慶發飯店 (已搬遷) 新店位置

估不到，土瓜灣的慶發，竟然受到傳媒，與少年食神撰文報導，多年以來，我只視為一間普通不過的點心店。經常去一間食店，未必一定是天下美味，就腳，便宜，是其中主要原因，慶發在我眼中，就是這一類食店。＄11碗皮蛋瘦肉粥，粥身偏杰，吃下去火路夠，最可惜是沒有薄脆供應，所以，我很多時候另叫一客春卷，浸著粥同吃，哈哈！只是區區＄9。山竹牛肉是自家製，非涼茶舖的來貨般，只有假得不像真的質感，這個山竹牛肉，鬆軟而不散，味道也可以。蝦餃水準一向平平，外層的澄皮弱不襟風，是致命傷。都說，不求好醜，只求就手，因為，同區的選擇，真的不多。

那一晚正下著大雨,而且那時候都不早,在土瓜灣要找一間開得夜的宵夜地方真是不容易,之前都是食燒烤食物,今次都想轉下口味之前經過幾次的"慶發飯店", 都看過下門外的介紹及營業時間, 原來是好像酒樓般賣點心, 而且都好夜才打烊, 至到凌晨3時, 所以今次與我男友一起歎宵夜茶一入店內的感覺都好懷舊的酒樓feel, 我們自行找位置坐, 席上更有不少客人, 枱上已經放了壺茶及餐具,但另外order茶就要收茶錢,店內是沒有點心紙的, 都是眼看牆上的餐牌及價錢, 之後舉手找店員落單, 離遠距離向店員order食物, 之後她們將點心送到來, 而且給我們一張"蓋印仔"or"劃單"的點心單,其實我們都不是太肚餓所以都不是order太多食物, 叫了五碟...四竇滑雞札$11----收十一元的價錢, 我都不會有太大的期望, 都知道不會有魚肚而是豬皮, 此外有雞脾菇, 火腿及雞肉, 雞肉入都好滑溜, 但是總有兩三根豬毛未拔乾淨, 有點可怕豉汁蒸排骨$11----好肉質不會好實, 應該落了不少鬆肉粉, 但好有豉汁味, 而且細細粒易入口豉汁蒸鳳爪$11---有些雞腳甲未能完全去掉,所以都好小心翼翼地品嚐, 炆得好夠腍

今日睇完雜誌,見佢夜媽媽都有點心食,仲好似好有風味~凌晨3:00開車去食。去到好多車泊係門口,而入面都幾多人食緊....有就黎開工,有街坊,有d開車去食..坐低之後,就叫亞姐開壺茶~~~普洱,唔該!!!!茶就普普處處啦,唔濃,我本人比較喜歡叫野食都係嗌就得ga la~~~亞姐~~燒賣、蝦餃、黎碟牛腸添丫唔該~!!!!蝦餃哎~~~正喎~呢樣足料,咬落去大大隻蝦ga燒賣,酒樓貨色啦~不過不失牛肉腸,牛肉就真係少到不得了~~~~老公叫多個腊腸雞飯腊腸雞飯,用瓦盅,有feel呀老公覺得超好味~~~~足料,腊腸係好似腊腸卷果d咁~~~你話超好味又唔係,但感覺好唔同,街坊茶樓,好有風味。佢d餐具雖然舊,但係乾淨ga茶位$4,2個人食4樣野賣單$56

