119
18
3
港鐵旺角站 E1 出口, 港鐵旺角東站 B 出口 繼續閱讀
所有分店 (3)
電話號碼
25111937
營業時間
今日營業
11:30 - 22:30
星期一至日
11:30 - 22:30
公眾假期前夕
11:30 - 22:30
*最後落單時間:22:00
付款方式
Visa Master AE 現金 銀聯 JCB 支付寶
座位數目
83
其他資料
網上訂座
Wi-Fi
酒精飲品
賞訂座積分
外賣服務
加一服務費
當面支付
有關獎賞計劃
食評 (159)
等級4 2018-10-02
618 瀏覽
食過下午茶覺得ok試試晚餐食多幾種套餐價錢連飲品抵食又試,為左食多啲款2個人選擇左9個items先來2個餐湯法式洋蔥湯-上次試過味保持水準唔錯,南瓜栗米忌廉湯-南瓜味好濃但栗米味就唔出,濃杰度好好而且好甜三文魚沙律-魚雖然都肥美但新鮮度麻麻有小腥,菜種類唔多普通新鮮汁唔夠而且沙律唔凍好難食芝心帕爾馬火腿薯蓉球-面頭吉列好硬一啲都唔脆成舊石頭咁,芝心完全無出現過芝士味更加食唔出,火腿成粒有片似唔小心跌落去嘅火腿碎片外再發現唔到,真係俾賣相又一次騙了中伏得很香草烤雞雜菌羅勒忌廉意粉-雜菌料很多,雞肉都唔小但雪味好重,嗅無香草味都食唔到出,汁太杰章住個嘴,意粉質地好食但太淡味啦香烤安格斯一口牛柳-薯角好唔得炸得求奇又林唔脆又油膩,牛柳賣相好衰但肉質好林肉味香,點汁後畫龍點睛牛味更出意式焦糖奶凍-雪得太凍好似冰一樣硬過石頭,只食到好甜冇奶味,滑唔滑太凍感覺唔到,焦糖夠脆好彩仲食到小小香味,我估伴碟係士多啤梨醬除左甜食唔到其他味其實用返色素糖漿味道一樣唔好俾假希望我總結:第2間分店人手都你唔足夠,叫左上甜品4次先上菜,而且一個碟上晒2年件甜品,我唔介意同朋友一齊食但成枱野又唔收碟點樣可以放中間你一啖我一啖呢~叫店員執枱佢只收中間2幾好都冇用邊唔收俾佢笑死只好吊住手义一舊吉唔入嘅唔知蛋糕定雪糕的東西,老闆們食物幾好都冇用,員工真係唔可以慳一個人點睇十幾張枱 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-27
1674 瀏覽
「洗唔洗咁貴呀!?」好多時出街食完飯, 每一次都會有相同既疑問。但現實往往係殘酷的, 我始終要埋單找數。今日少有地覺得「抵食!完全唔係跟住食譜就能夠做得出既味道。」可能你地會好奇, 意粉咁簡單究竟有乜咁特別要俾錢食。「黎試吓你就會知道, 唔係每一種味道都可以模仿得到。」固名思議, 主打意粉同意大利菜。唔會有人走入黎想食乾炒牛河掛!?時代感重既裝修加餐廳佈局, 乾乾淨淨咁食飯。意式薄切三文魚忌廉芝士卷 $48整體黎講, 我只可以用「新鮮」兩個字黎形容。忌廉芝士入口慢慢咁溶, 蟹籽增加口感同鮮味。真係做到色香味俱全, 但都只係賣$48。法式芝士洋蔥湯 $38傳說中話飲洋蔥湯對氣管好, 但我對洋蔥味麻麻地。我試咗一啖, 味道甜甜地辣辣地, 就算唔食洋蔥既人都應該啱飲。最後交由我老婆處理。精選海鮮蒜香蕃茄意粉 $88講咁耐, 重點黎啦。