙羹都仲係吉極都吉唔入總結：無下次 …查看更多

星期五Happy Friday。睇完戲就係淘大覓食。見到餐廳個名米比薩，未食過於是就去一試。我地兩個人，係自選晚餐中揀左3款，分別係一個豬肋排，一個意粉，一個米比薩，跟餐有3杯飲料同3杯雪糕，合共$238（未計加一），算係抵食。第一個上既係意粉。麵身幾硬，唔會太軟，呢點我好欣賞。配青醬加佢既香料蒜蓉，味道唔錯。但可惜d鮮蜆唔新鮮，有少少腥味，而且麵中有蜆殼碎，大大減分。第二道菜係米比薩。第一次食，感覺有點像飯焦，個比邊幾脆，中間煙煙韌韌，同上面既配料-甜甜地既芒果同幾滑既雞肉-幾夾，幾好食。但我都係中意正宗Pizza多點。食到第三道菜我已經好飽，所以主要交比另一伴完成。佢話d薯角幾有薯味😅豬排肉都滑。但我就覺得個豬排有點肥，而粟米就ok。食完依家揀左個3個菜，真係太飽，所以我覺得下次應該揀個沙律替代個豬肋排，會無咁飽，而且健康d。飲品方面，如果你叫餐，可以以半價換特飲，而我地就點左普通奶茶，不過不失，無特別。雪糕，好味。因為怕食唔哂浪費，只係要左兩杯雪糕（原本佢送3杯）一間成功既餐廳，除左要有好既食物質素，基本友善既服務都唔少得。呢間餐廳既食物味道係可以接受，但佢要努力改善侍應既服務態度。一開始未入餐廳前，係門口問個接待侍應個細米比薩太概幾大，佢都已經唔太耐煩地答我地。坐低之後個服務都無改善到，無次問佢問題都好似得罪佢咁，一點也不友善。…查看更多

總之一句講晒，唔會再幫襯。本人都係第一次食到要blacklist間店。。。。開始入店已經無職員招呼，之後order又沒人理，點了兩個main course餐，蜆肉意粉加豚肉pizza.無味嘅程度好似完全無落調味料。最安慰嘅係臨尾有hasten dazs雪糕食。…查看更多

前一晚通完頂，本身諗住訓醒同朋友去睇戲，點知前一晚發生咗突發事件，搞到朝早個人好攰，攰到一訓就訓耐咗，一訓醒就趕去九龍灣，去到九龍灣遇上路面水浸，趕唔切電影開場，朋友夜晚又約咗人，所以唯有另約其他日子睇戲。咁啱朋友都未食lunch，所以就一齊去食下午茶（係！因為已經過咗午餐時間……）經過呢間野，覺得D野食幾吸引，所以就入咗去啦！正常平日下畫兩點幾三點都係大家要返工既時間，所以入到去好少人，我地可以揀位坐。座位與座位之間都算闊落，店鋪燈光柔和，牆身係紅磚裝飾，整體讓人感到舒服。坐底睇MENU，本身想睇下有冇下午茶揀，原來下午茶就係午市打個八折（加一），咁都抵喎。其實自己好想食扒，不過餐廳名咁日式，令我覺得好似食蛋包飯比較適合D，所以就叫咗蛋包飯。我見有紅菜頭咁特別，所以我叫咗個北海道牛乳紅菜頭蛋包飯配牛柳粒（日式咖喱汁），我朋友就叫北海道牛乳蛋包飯配吉列魚柳（和風蕃茄汁）。每張枱都有一支水俾客人自己黎，我同朋友都覺得個水杯好靚。先黎個是日餐湯同埋餐包。問職員，職員話個餐湯係蒜蓉湯，我飲落去，發現有粒粒薯仔，都幾好飲既。個餐包係多士搽了蒜蓉醬和牛油，都係我鍾意既！朋友既北海道牛乳蛋包飯配吉列魚柳（和風蕃茄汁）上枱啦！外觀好睇吸引，朋友話味道一般！我碟北海道牛乳紅菜頭蛋包飯配牛柳粒（日式咖喱汁）都黎啦！加咗紅菜頭，個顏色變咗粉紅色，感覺有D奇怪，不過味道冇咩唔妥。切開蛋包飯，入面配有白飯，本身冇咩味，一定要配搭醬汁去食，日式咖喱汁唔辣，味道幾好。粒粒牛柳粒煎得好香，食落去好正，但分量略嫌偏少。整體黎講，食物一般，可能其他招牌菜會比較好味啩～食到咁上下，職員話每個套餐都送Haagen-Dazs雪糕，問我地要朱古力味定係士多啤梨味，我地兩個都叫咗士多啤梨味，夏日炎炎食雪糕，真係冇得彈啊！飲埋餐飲，一直係到傾計，坐咗勁耐先走。悠閒既下午就係咁～…查看更多

🍴芒果黑椒雞肉米比薩🍴$125Pizza都介紹到冇咩好特別既~_~但米pizza又幾得意🤔個底脆卜卜估佢唔到芒果同雞肉都好足料 完全同menu張相乎合😌 2個人食岩岩好👍🏼另外見隔離台既吉列蝦米pizza都好足料大條🍤🍤重嗌左意粉同小食拼盆 中規中矩🍝.地址：戶井北海道米比薩 九龍灣牛頭角道77號淘大商場三期2樓S174號舖幸福指數：8/10（淨係個pizza😂)…查看更多

今日係淘大見到個餐牌就被佢吸引左，原因係 Lunch Set 送Dryers 雪糕，仲可以加 $5 轉Haagen Dazs 雪糕批。 加上餐牌D食物都吸引，一於試下。佢個 Lunch Set  好豐富，有湯，蒜蓉包，飲品。朋友話奶茶太苦，反而檸檬水幾好飲。而餐湯一致認為係誠意之作，薯仔湯唔會太稀，而係有香濃的薯仔味。北海道牛乳蛋包飯 + 牛柳粒 - 雖然蛋冇包晒個飯，但蛋非常滑，牛柳粒都新鮮，唯一美中不足係咖喱汁太濃味，偏咸左D，而唔係日式咖喱偏甜的味道。北海道牛乳紅菜頭蛋包飯 + 照燒雞扒 - 紅菜頭蛋包飯味道有D甜，照燒雞扒好嫩滑，配牛肝菌汁都夾得到。北海道牛乳菠菜蛋包飯 + 吉列豬扒 - 菠菜蛋包飯其實都係得個顏色，並冇好重的菠菜味，吉列豬扒唔會好厚粉，炸得幾好。北海道牛乳蛋包飯 + 自家製漢堡 -  自家製漢堡值得推薦，雖然漢堡本身好厚，但唔會因此而有部分太熟，反而肉質都夠滑，仲要夠大分。最後係 Haagen Dazs 雪糕批，款式要睇佢有咩味道，雖然冇抺茶味，但好彩都有士多啤梨味，真係值得加$5 升級。另外初初以為分量唔多，但食落都好夠飽的，而蛋包飯配沙律感覺上健康D 同冇咁濟。整體而言，雖然價錢唔平(要加一服務費)，但食物質素都唔錯，坐得都舒服，可以一試。…查看更多