男人最忌派報紙，最愛，是看報紙，上至世界大事，下至豪情夜生活，執多多劑你都話唔夠。科技日漸進步，甚麼東西也趨向電子化，網上報紙漸漸取締傳統報紙，雖然科技造成方便，但沒有那種存在感，直到今天，我仍然非常享受，早茶吃點心以報紙為伴，手上的油墨漬更感實在。由其是今天12/9，對香港的記者們，是一個重要日子，為了支持他們的新聞自由，捍衛全中國最後一個可以吸取自由空氣的地方，所以，還是吃一口蘋果，到家中附近的"慶發"，一盅兩件。雖然一直覺得其點心水準平平，因為就腳關係，仍是一來再來，蝦餃，燒賣是基本功，前者的外皮很散，餡料內有荀絲，蝦肉質素尚何，燒賣肉質夠鬆化。鮮竹卷是重口味，醬汁是正常地濃，一向是膽固醇極高之物。春卷只得一條，於是便來個鹹水角雙拼，因不是新鮮炸起，食味欠奉。是日A1頭條的消息令人振奮，但不要忘記去爭取我們應有的權益，有人說現今社會怨氣甚大，為何不尋求理性去表達意見？和諧，並不是必然，現今香港社會變成怨氣社會，這個政府要付上全責。長此下去，遲早官逼民反。

睇報紙介紹這間老字號，講到好好食，專登打的去搵，都係想求一絲童年回憶我鍾意食馬拉糕，坐低即叫一客，阿姐問我要邊個位，原來邊位就脆內側就軟，仲問，梗係要內膽邊有人食馬拉糕會食脆？食落口，好味，夠鬆軟，但唔係我想要的點了個排骨飯，正，飯粒有咬口，排骨好軟，真係要試再點一客報紙大讚的雞札，頂，賣相無問題，但食落就火滾雞札內有一塊豬皮，唔係魚肚好正常，人家賣十蚊一客，你想點？但塊豬皮上面有毛，係一條條黑色的毛睇真d，係每一個毛孔都有條黑毛，頂，直頭想嘔，成個腦都係影象，好困擾，點會諗到我食個雞札，會聯想到d粗糙毛孔呢？

店子開了一段時間, 是我吃宵夜的好選擇, 點心未好到好好好好食, 但都好好食, 而且不停由師傅新鮮蒸製, 而每晚的例水都不容錯過, 因為沒有味精, 同埋會好早買哂, 如果你齊想去買例水, 不買點心外賣, 是不會買比你的, 而且只有夜晚先有呀, 要買就早啦!!!!!, 點心都唔錯, 蝦餃>>>> 正, 牛肉 >>> 正, 鳳爪 >>> 正, 基本樣樣都OK, 重有蒸飯, 傳統的盅頭飯, 都是不錯的選擇, 真係叫做 ..... 平靚正

大家可能會奇怪點解我說慶發係多年老字号, 因其在現址可能只有10多年. 其實老闆早在廿幾卅年前己在馬頭角道近九龍城路公厠對面賣排骨飯, 嗰時佢可能只係伙記, 後來佢地搬過Ｄ去咗六街嗰道, 之後六街折咗就嚟咗而家呢道. 記得嗰時佢地D排骨飯好快賣晒, 晏少少都無得食. 所以當日我一落機就仆去醫肚. 排骨飯依然係王牌, 與細嗰食嘅分別不大! 其他嘢就無點到, 因為細個就已經知除咗排骨飯之外想食其他點心係應該去第二道的! 哈哈!

又一次來到家中附近的"慶發"喝夜茶,本來同區北帝街有間"茶點心",可惜在早前已結業.老實說,宵夜時間只求飽肚,對味覺的要求相對較低,雖然慶發的點心水準一向麻麻,但勝在夠平.一個人來,吃個盅頭飯,叫多兩籠點心,也是三十塊錢左右.排骨飯不過不失,與同區的明珍根本沒有得比.蘿蔔糕粉多過蘿蔔,優點是煎得夠香口.鴨腳扎上用腐皮包著的芋頭,是最好吃的一味.如果茶點心還在,當然不會來此,現今剩下慶發,如果住在附近,夜媽媽想吃點心,只有來這裏.

