成隆行

營業中

休息中

昨晚在坑口東港城一田看見成隆行有專櫃售賣大閘蟹，滿心歡喜購買了 set A$538 package, poster 列明套裝包括 ：4 隻5-5.5 兩的大閘蟹、醋1支、薑茶和紫蘇葉。由於家裏沒有拆蟹專用的剪刀，所以用$25另外購買一把拆蟹專用的剪刀。家住港島東，回家後發現成隆行的售貨員並沒有將剪刀及薑茶放進膠袋內。雖然剪刀與薑茶的價值是一個小數目，但沒有拆蟹專用的剪刀，回家拆蟹十分不便。另外，家中老人家期待的薑茶乜不能在吃蟹後享用。由於返工地點與東港城一田很近，所以今天在午膳時間去了一田的成隆行專櫃，告知同一售貨員昨晚的 set A 大閘蟹套餐沒有薑茶及另加的剪刀。售貨員給回折蟹的剪刀，但售貨員表示昨晚已經告知「薑茶無貨」，並告訴我很多人自己會「另外買材料在家煲薑茶」，我記憶中售貨員昨晚並沒有通知「薑茶無貨」。我再詢問售貨員可否補回薑茶，售貨員竟説「今天薑茶也沒有貨」，我指著成隆行專櫃的 poster 説沒有薑茶的套餐就應該刪除「薑茶」這項。售貨員堅持說這是成隆行總公司的問題，因為「總公司沒有將薑茶送貨至一田」。這次購買成隆行的大閘蟹套餐，遇上態度不好的售貨員，感到失望。

今年第二次品嚐大閘蟹了😈今次專程過海去到上環昅昅👀其實上環真係好多老字號嘅海味舖、餅舖...等等傳統小店，而且仲有好多舊式食肆👅入番正題先呢到嘅蟹新鮮在佢店內有個大水缸養住好多大閘蟹🦀隻隻都好生猛，我真係第一次見到咁養住，因為大部分只見到已紮好放係雪櫃度賣，除咗有大閘蟹買外🍶仲有一系列嘅花雕酒跟紹興酒選擇😏(🎥上我FB專頁 #愛食愛玩愛享受 仲可以睇到啲蟹係水缸到勁生猛係咁游，同埋有咩酒賣)當晚就即時蒸嚟食，隻隻都算多膏😍而蟹身都好實肉😋幾鮮甜✨宜家仲做緊優惠~4至4.5両蟹公都係 $238/4隻 ✨成隆行已經有成十多年歷嘅老字號，話哂佢都做海產及水產食品進出口批發(比快閃檔穩陣)

成隆行係一間有十多年歷史的老字號主要經營各類海產品及水產品進出口及批發業務品種有魷魚、糯米等海味食品買左4隻4至4.5兩蟹公大閘蟹，做緊優惠$238/4隻，所以買左幾隻番屋企同家人一齊分享。買完之後，還附送紫蘇葉、薑、赤糖和自家製淅醋，唔洗再另外買，好方便！今年第已經係第三次食大閘蟹啦！！！ 而公的蟹膏呈淡黃色黃色，蟹膏濃郁軟滑，味道鮮甜，還獨特的清香。 食完蟹膏後，可以慢慢拆埋蟹肉食，配埋自家製淅醋一齊食正呀！

在上環有六十年歷史的「成隆行」，該店最搶眼的就是門口的那蟹缸，已成為上環的名勝，人客不斷在圍觀噢。所有蟹都在缸內自由自在地爬，顧客即點即紮即買，有點「走地雞」的原理，蟹特別生猛之餘，肚內的穢物也更易吐出來。當日我們即場蒸了數隻大閘蟹公，蟹膏的確爆燈，膏的味道甘香，也是能嚐到蟹鮮。若想吃得雕轉一些，可以吃大閘蟹的副產品，原來蟹粉種類也蠻多，「禿黄油」，「金鈎蟹粉」等等。大家的分別除了是價錢高低外，當然還有蟹膏與蟹肉的比例，純正蟹膏「禿黄油」用來叮熱再配熱飯吃，滋味啊。其餘的就可用來做「蟹粉粉皮」、「蟹粉小籠包」等等。當然不得不分享「醉蟹」，它是將生大閘蟹加酒加調味生醃，我自己就很吃得下，酒香全滲入膏及肉內，又香又甜呢。大閘蟹是時令食品，只要不要在股票市場上做「大閘蟹」，其餘的就在此季節盡情享受好了！

