成都美食 (已結業)

麻辣燙同雜醬麵都叫正正常常，一去到個燒烤燒成個鐘都上唔到，後面遲過我哋嚟都快過我哋啲嘢食。然後先發覺只有客人叫得多餸，自然就會上得快。叫佢取消啲燒烤，又愛理不理，根本就係睇人上菜，200%唔會有下次。尤其兩個女員工直情當你冇到，hea到求其應你，催咗3次都話整緊，但遲過我哋嚟個枱就不停上菜，嬲到係咁等極都冇人理，扮話整緊啲嘢食但其實係咁拖我哋嘅時間，最尾忍無可忍，直接去收銀埋單走人，知呢間嘢根本就玩嘢。

同朋友宵夜經過有燒烤，唸著入去試下，叫左兩個炒送，上菜都算快，但叫左燒烤都唔知燒乜春燒左個半鐘都未上台，態度極差，催單後廚房既怨氣極大，甘就希望快啲執左佢啦，甘差既態度都唔適合做生意了，絕對沒下次，實在太過份了.

入咗去嗌左麻辣燙，汽水同燒烤。等咗30分鐘，先至比麻辣燙我哋。仲要我哋提先上汽水。而且麻辣燙明顯啱啱先煮，好多嘢都未煮熟，蘿蔔仲好硬食唔到。等咗1小時都仲係未有燒烤，我成程望住個廚房根本就冇整，仲喺度開生蠔。等咗好耐見到個廚房終於出燒烤嘢食，但係竟然係俾咗我隔離嗰台。明明隔離嗰台係遲過我哋好多先嗌，跟住我哋黑晒面問佢點解等咗一個鐘都仲未有，佢就話廚房整緊（個樣仲要好串好乞人憎）。永遠先俾咗嗌左個枱，依個明明係服務業常識最後嚟咗個燒烤，娃娃菜仲係生。食完個肚仲要好唔舒服

喺長沙灣附近搵野食經過左呢間望望門面，好大陸感覺喎！之後再望一望係平時大陸燒烤既味道！就入左去！以前上大陸揼骨，宜家封關突然想食大陸串燒！試試佢！我決定一次過寫！完全係大陸既味道！孜然粉既燒烤！雖然好多串燒都係知道落孜然，但完全做唔到呢種味！茄子，冇記錯係廿幾蚊，抵食！好食！多肉！然後最驚喜係牛肉羊肉雖然好似十二十四蚊串但係份量起碼係大陸既三倍仲要係有肉汁好食！唔錯！題外話叫左個麻辣燙，果個一般好淡。最後埋單都係百幾蚊！抵食😝

有時會唸住食酸辣粉，朋友話深水埗有家成都美食味道不錯可以試試，很普通的小店，但菜式蠻多的，有燒烤、滷水類、涼拌、麻辣燙、四川風味的小炒。酸辣粉用紅薯粉很有勁道，伴有花生榨菜香菜，酸酸辣辣的吃起來很過癮。雜醬麵麵很勁道，很有口感，配上炸醬很香。涼拌皮蛋很爽口，酸酸辣辣的很開胃，其他的還沒上來皮蛋就吃完了。滷水豬大腸肥而不膩，很入味，越嚼越香。如果喜歡重口味的可以來這家嚐嚐，下次可以來試試這家的燒烤和小炒。

正如其他網友所講,該店的口水雞飯骨多個肉, 仲要甩皮甩骨 ,完全唔知食緊乜。 服務態度更是差劣。 餐牌寫明午市口水雞飯有熱飲包埋, 點知個老細話水吧個師父冇返工,要我另外畀多五元換汽水。 但我轉頭聽到佢同同事講，不如煲定奶茶畀人,另一個同事死都唔煲,於是同我講話冇熱飲。咁我問佢如果唔加錢要汽水,會否收番平啲？ 佢話唔會，仲問返我轉頭,齋要個飯，收連飲品價ge 45蚊，有咩問題?而家係間野特登唔煲茶, 等啲客冇得飲嘢,然後收番連飲品嘅價錢,咁唔係詐騙,係乜嘢?

