我地 (已結業)

納入狠狠懲罰系列原因 - 請學生飲湯、不招待popo、連儂牆街坊小店聽聞做到二月就無得續租，決定去幫襯支持一下，全部野都自家製，日日都煲新鮮靚湯，岩哂三餐唔定時無靚湯飲既香港人。一行到埋去已經見到勁大幅既彩色連儂牆，門口仲有唔少文宣既postcard，另外寫明學生可以黎飲湯真係無理由唔幫襯。店仔細細做街坊生意，入面有幾煲湯煲住，仲見到人手包餃全部都好有心機。《杏汁銀杏白肺湯》($78)：堅係超大碗湯，店主為左大家健康啲會無落調味，如果需要可以自行落鹽，湯本身好足料，一碗入面已經有哂雞腳、白肺、紅蘿蔔等等，煲到啲材料出哂味。《元貝燒賣》($25)：燒賣都係親手包，手快有手慢無，餡料有齊元貝、豬肉、菇同馬蹄，每粒都勁飽滿大大粒，除左啖啖肉仲有少少爽囗。店名：All Day地址：馬鞍山鞍源街49號福安花園商場地下50號舖餐牌

今次已經係第N次嚟，但一直都唔記得up食評😆😆😆佢哋嘅湯日日都唔同，最正係無味精、老火湯、仲要好Q足料同超大碗！🥺👍🏻👍🏻今次叫咗燒賣同埋湯😋😋😋講咗燒賣先！係元貝燒賣，佢哋人手自己包嘅，我自己就好鍾意食，因為足料得嚟又夠大粒！已經食過幾次！😛😛今日係度飲埋碗湯，「不」一「不」嘅時候竟然見到佢俾咗嚿鮑魚我！😱😱😱 仲有紅蘿蔔、老黃瓜、魷魚！太足料啦！雖然只係湯，但因為大碗，所以lunch 叫個燒賣同湯都飽（以一個女仔嘅胃口嚟講）知道佢哋會免費俾湯學生飲，佢哋仲問我係咪學生想請我飲！但我唔係學生只係睇落後生嘻嘻😚

·支持本土小店·其實一直都發現一個現象：成街都係連鎖餐廳，好少會見到啲本土，屬於香港嘅餐廳。基本上日日食嘅嘢係一樣，只不過名義上係食緊唔同餐廳，都真係幾悶。-我今次去咗馬鞍山嘅呢間餐廳，係香港人開，佢哋啲湯、燒賣同水餃都係自己整，唔係平時啲「格式化」食品，係食得出嘅唔同。-當日我去叫咗一個dinner set同埋單叫4粒元貝燒賣，2個人share食(仲有個飯但冇影相)：是日例湯：味道啱啱好嘅老火湯跟set水餃：好食。水餃比起平時啲水餃店好（對比美味餃子店冇咁好，畢竟人地係專賣水餃，而且好出名）單點燒賣：入面個餡同平時唔同，足料、食落去彈牙。///成個dinner set其實已經好夠飽，唯價錢唔算好抵，都理解小店成本唔平，而且用料唔差。未試過可以把握時間試(聽講小店不獲續租)，推薦試水餃同燒賣

老火湯真材實料不在話下，每日人手包的自家燒賣簡直食幾多都唔夠喉，燒賣餡料有冬菇瑤柱絲馬蹄和肉配搭得天衣無縫，食過翻尋味。大推！鹵水雞翼好入味同埋煲到火候剛剛好，骨肉分離食得好方便。真心欣賞老闆娘堅持每日新鮮材料煲湯比街坊學生。每日一款湯品，天天不同款，多數都係養身的健康老火湯，大人細路全部都好啱飲。另外小食有燒賣，餃子同雞翼，選擇少但樣樣都水準之上。最近認真聽取顧客意見，加埋飯推套餐，一人套餐方便收工屋企無飯開的顧客。

上一次試咗呢度嘅湯好好飲👍🏻超足料 冇味精今次試埋呢度嘅燒賣呢度嘅燒賣好有心思，比茶樓嗰啲更加好食有落乾瑤柱、冬菇等新鮮嘅材料😍😍 而且老闆娘好有禮貌，好有耐性！下次要來呢度試埋佢嘅水餃🤤🤤不過聽講呢度二月就執所以想試嘅 大家要快啲嚟試啦🥺💪🏼💪🏼

