我港鮮酒家 (已結業)

二月二十七日晚公司開年飯，訂咗兩席$3888，菜單👀落好豐富，由於想節省少少廳房錢（每圍要多五佰，即一千🤑）嚟買酒🥃🍶🍷，搵咗美女Di Di姐問可否板間房⋯她一口答應無問題👍點知食嗰日，Di Di姐比咗間靚房我哋，仲有兩張電動麻將🀄️同音響唔錯嘅卡拉ok，我哋成班同事五點到場玩得非常盡興😆⋯⋯酒席嘢食美味😋，乳🐷燒得非常脆口，其他食物都睇得出廚房係有落心機去做菜，不是一般大集團嘅粗製濫造（因掛住食同飲，所以無影到相🙈）精彩喺尾聲！廚師👨‍🍳出來問我們意見，之後仲煮咗三個特別菜色比我哋試（相中三款）⋯就算我已經食到好飽好飽好飽，仍然覺得非常美味😋😋😋…查看更多

要在觀塘區覓食，選擇可謂多的是。對食肆而言，則競爭會越來越大，所以也得推出不同的價惠吸客。觀塘廣場是區內的老商場，15樓和16樓更是區內樓上茶樓的先驅，是老街坊的熱門飲茶之處。雖然位於16樓茶樓沒有電梯直到，但可能因為是上市公司經營的大品牌，所以競爭力相對較強。這對15樓的茶樓而言，會是一個強敵。因此，位於15樓的茶樓通常會較積極，不論是知客，又或者是餐牌，都明顯較進取。星期天飲茶，在知客和特價點心的「呼召」下，吸引了我們的光顧。特價點心包括燒賣 (9.8元)及煲仔飯 (16.5元)，皆可一試，前者更是十分足料，有點驚喜﹗然而，叉燒腸粉的粉很厚，與叉燒的比例不太合理，教人有點失望。總體而言，以周日飲茶來說，算是性價比高的一餐了﹗ …查看更多

又一星期啦，時間真係好快，今日喺家又無所事事就整嘢試爐，之前好成功做日本蛋糕，今日就整咩都唔得，淋住試下焗爐加對流，原來喺唔得個面好醜又硬，泡芙唔知點解又焗唔起，開咗唔得啲料就去做格仔餅，唔相浪費，搞咗一日，今晚唔洗煮，有同學移民，1月中就走，約在成班人同她們餞行，又唔記得近冬至好多人提早過冬，一早訂咗枱有同學話會好貴，叫我問下有無全包，最後搵咗最平三千一左右的九大簋，今晚人好多下次真係唔可以喺呢啲時間食，又貴，服務又差自己搵水，食甜品自己搵义又無酒杯飲嘢，話唔夠杯咁都得，啲嘢黎得好快可能趕第二輪，好彩啲嘢都算過得去，成班同學好少咁樣一聚，難得但人太少，走的同學話下次回來先叫我搵多啲出來，時間好快傾下食下又喺散的時候，真開心的一晚…查看更多

我去過最差的餐廳，食物還好，但環境惡劣，衛生具極大進步空間，服務態度其差，好似食餐飯都要受氣。我都從未寫過review, 都真係差到頂唔順！個人認為絕對唔需要來呢間酒樓，浪費時間！…查看更多

開心海魚宴。今晚同老友黎，要試下新意思，一次吃了龍蝦，勝子，膏蟹，5種海魚，還有金豬，燒雞，超超超満足。老細教食魚要食海魚，每種都有不同之處，今次一次過食到5種不同海魚，有杉班，星班，海青，馬友同泥猛⋯一次試矖不同海鮮真味，勁高興的晚上，大滿足，勁推介👍🏼👍🏼👍🏼…查看更多

機緣巧合下，去咗試新嘢。原本不抱太大期望，結果喜出望外。老闆預先send咗菜單俾我地睇，第一感覺淨係覺得啲菜名好長，有啲唔係好估到係咩嚟，不過其實都無咩所謂，因為我地都係志在有個地方成班人食飯，仲附送麻將耍樂同埋卡啦OK，一次過滿足晒3個願望。餸菜非常足份量，話供12人用，但14個人食都非常足夠。最鐘意係奄仔蟹蒸飯，一般都係用糯米，但佢就用普通白米，一樣好入味，但又唔會太膩，啲蟹膏直頭多到流出嚟呀。其次就係條清蒸大海班，師傅掌握得好好，剛剛熟，非常滑，正！仲有我最鐘意o既流心奶黃包，非常流心。最創新莫過於「石碢蝦膠火山肉處女峰」，全部都係蝦膠，一啲肥豬肉都無，所以食落好彈牙，好好味！聽講老闆本身係做海鮮批發，所以啲海鮮又抵食，又正。總括嚟講，全部餸都好好味，食到我地個個都舔舔脷！間房又好寬躺，坐得好舒服，老闆仲會親自入嚟招待，服務週到，好有家的感覺～～～🏠呢個地方真係好啱一家大細家庭聚會，又或者一大班朋友嘅聚腳地。是日菜單鴻運 堂剪 乳豬 全體黑松露 野菌炒蝦球竹笙 花膠燴海皇清蒸 野生 大海班白雪 龍蝦 蛋白西蘭花啫啫 鮑魚 雞煲石碢蝦膠火山肉處女峰籠仔蒜蓉奄仔蟹蒸飯蟲草花上湯浸菜苗流心奶黃包陳皮紅豆沙汽水12 罐, 免開瓶費茶芥加一全包Vip房 免費卡拉ok 麻雀2枱…查看更多

