愛家，愛便當 (已結業)

今天到新開業不久的愛家，愛便當吃午餐。 因為待會要到附近取糉子。東廣場地下的素食店真多。 愛家，愛便當旁邊便是TH健康素食。 還有素食譜和Veggle Cafe。舖頭地方很小。 店家將舖頭變成廚房。 用餐區便在舖頭外面。 只有兩張小木桌子。 大約可以供八人使用。小小的店有多款定食選擇。 不過，今天沒有飯糰。點餐後先付款。 然後坐下來等待食物。 店員先給我一杯茶。 不像是麥茶或玄米茶。 我嚐不到是甚麼味道的茶……我點了B2套餐，$50。 包括素壽司六件、是日料理一碟、甜品一份和湯一碗。這些手握壽司先吸引客人的眼球。 左起是甜黃椒、冬菇和山藥。然後是蠶豆、番茄和秋葵。我喜歡番茄和甜黃椒。 因為比較清甜。是日料理是煎香芋餅和蟲草花炒雙色花。 我選的套餐是任選一款。 有些套餐則是包括兩碟是日料理。除了蟲草花、西蘭花和椰菜花，還有番茄。 同樣味道清甜。是日甜品是南瓜布甸。南瓜泥內含西米。 甜味不多。 主要來自南瓜的天然甜味。餐湯最後才送上。 因為人手不足。 如果店主和店員都在忙碌地做便當和清洗餐具，不妨提醒他們欠缺的餐點。是日餐湯原來是蓮藕湯。 有很大顆花豆。不過，我以為是麵豉湯。 麵豉湯與便當

食完一次心思思有日經過又食！店主好有心機，每件壽司看似簡單（食材加飯），但調味做得好好。清新得黎有驚喜，壽司個飯酸酸的做得好！好有家的感覺！每日是日料理都唔同，要問下先知有乜食，個人喜歡b2 set, 6件壽司、甜品、前菜加湯！個日飲左個湯好香先知加左香茅～壽司上面有蕃茄、秋葵、准山、菇等，出奇地夾。價錢由$50至$100不等，睇你叫乜野餐。位置唔多，好似去左日本小店咁，得幾個位。比較岩一至二人去食。

試過一次後就愛上，每日午餐同晚餐的飯堂一個set有壽司加兩個小食加一個甜品最愛壽司配上蕃茄，牛油果，芒果，冬菇，蘆筍，但並非一般自己求其烚熟整上舊飯就得，係有調味的。小食每天不同，例如有蕃茄漬，南瓜餅，吉列素豬扒，黑芝麻糯米團，每款都有驚喜最愛每天不同的甜品，食過最正既係朱古力慕絲，南棗糕，椰汁紫薯布甸另外亦試過素鰻魚大碗飯，囗感同醬汁都正!好佩服店家用心製作，素食真的不簡單!最重要是真係食得滿足，不是食肉後感覺身體要用力去消化的那種感覺!

本身響附近番工, 開左幾日已經眼望望幾時有位想試下呢間小店~ 終於等到有位可以坐低試下~點解要堂食呢? 一來因為有靚靚餐具可以打卡(誤), 二來好鐘意佢好似日式屋台嘅報置~食物方面真係有放過心機, 每一款都精緻新鮮好食! 紅色果塊係蕃茄, 店主少少調味令你估唔到佢係蕃茄又覺得好好食~店主們好nice會keep住加茶俾你, 又會同你傾下睇下你覺得點~我食緊果時隔離有位經常食素嘅嬸嬸都大讚好食~如果有興趣試要避開lunch peak hour, 因為得幾個位架咋~同埋店主星期日要家庭樂, 所以唔開架

觀塘周圍都係肉肉肉肉... 有時想食清D, 但黎黎去去都係果幾間齋食肆, 食到有D厭, 點知比我發現在觀塘廣場開咗間齋的飯團小店! 雖然店細D, 但都有好幾個位座! 我呢D 快lunch, 食完就走, 無問題丫~個Menu D公仔係手畫形式, 好得意. 今次叫左個set, 有6舊壽司，有份南瓜，有個湯，又有杯花茶，有個福袋，仲有舊紫糯米糕仔！$68好抵食！全部壽司上嘅配茶，食得出唔係就咁達落去，係經過再處理，先放上去，全部嘅味都好足！有樣值得落力的讚，就係d飯好有口感，d飯真係好好味！睇得出店主對每件食物都十分嚴謹同有心思，值得觀塘返工嘅朋友繼續支持！