今日特登黎MOS福安li間賣湯店支持下, 下晝點幾去到原來啱啱開檔yeah. 見menu非常簡單, 有元貝燒賣, 阿媽水餃, 滷水蛋...是日靚湯就係霸王花響螺雪梨湯. 見到燒賣現場包, 每粒都秤過make sure粒粒足料.>霸王花響螺雪梨湯 (HKD55)拎到返屋企剪開包裝仲係熱嘅, 好大件響螺, 又有蘿蔔, 霸王花, 湯味道清淡, 係家常嘅味道, 飲哂後仲有響螺嘅after taste添, 價錢唔可以話勁抵飲, 但問問自己有無能力煲出如此火喉水準？都係買吧啦🤣. >元貝燒賣 (HKD25/4粒)燒賣大粒, 裡面有元貝, 豬肉, 仲有菇同馬蹄, 咬落好爽, 但一拮就散哂, 建議一口食哂一粒, 現場製作+餡料十足, 趁仲未完租約我會食多幾次👍🏻.

感動見到眼前呢兩夫婦忙到應付唔到不斷湧入嚟幫襯嘅街坊們...感動大家為咗狠狠地懲罰黃色小店都甘願等好長嘅時間俾老闆煲湯/包餃子/包燒賣...(明明門口已經掛咗”closed”牌🥰大家都繼續湧入嚟要佢哋OT)感動聽到老闆娘為咗小朋友健康而開呢間小店...感動知道已嫁出九龍嘅老闆娘因為對馬鞍山嘅情意結而決定返嚟娘家呢邊開舖...(朝朝早8點返入嚟準備...究竟係要幾有毅力先做到😳)雖然等咗成粒鐘先飲到呢啖湯...但期間一邊品嘗佢其他嘅小食...一邊望住佢邊包餃子，一邊分享佢嘅故事...好幸福😐佢係細個有得飲好多湯水長大嘅孩子!我以前都係...但而家...已經唔記得屋企有冇一年冇煲過湯喇🥺飲咗三分一決定將剩番嘅湯包起，帶番屋企同媽咪分享👭唔知佢咩名堂呀~從啲渣見到佢有瘦肉、無花果、海底椰囉~好清潤...不過冇乜味~ 因為老闆娘話唔想落鹽! 因為鈉高! 想鹹啲可以自己加鹽☺️肚仔有限...試咗三款小食~<<阿媽水餃>>($43)八隻大大隻漲卜卜~ 入面仲好多餡添呀!韮菜豬肉~ 香到爆! 食完已經飽咗大半😅<<雞翼>>($18/3隻)

週日下午想食小食，選了這間小店。裝修雖不起眼，但服務員有禮。藥膳雞腳，非常入味韮菜餃子，即點即包即整即食，皮薄餡料充足，夠新鮮，好好味👍👍佢主打係湯水，下次會試吓！

鋪仔細細，最估佢唔到幾個後生仔女賣老火湯。最好就係可以試啱味道先買，買過三次，真係真材實料，每款湯都有其獨特風味，唔會似XX堂包包湯，款款湯唔知点解味道都有d似😂。對於是味精測試器的我，可以好肯定當中無味精，我仲要求要湯渣，試過栗子好香及鬆化。咪睇店主年紀輕輕，吹下水得知他們對湯品都真係有d研究。話說前晚經過見有鱷魚肉湯，聽聞有益氣館就入去想買杯外賣湯比近幾日有咳既B女飲，店主竟會問翻我B女有無傷風症狀，仲好意提我傷風唔飲得，當天其他湯品都唔啱比細B飲，所以最終空手而回，但店主都好有禮貌好笑容。講真一杯湯成七十幾蚊我初頭都覺得唔算平，但諗下我下午飲個杯starbucks 都三四十蚊，仲細杯過杯湯，d湯料又飽魚，又花膠，我自己煲都唔平，慳埋煤氣，可能扺過我自己煲，合哂我呢d要返工，一係無時間煲湯，一係煲左又飲唔晒的小家庭。如果可以加d小食，有買湯券優惠就更加very good