994
107
69
港鐵太子站 D 出口, 步行約3分鐘 繼續閱讀
所有分店 (2)
電話號碼
24682705
開飯介紹
一間充滿特色的扒房,裝修時尚,主打慢煮菜式,特別推介威靈頓牛柳。這兒的全日早餐更可選擇龍蝦或牛扒,非常豐富。 繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*不設落場時間,繁忙時段會有時限
付款方式
Visa Master AlipayHK 支付寶 現金 AE 微信支付
座位數目
150
其他資料
網上訂座
酒精飲品
自帶酒水 詳細介紹
切餅費 詳細介紹
電話訂座
賞訂座積分
加一服務費
當面支付
以上資料只供參考, 請與餐廳確認詳情
食評 (1262)
等級4 2022-12-23
2559 瀏覽
晚上看完電影後相約了友人再去人氣西餐廳「慢煮工業 」吃晚飯,它在太子有兩間分店,餐廳裝修走西式工業風,店面寛趟,環境很有格調帶優雅浪漫感覺,走樓梯到了二樓,氣氛很好,值得一讚是餐桌與餐桌之間距離感很闊,可放滿一桌菜式!餐牌食物種類非常多,主打慢煮菜式,如前菜,湯品,意粉,小食,酒品等我們先點了開胃的經典凱撒沙律,沙律份量很多,有幾種不同的新鮮西式菜及蕃茄粒,賣相精致,面包粒酥炸後很香脆,加上沙律醬,口感清新又健康!脆辣一字雞翼(十件)小食點了脆辣一字雞翼,雞翼是半骨,方便進食,而且炸得金黃香口,味道帶微辣,咬下去有很多肉汁,加上芥末醬,令味道更加豐富!野蘑菇意大利飯意大利飯煮得剛好,有咬口不會太硬,濃稠適中帶有點水份,每一粒飯粒也沾滿了野蘑汁包圍着,盡吸濃郁味,非常滿足!美式蜜糖芥茉豬仔骨 (四件)厚厚的半肥瘦豬仔骨,咬下時有筋膜的口感,肉質軟腍同時爽脆,外層燒得焦香金黃,肉質鮮嫰保留到肉汁,微微的燒烤香氣,入口油脂甘香,加上蔬菜中和了油脂感!整體來說,食物品質有水準,賣相及環境氣氛吸引,好像在外國當地酒館的氣氛,打卡一流,而且交通方便。 臨近地鐵站,下次會再試其他新菜式!環境非常適合三五知己聊天談天,值得推介!凱撒沙律 繼續閱讀
(以上食評乃用戶個人意見 , 並不代表OpenRice之觀點。)
等級2 2023-04-25
286 瀏覽
伏伏伏乾、柴、咸所謂6小時慢煮T-bone,得3mm厚😢,慢煮都係為咗保存肉汁同令肉肌肉纖維變軟,你可以乾到咁,不如就咁煎罷啦,同埋已經咸到咁,你仲跟Dou 鹽做乜吖。。。。總括就係”乾柴咸”。所謂肉眼扒無咗塊肉眼邊,點解會咁嘅呢?切咗返屋企打邊爐嗎😂?同埋點樣煎先可以咁柴咁乾,又係一塊”乾柴咸”。個酥皮洋蔥湯,睇係幾好睇嘅,飲落咸到苦,救命。全晚得配菜入面啲粟米係正常。扒煎得咁差真係好有難度,小弟佩服🙏🏻🙏🏻 繼續閱讀
(以上食評乃用戶個人意見 , 並不代表OpenRice之觀點。)
人生第二次寫食評,太好食總係覺得嗰啲唔需要寫,總係覺得有麝自然香,但係太難食,仲要咁多人讚,咁就真係要寫嚟警世一下。午餐- 慢煮西冷牛扒配薯蓉前菜 龍蝦湯 - 跟餐送嘅龍蝦湯,除咗個溫度係值得表揚嘅之外,呢個龍蝦湯實在搵唔到任何過人之處,金拱門嘅龍蝦湯都會比佢做得好,不過既然係送嘅,都冇咩好埋怨,唔會期望佢用十斤八斤蝦殼去熬,如果有,咁只能夠講真係好驚喜。主菜 慢煮西冷牛扒配薯蓉-配菜方面,嗰兩塊紅蘿蔔硬過我個頭,係想畀人食定係一個裝飾?薯蓉好乾身,一啲都唔滑,薯蓉都能夠做到有一種overcook嘅感覺,都真係頂尖。好啦,可能係我放錯重點,叫得慢煮工業,個重點應該係啲肉嘅,即刻試一試佢先。