86
13
3
港鐵旺角站 E1 出口, 港鐵旺角東站 B 出口 繼續閱讀
所有分店 (2)
電話號碼
25111937
營業時間
今日營業
11:30 - 22:30
星期一至日
11:30 - 22:30
公眾假期前夕
11:30 - 22:30
*最後落單時間:22:00
付款方式
Visa Master AE 現金 銀聯 JCB
座位數目
83
其他資料
網上訂座
Wi-Fi
酒精飲品
賞訂座積分
外賣服務
加一服務費
有關獎賞計劃
食評 (112)
等級4 2018-07-12
150 瀏覽
臨時urgent 叫咗朋友出黎陪我㨂運動用品,去咗旺角雅蘭地庫嗰間運動店,呢間地庫運動用品店真係大到咩都有,又平又多款式。之後就順理成章喺返呢度搵食,見到呢間MENU價錢都OK就試吓呢間意粉狂熱啦。我哋兩個人TOTAL叫咗五樣嘢同兩杯飲品:香草烤雞凱撒沙律、照燒雞蛋黃醬薄餅、芝士牛肝菌濃汁鮮製意粉、鮭魚牛油果忌廉焗飯、香蕉朱古力薄餅、鮮水果茶。香草烤雞凱撒沙律(S) $33雖然佢係size S,不過佢個份量真係OK喎,烤雞塊都有3-4舊,沙律菜都好鮮鮮。照燒雞蛋黃醬薄餅 (一人前) $48薄餅底又薄又脆,薄餅面既配料就普普通通,不過呢個價錢食到咁既水平既薄餅,真係我哋呢啲窮人恩物。芝士牛肝菌濃汁鮮製意粉 $78意粉較一般既彈牙同粗身啲,真係同一般意粉口感有分別。牛肝菌既濃厚菇香氣,令到成個意粉都好加分,菇類愛好者必點。鮭魚牛油果忌廉焗飯 $78有機會因為個牛肝菌意粉太香既關係,呢個有比下去既感覺。三文魚同牛油果都好鍾意食既,不過唔知點解焗咗之後既牛油果無咁好味。香蕉朱古力薄餅 $48食到甜品時我哋兩個都已經好飽好飽,薄餅底同之前既照燒雞蛋黃醬薄餅既一樣,都係又薄又脆。香蕉同朱古力真係完美拍檔,簡簡單單就已經好好味。總括黎講,呢度好啱啲情侶兩口子黎食,一黎佢既食物有得叫大份細份,唔洗驚眼闊肚窄浪費食物,二黎就係夠平價,同女朋友黎男仔吓吓要請客都好和味架,眼見四周都係啲小情侶食客就明點解啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-04
649 瀏覽
餐廳位置於雅蘭中心3樓,要入呢間餐廳要經過一條長長既走廊,幾有神秘感餐牌的菜式都好多元化,意粉類仲可以加錢升級變大,如果幾個人Share都不妨可以加錢香烤黑安格斯一口牛柳 $158牛柳用鐵板上,仲有一舊熱石俾客人去燒熟D,不過小妹喜歡食牛排係5成熟但呢個一上枱都接近8成半,所以小妹拿拿淋拎起,可惜已經10成熟喇!由於全熟關係,牛柳肉質變得韌而牛肉味仲Keep到。除左牛柳仲有薯角做配菜,薯角份量都唔少香草烤雞雜菌羅勒忌廉意粉 $78一上枱已經好香,喜歡羅勒應該會幾鍾意。意粉質感岩岩好而醬汁都夠Creamy,食落唔會一pat醬咁。雜菌都烤雞份量都好足但部分大件既雞就中間唔熟,有少少失望不過烤雞好Juicy豪華3式拼盤 $108小妹叫了海蝦牛油果法包多士、焗珍寶大啡菇釀帶子同炸魷魚。海蝦牛油果法包多士面頭有用芝士焗過,所以多了一種芝士香。口感鬆脆而且市面上少有。大啡菇好Juicy而且上面仲有切粒菇令香味更濃而帶子沒有腥味,不過切粒上枱,食唔出鮮甜味草莓桃沙冰 $58沙冰好大杯,2個人分都OK。令次呢杯沙冰味道偏甜而且草莓味濃所以飲唔出桃味,不過食完咁多野,飲番杯凍冰冰既沙冰的確好舒服總括,小妹覺得餐廳食物種類好多而且好岩大眾口味,價錢算中等,不過環境幾舒服,一班朋友黎聚會都好好 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-07
1656 瀏覽
終於等到落雨,可惜落雨先約咗人食飯,唯有去D放便D嘅地方!雅蘭好耐未嚟過,嚟到發現好多新嘢包括呢間專食意粉嘅餐廳!估唔到平日都full house! 入到嚟有種田園感覺,需然多枱又full house坐滿人,但又冇一種好嘈吵嘅感覺!Menu超多選擇,set 都有3、4個!三百幾一個set真心低,可借同個細食嘅朋友食,食唔到咁多,唯有放棄見隔離食呢個焗飯好吸引但個friend 又話唔食三文魚,又要放棄!咁嚟得呢度一定要食意粉啦!呢個冷意粉其他地方搵唔到,咁就try try la~~! 點知... ...ok wor!!! 香草汁好香,味道剛剛好喎!仲有喎,足料! $78 望落意粉唔多,但分量十足,真係俾佢外表厄咗pizza都唔係hea做喎薄,脆,芝士十足,冇嘢好講除咗D澱粉質,仲有扒食,叫咗羊㗎,上枱嘅外表已經冇得輸!羊味唔太濃佢有三個湯,試咗法式洋蔥湯!濃,濃,濃!芝士味濃,洋蔥味濃,香草味濃提埋個Garden salad 🥗 ~~ 呢D價錢都有咁丰富嘅份量真係完全意外!總結:。地點:超方便。食物:性價比極高。服務:唔會西面,有求必應 (見到好幾枱客想㨂枱坐佢哋都盡量配合)講真,而家呢纇餐廳真係唔多,希望水準可以一直keep到啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-24
