我想和你無所事事 (新文華中心) (已結業)

係附近食完晚飯，行近去紅磡途中發現依間好特別既店我想和你無所事事即刻吸引左我入去睇下賣咩哦～～主要都係台飲款式，但兩個人都飲唔落一杯野飲反而見到雪糕只係$15, 份量唔算大，決定一試上面係dropper 甘樣裝住d 黑糖漿所以可以自己調節味道，idea good👍🏻因為平時飲黑糖珍奶都覺得有d 太多太滯黑糖味道夠，雪糕奶味唔算濃，溝埋黑糖就岩岩好雪糕筒夠脆，好食食到底先發現珍珠原來係哂個底，但珍珠都係Q 彈口感～～如果雪糕中間有埋珍珠會更加好，因為食到最後好似整係整係食珍珠有d 寡

今日行街黎到尖東，有d口渴，見到呢間鋪名咁特別，就睇下有咩野飲。一望個menu，發現全部飲品名都超長，又改得幾搞笑，都幾有心機我就叫左個 孔融都唔讓咁香梨茉莉茶 加仙草，少冰少甜，盛惠$34。原來杯野好大杯，成700ml，但飲落去好似完全冇落糖咁，仙草冇味，茶唔甜，雪梨都有幾舊但又係冇味。成杯野都苦苦地，唔知佢係唔記得左落糖定落得好少糖。但明明少糖都有70%糖，唔應該會唔甜到咁。下次有機會叫全糖再試試。

光看到名字已心想一定要光顧！再看餐牌，充斥一句句熟悉的廣東話，可愛又十分抵死，看得懂餐牌的你絕對是香港人無誤，哈哈！杯的樣子也好可愛！點的飲料名叫 啱啱生完咁新鮮水果銀毛茉莉（大概），茶不會澀，少甜的甜味剛好，十分解渴。水果有菠蘿、草莓、西柚、橙和檸檬，檸檬太酸吃不下，其他都吃了。因為不常喝水果茶，對比不了高下，但感覺不錯，是會再光顧的文青店一枚。

係尖沙咀睇完鋪，經科學館道行去尖東紅隧搭車回家，被呢間新開飲品店 個店名 及 被奇特又熟悉的插畫人物吸引住🤩🤩。後來factcheck是著名的本地插畫家謝曬皮 👍！有d餓， 諗緊飲邊隻飲品🍹時，「是諗但泰式珍珠冷茶」 個名好笑🤣 後來被有個$15嘅黑糖珍珠鮮奶雪糕🍦招牌吸引住😍 原來是有粒膠ball 內裝咗黑糖汁，唧d黑糖汁同🍦一齊食好味，但係食之前記得同店員攞多d紙巾包住，因為黑糖汁及🍦好快融，好容易滴到周圍都係，搞到食完隻手好易變得黐立立😅 另有驚喜是食到🍦筒最尾竟然有幾粒珍珠，好正好味😋 好有創意👍#MagicCherry攻飲食 🍒😋

又有新開茶飲店! “我想和你無所事事”...個名咁長好難記, 但係覺得招牌好面熟, 原來係謝曬皮 #tsesaipei ! 所有飲品名都超有趣, 大熱天時加好口渴的我倆, 決定飲啲解渴既! 茫茫人生遇上人海芒芒果梳打 $28 ~ 個名好切合我當刻心情, 梳打用上泰國牌子 (玻璃樽嗰隻呢), 一杯應該有一樽, 芒果糖漿唔會太甜, 仲有七彩珍珠, 成件事好清新, 好解渴, 好舒服! 懶過西柚梳打 $28 ~ 有原片西柚, 唔會太酸太苦, 食完 lunch 飲返杯, 夠解膩!註: 有下次的茶飲店, 下次試是諗但泰式奶茶!