成記麵家

營業中

休息中

結婚之後住咗粉嶺幾年，食得最多就係上水龍豐樓下的車仔麵，後來搬咗去馬鞍山，都有keep住入去幫襯，佢係我心目中最好味車仔麵頭三位。雖然知道粉嶺有分店，但上水舖執咗之後，一直都未有幫襯過。今日兩公婆都放早，老婆放棄雅士鋸扒選擇咗成記，失望之旅就由呢秒開始⋯⋯呢間係自己圈紙仔，不過我比較喜歡上水店排隊揀餸，先刺激眼球同嗅覺。可能過咗午飯時間，伙記多過客。14:58落好單，就聽到隔離枱叫下午茶，原來15:00有特價下午茶餐，嗰一秒真心嬲咗😡😡，感覺店員唔太老實，當然自己冇留意都有責任，但只係差一兩分鐘有下午茶，係咪應該同個客講聲呢？幾分鐘碗麵嚟到，賣相跟以往分別不大，不過一食入口就知什麼叫「往事只能回味！」粉腸有啲韌，蘿蔔冇乜味，豬紅同酸齋算正常發揮，麵湯淡茂茂⋯⋯呢間真係成記？好失望的一餐！下次再嚟聯和墟，成記肯定不在選擇之內！是日消費：豬紅$12蘿蔔$8酸齋$10粉腸$12油麵$15共消費 $57

尋日下午我去聯和墟呢間隱世好食魚旦檔試吓 因為上星期喺前海開會 其中一個香港下屬向我呢個CEO推介香港北區有一間出色魚旦粉面⋯⋯我坐低叫咗一個淨魚旦、一個魚旦面及1杯凍檸水⋯⋯ 十分鐘左右以上食物到齊 我第一口先喝湯⋯⋯不錯之後咬一啖魚旦 果真彈牙 再食一啖面 真係不錯 我覺得真係好食魚旦彈牙 面又爽大約25分鐘食完 埋單只係$80！雖然比起深圳食嘢係貴咗啲 不過唔同地區又不能咁樣比較⋯⋯喜歡食魚旦的朋友可以試吓（佢有其他食物的例如：牛腩、炸魚皮、雲吞等等）不過要下次再試講住咁多先 我要坐高鐵上北京分公司見班下屬滙報上月公司業績⋯⋯⋯再会

啲餸份量好少，特別肉類牛腩肥牛，其他餸嘅質素都普普通通。。。都算係食過嘅車仔麵中幾差嘅一間腩汁加辣加到變辣汁，死口唔認，廚房佬無禮貌，對客人同員工呼呼喝喝，啲餸少麵少湯又少，食完都唔會飽，得普通餐廳七成份量啲餸嘅質素麻麻，叫牛腩，得兩舊細嘅，千祈唔好叫牛腩，10蚊一個餸，兩細舊牛腩唯一好處依間車仔麵係繁忙時間可以任坐，坐幾耐都冇人趕，因為冇人幫襯，食飯時間都仲可以比學生同工人坐耐啲，想食完有得坐嘅人可以考慮吓

加價後份量大不如前🥹🥲食完唔飽！食佢食咗20幾年，由最高峰嘅時候有三間鋪上水正鋪變咗粉嶺聯和墟搞到而家得返一間舖相信真係唔係冇原因……以前排晒隊等食，而家成日拍烏蠅午飯晚餐時間都係得幾個人。一個普通女仔食完一碗三餸面加嘢飲好似一陣風咁（我自問真係唔係大食，平時譚仔都要少米線都食唔晒）車仔面餸嘅份量多少都唔緊要 都明白要成本同賺錢但面真係得幾啖……（面其實都唔係好貴啫）食嘢真係求飽肚 起碼主食份量都應該要有返應有嘅水平如果咁樣做生意，真係唔係太理想，感覺好似想賺到盡。🫠如果真係諗住食一餐飽肚嘅lunch或者dinner你預返應該要比錢加底但如果下午茶嘅份量是足夠的。