我唔敢講每一個意粉都會好好食(因為我無食哂咁多種意粉), 但味道上絕對係高水準。蒜蓉味非常香濃而且帶有少少辣味, 意粉同醬汁完全混和, 口感彈牙兼惹味。我估廚師有用墨西哥辣醬, 味道與別不同(可能我估錯呢)。明太子海鮮披薩 $98餅底薄身脆底, 貪佢有咬口之餘仲無咁易令我飽(咁就可以食多啲野)。味道偏淡, 海鮮、芝士、明太子味道都好配合, 醬汁份量都預計得岩岩好。唔夠飽可以叫黎試吓。抹茶沙冰 $53 / 鮮水果茶 $38總結: 咁既價錢可以有咁既食物質素, 真係少之有少。可以例入個人飯堂名單既餐廳。值得一試! 繼續閱讀
(以上食評乃用戶個人意見 , 並不代表OpenRice之觀點。)
為咗要遷就一個無啦啦話好想食意粉嘅阿肥,一向唔鍾意食意粉嘅我就要上嚟open rice度搜刮下邊度可以一試,碌碌下見到呢間個名叫做"意粉狂熱",好似好專家級咁,再望一望啲相,賣相都幾吸引,就決定要嚟試下我哋本身喺旺角搵game碟,所以就嚟咗雅蘭中心呢間分店啦,上到嚟見到佢哋同和民個入口好似係同一個咁,唔知會唔會係同一個集團嘅呢? 哈哈🤭點解會留意到呢樣嘢呢? 係本身我哋拎咗飛等位嘅,見佢個顯示屏都有差唔多大約8個號碼先輪到我哋,但無啦啦有對男女直接就喺我哋面前行過直入坐低喎,阿肥就好緊張咁以為俾人打尖啦,後來望清楚啲,見到原來人哋坐低嘅位置係屬於和民而唔係意粉狂熱架,但佢哋個入口通道係同一個,哈哈~好彩冇鬧人咋如果唔係就瘀皮啦🙈之後我哋都唔係等咗好耐只係幾分鐘,可能因為都九點喇好多人都食完會離開,我哋入得座嘅時候職員都會提示我哋last order係十點鐘,然後十點半閂門。餐廳入面嘅裝修都好精緻,比較歐陸風,每一張枱都好貼心咁有一樽水提供俾客人飲用,仲要每個樽都唔同款,幾靚幾stylish.我哋睇完份餐牌,左揀右揀都係決定叫一個set餐,好抵食$368蚊for 2 people,有9款菜式: 1. Soup: 特濃南瓜粟米忌廉湯 (我嘅) 味道唔差,係一般日式粟米湯咁甜甜滑滑嘅,但就冇乜南瓜味,同埋缺點唔夠熱 +$5蚊升級叫濃蝦湯 (阿肥嘅) 阿肥話好飲,佢個名只係"濃蝦湯"但佢都似龍蝦湯咁嘅味道 2. Salad: 鮭魚凱撒沙律*半份 話雖半份,但都唔係得幾啖仔,都係一碟架,有好足夠嘅生菜同沙律醬,三文魚有兩片,開胃嘅 3. 小食可以任揀一款: 我哋叫咗意式炸魷魚圈配他他汁 呢個小食好好味,炸到熱辣辣,魷魚圈唔會乾哂硬綁綁,反而仲好彈牙有咬口,配埋個他他醬汁一齊食仲更加美味,有四圈每人都可以食兩圈 4. Pasta任揀一款: 阿肥揀咗芝士煙肉帶子忌廉意粉 真心講,我唔鍾意食意粉都覺得好好食,因為個汁好惹味,芝士夠香濃,帶子都新鮮,同埋意粉好爽,粗幼啱啱好,食完唔會覺得好滯,唔怪得之佢叫意粉狂熱喇,我哋以後對佢哋嘅意粉都好有信心 5. Grilled Dish任揀一款: 阿肥揀咗香烤黑安格斯一口牛柳 佢係一份圓圓鐵板咁上,除咗牛柳粒之外仲有薯角,好驚喜仲有啲牛出奇咁好食!又嫰又香又有肉汁,基本上唔洗點佢提供嘅醬汁,已經好夠味。再加上佢俾埋茄汁大家食薯角,呢個餐嘅份量真係令人大滿足呀 6. 