愛群野葛菜

營業中

休息中

難得走到嚟 #太子，梗係要整返杯 #小秘書 由細飲到大嘅 #野葛菜 😎 葛菜湯冇想像中嘅草青味，反而入口會感受到一陣甘甜味！聽阿姐講加啲鹽功效會更好，話有 #化痰止咳、#清熱解毒 嘅功效(乃係 #有病醫病無病補身系列）！不過我就鍾意清清地，咕咕聲一啖飲晒落肚... Cheers🤭 📍愛群野葛菜 (太子)西洋菜南街250號地舖

愛群屹立太子多年，同時係呢個地方可以又只係賣兩樣野相信一定有佢原因同特色愛群葛菜水真係好足料野葛菜味道好濃好濃再加上出品前，姐姐會落適量鹽嘅份量令下火效果更顥著馳名野葛菜 完成

今次去試呢家飲品店，一啲都唔後悔！首先，杯杯野葛菜雪梨露，清涼解渴，真係解救咗我呢個熱辣辣嘅天氣 😅。雪梨留口嘅清甜，啱啱好提神，而草味喺灼熱喉嚨入面徐徐展開，舒爽得滯！再點杯野葛菜水，鹽啲咸香使得草本風味更提升，有種淡淡的苦和甜意交織，即刻覺得身體都輕鬆咗。喝落去，真係一點都唔膩口，好開胃呀！老闆娘仲特別幫我加熱落去，天冷飲一杯，暖笠笠，真係感覺好貼心。飲完嘅杯，老闆娘仲有個好得意嘅兜裝，方便攜帶，一啲都唔會漏，訓緊嘅隊伍都唔會影響到。雖然呢度無堂食，但飲得滿足，對得住行嚟嘅路。每次有客人一邊排隊一邊攞緊杯，氣氛勁融洽。咦，真係飲品界嘅寶藏呀！🥤🌿😊

我好推薦愛群野葛菜呢間涼茶舖。因為我飲過咁多間涼茶舖，呢度嘅葛菜水係最足料，最濃郁。食完熱氣嘢必定過嚟幫襯飲返杯，好快就平衡返。有D涼茶舖嘅野葛菜比較似湯味，雖然味道可以，但功效欠奉，呢度嘅效果就好好！👍🏻😊同埋我都好鍾意呢度嘅雪梨露，飲到屋企嘅味道，唔單止味道好，重好清新潤喉。啲雪梨露用南北杏一齊煲，之前上過中醫堂，話止咳好有效。所以前果排中咗好返成日咳，出街之後特登過嚟飲咗一段時間雪梨露，依家好返曬。冇曬咳，痰都斷尾，好感激。🙏🏻所以真係好鍾意呢間嘅出品。大推☺️

呢間係老字號，自細飲到大。依家係附近做嘢，經過更加係必飲。店裡有提供野葛菜同雪梨露，兩款都好好飲。其實九龍呢邊，我覺得涼茶舖黎講，呢間最好。野葛菜同雪梨露都好真材實料，降到熱氣又好潤。味道嘅話，兩者比較，我自己更鍾意雪梨露。甜甜地，又唔會太甜，適合鍾意微甜嘅我，而且有雪梨清香，感覺好清新。比超市賣果啲特飲好飲太多，而且又新鮮。有提供凍飲同熱飲，有杯裝有樽裝，價錢同其他涼茶舖比，抵飲好多。真係有質素又實惠。希望呢兩年疫情唔會影響太多，因為我想一直有呢隻味嘆呀！😊

#小秘書 中學時代就最鍾意行 #太子 #花園街 㗎喇，點解？無錢 ar ma😅 左搭右配扮潮人囉... 諗起都好笑🤣 仲有呢 我就每次嚟 #太子 都會幫襯 #愛群 飲杯 #野葛菜水🥤可能 #心理作用 啦，每次飲完都可以清吓腸胃，又可以去吓啲濕氣💦 飲落口甜甜地都易入口，仲要係$10咋喎👍🏻

平時多出街食飯又捱夜，每次經過呢度都飲雪梨露雪潤一潤，唔似糖水舖果啲禁甜，清清雪梨，飲落都好舒服，証明真材實料 👍平時都心思思想嗌凍飲，但又要扮健康，通常都會叫阿姨兩溝，暖暖的～ 啱唒我呢啲怕熱嘢要擺勁耐攤凍嘅人 😂😂 (得呢間可以禁）但最近突然生暗瘡又生飛知，經過就飲杯野葛菜水，阿姨加左啲鹽，加熱野葛菜水，再幫我加啲凍嘅，就可以即刻飲😯😯 少少甘涼，飲得出好真材實料 🤣🤣阿姨整左個兜裝大家飲完嘅杯，好方便 😅😅

