我要烤魚串燒烤魚專門店 (已結業)

筲箕灣嘅激安燒肉工房已經改造成主打烤魚同串燒嘅：我要烤魚，而家新張期間仲有六折同送6款配菜組合。當然依然仲有 Sapporo 生啤買一送一，勁抵！先嚟個鹽燒牛舌芯同埋超多金蒜嘅陀地燒生蠔🦪 生蠔先12蚊一隻，細細粒但咁嘅價錢都幾頂癮，收貨🤭我哋要咗bb 辣嘅萬州香辣烤魚，魚款係無乜骨比較實肉而有魚味嘅鱸魚🐟 魚好大條又多肉，最正係個脆脆嘅外皮仲送埋六款嘅配菜組合，有薯仔、蓮藕、萵筍、黑魔芋、娃娃菜同芽菜，自我感覺健康。最正係平時少有嘅黑魔芋又滑溜又爽口😋但 bb 辣都係越煮越辣㗎😂 怕辣嘅要細火少少等佢無滾得咁勁。食完魚其實已經好飽但都係要加份牛味勁濃嘅手切封門牛柳同肥美甘香嘅玫瑰露鵝腸 （兩款都係 48，抵食又好食，大推薦要叫呀🤑）佢哋仲有黃喉，牛骨髓，手打墨魚滑呢啲款，但真係太飽已經食唔落了，下次班齊馬再戰過

一家有老有小的去吃烤魚，在銅鑼灣食開，在筲箕灣開了分店，當然要試下啦👍🏻新開期間烤魚半價，叫了一個蕃茄湯和重慶辣湯和串燒，都很好吃，蕃茄味濃有驚喜，重慶保持一貫水準，又香又麻，寛粉煙韌好好吃；串燒：茄子很好吃小小辣蒜味濃厚、翠玉瓜多汁清甜、牛肉肥瘦適中、羊肉還好、魚乾保持水準很好吃，黃金芝士年糕、腐皮餃和烤多士都好惹味。另外，我們因為有老有小，常常麻煩侍應拿東拿西，他們服務態度超好，臉上都是掛著笑容，用餐十分愉快，會再來幫襯🧡