昨晚跟朋友兩人路經呢間餐廳，點餐時已見同事口罩沒有完全遮蓋口鼻😓，點餐後發現店內出出入入的同事，包刮由廚房出來的同事、廚師、進入廚房的同事，沒有一個有戴口罩，疫情有反彈跡象，此店衛生意識如此差，令人十分擔心。在餐還沒到前已不想吃了，我們向口罩滑下的收銀姐姐反映擔心後，收她完全沒有跟進😡😡😡😡，只一直說食物烹煮中。我們決定起身離開，收銀姐姐遞上發票，成為$103⋯⋯餐還未到，仲好意思收錢，一肚氣！差！差！差！

鑱咀萬萬歲!🙌🏻ChamZeoiLongLongLife🙌🏻🐭成都美食萬歲！....🐭餐廳走平民大排檔風格。食物種類有好多：水煮魚/肉類、辣炒肉類/海鮮、麻辣燙、串燒丶粉麵、滷水、小吃.........🐭串燒：茄子$30、雞翼$18、豬頸肉$13睇住老闆娘即刻係個火爐度生燒，好有心機!落大量孜然粉及調味，味道較濃，真係好有成都風味！豬頸肉口感軟滑，入口溶化。雞翼外脆內嫩，非常Juicy。茄子上面嘅蒜蓉超級超級多，燒得好靚，香氣四溢，不過食完個口會臭🙈賣相👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅....🐭水煮魚 $198真係好好奇咩人會食得晒，就算幾個人share份量都超多！裏面有好多魚片、青瓜片、芽菜、薯粉。上次叫中辣，辣味同湯底味非常香濃。今次要咗小辣，相對冇咁惹味。賣相👅👅👅👅味道👅👅👅口感👅👅👅👅份量👅👅👅👅👅性價比👅👅👅👅....🐭清炒萵筍 $58食咗咁多濃味嘅嘢，要食返一道清淡嘅作為調劑及中和。 非常清香爽脆，能夠食到萵筍本身嘅清甜味道。賣相👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅....🐭食神鼠到成都一遊，拜～....

今日同朋友喺附近做完嘢唔知食啲乜野好經過見到呢間食成都辣野即刻俾佢吸引左入去，不過本來諗住打算食個麻辣燙，試吓佢正唔正宗就算，但係朋友見到有水煮魚就即刻嗌咗，左都左唔住今次真係肥到hihi la但係一聞到水煮魚嘅味道即刻成個人醒晒 冇辦法要開餐啦 之後我哋仲有叫咗串燒 買咗個雞腎不過唔記得咗影相 我覺得個雞腎係幾唔錯幾高質素事關喺出邊食嘅雞腎呢經常都會好”銀”好難咬 但呢個係唔難咬得來仲好爽口又唔乾 我覺得係做得好好我會同朋友之後再約多啲朋友一齊去試佢其他嘅串燒同埋麻辣燙

晚上10點，仲未食晚餐係荔枝角長沙灣附近好多食店都已經關左門所以周圍行下，睇下仲有咩地方未關就去食啦行過呢間，見到門口係食辣野，又有串燒甘就入去試下之後見到隔離枱有好大隻碗就問店員係咩嚟，原來係水煮魚！一直都好想食水煮魚所以就叫咗黎食啦😆我地叫左bb辣都唔算好辣，但超香！d魚又夠滑係唯一唔好就係有時食到魚鱗另外我哋仲叫咗牛油錫紙金菇黎到超香！啲蒜蓉同牛油味好正！其實我哋仲有1個串燒雞腎，但因為太好食好快食哂，冇影相😂😂😂😂總括來講我哋好滿意，下次會約多啲朋友一齊嚟試多啲種類🎉店員仲好nice，好有家人的感覺架

工業區午飯時間所以不設送外賣！（12:30pm-2pm)店舖主打串燒同麻辣燙午餐套餐$42-48 外賣加$2套餐包一包紙包飲品！之前經過門口見有口水雞出售好想試！因為店鋪係成都食品，所以心諗味道都唔會差得去邊！期待已久口水雞（$50）今日終於可以試食！ 叫外賣自取打開一睇雞骨多過雞肉（甩頭甩骨）（包括有雞頸）雞肉無味，肉質化，有點似煲湯雞肉！口水汁完全唔得！並不是口水汁，而是麻辣燙的湯汁！淡淡的麻辣煲湯汁！

今日同朋友係荔枝角有d野做，搞掂之後都點幾兩點，肚都開始響，咁行行下見到一間食成都四川野餐廳，因為我同友人都鍾意食辣野，就入去上下了。一入去店舖裝潢都幾中式，夠晒古式古香，而且都好新淨👍🏻咁就搵左個位坐低。因為大家都肚餓嘅關係，所以都叫得唔少食物。其中一樣係我好鍾意食嘅口水雞，夠麻夠辣，而且肉質都幾嫰滑，要嚟送白飯真係一流呀！另外我地仲叫左個雜醬麵，老闆娘仲溫馨提示我地要趁熱食，咁我地就立即試下，叫左咁多野食，呢碗我會比最高分🤤因為好好食，好有咬口，而且味道都惹味。其餘我地叫左麻辣燙、滷水拼盤、涼拌海帶，真係叫左好多野食，估唔到佢地份量出多，食到好飽呢