好耐無同「發哥」出車喇，所以，搵個星期六天氣幾好嘅，就同佢踩返轉中長途，有挑戰少少嘅，兩支公一齊由大埔起步，踩去大尾篤，再上新娘潭，沖返落去鹿頸，再兜一轉去沙頭角邊境站，然後再折返番粉嶺，食個晏之後返回大埔。唔喺因為踩單車都唔會入到嚟粉嶺搵食，因為仲要踩段路返大埔，所以，唔會食得太飽，就揀咗嚟「成記」食車仔麵。「成記」地方都幾大，左右兩排大長枱，裝修簡簡單單，勝在感覺闊落，隨意搵個位坐，比起附近好多茶記感覺自在好多。一堆醬料、筷子、碗仔、點餐紙擺晒響枱面，自由顧自己。剔紙仔落單唔使多解釋大家都明，影出嚟純粹俾大家知有啲咩餸料選擇，同埋個價錢喺點。唔想煩嘅，可以揀招牌雜錦或八寶素菜，另外仲有啲小食供應，飲品跟餐又有優惠。扎肉豬皮滷水蛋河粉 $36雖然我哋兩個各自揀餸，但部分餸料都可以互相分享吓，就變相變成4餸車仔麵，哈哈。老友就話啲扎肉豬皮幾唔錯，前者咬落好有質感，唔喺溝粉嘅平價貨，後者就好爽口，而隻滷水蛋滷得夠入味，河粉滑溜有米香。韭菜豬頸肉油麵 $30呢一餐我就純粹墊墊肚，所以，揀兩餸一個肉一個菜就夠，另外清湯底加腩汁，食起嚟香啲。啲豬頸肉都幾好食，咬落口感彈牙，又有份爽爽地嘅感覺，

成記麵家🍜📍香港粉嶺聯和墟聯興街11-15號地舖♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎咁岩去開粉嶺，梗係要試下唔同既野食啦😂，呢間車仔麵店都開左好幾年，今次都係第一次幫襯🫢。先講下呢間鋪頭，雖然裝修冇咩特別，但餸菜竟然會有冬風螺😯。另外，野食都係入味既。餐牌可以睇圖片😚。🌟人均消費：$40+整體推介指數：❤️❤️❤️🤍🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎

今天晚上5人路過，時間剛好差不多收鋪，問老闆是否仍可點餐，老闆很客氣地招呼我們，點了5碗車仔麵，發覺豬腸，牛腩，魚蛋，豬手和鳳爪都好味，而且湯頭冇乜味精，可以一試!

路過見到佢嘅外賣都幾抵食😎外賣買滿$80就可以有88折😚不過我今次就選擇左堂食，因為一個人都食唔到$80咁多😜食物種類選擇以車仔麵店嚟講都算足夠嘅😊今次就叫咗四個$6嘅餸，分別係紫菜，紅腸，冬菇同埋木耳😋 當中覺得最好食嘅就係冬菇😋夠晒厚肉又入味😜木耳絲嘅份量都夠嘅，爽口嘅木耳絲撈埋啲米線一齊食口感都唔錯😜 其餘嘅紅腸同埋紫菜就中規中矩啦，不過如果紅腸可以厚切多少少就更加好🥶呢個紅腸切得比較簿身，口感未夠滿足🥶餐廳環境都幾光猛闊落，坐得都幾舒服👍🏻

平時都好喜歡食車仔麵，今次試下呢間，諗住佢都有幾間分店應該會好食，可能期望太高，有啲失望!我今次叫了甜酸齋，魚蛋，朱皮，河粉少辣，一上枱個樣好靚仔咁，首先當然係試啖湯先啦，点知中招，好鬼辣，可能係未撈暈啲辣汁，重有啲湯好咸，我覺得好重味精，跟住個酸齋就好甜冇酸味，魚蛋同朱皮都正常嘅。 另外個河粉係幼身的，有啲鞋同硬唔似平時食魚蛋河個種，總知就唔係我杯茶。 最後，環境同服務都幾好的，食物上得好快，枱面同坐位都乾淨企理的。 完

今日中午見到開咗喇！就入去試吓好唔好食，叫咗豬紅、蘿蔔、大腸，大辣油麵，黎到份量正常，蘿蔔都大件，第一啖食落口味道相當濃，係有食完要洗腎既感覺，再食多兩啖都係要叫侍應比杯滾水中和吓個湯，講真食物ok，係太濃同鹹姐，如果改善吓應該會再幫襯。