在團購網買了四隻約五両的太湖大閘蟹。昨天專程去上環攞蟹。老實講，真係有D買大細既感覺，這類以團購方式買hairy crab已經有幾次。經驗告訴我貴蟹未必一定正蟹。但這㳄的蟹很不錯，四隻中有二隻爆膏，二隻正常多膏，隻隻都好生猛，肉質實浄鮮甜，蟹膏甘香，超正! 又因為太美味，食完D膏先醒起未影相! 以65蚊一隻五両來說算是划算. 它的團購已完結，否則會再買多轉!

路經一田 成隆行擺檔$113 3隻 約3.4 - 4兩阿姐同我講$130 4 隻即刻買 要左2皇2后連薑 蟹醋 薑茶一起附送回家蒸20分鐘公蟹膏甘香油潤2隻后就橙黃黃硬膏 好好食d膏都算多總括嚟講真係好ok呀

九月十月又是大閘蟹的好時節，每年這個時刻我們也不會錯過，今日就喺屋企整番次來食﹗星期日見得閒，聽友人說吉之島的大閘蟹不錯，就走左去買喇﹗正常就應該出九龍城買既，不過七點開飯五點先話想食，於是近近地就吉之島入貨﹗聽好多朋友說今年的價錢貴o左，見細隻的$118三隻，呢種四兩左右既蟹就$78隻﹗本來心諗一公一乸過o下癮便算，但賣蟹阿姐話買5送1，是鬼旦，就買夠四公兩乸，一年一次食大佢﹗買蟹送埋紫蘇葉、子薑、糖及蟹醋等，買番屋企反鬼轉佢蒸15分鐘食得﹗吉之島賣的叫成隆行大閘蟹，我估出九龍城買點都會平過佢的吧﹗一年食一蟹，梗係整番支花鵰飲o下啦﹗呢隻係係五年陳花鵰，$80，易入口，那朕甘甘甜甜的味道很不錯，用熱水座熱佢飲仲順喉﹗15分鐘後食得喇﹗先來食隻公先﹗打開，膏未算爆哂出來﹗雖然膏唔係多，不過食落很綿糯滑溜，好香蛋黃味呢﹗我同食家都偏愛吃公蟹，因為蟹膏夠軟夠滑。最緊要仲要係有半透明色的蟹精..........那種在嘴裡黐黐粘粘的口感，沒什麼食物可匹敵﹗好正啊﹗蟹乸細隻一點﹗不過勁多膏，打開之後我地已啜過不停，滿口生香，飲番啖花鵰，天下我有﹗還是吃精更好，第二隻公蟹更多膏，正﹗整體來說$80

朋友介紹，上個月經已食過一此，重好回味所以尋晚又專登揸車去上環encore.有幾隻價錢，$420/斤， $380/斤,＄100/3隻。上次食果$380/斤,＄100/3隻都好好食，貴啲嗰隻太隻啲啦。＄100/3隻嗰啲都好多膏，算物超所值。今次可能係今年最後一次食蟹，所以買咗 4隻$420/斤， 同4隻$380/斤，兩個人食加埋＄1000。

我係'成隆行'第一個寫食評既人 今日.突然之間好想食, 所以就近近地係附近既吉之島裏面買, 因為之前見無人寫過食評, 所以唔知好唔好, 姑且一試既心態去買, 果度無咩選擇, 只有$100/4隻, $68/隻, $100/隻, 三款,就係因為之前無人試過, 又或者係D人無寫食評既關係.... 所以我都買D平平地, 我就買左$100/4隻 + $68/隻(共五隻) 我買時, 都無人買, 個心仲唸, 會唔會中招嫁..點知 , 返屋企蒸左20分鐘後, 你地睇下, 超多膏, 我覺得$68/隻同$100/4隻 無咩分別, 不過$68/隻果款係大D既(都係得四兩幾)唔太大,,,雖然而家都未係時候, 人地話9月圓臍10月尖, 但而家咁既時候己經滿瀉, 咁遲D咪好好好好多膏囉....到時成日都食, 會膽固醇偏高嫁 咁既價錢, 咁既質素, 我好滿意, 日日食都唔介意.