意蠔屋 (城市中心)

在附近工作，見這間小店的午餐很抵食。店很小，座位不多，本來被迫坐近商場的廁所位置，後來有客人離開，要求調位。叫了一客咖喱牛柳飯加凍奶茶，埋單$63，認真超值，所以就算咖喱不似咖喱，奶茶味道只屬可以，仍然在接受範圍。 牛柳是茶廳Level，但沒有落鬆肉粉，味道唔錯，還有薯仔和翠肉瓜，性價比高，怪不得lunchtime滿座。…查看更多

揭開貪心大口旅程，今次行到一間意大利菜小館，一試就淪陷咗！首先，佢個燒汁豬柳蘑菇意粉，簡直係正到彈！啲豬柳厚得嚟又唔使咬，燒汁掂咁滋味，搭埋啲煙韌嘅意粉同濕潤蘑菇，真係滋味十足😋。仲有佢哋個芝士焗鮮茄豬扒飯，都係又好食得黎又平，芝士同茄汁糅合得好夾，每啖飯都有得啖啖蕃茄香味，喺口入面化開，豬扒都鬆化，好有嚼勁🍅。講到佢個芝士焗海鮮千層麵，我真係一試愛上。啲料超級豐富，魚柳、大蝦、帶子樣樣齊，重點係啲生蠔，新鮮得嚟又肥美，吸一啖就知海味正！每層麵都包住滿滿嘅海鮮同芝士，啖啖實料，分分鐘飽足所有對美食嘅憧憬🍝。呢度嘅茶飲配搭都唔馬虎，佢哋嘅凍檸多清新得黎仲去油解膩，飲落去爽口得罪，真係消暑佳品！正！總括落嚟，呢間餐廳提供嘅唔單止係食物，而係一場味蕾盛宴，我實會再返嚟，再搵機會犒賞下自己啲貓🐱。…查看更多

這家快餐式意粉店以其令人驚艷的焗意粉成為人氣之選。僅需多付20蚊，便可享受到比一般快餐更為出色的美食，實在是物超所值，讓人樂在其中。特別推薦的黑椒牛肉意粉，展現了香港獨有的獨特風味。這道意粉以其獨特的黑椒牛肉醬汁，為香港快餐文化注入新鮮元素。牛肉鮮嫩多汁，黑椒的香氣在口中散發，令人回味無窮。焗意粉的烹調手法更是為這份美食增色不少，烤製後的層次感和香脆口感令人愉悅。這家快餐店不僅提供快捷方便的服務，更在味道上保持了高水準。黑椒牛肉意粉成為了香港獨特的咪道，絕對是愛好者不可錯過的美味之一。無論是品味或價格，都是值得推薦的好選擇。…查看更多

返完夜校，好肚餓，係炮台山附近搵野，但晚市餐廳間間都過百元，想食平d，又要少d人。 見到入餐牌價錢實惠，入去叫左個煎豬扒飯，有湯及$6有devil coke. 一上菜， 心裡嘩左一聲，三塊豬扒仲要有薯條？我已經叫左個白飯。 明知自己一定食唔完，+$2 取個外賣盒仲發現廚房有個外型不錯既小廚師😝真係香港🇭🇰小食店係勝價比最高👍🏻👍🏻…查看更多

我愛吃的tea set, 一定係好食又抵食:)今日我同好朋友一齊來tea 1 tea。意蠔屋D出品質同量都好好，佢地既下午茶 (跟飯或意粉飽肚之選)，都好抵35起仲有好成十三款選擇都連餐飲我哋叫左T8. 燒汁豬柳蘑菇意粉 $35T1. 芝士焗鮮茄豬扒飯 $39燒汁豬柳蘑菇意粉4塊豬柳都厚厚地, 燒汁同蘑菇好好味份量都多芝士焗鮮茄豬扒飯多芝士蕃茄肉豬扒4舊(ps 沒有骨)啖啖肉, 我鐘意每一口飯有芝士番茄肉汁嘅飯好正，好快D食曬…查看更多

