78
3
3
港鐵旺角站 E2 出口, 步行約5分鐘 繼續閱讀
電話號碼
68007776 (Whatsapp)
開飯介紹
位於樓上的中東私房菜館,提供不同定價的套餐,然後由廚師決定菜色。當中的沙上咖啡及土耳其軟糖頗有驚喜。 繼續閱讀
營業時間
今日營業
19:30 - 22:00
星期一至日
19:30 - 22:00
公眾假期
19:30 - 22:00
公眾假期前夕
19:30 - 22:00
*不定期休息一星期有一天,敬請預約
付款方式
AlipayHK 支付寶 現金 微信支付
其他資料
網上訂座
Wi-Fi
自帶酒水 詳細介紹
切餅費 詳細介紹
電話訂座
賞訂座積分
加一服務費
當面支付
有關獎賞計劃
招牌菜
秘製招牌烤雞配飯半隻(時間需長,限定供應) 熱沙上煮土耳其咖啡
食評 (93)
等級4 2019-05-07
130 瀏覽
是日好友叫到帶我食特色私房菜,原本以為來來去去都是一貫的,想不到是晚有驚喜,由真正土耳其大廚主理,餐廳裝飾都用上土耳其風格,而且牆上有好多有意思字句。這裡的私房菜可因選的菜式數量而分定格,我們選的包兩杯飲品及六道菜,一個甜點,大約每位HKD250,二人足夠有餘又夠飽,未開飯前看看店主用沙爐煲土耳其咖啡,聽聞全港只得這裡引入,很特別呢!煲滾的咖啡要待一會,等咖啡渣沉澱後即可飲用,由於未有像外面用上咖啡渣,因此有所不同,口感會較'杰'身,而味道帶點用沙爐煮的香氣,味道更獨特,而飲的時候更是不同,會配上土耳其玫瑰軟糖同吃,先呷一啖咖啡,再飲一口冰水,再咬士耳其軟糖,很是特別有特色,而玫瑰味道軟糖亦夠煙韌好吃又不會太甜,這不禁令我想起早幾年看過的一套電影~魔幻王國獅子女巫魔衣櫥!喝過咖啡,就來個大份量沙律,全部蔬菜十分新鮮,用上蕃茄,紫椰菜,青瓜,椰菜絲及洋蔥,還加上芝士粒,還有特別醬汁及香草,而且擺放成朵花,十分有心思。味道好香,蔬菜夠爽脆夠新鮮,加上有軟芝士粒,撈作一起同吃口感更佳且味道帶點芝士香氣,微酸又醒胃!而這個薯菜羊肉PIZZA,更是出色,外看烤得剛剛好,入口帶點微脆,但完全不會有焦燶味,反而有好香的羊肉氣味,肉質感嫩,而且熟而不生,連平時吃不多的我倆都完全把它消滅掉,配上秘制乳酪味道一流!外烤得香,連肉都滲出香氣,肉夠味,十分美味,而內里也夾著香飯,確實飽肚!除了咖啡,土耳其的玫瑰乳酪更是不可錯過,用上水質的乳酪加上玫瑰糖漿,嚐一口,口中滲出絲絲玫瑰幽香,入口不太甜,卻有另一番乳酪香甜!土耳其的菜式好有繽紛感,食物色彩鮮豔亮眼,全因他們愛用上不同顏色蔬菜作主要,既健康,又可增加整體食物色彩及美感!這個乾果飯既飽肚又美味健康,不過我倆食量少的人剛吃了一大盤沙律及肥美烤雞,確是有點飽,加上其他小食,確實吃不下,但是也嚐了幾口,面上方丈新鮮蔬菜,加入少許乳酪,飯中夾著乾果!飯有點煙煙韌韌,味同樣不會太濃及鹹,可惜二人都吃不了太多,奈何這裡沒有盒提供,未能帶走吃不完的,十分浪費呢!另外,私房菜包括的咖啡不太夠,店主十分好人,知我倆對土耳其的飲品甚有興趣,額外送我倆一款土耳其黑茶嚐嚐,茶壺及杯都非常精緻,茶壺刻上土耳其感的圖案,茶杯亦印上彩色圖案,很是漂亮,再呷一口黑茶,不苦不澀,有別於外面飲到的茶品!而這個盛載白糖的糖盅亦用上金色刻上圖案,華麗堂皇,不說不知,原來土耳其的人喜歡飲茶加上白糖以增加味道,令只有甘香的茶變甜,味道確是不同,亦更好飲!回顧整頓飯,無論飲品菜式都是我第一次嚐,味道合我口味,飲品選擇多又夠特式,如果飲品方面可每人再多嚐一杯則更好了,但而這個定價確是很值得吃的私房菜,要重來呢!✨✨✨✨✨✨✨✨✨✨如果大家喜愛我寫既食評📝,麻煩幫幫手比個愛的鼓勵❤,我會寫更多豐富既食評比大家!🤤✨✨✨✨✨✨✨✨✨✨ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-13
