憶食尚臘味煲仔飯

營業中

休息中

其實我都好鐘意食煲仔飯！即叫即做 熱辣辣香噴噴！呢間餐廳環境好西餐feel但食中菜架！廣式臘味煲仔飯 ($178 2人份)這道煲仔飯好食啊！飯粒粒分明，底部微微焦香，搭配上臘腸和臘肉同臘鴨的油香，加上蔥花同豉油！讓人一口接一口。份量係二人份！特別適合喜歡臘味的人。黑松露雞煲 ($168)這道黑松露雞煲非常獨特。雞肉嫩滑，黑松露的香氣恰到好處，提升了整體的風味。好入味同令個菜式更高級左！上湯娃娃菜 ($97)這道菜作為配菜，清甜解渴。娃娃菜上湯加上蝦米蒜片等等 增添了不少清新的口感～茶水方面選咗菊花茶！清熱又解渴～憶食尚臘味煲仔飯 (佐敦)佐敦文匯街22-24號地下2-4號舖

以前食煲仔飯都係去廟街或者大排檔，今次去了這間環境舒適、私隱度高的煲仔飯專門店，坐得舒服，食物味道好，服務仲好好👍🏻🔶川味臘味煲仔飯店員會灑上蔥花芫荽加上豉油再幫忙拌勻，一路聞到好香😚 有川味臘腸、臘肉、臘鴨，臘味的油香 透落米飯，川味臘腸少少辣好惹味，臘肉肥瘦分明，臘鴨鹹香，最後的飯焦也不能錯過，脆卜卜好香。🔶椒鹽一口骨外皮好酥香，每粒都啖啖肉，咬落肉嫩唔會油膩，椒鹽好惹味。🔶瑤柱蝦米雜菜煲用瑤柱蝦米煮出鮮味湯底，飲落好清甜，有西蘭花、菜芯、小棠菜、娃娃菜等好足料。

竟然煲仔飯嘅環境都可以咁雅致坐得咁舒服🥹🥹今日搵食嚟到佐敦文匯街 試吓馳名煲仔飯🔸廣式臘味煲仔飯廣式臘味煲仔飯真係色香味俱全😻😻 面頭鋪咗勁多料，包括有臘腸、臘肉同埋臘鴨，香氣四溢。煲仔飯嘅飯焦更加係好香脆🤭🤪 份量方面有兩個人份量咁多😚 食到大滿足，搭配醬油同香蔥的點綴，真係食到唔停口🤭🔸辣子雞丁雞丁外酥內嫩，口感極佳，並且辣椒的香氣四溢，椒鹽味濃。而且辣度適中，不會掩蓋雞肉的鮮味。配上香脆的花生和青蔥，真係越食越過癮🤣🤣對於喜愛辣味的食客黎講，這道菜絕對不容錯過！🔸芥菜排骨煲芥菜排骨煲是一道滋味濃郁的煲仔菜，排骨肉質鮮嫩，燉煮得恰到好處，湯汁鮮美，十分入味，並且濃稠卻不油膩🥰

🍚 焦香煲仔飯分享 🥢 終於試到呢間人氣煲仔飯小店「憶食尚」！🔥 一入座就聞到炭火香飄飄～ 必試招牌「廣式臘味煲仔飯」，飯粒乾身分明，飯焦金黃脆口，臘腸油香滲入每粒米，食到舔舔脷！🤤 仲有「甜蜜咕嚕肉」🍍 外皮炸得酥脆，酸甜汁掛滿每件肉，配埋三色椒、洋蔥同菠蘿，口感層次豐富～ 菜心🥬 更加驚喜！浸潤喺鮮甜上湯，湯底用咗蝦乾、瑤柱、香蒜片、蘿蔔同薑片熬製，每啖都散發濃郁海鮮香氣，連菜都食到心思～ 🍵 茶介每位$15，用傳統陶瓷茶壺沖泡，茶味甘香解膩～ 分類統計好清晰，煲仔飯、小菜、蔬菜價錢一目了然📋！店員服務貼心，上菜快又會介紹食法，體驗加分👍！ ✨ 人均$150左右（兩個人食到捧住肚！），CP值高🌟！鍾意地道風味同鑊氣小菜，呢度絕對要bookmark！💯 📍#臘味煲仔飯天花板 #上湯菜心超驚喜 #文匯街隱世小店 🏮