來這裡一定會是深夜...對我來說 這一晚也一樣.要了一盅一件. 飯依然蒸得水準...排骨也不會太過難食. 但還是那句有些豬油怎也好吃. 反而雞扎用上豬皮效果也不錯.一個宵夜的好去點. 只是不就腳..食完的車資貴過食物

在家附近想飲一餐平早茶,除了譚公道的"慶發"之外,也別無他選.胃口不錯的早上,例用濃茶去開一開胃,見到有什麼點心就吃什麼點心.一下子,四味點心已經在桌上.蝦餃的的式式,$9一籠來說已經算水準之作.澄皮厚度適中,蝦肉餡頗爽口,煎蘿蔔糕也不俗,蘿蔔絲也足,煎得香口,合我口味,棉花雞份量少,如果知道小弟之飲食習慣的朋友,吃棉花雞一定是魚肚行先,索了雞肉的味道,美味也.但此棉花雞的魚肚,味道有點點苦.鮮竹卷只屬一般貨色而已.價錢不算貴,四樣點心,加茶錢$41.如果去後面欣榮的富臨漁港,用這個價最多吃兩味點心而已.

凌晨三、四點，好多人都應該瞓到好冧，但係都有啲人仲喺度努力工作，包括我在內。呢晚收工收得早，同啲同事嚟咗土瓜灣飲宵夜茶。呢度啲茶客大多數都係啲阿叔阿嬸，不過間唔中都會有啲年輕嘅茶客。我地叫咗蝦餃、燒賣、咖喱魷魚、薑葱牛栢葉、牛肉球、鮮竹卷、雞扎、棉花雞、糯米雞、肉餅篜飯、腸粉、排骨同鳳爪。其實差唔多叫晒佢地有嘅點心，因為呢度嘅選擇唔多。我覺得咖喱魷魚同薑葱牛栢葉比較好食，其他就中規中矩啦。呢度亦都無任何嘅裝潢可言，但有的係一種地道風味。可以肯定嘅係，呢度絕對係宵夜飲茶嘅好去處。

多數飲開早茶 (星期日上晝先飲完)第一次試夜茶 (個次係上星期四晚)食物種類都算多係俾朝早少左d炸野今次叫左好多野...(因為係2個人既晚餐...)粉果 3碟 (我最愛, 由慶發以前係舊舖欣榮花園近陳漢海個個位,已經開始愛上) 佢d粉果得我歡心既主因係佢唔同酒樓咁唔會有多餘既花生, 唔會有蔥, 芫茜我呢個唔食芫茜, 唔鍾意一口蔥既人...呢度d粉果岩晒!!跟住叫左1個鳳爪排骨飯(無晒爪骨, 即蒸)...1碟牛柏葉 (即蒸)仲有1份蘿蔔糕 (起碼食到蘿蔔, 唔會一口都係粉)1籠燒賣 (一般)仲有1碗湯(足料, 有味, 唔係水煲水 or 不斷加水先!!)總括黎講...真係keep得住水準!!雖然我小學時佢地一個飯先賣8蚊...而家已經13蚊不過都算係抵食既~

一支公行去譚公道，先來食兩碟點心後才施施然返工..若果跟隔籬北帝街忠興比較，呢度嘅點心水準係較好，所以來幫襯嘅次數亦多D...腸粉做得不俗，皮唔係嗰D薄到晶瑩通透嘅上等貨色，但對小弟嚟講，飽肚最緊要，而且有時覺得皮厚少少口感仲更好添。所以不理三七二十一，食咗先算la...鴨腳扎就相對失色，鴨腳瘦到奀挑鬼命，肉餡亦不鮮，芋條亦不夠粉...唉...食盅排骨飯好過...食食下望吓周圍，四圍都係六七十歲公公婆婆。小弟經常都留連响呢亭街坊茶樓，依然自得其樂...未老先衰乎?

半夜十二點,仍然可以一盅兩件!我比較鍾意食佢個棉花雞,件鮑魚菇好好味,但係件棉花就...係豬皮...不過價錢咁平,算!盅頭飯我食左北菇雞飯,味道都好好!蝦餃雖然細細粒,一樣唔錯!當然唔係大酒樓質素啦!

這裡的點心都不過不失,义燒包係特別好食的!四寶雞扎唔鍾意件豬皮,件鮑魚菇入味,正!中頭飯唔錯,但係唔熱!對茶有要求就記得另外嗌一壺普洱!