1525 瀏覽
約朋友聚舊, 地點方便都係一個因素, 今次揀左去雅蘭的西式意粉PIZZA店 – PASTAHOLIC意粉狂熱.睇個名主打應該係意粉, 2個人就揀左個$318 SET,有曬湯, 沙律, 前菜, PIZZA, 意粉及甜品, 當然唔少得特色飲品.2人SET都有幾個揀, 我地揀左$318 SET.餐湯有2款, 我地揀左各樣1個試試,有特濃南瓜粟米忌廉湯 及 法式芝士洋蔥湯特濃南瓜粟米忌廉湯 – 好香南瓜味, 口感好滑, 磨得好幼細,味道較為甜的.法式芝士洋蔥湯 – 湯上浮著一片法包, 法包是已放了芝士焗過的,吸收了洋蔥湯, 法包好香好好味!SALAD有香草雞肉凱撒沙律- 沙律菜好新鮮好脆口, 灑上了數粒脆麵包粒, 雞肉保留了JUICY的肉汁,幾refreshing.前菜可選一款, 我們選了秘製炸雞, 肉厚又多汁, 外皮不是KFC的那個,只有少少脆口, 不過KEEP得到雞肉的肉汁,完全唔乾.PASTA亦可選一款, 我們選了芝士煙肉帶子忌廉意粉, 意粉有咬口又不會太淋,忌廉汁有點稀, 掛汁效果一般, 不過味道唔錯, 有帶子數粒,更有蔬菜添!PIZZA亦可選一款, 我們選了瑪格麗特PIZZA, PIZZA面上放了新鮮水牛芝士, 我最欣賞PIZZA皮,十分薄的, 有點似手抓餅的, 不會太厚太HEAVY食唔曬,蕃茄醬底有點咸香, 配上了水牛芝士好夾, 想一食再食!最後還有甜品 – 一口朱古力蛋糕, 蛋糕上有CREAM及士多啤梨,個樣幾睇得架!最意外係佢地既特飲可以揀有酒精同無酒精的, 無酒精的價錢亦較為平宜,俾客人多一個選擇!我們ORDER了Fresh Kiwi Mojito及鮮水果茶, 用來解解油膩感,2杯都好fresh又有水果,感覺好健康呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-19
1274 瀏覽
上網見到好多人話意粉狂熱好抵食,草根一於又去試下😚🤟🏻睇過有2間分店,今次去左旺角號雅蘭中心分店見到2人套餐有齊湯、沙律、小食、意粉同pizza各一款,仲有甜品同飲品🍹一共有9樣野!湯有2款、小食、意粉、pizza全部有得揀款式,自由配搭👅諗都唔諗就揀左呢個,一次過試晒所有野😆✌🏻Pasta & Pizza Holocene Set ($318 For Two with 9 Items)法式芝士洋蔥湯 Fresh Onion Soup洋蔥湯帶少少甜味🥣,湯內有一大片吸哂味嘅芝士多士🧀🍞同洋蔥碎,飲落熱辣辣,味道不錯👍🏻。香草雞肉凱撒沙律半份 Half Herb Chicken Caesar Salad :沙律都幾新鮮,加上沙律醬份量慷概,又點會唔好食😋🥗秘製炸雞 Homemade Deep-Fried Chicken :炸雞雖然只有4件,但估佢唔到出奇地好食😌,雞皮炸到外面脆卜卜,雞肉好Juicy🤤,食落唔會覺得乾同油膩,高汁呀🤟🏻芝士煙肉帶子忌廉意粉 Cream Cheese Pasta with Scallop & Bacon:套餐可以揀一款意份🍝呢個忌廉意粉好唔錯!食落有咬口🙌🏻配上芝士🧀夠味又夠香,帶子軟腍,好食呀!芝士牛油果烤雞披薩 Cheese Avocado Pizza with Chicken :幾款Pizza睇落都好吸引🍕最終草根揀左呢款🤤✌🏻芝士➕牛油果➕烤雞=絕配組合🙌🏻(至少草根妹妹認為係😂)烤雞味道較濃,岩晒中意濃味嘅寶寶😎其實味道唔錯,可惜pizza太薄,加上配料後令餅底過濕,影響口感👉🏻👈🏻一口朱古力蛋糕2人份 Bite Size Chocolate Cake 2 Portion:呢個2人餐包埋甜品,2小件朱古力蛋糕🍫,如果可以大件d就更滿足啦😝2 Drinks :飲品草根揀咗水果茶,可惜只飲到橙茶味道🍊,好淡味,不推薦🙅🏻‍♀️——————————————————————————————呢個2人set都好多野食😋而且味道唔錯,平均除開每人$159有齊9樣野食,真係勁抵😆🤟🏻(有時普通餐廳食一碟意粉都百幾蚊一碟🙄)真心覺得呢個餐又食得飽又實惠!❤️ 繼續閱讀
(以上食評乃用戶個人意見 , 並不代表OpenRice之觀點。)