愛麵子 (已結業)

炎炎夏日，猛烈陽光，沒胃口，路過這裡，一間不起眼的店「愛麵子」就是粉 麵 店吧，即管入去試試，一般簡單的環境，噢！冷氣不足夠啊！看看餐牌：湯 粉 麵、撈麵、飯、小食、飲品 、牛雜米粉 $31 走蔥大大碗，米粉份量多，牛腸只得一件😀牛膀、牛肚、肺各2件，有咬口、爽、個人覺得可以炆焾啲喲，更加好吃，湯偏咸、雲吞撈粗麵 $38麵質都ok, 雲吞細細粒，有小🦐及肉$10 可配油菜、籮白或魚皮$6 熱飲、汽水、豆漿$9 各式凍飲點咗 魚皮😀一碗薄薄香脆，冇加調味料喎⋯⋯健康？壹品豆漿，冰凍，舒服曬 😋

呢日心血來潮好想食湯河，但又唔想特登去其他區食，搵到屋企附近都有間食牛腩麵店，於是試下！店名叫愛麵子，單聽店名同睇門面應該唔知原來佢係做潮州粉麵😂門面呃到人，打開門，入到去，裝修格局似返哂喇😂有別於一般潮州粉麵店，同樣嘅餸菜，佢就有做埋湯飯、碟頭飯、撈麵，比較多元化；不過我今日一心衝著想食湯河而黎，所以我都係叫左個金錢肚魚蛋河佢湯底無平時食開嘅麵店咁深色，不過唔影響味道，金錢肚都係好入味，份量都多，有成8塊，魚蛋好彈牙，有魚味，幾出色！可惜得2粒，唔夠喉。老公叫左水餃魚皮餃河加色魚皮餃對比平時食開嘅黎講算係幾大粒，每款餃類都有3粒，份量都ok水餃幾足料，就咁食都好好味👍🏻

食碗粉，有種受著氣的感覺。叫牛三寶，無為意無講粉定麵。個待應係咁話要乜，態度語氣非常差，我仲以為三寶裡選一款，我仲問不是有齊三款嗎？佢先講，要粉定要麵，啲語氣態度差到呢.....使吾使咁呀？我無講粉定麵，你咪問我一句要粉定麵咪得囉，使吾使語氣咁差呀？谷鬼氣。食完岀去俾錢，個高瘦男人企係收銀度整野，遞單俾錢佢，吾理，當我無到，真係差到爆，掉下單同錢走人。以後都吾會再來食，這店啲員工好有問題，咁既服務態度點得架。邊個係老細，真係好想投訴佢地。

喺v city隔離藝明街呢間粉麵舖 都食咗幾次．質素都無退步．雖然未去到好高質．但30蚊可以加幾蚊包埋熱飲算係唔錯．呢碗牛三寶有牛肚、牛腩、牛筋,分量都唔少添．支持小店．繼續幫襯

今日 3/11/19, 係屯門行街買野，行到V City 附近，記得有間牛什粉麵店，突然想食，所以同囡囡去試下。地方大小一般，有成10 張四人枱，都ok, 坐低，我點了粉麵 :** 牛三寶米粉 $30 加$5 熱咖啡~牛三寶: 牛腩，牛肚，牛根如圖，太少餸了，碗就好大隻，分量比較少，牛根2件，牛肚2件，牛腩2件，仲要每件都幼切，想飽肚都難。三款味道一般般，米粉比較淋，唔太喜歡。~咖啡好唔掂，好水質感，無咩啡味，我係好鐘意飲咖啡嘅人，咖啡都試唔少，未曾試過咁差。** 試過後，我無下次了

佢個鋪開係內街，甚至食粉面既都係街坊，但個老闆娘服務真係好差。我已經一個星期大約食兩次，其他侍應都好有禮貌，早晨你好個啲唔缺，做野都好足。我食咁多次第一次撞正到老闆娘同我落單，我話要加腩汁，次次都咁叫，因唔叫真係好淡無咩味。佢地刻係咁話唔駛，話加左會好咸，我話照加啦，佢又駁多幾句，唔好態度咁係咁駁，最後話你唔夠我拎一碗腩汁俾你啦。咁我仲有咩好講，咁氣燄咁樣係咁駁客，以為人地第一次食，以為自己師傅加腩汁會加成桶咸死人。 碗面食緊，聽到格離台叫加色，侍應照話ok個下真係覺得好慘，咁小事要俾人地老闆娘駁駁駁咁，食佢忽肉咁。食開都唔再食，睇返食評話服務差，我之前仲覺得個度好好，因為我未俾老闆娘招呼過，滴晒汗....食物方面，牛腩硬唔硬撞手神，坑腩都唔一定軟，牛雜都幾好，牛肚好好味，但雲吞水餃肉涵好鬆散，最好唔好叫呢兩樣。

早午餐，我就想吃粉面，老公就想吃飯，因為佢係一個飯桶😂😂😂但試問香港地10點鐘又怎麼會有飯食呢？！V city好多都沒開，就係喺隔離有間愛麵子 可以滿足到晒我們我就叫個牛三寶米粉，湯清清地很好喝，喝完都唔會口渴，仲要可以加油菜$10，早餐時段送飲料，凍飲加$3，不錯不錯👍早餐時段都已經有飯食老公叫了牛坑腩飯，都係送飲料，他都說好味還有蘿蔔底呢！另外值得一提服務員很有禮，還會操一口流利的普通話，剛剛有國內客人👍

因工作要周圍走既關係，位於屯門明藝街既愛麵子，我都食過好多次了。每次都會食佢既牛三寶飯，雖然當年會送紫菜湯，依家無送，但都唔影響我繼續係到食佢既牛三寶飯牛三寶分別為牛肚，牛筋，牛腩，仲有蘿蔔，同飯係分開上，識食一定加辣椒油甘食，連可樂埋單44蚊，整体無問題!

