成發咖啡餅店

營業中

休息中

上水呢間位於新康街既成發咖啡餅店，是一間裝修懷舊既老字號。午餐時份到店，差不多滿座，店有兩層，幸好我係樓下揾到個位坐低睇下餐牌，其實我係衝住佢地個招牌椒鹽豬扒飯先去食既，豬扒飯跟霸王花例湯，唔錯。我唔係太肚餓，要了少飯，豬扒飯賣相幾好，豬扒肉嫰酥香，椒鹽唔太咸，有少少辣，仲有點甜甜既豉油淋係d飯上面，唔使乾爭爭，我喜愛。整體好滿意。口味：🥚🥚🥚🥚环境：🥚🥚🥚服务：🥚🥚🥚🥚🥚性价比：🥚🥚🥚

嚟到這間飯店，先試下佢哋嘅蛋撻，真係有得撐檯面! 入口鬆化，甜度啱啱好，食落滿口香濃，肥鵬都讚好架～👍 食咗點心，當然唔少得主食啦，依家就來嘗下佢哋嘅炒飯同炒麵啦。炒飯粒粒分明，啖啖香，痴心瞓到自己隔籬檯都嗅到嗰陣香。而家嘅牛腩呢，腍滑得嚟唔肥膩，啖啖肉感，賣相又靚，真係一絕👌。跟住，轉個彎試吓午餐套餐，貪新鮮唔止，價錢相宜，食物味道更加係正中下懷。當中個例湯，湯底鮮味十足，喝得我心頭暢快，撲鼻嘅香氣係過癮得嚟又暖笠笠，呢個季節飲啖熱湯，真係正到冇朋友！😊 啱啱好，呢度嘅食物又好味又家常，店主同啲員工服務又好，笑容滿面，搞到你食嘢都舒服晒，正到冇話講。下次再黎，我一定要帶埋更多朋友一齊嚟，分享下呢家嘅美食好滋味。

車仔麵勁好食! 魚皮餃、豬皮 、豬紅 、紅腸, 全部都好食。 紅豆冰多豆，啲豆煮得好淋，讚! 服務親切有禮， 而且細心聆聽顧客需要， 也不會催促顧客下單，雖然多次要求改單，仍然很有耐性，下單准確，毫無出錯。 下次路經上水一定會再光臨。 下次要試下咸牛肉 蛋三文治。 西多士好好味，一五人叫了兩份西多士， 埋單一共$333。 價廉物美，推!。。。。。。。。。。。。。。。。。。。。。。。。。。。。。。

【北區】【成發咖啡餅店】每一次去上水嘅感覺都好似返咗大陸咁，不過有時如果想買啲大陸嘢嘅話，去嗰度睇吓就真係會有收穫。都係嗰樣嘢啦，去得一個地方嘅，就梗係去嗰頭食埋嘢。我見到呢間舊式茶餐廳，即刻 bling bling 眼，即刻衝入去食嘢。用到個衝字一啲都冇誇張，因為當時唔止係下午茶時段就嚟完，而且距離佢哋收舖時間都不遠矣，吖佢哋好似唔做晚市咁喎。唔緊要啦，就叫佢哋嘅精選下午茶餐，我叫咗 $33 嘅「牛油多士配火腿奄列」，係呀，就係呢份。感覺呢個組合爭個主食就係一個常餐喇，幾有趣。味道上塊油多幾好食，牛油味勁香。而個奄列過熟，落咗紅汁有啲畫蛇添足，因為我唔中意紅汁。而個下午茶嘅嘢飲我飲「熱奶茶」，果然係老牌茶記，係好有水準，好好飲嘅。除咗茶記本身嘅嘢食之外，佢哋仲有粉麵，不過我就唔想食麵，就叫碗 $42 嘅「淨雲呑」嚟食。啲味道就正正常常冇乜特別，有七粒，唔需要特登去食。最後埋單價係 $75，食到後尾已經撞正佢哋收舖，都估唔到佢哋收六點咁早。。。（地址：上水新康街24號地舖）#1amfoodie #hkig #foodiehkgirl #hk #hongkong #topcitybite

椒鹽班腩飯只係得3舊😓😓今日食既炒河明明全店嘅相都係粗河但佢竟然上幼河。今日呢餐間野玩舊式開放式廚房加關冷氣😓😓最重要係唔平，竟然貴過油尖旺😓😓😓

例湯好味，足料，飲完冇口乾凍飲細杯咗少少，味道唔挑剔大路的鹹魚雞粒炒飯，平時我唔會食澱粉但係呢度係例外絕對、絕對、絕對夠鑊氣即炒都已經加分！同埋姐姐有提示因為比較多單，需時等一等絕對有誠意俾個近鏡，餡料充足，但係鹹魚少咗啲啲美極生炒牛肉炒飯，美極嘅味道都好出，整體係好味嘅唔會過鹹絕對放心（我係美極鮮露嘅粉絲屋企長期擺放）師傅俾個大頭，下次我會叫佢走三色豆兩大碟飯連凍飲，都係呢個價，好抵啦！地方唔大，位置都比較近，但係原來係有樓上一層，下次有機會都想去體驗下