由於侍應冇問過我想塊牛扒幾多成熟,咁梗係要快啲切開佢睇吓,見佢咁有信心,牛扒刀都唔畀把我,應該好掂啦。哈,一切落去果下就知瀨嘢,啲筋多過我阿嫲啲白頭髮,我唔係講緊西冷本身外圍條筋,而係裏面一絲絲嘅細筋,一直落去嗰吓,啲幼幼嘅細筋撠住我個喉嚨,就好似係個喉嚨度用牙線嘅感覺咁,好L正,M底可以一戰。咁嘅情況,即刻轉陣問佢攞把牛扒刀先啦。常言道: 橫紋直切。但呢鑊我橫切直切斜切角切順切逆切胡亂切線都搞唔掂,切切吓,開始進入咗忘我嘅境界,差啲唔記得講塊扒嘅味道。扒嘅味道,就係冇味道可言,不論係調味定係牛本身嘅味道,都係冇,咁梗係要即刻用佢咁用心on side嘅黑椒鹽啦,一試,果然冇幫助!完全冇辦法帶起一丁點牛味。結論-無論係牛嘅味道定係質感都一樣咁差,成餐飯都好似憤青上身咁,越切越按耐不住心底嘅憤怒,一度切下切下想切埋自己,最後,年少氣盛嘅我,都係食唔完,放棄咗。整體感覺好差,冇咩嘅話唔會再嘗試。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-04-14
158 瀏覽
今日去咗太子「慢煮工業」食lunch The Hangout by Under Vacuum 中文叫「慢煮工業」裝修係工業風,餐廳係喺一樓,環境舒適,位置也寛躺,感到很Chill 坐喺度食lunch 🥰慢煮西冷牛扒配薯蓉,西冷牛扒好juicy好軟熟,值得-讚,配菜有很多粟米🌽,厚切翠玉瓜同紅蘿蔔👍美式蜜糖芥末豬仔骨,估唔到咁大盆🙈豬仔骨好焾好juicy,$78真係巧很抵😝 額外加錢轉咗薯條,同黑松露炒蛋🤭 餐湯忌廉湯,加$18可以加酥皮🙃酥皮好香唔油,忌廉湯味道好好 👍 繼續閱讀
(以上食評乃用戶個人意見 , 並不代表OpenRice之觀點。)
等級3 2023-03-26
290 瀏覽
以往我家小姐好鍾意食under vacuum本店,但由於本店現在不能訂檯,所以今次專誠去分店一試。當日十二點去到應該剛開門不久。餐廳本身裝修以木為主。但一踏入餐廳,發現地板同檯面都係痴笠笠。此痴笠笠並非因為潮濕引致,而係因為厚厚廚房油煙。好似入咗間無咩點清潔嘅韓燒店一樣,油淋淋、痴笠笠。一場嚟到點都都食埋先走。當日只有兩位侍應,一個似譚仔姐姐,另一位係part time 高中弟弟。叫咗一個2-4人餐,弟弟提我哋個餐只得兩個湯。我話唔緊要啦,就由得小朋友飲。點知個湯上檯時,真係好驚嚇🙀⋯⋯所謂嘅忌廉湯,個濃杰度竟然同中式滾湯相若,完全似一杯有咸味奶水,所以最終我哋只放埋一邊無飲。之後就到塊安格斯牛扒,落單嘅時候無問我哋要幾成熟。我哋心諗算啦,呢度一向用慢煮牛扒作賣點,應該唔會差得去邊。點知又有驚喜。。。。塊扒上碟,一切仲硬過我條命。首先,塊扒明顯無經過慢煮。另外入口無肉味,完全口感係牛𡁻牡丹🙈🙊之後原來驚喜陸續有嚟。。。再上Carsar Salad, 羅生生菜已黃塊邊,應該已係隔夜用剩嘅食材,點知個d麵包粒直程係「粟」嘅。呢樣真係攪唔掂☹️、所以唯有同姐姐講,請佢換過佢。姐姐收完返嚟,竟然話廚房提議就咁幫我丟咗面個堆麵包粒,比返原先沙律碟🥗我食,另外比九折我佢補償。我們聽完真係好驚訝🙀⋯⋯你碟沙律有問題🤨、竟然打算比過九折我,再叫我食返佢?我明知食完有機會肚痛,我仲食?個廚房係咪懶到咁呢?終於經我斷然拒絕後,佢先肯重新比過另一碟我哋額外加嘅Mozzarela Sticks, 上檯時表面只係暖,咬落去完全拉唔到絲,明顯係炸唔透最後兩碟鴨髀同意粉,只可算是不過不失 繼續閱讀
(以上食評乃用戶個人意見 , 並不代表OpenRice之觀點。)