成家人去左旅行😭，一個人都費事煮，一日三餐都係岀去搞掂☹️經過望見餐牌都幾平，一於試試佢雖然呢間野係食麵同牛為主，不過今日係為左佢個蠔仔泡飯而黎😅蠔仔泡飯$36其實個飯就普普通通，唔係潮式蠔仔飯，無左一般既配料，只有蠔仔，飯，同生菜。個人唔食芫荽，所以走左。不過幾欣賞佢落左麻油，所以好香，好惹味。蠔仔算多，值得讚，$36算係甘👍🏻成間餐廳都好靜，雖然坐滿人，但大家都只係靜靜地食野，偶爾一兩句傾談。靜靜地食個午餐，好似成個人都會平和啲，同岀面煩囂既世界有種強烈既對比😂

經過幾次都冇試過，今日突然想食牛腩麵就入去試一試本身淨係想食個牛腩米，見到隔離食豬潤，好似幾正，最後就要埋豬潤。湯底幾濃，豬潤食落去幾爽口，牛腩比較瘦，如果想食肥腩就可能唔太啱朋友想清淡d就叫咗五寶河，魚蛋比較細粒，魚腐食落好香好彈，但份量比較少另外加咗一個菜，腐乳太多有d咸同辣，如果唔食得辣嘅朋友記得叫少醬或者轉其他醬。整體嚟講唔錯，雖然價錢平民，但份量唔係太多，如果大食少少可能要加底或者食兩碗先夠。

晚餐唔想食咁多，經過見到麵檔就入去試下鋪面比附近麵檔靚，以為會偏貴，點知睇下餐牌都係廿零三十蚊就食到鋪面乾淨企理，可能因為唔算開得太耐，d枱櫈都幾新淨想食清淡d，叫左個紫菜5寶河~個湯比較清，唔重味精味，食完唔囗乾！>粒魚腐比較細，不過食落好香囗同彈牙，唔似出面現成魚腐咁得d粉>貢丸、豬肉丸食落好香肉味同爽囗，好食！>魚蛋同魚皮餃就普通，冇乜特別整體都ok，不過份量唔算多，男仔食就可能要加底先夠跟麵加$10有油菜通菜正正常常冇乜特別，腐乳比左好多，係幾辣嘅唔係好食得辣就千祈唔好配腐乳

事緣想吃碗麵就開工，第一次來到這間店，門面都可以，就即管試試啦！看餐牌好像有很多野食，又好似主打食牛，不過因不想吃太多肉，所以只點了魚皮餃粗加色，再加一碟腐乳通菜。麵店就當然係搭枱啦，叫完野食，旁邊來了兩個人，一路話大風，一路係度轉位，最後都叫了野食。叫了之後又轉枱了！但居然佢碟通菜先到，我一樣野都未來。最可笑係，個兩個人根本唔係叫通菜，但見了碟菜甘靚，又話要轉通菜。原本個碟係同佢地同枱的。佢第二碟都來了。我那碟都未來，追了三次，最後來了碟生菜！好啦！再追！我碗麵都就食完喇！最後來的通菜好似浸過油甘，早知叫全走！我一路追碟菜，一路聽到其他人係度追自己碗麵，話人地遲過我都有甘話！我留意到張單其實有分搭枱號碼的，但伙記每出一碗麵都係大叫問邊個叫的，然後顧客就舉手回應，太搞笑了吧！張單無講邊張枱的嗎？講返碗麵，五粒魚皮餃算多的了，湯味道可以，不太鹹，麵都好食。雖然係甘，但下次未必再來了。

入到點叫一個字才五寶河同埋牛展麵。 牛展煲淋牛有牛味價錢只是29元cp值超高下次會再嚟食。至於 紫菜五寶，魚蛋頭魚蛋你好食份量也可以 價錢 不是太高 只係三十蚊計 除咗牛展面對有金錢肚餓牛坑腩河牛雜河口一品鍋價錢都係三十蚊抵到爛呀

之前都有食過，無乜特別，至在人少。今日帶埋bb但訓左，諗住人少，方便啲啦，入面明明有位放bb車，但竟然唔比入話無位，得！！我即刻走，諗都唔洗諗，唔食，係以後都唔會再去，對家庭客咁不友善既餐廳真係去多一次都對唔住自己丫！！

It is very small shop and I choose to dine in at a wrong time.Kind of expecting something special from the name of the shop, but inside is just like some random noodles mixed with animals organs. Their beef is soft and not over cooked, but quite salty, probably I am having a cold that time. Price is acceptable though. But the staff were not that nice. Good choice if budget is your concern.