影片
開飯介紹
菜品多元化、定價合理的日式餐廳，其招牌日式串燒、燒海鮮及燒肉料理，用日本訂購的燒鳥爐高溫烤製，另有多款冷熱菜餚。
繼續閱讀
營業時間
今日營業
11:30 - 15:00
17:45 - 22:00
星期一至日
11:30 - 15:00
17:45 - 22:00
以上資料只供參考, 請與餐廳確認詳情
有關獎賞計劃
優惠
相關文章
與絲打的午聚，由她推介來到這家日式餐廳。店內裝潢以木系為主，簡潔企理，感覺舒適。一口和牛以鐵板呈上，我們原以為整碟都是滾熱燙的，詎料上面的蒜片及洋蔥是凍的！蒜片不熱，明顯烘得不足，令致蒜香釋放不出。牛肉還可，卻似乎比起預期差了一截。和風沙律的沙律醬乃芝麻風，味道還不錯。沙律菜多是夠多，只可惜雪得超硬超凍，未能突顯菜的鮮香。另一問題是沙律汁勁少，食到一半已沒有汁，需向店員額外拿取。魚生十貫包括三文、吞拿魚、帶子、帆立貝等等，屬中上級數，鮮美肉厚，魚油更是不少。跟配的味噌湯烏冬亦很不俗，湯頭帶著味噌的鹹香，我倆都一飲而盡！串燒最為精彩，有茄子、豚肉、牛肉、雞肉及蘆筍卷，每串皆燒得均勻，當中最受小人喜愛的是牛肉，焦香腍軟，脂位更是甘香無比，遠勝之前的一口和牛！配合燒飯糰一流！甜品是雪至冰凍的日式麻糬，麻糬不怎麼樣，反而中間的忌廉打得軟棉細滑，吃下好像是溶化的雪糕般，加上不是太甜，好易入口！最後來一杯凍烏龍茶，完滿！為了串燒，會再回頭的。
繼續閱讀
Tsukiau is located in QRE and facing directly to Hopewell center, the environment is quite tranquil in dinner time, there’re quite a lot of Japanese dishes to choosePork Cutlet Don is quite tasty i like coming with onion and egg hahaa, pork cutlet is crispy but the taste is a bit weird, and the don rice is too wetBeef Don is in good standard Sea urchin and salmon Don looking good and sea urchin is fresh and coming with seven pieces of salmon, the best dishes of today hahaaYellowtail sushi is not that sweet at allTuna sushi is okay but again not that sweetScallop sushi is so sweet hahaaoutsides:insides:menu:Overall the sushi quality is just okay here, and i think only urchin salmon don is yummy from all three dons
繼續閱讀
1745 瀏覽
表弟妹為小肥表哥慶生，好就腳地揀咗喺QRE Plaza一家日式料理「戀」度狂歡。樓上餐廳佔用面積全層，以木為主嘅間隔開揚通爽。右方嘅開放式廚房光鮮企理。每位席上擺有自用嘅餐具。厚本餐牌中英對照，並附帶彩圖參考，簡單易明，不過實在太多頁，細佬影影吓決定放棄。二維碼點菜方便快捷。飲品項目共有兩頁可選。經網上訂座可享勁多優惠，其中三得利生啤買一送一，每點一杯仲送一碟小食，$58v有兩杯生啤同花生，堅抵玩！點知飲到中途生啤竟然清哂，結果要轉飲樽裝朝日啤酒，係咪好盡興呢？！串燒拼盤（原價$388）：四位或以上訂座仲加送一客八式串燒拼盤，非常豐富！拼盤中以香口嘅雞翼、潤脆嘅秋葵、鬆爽多汁嘅五花荔枝肉最為美味。厚切牛舌（$58/兩串）、香燒雞皮（$32/兩串）：飲歡樂啤時先點咗啲串燒送酒，其中厚切牛脷腍身得黎啲肉係一絲絲嘅，毫不爽彈；雞皮則又乾又韌，完全唔掂呀！月見照燒免治雞肉棒（$68/兩串）：免治雞肉棒燒得未夠火候，所以食落質感軟腍且唔得香口，最正嘅係大配角生雞蛋黃，鮮美滑溜。