每次在旺角或太子吃晚飯後，多數都不會在食店叫飲料，因我會專程到這間店飲「雪梨露」。平時工作要多說話，所以要多飲雪梨露潤肺。以前媽媽常常都會煲雪梨水給我，但近年因不是常常回家吃飯，所以媽媽都少了煲給我飲用。幸好，我找到這間小小的店，它只賣「野葛菜」和「雪梨露」這兩款，但已足夠。因要花時間及心機，才煲到真材實料的「野葛菜」和「雪梨露」的。我常常都會介紹給我的朋友，有些朋友愛飲野葛菜。如果有喉嚨痛，飲野葛菜要加多些鹽。而我只愛飲雪梨露，尤其是熱的，不用蓋，即場飲用，是很美味的 我最愛的雪梨露 ^_^

這一夜，在附近吃過晚飯，漫步來到這間「愛群野葛菜」喝杯健康飲品。店子不大，沒有供客人堂飲的座位，光顧的客人只能外賣。店中除了招牌化痰止咳清熱解毒「野葛菜」之外，就只得「潤肺雪梨露」一樣出品。老婆仔喝的是招牌「野葛菜」，我喝的則是「潤肺雪梨露」。「野葛菜」我只淺嚐了一口，始終是鹹味的飲品，自己不太習慣。清潤的「雪梨露」自己則較為喜歡，不太甜的味道，淡淡的甜暖暖的送進口中，感覺挺受用的。這以南北杏、雪耳和雪梨一起煲成的潤肺健康飲品，在今時今日教人滿心煩躁的政治氣候下，實在合適不過，不然的話，三朝兩日看著香港數字特首與其他牛鬼蛇神的討厭嘴臉，一定連肺也給氣炸了呢！

除了三不賣外, 相信愛群便是最著名的一家野葛菜水專門店了, 看到這一堆「生招牌」怎樣也是信心保證。不過, 除了野葛菜外, 這裡的另一(亦是唯一)產品潤肺雪梨露也不容忽視, 煲製過程加入大量南北杏和雪耳, 真材實料, 味道與別不同, 沒有一般雪梨茶的水汪汪感覺, 雪梨味極濃, 甜度甚低, 而且感覺天然, 喝得甚為舒暢。今時今日實在很難找到一些這麼真材實料的店子, 值得支持這些具誠意和實力的老店。

每次路經這太子小店總有一群人在買葛菜水飲,近日天氣反覆,除了感冒茶、廿四味不時飲用外,這些有益飲料都是心水之選,於是我也來這裡買支雪梨露整理一下肺部;好不容易才等到無人經過又無人排隊的店面,先快拍一張! 灣仔三不賣獨沽一味葛菜水,太子愛群則有兩味,除葛菜水還有雪梨露,貨真價實地放了一盤葛菜渣及一盒雪梨渣以證真材實料。外賣一支雪梨露($19) ,清澈的雪梨水加入杏仁雪耳同煲,當中有雪梨清甜及雪耳的微微膠質,質感比一般涼茶多了一種黏性,未潤肺先潤喉!杏仁味當然不可跟濃郁白色杏仁露般相比,總之三款材料都是清潤的,飲後喉嚨的確舒服很多,要是來杯凍的一定更消暑。葛菜水無論熱飲或冷飲,阿姐也先加點鹽巴, 作用應是更降火,味道不錯的健康飲品取價不貴,難怪客人絡繹不絕了,事必有因的。

呢度既野葛菜真係試過咁多度最最最真材實料真的比起那些花大量廣告費的乜堂乜堂有療效如果喉嚨想發炎推介一飲立刻無咁痛老闆又好好人7蚊一杯抵呀其實只想推介一杯有料的飲品給大家只係外賣都無乜可寫但一定要滿80字唯有加加加加加加字啦..哈哈

很喜歡這家的雪梨露，很純的材料，喝起來有點膠的感覺，超棒～！連看電影之前都會買一樽，哈，感覺比外間的支裝飲品健康～！真的真的很好喝唷～！

行過見到有雪梨露，即刻買番杯嘆嘆。冰凍雪梨露真係好好飲，好濃...因加有雪耳去煲，所以有點"膠"，是足料和火候的證明！一點都不會帶酸，甜度得宜！冬天飲仲正！

香港地天氣潮濕，容易好濕熱，人就係咁，好易累，易聲沙，易生飛滋等。想向大家推介一下一杯足料的雪梨露，飲完覺得喉嚨幾舒服，幾滋潤咁。小店子只賣野葛菜及雪梨露，沒有第3個選擇，但長期都人頭湧湧，但野葛菜就沒有試過，反正好多地方都有，反而足料的雪梨露，真係得呢度有。得閒行完聯合，食完金華的菠蘿包，可以來試試。