503 瀏覽
星期五男朋友話要同我試下異國風情,神神秘秘帶我走入女人街(通菜街),好彩唔係買內衣褲,係上樓既一間土耳其餐廳,餐廳要事前一早訂先有得食,果然夠神秘,入到去風味十足,環境好有中東既感覺,仲有貓貓玩同埋睇下點樣表演"無限"變土耳其咖啡,店員(老闆娘?)仲好熱心咁介紹土耳其既文化,究境佢有咩陰謀?(講笑XD)茄子薯仔配自製乳酪呢個菜我好鐘意,個茄子好香好脆,但半點油都沒有,好快俾我食到一舊都無(男朋友目露凶光),薯仔同青瓜作為頭盤,既開胃又好味,最重要既原來係個乳酪,其實本人唔係咁鐘意食乳酪,但男朋友叫我一定要試下,咁我就用個青瓜點下,薯仔點下,乜都點下,發現原來點左呢個乳酪,所有野都可以好味一倍,唔係講玩笑,真係會好食好多,當然以我一貫作風,乳酪好快無哂,男朋友既笑容都無哂。秘製招牌烤雞配飯大江南北既雞我食唔少,但呢隻雞,絕對唔係平時街邊茶記同茶樓食到個d急凍雪藏雞既貨色,佢係有好濃烈既雞味(雞係可以無雞味架),再加上佢烤過既香氣而又保留住香甜既肉汁,再用米飯去吸收哂隻雞流出黎既精華,我唔用少少浮誇演繹方式真係對隻雞唔住,但原來有一個小碟乳酪我忽略左,當時我係唔會相信咁好味既雞點乳酪會更加好味,結果我又一次低估左乳酪既力量,好味到我投降了!香草阿拉斯加狹魚小時候響英國留學,食炸魚真係食到驚,坦白講,呢道菜上既時候本人起初無乜意慾去觸碰佢,但見男朋友食得津津有味,決心試下啦,一入口首先係感受到面頭個塊黃色既水果清香,再連埋d醬汁咬深小小(係有乳酪),所有野混合埋塊脆卜卜既魚塊,再帶出魚塊既魚味,已經將我腦海里面對炸魚既負面思維完全癲倒哂,多謝哂男朋友俾左個咁既異國驚喜我^_^(魚有魚味,雞有雞味,聽落好似廢話般既言論,響香港呢個速食文化中其實係相當諷刺)傳統特色土耳其咖啡去到尾聲,店員(老闆娘?)邀請我地睇佢表演"無限"變咖啡,佢好詳細咁講解個原理係點(想知?去試下咪知囉),搞左一輪終於有得飲,味道好香濃但一d苦澀味都無,由於土耳其既文化,所用既杯都比較細少,再基於本人貪心同口大既關系,兩三口將其倒至口內,當飲到最後一口既時候,男朋友見我立刻變面,因為土耳其咖啡係唔會飲最後個啖,因為底部全部都係咖啡粉,當地既人係唔會飲/.\果然壓軸係最有驚喜,不過除左最後個一口,土耳其咖啡對我黎講都係好好味既(唔計最後個啖),有機會我都會再試。特色甜品顏色好鮮艷呀係小朋友嘅泥膠,但係食落口別有一番風味,最緊要嘅係啲雪糕仲可以拉到絲,碟上有廚師有風格嘅畫,食起嚟都有滋味,而且畫係用朱古力醬整嘅,真係好有風格。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-07
378 瀏覽