要食平靚正嘅嘢食，就要將就吓地方裝修，始終行實力派功夫，坐低有點像「當年」後生時，小學同學敍舊餐，抵食，平民價，炸鮮鮑魚比想像中要好，平時認為炸鮑魚會好韌同冇咩味，點知嚟个「椒鹽鮑魚冬林燴上素」嘅椒鹽鮑魚好有鮮味，意外收獲，由於本人都幾喜歡素鵝，嚟个「富足厚素鵝拼燒汁四季豆」中間的素鵝很有口感又新鮮，而「石喎蝦膠火山肉餅處女峰」係蝦膠加肉嚟蒸，但口感很滑不肥膩，平時愛吃一搬蒸肉餅，但係唔會有咁滑，嚟肉餅加咗蝦膠所以滑口，可以食多幾口，「籠仔黃油奄仔蟹蒸飯」嘅奄仔蟹雖看似不大隻，但蟹肉超肥美，蟹腳嘅肉都肥嘟嘟，百幾蚊，真係抵食，大排檔熱辣辣嘅地方食嚟个菜，都係同等價錢，嚟个坐得舒適，質數又好d，流心奶黃包好流心，平時唔食奶黃包嘅我都要比个「贊」，仲流心過d大集團酒樓，短期內會再去食，試多點款式，再同大家分享。…查看更多

一則食評令我有點想替老闆和這小店抱不平。每家酒樓也有兼職員工，或許人工租金食物成本百物騰貴下，這家街坊地道菜館真的已經買小見小👀每次見到七十多歲的老闆親力親為，大多數員工齊心，問他為什麼不收貴點，老闆只希望多些人試他的靚海鮮1）海魚是街巿及一般酒樓已絕跡的，聽說老闆白天是批發所以有貨又抵食又正2）大部分員工也是老師傅，只是沒有現今社會的油腔滑調，忙碌過後，他們會親切的和你細說飲食業的興衰，不像外面的計效3）寫菜建議不要只找平價的，可找老闆或Didi, 經理或主任介紹，他們知道有什麼好食個人打介奄仔蟹蒸飯～極鮮甜 $168？堂剪BB豬 $340 ～半隻好朱味古法原底馬拉糕～$68 8位用整體來說，如果你吃厭了外面一般集團酒樓的無味平價菜，用平民價格，可以勝過一切名中菜。可能就是因為老闆是批發海鮮的優勢和堅持…查看更多

星期日同屋企人開開心心飲茶。十點頭加單一碟點心，到近十一點前後追左不下4次，阿姐態度散慢叫個職位大既再追追。當時佢同部長一追，已經有啲不爽咁溝通（追左咁多次單係我既錯？）到11點3同另一位啱啱反工既部長再追，要求取消，部長話自己啱啱反工咩都唔知，我地燥佢都無用。後加一句，佢地唔知係咪將你叫個碟野俾左第二枱，係酒樓飲茶係咁㗎拉，係要等㗎拉。我等左咁耐呢一刻真係完完全全俾佢點著左。你酒樓係咁唔代表其他係咁，我真係完全無試過任何一間態度係可以差到咁。你要自己降低自己間酒樓係你問題，但請唔好將其他酒樓一概而論。第二，我接受到飲茶係要等，但我絶對接受唔到要等成粒鐘，仲要因為你地員工既錯而將個責任放左係食客到。我不論你係落單個個錯，同廚房溝通個個錯定，送錯食物俾其他食客既員工錯。星期日開開心心飲餐茶飲到成肚氣，如果食物質素好都平衡反啲。可惜你員工質素同食物質素成正比既，係咪真係有需要檢討下？真係食到驚，永無下次！…查看更多

一試難忘每次有驚喜外貌環境不做作的地道小館充滿香港人情味也因為咁我特別要寫多少分享介紹香港少有抵食海鮮酒家官塘酒樓食肆林立這酒樓像私房菜隱藏在官塘廣場15樓我港鮮～個名原來係老闆本身就是海鮮批發，所以食海鮮特別平又大眾化新鮮好味，價錢平過大排擋特別喜歡多汁嫩口活北寄貝😜籠仔開邊蝦蒸飯白雪龍蝦帶子蛋白炒麵堂剪皇子乳豬貴妃寶貝煎蛋飯鮑魚福建煎米粉超大避風塘瀨尿蝦二三百每位全包免開瓶費免切餅提早預訂老闆重可以安排VIP 房玩成晚卡拉ok , 電動麻雀絕對推薦不似外面很多約束食海鮮弎燒豬小炒都好正…查看更多

