影片
以上資料只供參考, 請與餐廳確認詳情
之前睇過網上報道，話呢度成日停電，影響生意，但是啲質素唔錯，所以專登同朋友過嚟食午餐。特登過嚟熟食中心，一定要試吓佢啲火候夠唔夠。本身諗住呢啲地方，服務一定唔好，點知我一坐低啲阿姐已經好殷勤咁問我哋食啲乜嘢。我就叫咗個枝竹火腩飯，等左唔夠10分鐘，就已經有得食。其實之前喺唔同嘅茶餐廳都食嗰呢個飯，好多時一係個汁太鹹，一係就係個火腩太肥。呢間熟食中心首先講啲火候非常好，送到黎嘅時候個醬汁都唔會太鹹，火腩都不太肥，支竹亦都好爽口。另外跟餐叫咗杯凍奶茶，都可以去到茶餐廳水準。個趨勢越來越少呢啲熟食中心，有時間就要多啲試吓。呢間熟食中心都幾乾淨，不過位置就偏少少，喺地鐵站都要行8分鐘左右先到。
繼續閱讀
近幾年成昌飯店（大排檔）是經常去午膳的地方，原因是就近工作地點，價格合理，食物有地道風味。此食店初期是炒粉麵飯較吸引，例如干炒咖哩豬排河等，原因廚師功夫好，即叫即炒，食物熱騰騰上碟，夠鑊氣。後來偶然發現餃子幾好味，原因味道獨特及自家製作，而餃子餡料獨特亦是最大原因，餃子外型合理，餃皮非自家製，是外購但材料選擇不錯，食後感覺不會太軟或太硬，剛剛好，另外豬肉為餃子主要餡料，再配上其他餡料成為具有特色味道餃子，例如咖哩餃子，辣椒餃子，醬爆餃子，番茄餃子等，濃味餃子配清湯及麵，可以凸顯餃子特別味道，這一碗大餃子湯麵已經可以成為豐富的午餐。
繼續閱讀
話說長沙灣熟食中心(其實響荔枝角站)有四家大排檔其中一家就是這家成昌飯店這家大排檔每天提供4款午餐選擇,包括一般碟頭飯同炒粉麵類,價錢在$30左右食物方面：粟米斑腩飯：斑腩加上粟米汁效果理想，白飯亦不錯，如果再多少少粟米汁送飯更正蝦仁炒蛋飯：唔錯，炒蛋爽滑，蝦仁份量充足炒飯：整體一般，炒飯效果不足飲品是質素唔錯，一般檸檬荼，華田等等無令人失望服務方面一般，不過收錢(老闆?)幾有禮貌環境方面一般，但因為電視跟人多關係，覺得唔錯總體而言，食物飲品穩穩陣陣，唔會出意外，環境都唔錯，而且價值便宜，難怪食飯時間坐滿好多人
繼續閱讀
今天與同事們到附近覓食，見到呢間熟食檔嘅小菜種類幾多，價錢又公道就黎試試喇。我地大約七點鐘去到，果陣都仲係比較少人，可以同老闆傾兩句，老闆亦相當健談，聽老闆講，呢度之前晚市係做開火鍋既，係早幾個月前先開始做小菜。本身大家都係覺得大排檔既菜式質素都可能差唔幾，誰不知真係「估佢唔到」。先黎既係「西芹炒帶子」黎到大排檔又點可以唔叫「豉椒炒蜆」呢「炸蠔」「蒜蓉粉絲蒸扇貝」之後呢個真係要重點推介。「青芥末炒牛柳」由於同事們很愛食魚，叫老闆蒸左條魚！「炸子雞」食量驚人既我地，食完最後一道菜，大家竟然仲未夠飽，於是叫老闆整個加大版既「肉絲炒麵」比我地！雖然大家都開始飽飽地，但都每人食左一大碗！美中不足既係唔記得叫老闆「多脆少汁」。雖然呢度地方比較隔涉，不過反而勝在每道菜都用心烹調，不像那些「人氣高了，味道差了」的大排檔。老闆話雖然佢地十一點半last order，但通常D客人都想坐耐D傾下偈，老闆都話無所謂，坐到兩三點都得。如果約埋三五知己黎，實在係唔錯既選擇！
繼續閱讀
一大清早起了床, 見天氣好就不如外出走走. 去到荔枝角果頭, 目標是探一探這個長沙灣熟食中心.由泓景臺那邊行過去, 遠遠能夠聞到麵包香, 昂頭一看, 原來是美心的麵包工場. 再行多個街口. 便是這大排檔. 後街門口的一間, 成昌, 一行入去, 伙頭哥仔隨即招呼我坐下. 早餐食什麼........而我的早餐, 最重要是一杯奶茶. 再加一個牛腩麵.廚房比起任何大排檔更加開放, 沒有高架, 沒有正正式式的檔口. 全程睇住哥仔整麵, 炒另一張order. 牛腩麵, 是早餐的公仔麵. 味道湯底, 有勝於好多茶記. 牛腩雖不是什麼靚腩, 但夠淋已經是very OK. 奶茶, 濃香夠滑, 慢慢食完碗麵, 慢慢嘆完杯茶...........good morning........整個人醒神哂. 咁好天氣, 早一點打個電話給她. 10點半都未起身........趁好天氣, 入去大埔, 吸吸新鮮空氣先.
繼續閱讀