去散步由粉嶺慢行到呢度阿姐又鍾意食好有鑊氣嘅炒嘢，見到呢間就決定去試一試，好港式茶餐廳好有年代感最愛大圍漢年茶餐廳的椒鹽豬扒飯炒底簡直係心目中嘅冧巴溫無可取替見到呢度都有就叫你會一會佢炒飯夠乾身，豬扒係濕濕地，淋滑，味道絕對係好味同漢年唔同冇得直接比較，近近地攞嚟止下癮係OK嘅俾個大頭佢凍飲偏細杯，茶底好味，凍檸茶好好奶茶正路其實基本上你噏得出佢都做到，我叫咗個XO醬乾炒豬頸肉河粉嘩河粉竟然係幼河粉唔係平時粗到好似鞋帶又嚡嘅河粉簡直加好多分，入面仲要有銀牙落足本豬頸肉厚切大大塊重口味嘅朋友我覺得唔夠鹹我問姐姐拎美極，佢又真係有嘩簡直天衣無縫要承認佢落油係重手左，但係要唔黐底同炒得開我係絕對理解嘅，有圖有真相，個河粉真係幼㗎你睇平時出邊啲炒河有啲人用粗到似貴叼嘅來扮河粉真係搞唔掂呢度真係冇得頂絕對會encore

成發係上水其實歷史悠久，我細細個的時候好中意食，但係近呢5-6年都再無了，因為又貴份量又少，最近行過，因為身痕，又食左一次，想試下會唔會好咗，但係好失望，水準差左好多，價格更貴，份量更少。

哩度既熱奶茶係會上癮架（我本人就較為喜歡茶走少甜呢個組合）喺香港已經好少一類嘅舊式老店茶餐廳 依家真係買少見少 冇華麗嘅裝修 但有一番人情味係我最鍾意嘅 好有小時候嘅味道其實佢啲炒野都唔錯 幾有鑊氣不過lunch 先會食 下午茶都係簡單啲好個雲吞牛腩河嘅份量對於我來講係啱啱好👍🏻我最鍾意食呢度嘅#雲吞牛腩河 🍜佢啲牛腩唔會好硬 霖軟度適中如果食到太晏硬嘅話 我會成碗都唔想食😓#熱茶走奶茶☕️ 香滑唔澀口（我對奶茶都幾腌尖架😂）每次嚟到下午茶都要食呢個夏天個陣間中都會飲下佢嘅紅豆冰都唔錯（推介👍🏻）

中午一餐食到一頭煙，未到放工已經肚餓。偶爾都會經過成發，但光顧的次數一隻手數得出，所賣的都是一般茶餐廳常見類別。沙爹牛肉麵牛肉醃到無乜味，而麵條又係自已最怕的淥到過腍，毫無彈性。火腿奄列火腿只得少少，是意料之內，蛋包得啱啱好，又夠滑溜。牛油方包咬落幾鬆軟，貪心一點，可以微溫更好。熱檸檬茶茶色深但不混濁，又有茶香，真的不錯。試過就算，下次未必再來。

又到下午茶時間，去另一間食下野先，去左間開好耐既鋪頭。我叫左碟「乾炒叉燒出前一丁」，不過佢黎到，我肯定唔係出前一丁，而係餐茶廳用開既公仔麵，呢到比佢呃左。至於碟炒野都OK既，d麵出乾淨曬水，食落都好爽口。不過，碟野好多芽菜，叉燒好少，呢個比例倒返轉就好啦！

如果有書出，可以講上水早餐，無可能無自己份，今次又去一間之前未食過既，實在係上水真係好多同類型餐廳，食既野大家都差不多，如果可以有變化就好啦！餐牌起初望落幾多野食，但睇真原來都係個幾味。五香肉丁公仔麵比起某部份食肆，用上黑沉沉既肉丁，實在好好多，至少可以睇見肉丁，而麵條又淥得剛剛好，唔會太硬，方包是新鮮貨，幾香同軟熟，雞蛋煎時反蛋，令蛋黃不易流出，自己幾鐘意，再加杯凍檸檬茶，啱啱好！

屹立於上水多年的成發餐廳,今天第二次去光顧!我帶著小狗,職員也親切招待我叫了一個午巿特價餐,xo醬海鮮炒飯,送例湯,凍飲加$1結帳才需$34在物價高企的今天,真的尚算便宜至於味道,大大碟飯,夠晒熱,可惜飯身淋了一點點,不夠乾爽,味道一般!

我今日同個friend去食野，去左衣間野@@我地一坐低就聽到d伙記超級大聲講野!!!!!!我叫左個椒鹽豬扒飯，我個friend就叫XO醬海鮮炒飯因為本人都幾鐘意食椒鹽豬扒，所以想試下估唔到都幾好味!!!跟住我偷偷「不」左一個啖XO醬海鮮炒飯都唔錯~~~

自從上次嚟過食點心之後, 男朋友仔就鐘意咗嚟呢道!難得大家一齊放假, 又嚟嘆番吓點心先.以往我地一般都會叫鳳爪骨飯, 但今日男朋友仔叫就 "煎蛋牛肉餅飯" (13$), 即煎荷包蛋(不過我都係鐘意兒時即打落去焗一陣既食法多啲)飯粒分明, 牛肉餅軟滑又唔會食到一口粉咁 另外叫左個點心餐, 可以選兩種點心, 我要左燒賣 (另加3$) 同鳳爪 (9$) 跟凍飲燒賣沒什麼特別, 都不明白為何要加 3$, 鳳爪係凍肉度果啲貨式, 來料加工口感是爽爽的, 個汁我鐘意呀! 因為夠甜~如果點心款式可以再多啲就好了 而我地今次就坐正個門口位當有人開門時, 果一 "鼓" 熱氣真係 後來我地先知原來呢道係有 "樓上" 嘎!