少有在官塘的# 抵食海鮮老闆七十多歲的堅持x 各階層的用心親切，街坊，真材實料# 觀塘友，九龍必食#一班人飯聚最佳選擇免切餅費，免開瓶#鮑魚 #龍蝦 #北寄貝 # 黃油奄仔 # 海蝦#龍躉 #即燒乳豬⋯烏鷄湯 #酒水 #茶介加一全包每位$250👍🏻👍🏻👍🏻👍🏻👍🏻碟碟吸睛，朋友都絕讚你們明白我常去光顧的原因#強烈推薦黃油奄仔蒸蛋飯#即燒乳豬早訂仲有埋卡拉ok 電動麻將抵玩 #好食 #酒靚免切餅費一家人和一班朋友聚會飯聚會…查看更多

尋日收咗工，啱啱好夾埋四個朋友大家得閒，就上咗去叫是廚師發板四個餸。有薑蔥大閘蟹煲，煮得超好味，味道唔會寡，又唔會冚咗啲蟹味。有椒鹽炸蝦，又惹味又新鮮。苦瓜牛肉煲，連我嗰位平時一舊苦瓜都唔食嘅朋友，居然都食咗幾就嚿話OK。仲有燒味拼盤，燒鵝同叉燒都好靚。加埋麻雀耍樂，都係700蚊。好食又飽肚，大家都好盡興。其實過年前都食過一次，700蚊廚師發板四餸一湯，連埋打雀耍樂 。嗰次都一樣係 好滿意。最新鮮生猛係條魚，仲要主動啱啱好，係啱啱離骨，唔會唔熟，但係啲肉最新鮮嫩滑多汁嗰個時候，丁咁多粗鞋或者老嘅感覺都冇！一樣都係四個朋友大家都好滿意 ，我同朋友都會再嚟幫襯。…查看更多

今年團年飯去觀塘食，因為唔熟地頭既關係上Openrice睇下有乜好野？！？咁啱俾我搵到呢間'我港鮮'⋯⋯睇個名就知係食海鮮，所以我地點左個海鮮餐。其實就冇乜期望既，點知佢d野係真係好好食，我地竟然碟碟照鏡，超好食！今次個餐有蟹，有鮑魚，有扇貝，有龍躉⋯超多海鮮！仲有薑米炒飯！最後，老板好好人咁送左個馬拉糕，正！我真係未食過咁好味既馬拉糕！價錢亦都好實惠，值得推介！聽老板講，佢地d點心係自己整！下次一定要黎試下先！…查看更多

本人參看開飯網食評，覺得可以—試，結果團年飯選擇此店，由於安排坐在比較尾後位置，意思是進門後行到較尾位置，不知是中央空調關系，還是抽風不好，總是覺得空氣混濁，向經理反映，他們也積極處理並加開電風扇疏氣等。後來往四處看看發現其實是在包房內有客人吸煙，導致酒樓內空氣都存有煙味，相信是老板不想得失客人而未加勸止，加上吸煙的食客在房內吸煙認為無人知道，便不理會冷氣密封場地不能吸煙，我向老板反眏但未被重視，只開了台電風扇了事，本人至電控煙辦沒人接聽。評心而論，食飯味道不錯的，但現場感覺就想馬上食飽便走人，此店不能久留，永遠列入黑名單。也替老板擔心，儘管出品優良，但只能留下—些吸煙的客人，對我們對二手煙十分敏感的人，絕對沒有再次光顧的想法，返家後全身都是煙味，也向家人抱歉，因為是自己選擇了這店。其實經營手法是食店的生存所在，投資者只形合某群客人，其它客人就會消失，眼見此位置的食店都經常換老板，硬件是—個死穴，本身大廈設計太老，抽氣系統差，加上客人隨意抽煙使室內空氣變得更差，問題在於管理上沒有勸止相關行為，我只能選擇沒有下次的光臨，只替投資者可惜。…查看更多

10個人，12瓶隨帶酒=醉[调皮]快樂老闆超窩心，熟客開瓶費也全免平靚正海鮮十幾款菜每人才$220召塩鮑魚，螺頭燉雞湯，上湯焗龍蝦，粉絲羔蟹煲，海班兩味-頭腩煲仔，西芹炒球，海中蝦煎米粉，石碢芥蘭，粉絲蒸貴妃妦，蜆仔妦煎飯，椰汁紅豆糕，老闆眉豆糖水好好玩的朋友～ $無價香港自家地道海鮮酒家常客會懂的…查看更多