呢間專門由自家工廠製臘味煲仔飯嘅餐廳，樓高兩層，環境好開揚同埋乾淨，請朋友，宴客都絕對唔失禮！辣子雞乾辣椒的焦香與花椒的辛香撲鼻而來，雞肉外殼炸得極其酥脆，表面裹著一層薄薄的澱粉，入口香而不燥！胡椒芥菜排骨煲芥菜清甜又嫰，排骨煮到好腍，湯底微帶點胡椒的辛辣。川味臘味煲仔飯自家製廣式川味鮮肉臘腸、臘肉同埋南安板鴨，味道有少少麻辣，創新得來好過癮。五常大米🍚米飯口感煙靭，粒粒分明，再淋上古法瓦缸頭抽，少少甜又唔會過鹹，好好味！

🍚🥢 港式臘味煲仔飯臘香濃郁，米飯粒粒分明，臘腸油潤甘香，鍋巴金黃酥脆，醬油鹹甜適中，熱氣騰騰！食了暖笠笠！🍚🥢豉汁黃鱔煲仔飯鱔肉鮮嫩彈牙，豉汁鹹香濃郁，米飯吸飽醬香，鍋巴焦脆誘人，熱氣蒸騰，滋味鮮美，一啖難忘！🐟鮮醃鯧魚鯧魚鮮嫩細滑，醃製入味不死鹹，魚肉雪白帶淡淡酒香，蒸煮火候剛好，入口即化，鮮美回甘，佐飯絕配！環境 👍4⭐️味道 😋4⭐️服務 🤵🏻🤵🏻‍♀️4⭐️價格 ～$250🕴🏻

環境裝修舒適，餐廳服務周到，絕對適合一班朋友聚餐🍽️推介菜式:臘味煲仔飯/臘腸滑雞煲仔飯$468/$477(4人份)臘腸肥瘦均勻，啖啖油香，飯粒分明，完全吸收臘味嘅油香，仲有脆卜卜嘅飯焦😍黑松露雞煲$168雞肉算嫩滑，香濃嘅黑松露味，味道偏甜，可以更惹味😋甜蜜咕嚕肉$128絕對做到肉粒外脆內軟，加上酸酸甜甜嘅醬汁，好開胃！其他小菜正常發揮，今次試唔到黃鱔煲仔飯，大家記得要預訂😆📍憶食尚臘味煲仔飯 #佐敦中菜 佐敦文匯街22-24號地下2-4號舖

假日晚上到了佐敦文匯街的憶食尚臘味煲仔飯吃晚餐。由於我們去到時間尚早，不用等位就可以入座。餐廳裝修簡約，座位寬敞舒適。餐廳主打廣式臘味煲仔飯，另外都有提供不同種類的小菜，選擇都豐富。我們點了一個煲仔飯、一個小菜和一道炒菜。▫️芥蘭炒臘味 $128芥蘭配上臘腸和臘肉，份量足料，芥蘭清甜爽口，而兩款臘味都幾惹味。▫️黑松露雞煲 $168上枱拎開煲蓋時已經香氣撲鼻，香濃的黑松露味配上雞煲，味道有不同的層次，雞肉嫩滑，整道菜都十分惹味。▫️川味臘腸滑雞煲仔飯 $188今天晚餐的主角，店員先會為煲仔飯加上香蔥，再淋上豉油。我們今次試了餐廳的川味臘腸，臘腸中夾雜著花椒等香料，味道帶少麻辣和咸香，和平時食臘腸有分別！而煲仔飯飯粒分明，口感適中，食到底還有惹味的飯焦！雞件同樣多肉嫩滑，幾美味！