與友人相約一聚,係Facebook看到餐廳的介紹,感覺唔錯覺得可以一試。之後wtsapp到餐廳book位,店主好貼心咁回覆我哋地址同地圖相片,所以我哋都好快搵到路上去。入到店內,就見到老闆喺門口製作土耳其咖啡,入嚟嘅時候老闆用廣東話同我地打招呼十分nice。坐低之後睇menu,因為呢度係私房菜嘅關係所以好多都係有廚房發板嘅,咁佢分左幾個價錢嘅dinner set,分別係$168,$250,$300,$350等等,。特色沙律:一般食既沙律都係有沙律醬或者醋汁,而呢度既沙律只有鹽,黑胡椒,香草,橄欖油同白芝士,用料天然,而且味道比一般既更為惹味,拌勻新鮮既蕃茄同生菜,感覺清新特別.香料烤雞配香草飯:外皮雖然有少少烤焦左,但肉質仍保持嫩滑多汁,而且配合自製香料,食落別有一番風味,再點上乳酪醬,更添滋味,烤雞下既香草飯,吸收左烤雞既味道,油潤濃香既米飯,三兩下就俾我同朋友清碟 茄子薯仔配自製乳酪:薯仔同茄子都係新鮮,似係油炸,但唔脆口,又唔會太膩,配上酸酸地既乳酪,特別開胃.最後想講下~ 老闆十分風趣幽默而且說著港式英語十分有親切感,同老闆閑聊咗一陣佢最後仲送咗土耳其嘅明信片俾我哋做禮物 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-17
0 瀏覽
今晚係女友生日,佢鍾愛土耳其菜,之前我黎過覺得氣氛幾好,所以帶左佢黎依度慶祝生日,佢好奇我做咩咁神秘帶佢上樓,到左佢先知道係cafe,仲有佢好鍾意既貓咪陪住食飯,佢表示高興佢地主打健康素食餐單,岩曬我依D瘦身男女因為我地唔食羊,所以預先係落單時講左,老闆娘會預先設計菜單問我地,服務好好<<特色沙律配白芝士>>入面有生菜、蕃茄、青瓜,食落酸酸甜甜,配埋白芝士一齊食幾夾,口感好清新同開胃蕃茄味道比較清新,入口鮮甜,佢地用既菜好新鮮,所以食出黎特別有味道土耳其南瓜蓉很好吃,放在蘑菇上焗出來更有味道,中間的土耳其芝士十分惹味,配上底部的秘制醬汁,食落個肉質好滑同多汁,味道好香,配埋雞肉幾惹味,好好食,可說是一個驚喜菜式東歐牛肉腸薄餅PIZZA,PIZZA底好香好脆,牛肉腸好有味道整體而言,餸菜係一道道咁上,唔係一次過上哂,似食緊私房菜咁,靜靜地同貓咪玩,食個飯幾舒服,整體味道確實唔錯,下次會再同黎幫襯另外見佢地有告示會組團去土耳其,可以一邊旅遊一邊學土耳其菜,好似幾得意,我都好鍾意陽光與海灘另外一定要試既就係coffee on the sand,熱沙煮熱咖啡,成個過程都好有趣,杯具好靚。飲到最尾會有少少微粒,幾特別。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-16
0 瀏覽
行經旺角見到一間樓上cafe , 非常有特色。 曾經在電視上 聽說過這間店 ,本應想一試,不過一直沒有什麼時間,這天終於和朋友約好時間,可以來了內裡環境十分有特色,浪漫氣氛十分濃厚,環境十分好前菜係蘭花園池,賣相好得意,入面材料有牛油果,南瓜,紅菜頭,紅飯,味道清新鮮甜開胃,賣相也是十分漂亮!另外當然要試佢地一款招牌雞 和其他特色土耳其咖啡 和甜品。 土耳其咖啡非常特別在沙上製作, 非常有地道風味, 此外就是他們的招牌雞 香香的 烤焗 香味 和帶點番茄嘅味道, 好味道。 也 為我們設計其中一款鱈魚 菜式, 非常美觀 也好味。 羊肉烤餅 加少許沙律薄餅 非常好的配搭。 土耳其酥皮開心果 甜品 加上廚師的 藝術 令我們整個晚上非常開心 建議 朋友 最好提早 訂枱 廚師會有更多驚喜🥰🥰🥳 繼續閱讀
(以上食評乃用戶個人意見 , 並不代表OpenRice之觀點。)