鹽麴五花腩（$32/串）：如相所示，燒到燶哂嘅五花腩唔夠肥厚，肉質又韌又嚡，真心食唔過！唐揚雞（$68）：意外地，炸雞皮層香脆，雞肉軟潤多汁，送酒佳品也。油甘魚刺身（$48）：紋理清晰嘅油甘魚刺身比較普通，唔鮮唔肥，不吃也罷！吞拿魚中拖羅壽司（$88/兩件）：相比起下，色澤粉嫩嘅中拖羅壽司厚潤肥美，屬整晚之最，結果當然係要追加啦！鹽燒生蠔（$58/隻）：表弟最愛食蠔，嘻嘻，為安全起見，大家決定唔熟唔食！鹽燒生蠔肥嘟嘟，白雪雪，豐滿滑溜。凡惠顧半打生蠔，更可獲贈清酒一枝（原價$588），印上櫻花圖案嘅酒酌仲好應節添！海老野菜天婦羅拼盤（$168）：炸至金黃嘅天婦羅新鮮熱辣辣，炸漿唔會過厚，食落都唔太油膩，修長嘅蝦蝦尚算爽口，配菜中個人最欣賞彈厚多汁嘅冬菇！日式炸豆腐（$48）：豆腐金磚炸得好夠乾身，咬落皮層鬆彈，豆腐心好幼嫩。雞白湯嫩雞烏冬（$128）：奶白色嘅雞湯底濃而不俗，烏冬麵條滑身得黎有彈性，自己冇試到啲雞肉，所以唔肯定佢嫩唔嫩，事隔多月表弟妹都唔係幾記得。飄雪忌廉泡芙（原價$68）：適逢XO仔牛一，店子仲加送唔會太甜嘅忌廉泡芙甜品，認真開心！灣仔樓上居酒屋「戀」環境樸實衛生，服務優良，食物質素雖略為參差，但勝在網上訂座可享多重優惠，性價比極高。
繼續閱讀
和風沙律炎炎夏日，清爽沙律菜醒胃。串燒四色拼盤五花荔枝肉厚切安格斯牛/ 厚切牛舌汁燒雞翼調味要「鹽味」還是「燒汁」可選。我卻交俾廚師發板，相信廚師經驗。鹽味比較清淡，而燒汁則口感偏甜，是以醬油為基底調配出的醬汁。調味因人而異。五花茘枝肉比較清淡，由於有荔枝肉中和了肉的膩感。牛串肉質軟腍，牛味濃厚。牛舌味道比較濃烈，微鹹，不用再蘸任何調味料都可以。雞翼廚師就採用燒汁，夠入味，肉質軟熟。在桌上也擺放鹽巴和醬汁調味料，品嘗過原本的味道之後，再考慮要不要加其他的調味料。日式燒飯團醬油風的飯團有點像爆米香，外層脆脆的口感，內裡軟熟，口感一流。
繼續閱讀
尋日同朋友shopping行完街，本身諗住去另一間日本餐廳食，嗰間之前食過，好好食嘅，可惜因為係即興冇預先book位，得返個近住炭爐嘅位，實在太熱，唯有離開，已經好失望，喺附近諗住搵都係日本餐廳，見OpenRice呢一間嘢評價唔錯，仲有得即刻book位，就即刻上去入到去已經覺得唔對路，餐廳內非常冷清，得一兩台客，裝修燈光都怪怪嘅，過嚟招呼我哋嘅係一個有大陸口音嘅女人，嗰下我朋友已經覺得唔對路，但係因為我哋已經好攰，就費事離開，我話算啦，食完快快走送咗幾串串燒，所有都細細粒咁，放題質素，都算食得落口。叫咗一個晚市套餐，極上壽司set，個set有兩件三文魚，兩件油甘魚，兩件赤身，兩嚿帶子，同埋三舊炸蝦卷。我想講我真係唔知幾耐未食過咁難食嘅壽司，三文魚油甘魚同赤身唔知點解可以食落去都係同一個味，帶子叫做正常，我諗都係雪藏刺身帶子切出嚟，嗰嚿炸蝦卷我都唔知點形容，我唔明點解可以炸蝦咁難食，我感覺嗰個唔係炸蝦，係唔知乜嚟嘅，一擺入口咬兩咬我即刻成嚿吐返出嚟🤢 另外叫咗兩串雞軟骨棒串燒，一嚟到我呆咗，嗰兩串嘢又乾又瘦，好似雪藏嘢兩攞出嚟燒一燒咁，最奇怪係跟嗰隻生雞蛋，個顏色好奇怪，正常呢啲餐廳都係比日本靚蛋㗎啦，食完之後好後悔，我食咗啲乜嘢，又好後悔我哋一張相都冇影，因為實在太唔吸引我哋去打卡，又因為我從來未寫過OpenRice食評，冇諗過要寫食評😫跟住就係個牛肉鍋，食到真係想講粗口，呢個鍋要整到咁難食都應該幾高難度，我第一次見日式嘅牛肉鍋入邊會有好似西洋菜咁嘅物體，好核突成隻嘢夾起霉霉爛爛咁嘅，嗰個唔知係娃娃菜定旺菜嘅嘢，食落口係苦嘅，嗰啲牛肉，望落去我寧願去食吉野家，因為我唔食牛嘅，所以淨係我朋友食，佢食咗一啖又係吐返出嚟，我哋差唔多成個鍋冇郁過啊仲有，飲品。個餐跟咗一杯菊花蜜，另外我哋再嗌咗兩杯荔枝梳打。三杯嘢都係甜到我哋接受唔到嘅甜度，我哋女仔都鍾意食甜嘢㗎啦，飲一啖都頂唔順問題係嗰隻甜係化學甜，係唔知乜嘢大陸糖漿溝出嚟嗰啲，結果三杯嘢都係飲咗一啖。食到我哋嬲到震，我哋唔係貪平，諗住咁嘅價錢應該都唔會好伏，最慘係之後見到有個唔知係咪導遊咁嘅人，帶咗幾個日本人上嚟，我真係好想用我僅餘嘅日文同佢哋講，快啲走呀！！！！！唉！兩個人食咗差唔多$600，食完之後我哋兩個口都覺得苦苦地，個肚又唔係話好痛，但係就係有少少㾓㾓地唔舒服嘅感覺，真係貼錢買難受😮💨
繼續閱讀