招牌菜廣式臘味煲仔飯臘肉、臘腸和臘鴨三種食材搭配得相得益彰。臘肉肥而不膩，臘腸香味濃郁，臘鴨獨特既鹹香，同粒粒分明既米飯完美融合。煲仔飯既靈魂更加就係底部飯焦，金黃酥脆，口感超正，每一啖都回味無窮。 芥菜排骨煲清爽既菜式，芥菜鮮嫩微苦，搭配燉煮軟爛既排骨，湯汁清甜，暖胃又解膩，剛好可以中和濃郁既臘味煲仔飯。 咕嚕肉酸甜比例均匀，外皮炸得酥脆，入面肉質嫩滑，搭配青椒、洋蔥和菠蘿，口感豐富。無論係食材選擇，抑或烹調技巧都展現左傳統廣式風味精髓，尤其適合喜歡煲仔飯的食客，整體體驗令人滿意。

近排見有人介紹過佐敦呢呢一間煲仔飯專門店趁有時間一於過嚟試吓佢！今次嚟咗呢度！位置嚟講比較近柯士甸站佐敦站行過嚟嘅話會有少少距離又或者不妨睇吓有冇巴士附近落我哋喺炮台街落行過去三4分鐘就到餐廳裝潢唔似普通傳統嘅舊式煲仔飯店座位舒服望落高級唔會有俾人趕住要交返張枱出嚟嘅感覺我哋一行二人叫咗廣式臘味煲仔飯，辣子雞丁同上湯菜心一個出色煲仔飯對我嚟講一定要做到飯焦脆口 飯粒分明 香氣十足呢三個重點😌😌😌嗱好老實我覺得佢滿足到我要求煲仔飯一上嚟就有人為你服務會幫你鏟起埋啲飯焦同埋加蔥加豉油調味聽住嗰啲飯焦Chopchop聲真係未放落口已經滿足咗！廣式臘味煲仔飯用料主要係臘腸臘肉同臘鴨你對我嚟講食得煲仔飯，就一定要食有臘腸嘅🤣如果冇咗嗰浸油香配埋飯焦嘅焦香硬係覺得爭咁啲佢呢度嘅臘腸好好食唔會太肥肥瘦適中聽講係佢哋自己秘製舖頭仲可以買走佢哋嘅臘腸另外叫咗辣子雞丁有避風塘嘅感覺好惹味連花生炸蒜都會忍唔住想食埋🤣雞丁口感唔會太乾上湯菜心佢嘅上湯唔會太鹹係可以飲埋落口嘅上湯菜心上邊配上瑤柱蝦米土魷有種海味嘅鹹香配搭清清地得黎又有鮮味唔錯唔錯佢哋嘅煲仔飯，主要都係二人份量兩個人嚟叫一個再嗌多個小菜同青菜就啱

講起煲仔飯，憶食尚係柯士甸站附近嘅老字號，仲係米芝蓮推介！一入座，店員就會問你飲咩茶，鐵觀音、普洱、玄米茶、菊花茶任揀 💁🏻‍♀️🍚 臘味煲仔飯 ($177/2人份) 呢度嘅煲仔飯飯焦香脆，完全冇燶味，用嘅係黑土種植嘅五常米，未開蓋已經聞到香噴噴～😍 最重要係，所有臘味都唔加防腐劑同化學物，食得安心又比較健康！臘鴨用咗南安板鴨，經茅台酒同鮮土豬肉醃製，肉質咬落較韌。臘腸就 3 分肥 7 分瘦，食落甘香唔會好油膩～臘肉肥瘦比例都啱啱好，入口油潤但唔覺滯！最後再落埋秘製甜豉油，搞勻埋啲飯一齊，#好食 🥰 雖然呢度唔算平，但以質素同份量嚟講，2-3 個人 Share 都好夠食！🍲 芥菜排骨煲湯 ($137) 用黃豆 + 排骨 + 芥菜慢火煮成，湯底吸晒食材精華 ❤️ 芥菜冇苦味，反而帶甘香，飲得出係真材實料！🍖 椒鹽一口骨 ($127) 排骨炸到乾身香脆，咬落肉汁鎖得幾好，仲有炸蒜香、椒鹽香、少少辣椒提味 🤤 餐廳距離柯士甸站 5 分鐘，附近係佐敦交通算方便。雖然門面低調唔搶眼，但入面坐得超舒服，完全唔似一般煲仔飯店咁擠迫，環境加分！