甜品方面佢就set咗係意式焦糖奶凍, 已經係二人份量,因為有兩舊,但都好得意新穎,奶凍唔係好似平時咁一杯杯的,食落似係雪糕嘅質感,不過味道就有小小偏甜,唔係人人都啱食。 餐飲亦都係一人揀一杯,阿肥揀咗水果茶*只有冷飲*,我就特別啲,叫咗個歡樂朱古力茶試下~*只有熱飲*阿肥俾咗一啖水果茶我試,好清新,一啲都唔甜,味道啱啱好,所以佢俾咗個眼神我,示意佢都好滿意。而朱古力茶係茶包來,對於經常會high tea嘅朋友一啲都唔會陌生,鍾意朱古力味嘅人就啱哂喇 呢間餐廳我哋真係會一去再去,兩個人叫set真係好抵食,同埋佢有幾款set,食物選擇都唔同,無需擔心冇嘢啱食 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-19
1057 瀏覽
今日黎到旺角唔係食放題唔係食燒肉而係食意大利野!!!呢間有朋友推薦,覺得平又好食咁就試一試啦呢杯係鮮水果茶($38)入面有好多既水果,味道好足不過有少少酸呢個係壽喜燒風!牛肉雜菌鮮製意粉 ($78)本身就較鍾意食D特別既意粉類,呢個就係自家製既!好有口感同彈牙,較鍾意食扁意粉呢個仲係壽喜燒味,有少少既甜味,fusion得好夾呢個係經典3式拼盤($98)有炸雞,薯角同三文魚忌廉芝士卷炸雞同薯角炸得好香口炸雞冇炸得太乾,入面仲好juicy三文魚忌廉芝士卷就幾特別,雖然我麻麻地呢D芝士明太子海鮮披薩($58)呢個係薄既PIZZA,我就叫左1人前,所以唔係好大塊明太子味好重,仲有好多既海鮮配搭個PIZZA都焗得岩岩好,好脆最後就係香蕉朱古力披薩($48)係一個又鹹又甜既配搭!岩岩焗完再加個朱古力雪糕上去送到上黎就要快手食啦!PIZZA底好脆同熱,再加香蕉既甜,同雪糕既凍,口感好特別唔貴又好食呢度加埋唔洗400蚊,已經有好多野食除左旺角仲有其他分店架! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-06
227 瀏覽
今天和朋友約了,去旺角試一下這家pastaholic,七點多來到,等了5分鐘就有位置了。主廚精選沙拉 $48材料還挺多的,除了沙律菜,還有紅椒,三文魚,軟心蛋,雞肉,芝士,番茄和麵包脆粒等。要稱讚一下它的醬汁,很香,有蒜香味,不是普通的沙律醬。焗珍寶大啡菇釀帶子 $48帶子是切碎放在大啡菇上面的,菇超級juicy,一上桌就聞到portobello特有的香氣,加上表面的魚子,口感很豐富。香烤黑安格斯一口牛柳 $158牛柳很軟,不算很滑,如果可以不那麼熟就更好了。薯角咬下去很綿密,用的是帶皮的薯仔,很香。瑪格麗特披薩 (一人前)$58我吃pizza很怕吃到那種又乾又硬的pizza底,可是這個不會,很軟,但是又有烤過的嚼勁和香氣,芝士和番茄配合得很好。精選海鮮蒜香番茄意粉 $88番茄醬微酸,蒜香足,蝦很大隻,青口三隻,裡面還有不少魷魚。冰水果茶$38應該是泡好的茶,加了水果進去熱柚子蜜$28不濃不淡,剛好。兩個人吃了$507,但是很飽了。 繼續閱讀
(以上食評乃用戶個人意見 , 並不代表OpenRice之觀點。)