細細個開始就聽過意蠔屋依個名啦🤣有一日發現北角店無左之後，竟然有一日比我係做facial附近見到意蠔屋！就算2點幾都要入去食番以前最最最愛蝦籽鴨胸蕃茄汁意粉同一碗茶餐廳式白湯！自果次發現寶藏之後每次做facial前都要去一去，今次叫左茄汁焗芝士豬扒配南瓜湯！依然係咁好味，首先芝士夠多，豬扒夠淋，如果個飯係炒底仲好味！白汁南瓜湯就係+$6加點，可選紅湯tim! 餐廳環境方面就唔好有expectation，待應姐姐係無禮貌型🤣不過都係食飯啫never mind!好味最重要！…查看更多

同男朋友經常幫襯意蠔屋嘅晚市，最吸引之處係買滿$50 就送一客小食，份量好多。沙律唔係普通hea爆雜菜加啲醋嘅⋯而係Romaine 羅馬生菜🥬加煎煙肉粒、蟹籽同蒜蓉包粒等即叫即整嘅新鮮沙律！ 個湯係南瓜忌廉湯👍🏻 食到啖啖南瓜蓉意粉中最推薦蟹肉蒜片天使麵，勁香，啲蟹肉又多，價錢又唔貴⋯ 兩個人食$95埋到單認真係區內比較好食又唔貴嘅選擇，超推薦小資一族同慳錢嘅情人們食吓平價西餐嘅選擇，高質過好多Cafe！…查看更多

原來意蠔屋都有幾間分店，呢間分店係我第二次食今次叫佢既下午茶餐外賣🍝佢既下午茶餐時間兩點半開始，我今日行到過去時間啱啱好，就叫左個T7-忌廉汁煙鴨胸意粉🍝忌廉汁煙鴨胸意粉🍝意粉～軟硬適中，煙鴨胸唔會有臭味，味道ok嘅，係個忌廉汁鹹咗啲，以價錢嚟講佢算唔錯，抵食👍🏻🥤凍奶茶加$3茶～麻麻地，唔係一杯好飲嘅奶茶，如果要求唔高都可以嘅之前喺到食過午餐，最記得佢個忌廉餐湯好好飲，不過就好細碗🥣，可惜下午茶就冇餐湯跟…查看更多

第一次見咁生嘅窩蛋肉醬飯，其實問題唔大，但係個短頭髮女侍應態度非常之差，我想睇其它menu就黑曬塊臉，語氣不耐煩，我想加埋白湯佢塊臉又更黑。其實唔係第一次服務態度咁差，真係唔明態度咁差點解作適應，基本禮貌都冇…查看更多

有一種人，就算是吃快餐，也想吃得好一點的。與其到連鎖快餐點沖沖吃點「公式化」的食物，倒不如吃意粉快餐。通常吃西餐的都會上得比較慢，可是這類的意粉不但非常快，上菜速度媲美快餐廳，而且質素也比快餐廳那種想做西餐食品但用中式材料的概念好好多。白汁吞拿魚蟹籽天使麵（$50）：永遠是快靚正之算，汁很香，不得不說這裡的天使麵做得很好，味道+口感剛剛好，一點也不像快餐。她，在吃飯時終於跟我說話了。因為一些事，冷戰了一個星期。幸好，現在沒有事了。有時簡單一餐飯，可能只是15-20分鐘，也很有意義的。…查看更多

夜晚黎食，食物要等一陣，即叫即整，仲好大碟。燒雞肉田園沙律：好多菜，雞肉大大舊，有5-6舊，而且無一陣雪味，啲菜好新鮮，醬汁係黑醋汁，仲有少少芝士粉，整體唔錯。香草忌廉汁吞拿魚意粉（$50）：料都幾多，有陣香草味。香辣茄汁大蝦意粉（$58）：有4隻有殻大蝦，全部煎過，煎到唔算好脆，唔可以連殼食，個汁有少少辣，幾野味。味道唔錯，又大份，不過我食完個忌廉意粉有少少口乾。…查看更多