本住好評咁多嚟試一下，主要梗係試過煲仔飯啦，點咗臘腸排骨煲仔飯，樣係好靚嘅，先食豬肉，排骨彈牙，但係騷味比較重！臘腸一入口就出事啦，隔年臘腸，擺咗好耐，啲油膱味出晒嚟！一人食，埋單二百幾，無下次喇！最基本新鮮都做唔到，收得呢個價就唔好做壞個名！香港飲食業如果只係靠食一次就算數，真係好大鑊㗎 ！返內地食咁多次嘢，如果食到呢個質素，係唔會有呢個情況發生，佢只會令你覺得物超所值，尤其係比較香港嘅食物質下素！而家你開到呢個價，都仲有人願意食，都唔keep住食物質素，就諗諗以後點發展啦！

憶食尚臘味煲仔飯佐敦文匯街22-24號地下2-4號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：廣式臘腸排骨煲仔飯 $188，瑤柱蝦米雜菜煲 $118廣式臘腸排骨煲仔飯：用的港式茅臺鮮肉臘腸， 肉質爽口，齒頰留香，以53度醬香型茅臺酒和優質醬油調味，酒香醇厚，鮮甜而夾帶鹹香，層次豐富。臘腸以散養1年的土豬鮮肉特製，按三肥七痩的比例精製，肉質鮮美紮實，入口即化。這道菜融合了廣東風味和中式醬料，堪稱是一絕，簡直是人間美味！😄😄😄瑤柱蝦米雜菜煲：瑤柱和蝦米經過浸泡軟化後，與各色時蔬一起慢火煲煮，入口鮮甜滑嫩，回味悠長。雜菜煲的調味適中，湯水不會過鹹亦不會油膩，反而能夠突出食材的原味，好食又健康！👍👍👍

收工又系諗食乜的時候，大佬就話去憶食尚食煲仔飯。今次黎到坐低睇緊餐牌的時候，有一對老奶奶入座，坐正我地旁邊，聽到佢地落單，令我回憶起上次同屋企人黎食的時候。btw餐牌同之前相比有少少改動。   ⦁廣式臘味煲仔飯 $178尼款煲仔飯系我最愛，臘腸臘肉的香味濃郁，仲有脆卜卜的飯焦，十分香口。  ⦁芥菜排骨煲 $138我見隔離對婆婆都嗌，應該幾好食，所以叫左黎食。份量都幾多，仲會有陣陣胡椒味，好惹味！  ⦁辣子雞丁 $138辣子雞丁有種避風塘風味，香香辣辣🌶，不過怕辣的朋友仔就要留意❗  ⦁原個椰皇小鮮肉 $88尼款甜品要提早預約，估唔到今次俾我預約到，滑嘟嘟的椰子凍🥥，上面仲鋪滿桃膠同桂圓紅棗，口感十足。  

🤔好耐無食過粵菜 無意中搵到間食煲仔飯既專門店 一預去試下🩷 🏠餐廳有兩層 坐位都算多同闊落
叫左幾款我最鐘意食既菜式🍽️ 1️⃣咕嚕肉
好夠鑊氣 咕嚕肉炸到好酥脆
外皮做到好薄 食落唔會好厚粉
肉既硬度都岩岩好 醬汁酸甜 2️⃣芥菜排骨煲
芥菜鮮甜有益 排骨煮到好軟身
成個湯好香胡椒味 好岩冬天飲 飲完成倨人暖粒粒 3️⃣廣式臘味煲仔飯
必點招牌煲仔飯 二人份勁大煲
由臘鴨 臘腸 南安板鴨組成
煲仔飯布滿臘味香 加上甜豉油 真系好好味 咸香味十足
食到最底當然唔少得脆卜卜既飯焦 一流