生蠔2隻 x 2湯 x 2巴馬臣芝士帆立貝意粉芝士焗鮮蕃茄雞肉天使麵飲品x2$98 （加一）x 2份朋友知我鍾意吃蠔，去北角睇展覽之前，朋友帶左我去有生蠔吃的意粉餐， 就算簡單吃都要令自已開心下。係城市花園附近， 有間叫意蠔屋的，佢地的新鮮生蠔PASTA套餐，每份有二隻生蠔做前菜。 我地去得早，坐左一陣已經坐滿左，好多人專登來吃。星期五 餐是 巴馬臣芝士帆立貝意粉 同埋 芝士焗鮮蕃茄雞肉天使麵， 有湯有埋飲品， 只係$98（加一）我地各點左一份，生蠔好肥美好吃，一次過吃二隻超正。 以為佢地主菜會相對求其，點知在期待以上。 芝士味份量超多，汁好味，帆立貝啖啖肉，正！蕃茄雞肉焗得熱辣辣，天使麵因為幼身，好入味，又香又juicy，怪不多咁多人幫襯。下次諗唔到吃咩，都會首選再去吃。 —————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️…查看更多

之前都提過下我係成日食出面野食啦～今日想介紹一下我成日食既一間下午茶意蠔屋肉醬意粉平時我都係堂食既～今日趕時間就買外賣，咁岩佢又無哂意粉，一於試下螺絲粉啦～平時食開下午茶時間既話　１４：００—１８：００＄３８　一個意粉加一杯檸茶～超抵食芝士勁豐富（次次食都拉哂絲，肉醬份量岩岩好，唔會太咸）題外話買過一次外賣，一樣ＫＥＥＰ到水準～不過因為佢賣哂意粉，轉左螺絲粉，我都係鍾意食意粉多Ｄ同埋不論堂食外賣佢都係即叫即焗，絕對唔係平時出面食個Ｄ整定哂擺係到乾爭爭～肉醬螺絲粉…查看更多

又到過年啦，新年之前點都會收到一些利是封和揮春呢啲過年必備嘅嘢，今日約咗家姐取貨，佢話朋友比咗一袋利是封比佢，裡面有好多款式，叫我攞，因佢家在北角城市花園，就約係附近嘅(意蠔屋)餐廳食飯兼揀利是封，大約七點零就已到約定餐廳了，佢已經座定係到等我，重叫埋嘢食，有香蒜烤雞翼，香蒜味啱啱好，雞翼烤到金黃色，香脆可口，蟹肉蟹籽天使雜菌麵，勁多蟹肉同蟹籽，麵質又唔太冧，味道適中，黑松露雜菌大蝦天使麵，黑松露嘅味好濃郁，蝦又大隻，麵又多，夠晒食，又叫咗芝士焗蠔，芝士覆蓋了隻蠔，食入口有陣陣濃厚嘅芝士味，重有我至愛生蠔，生蠔入口有啲海水嘅咸味，好鮮甜，飲品要咗凍檸茶，食到差不多嘅時候，就同家姐攞咗啲利是封，跟住就埋單同送埋佢返屋企，我先走。…查看更多

本人不太喜歡食意粉，所以落單已選擇縲絲粉，可惜⋯⋯ 自取回來是意粉🙄🤨😒 ，真的不開心！ 來的時候我已講明拿石班縲絲粉外賣，可惜店員沒有理會，只確認身分就给我！ 帶回公司原來是意粉😦⋯⋯還有我是預12:30去取外賣，根據Openrice 的資料，我12:06左右落單，12:14pm 左右order 已可取，所以自取時已不太熱😯⋯⋯ 真的是不太愉快的午餐，只希望貴店能注意一下客人的要求！ 至於味道方面不過不失，也算ok可以！ …查看更多