16
12
4
附加資料
無肉餐單詳情: 每天供應多款素食菜式
營業時間
星期一至日
11:00 - 22:30
付款方式
Visa Master 現金 AE 銀聯 JCB
其他資料
支持減塑 詳細介紹
加一服務費
食評 (32)
等級8 2014-05-10
667 瀏覽
之前同朋友去過尖沙咀星光行地庫間意粉屋食晚餐,最後俾咗個喊臉佢,雖然服務幾好,兩個甜品又好食,咖啡亦好飲,可惜主菜平平無奇,又實在太多不足之處。其實,以往間唔時都有幫襯佢,都唔想一錘定音,斷定佢死症,所以,趁老婆星期六朝去聽講座,返嚟約埋一齊去新都會廣場嘅意粉屋食個晏,睇睇質素又如何? 餐廳部份座位算喺半「露天」,唔喺晌室外,只喺外露晌商場空間,而小弟就被安排進入餐廳內處,估唔到入面都幾大 。既然喺食午餐,當然瞄住午餐餐牌。所謂「假日星級午餐」,即喺星期六、日、公眾假先有,實際就喺可以賣貴啲。套餐A其實有3個主菜選擇,分$89 / $98,定價唔關主菜事,視乎揀咩餐湯,揀意大利菜湯就收前者定價,而小龍蝦湯就喺後者價錢。至於套餐 B同樣原則,但比套餐A貴10蚊,共4個主菜選擇,揀意大利菜湯就收$99,而揀小龍蝦湯就收$108,無論邊個午餐,都包一杯即磨咖啡或茶。不過,老婆話今朝晌酒店嘅講座,中段休息有茶點招呼,所以,佢晏晝唔算好肚餓。我哋改改策略,點一份輕怡少少嘅午餐,揀套餐 B要意大利菜湯,主菜要沙律,貪佢包湯,我又可以嘆杯咖啡,盛惠$99,再加多一個散叫菜式,食完睇睇情況先再追加 。 意大利菜湯(跟餐) 個意大利菜湯色澤嫣紅,睇落幾對辦,呷一啖,味道濃郁酸香,而且,內裡都有幾多蔬菜,仲加有蝴蝶粉,我哋兩公婆共享一碗,都夠飲喎 。 香草烤雞凱撒沙律(煙肉碎)配蒜茸多士 $99 個賣相令小弟有少少疑惑,點解啲香草烤雞中間好似少咗件咁款,不過,我哋無考究依個問題。其實,個凱撒沙律做得唔錯,除咗沙律菜新鮮爽脆之外,醬汁撈得「勻巡」,刨上芝士薄片,唔喺糝普通芝士粉 ;而件香草烤雞醃得入味,香草味輕輕滲出,肉質又無「嚡霎霎」嘅問題,配埋兩件香脆滿蒜香嘅蒜茸多士,整體水準中上 。 咖啡(跟餐)即磨咖啡,新鮮醇香,連解奶都熱過嚟,雖然唔喺咩特別事,總俾壺仔凍奶好。 芝士焗三文魚帶子牛油果特色飯 $98 依個飯由老婆負責揀,問佢點解揀依個,心水來源喺啲牛油果,家下近排佢好鍾意食牛油果。啲特色飯又唔覺有咩好特色,感覺有少少黃薑味,但飯質就焗得唔錯,配合埋半溶芝士,柔香綿綿。此外,3款餡料中,三文魚及帶子落得份量足,味道又幾好,無交行貨 ,只喺覺得牛油果實在落得少,唯有犧牲小弟,揀晒啲牛油果俾佢,以滿足佢想食牛油果嘅期望。本來,個午餐仲可以加$13要多客檸檬芝士餅,但實在食得好飽,甜品?有機會再試! 繼續閱讀
(以上食評乃用戶個人意見 , 並不代表OpenRice之觀點。)
等級4 2014-04-25
444 瀏覽
The last day of Easter holiday, I decided to have an afternoon tea at reasonable price.Finally, I picked Spaghetti house as they offer Macarons set.This is a french platter with:Spicy chicken - not too spicy, quite crispy, taste good Deep-fried onion rings - warm and crispyEgg & tuna/Smoked salmon with honey hustard sandwich - just a very regular sandwich, you may buy it from anywhereMacarons - just too sweetAt this price, I don't expect too much; just enjoy the relaxing afternoon 繼續閱讀
(以上食評乃用戶個人意見 , 並不代表OpenRice之觀點。)
等級4 2013-12-11
385 瀏覽
意粉屋好多人都會食過有時候想食意粉,都會簡呢度,雖然口味很港式,但係都係一個好味的港式意粉意菜,很多港式西餐提供的意粉係稔滋滋,諗起都想嘔今次我就食1人餐,大約130蚊左右,有湯,有野飲,有個意粉,再加十幾蚊有GARLIC BREAD肥豬就食龍蝦汁墨汁意大利飯加個酥皮龍蝦湯,大約160蚊左右GARLIC BREAD比較薄,但蒜味十足,很足料白汁也很CREAMY餐的意粉簡了白汁,有腸,MUSHROOM和煙肉碎在面老實講都幾簡約,但起碼意粉AL DENTE先白汁都算濃,合格她的意大利飯,也很有著很濃的龍蝦汁,墨汁飯也很RICH有時候食住呢隻很濃味的港式意菜,也很享受嫁哈哈不過不算便宜 繼續閱讀
(以上食評乃用戶個人意見 , 並不代表OpenRice之觀點。)
等級4 2013-08-27
281 瀏覽
放假在即,當然有不少飯局,再加上生日飯真是肚滿腸肥... 上週一,陽光路上三小花(加上肚中妹妹就是四小花,哈!)就去了公司附近的意粉屋午餐。不說不知,這間意粉屋非常受歡迎,午市訂位經常爆滿,早前也曾數次預訂不果,這次也是提早3-4天才能夠訂到位! 也是的,隨著Sidewalk Cafe結業了,在場內想舒服地吃頓西餐,除了A1就是這裡,當日孕媽媽在沙發位上也坐得舒適。 當日點了一份精選二人午餐,另加一份散點午餐,加起來正好有三份餐湯;我加$9轉飲的龍蝦帶子湯水準只一般,湯中完全找不到任何龍蝦肉,碎帶子就有少許,另外又有幾條魚翅,幾奇怪的。 B的忌廉蘑菇湯亦無特別,反而S的意大利菜湯有螺絲粉在內,看來挺有趣,下次要試試。而大家均一致同意拌湯的蒜茸包十分香口美味,才是頭盤環節的亮點!午餐的西班牙特色醬香煎魚柳意大利粉($69)先上檯,所謂西班牙特色醬,其實與茄醬意粉無分別,都是味道酸甜酸甜的,不過那魚柳的確幾鮮嫩,算是討好,可意粉就略為稔身,有欠口感了。  二人午餐有數款主菜選擇,大家揀了星級醬燒豬肋骨伴田園烤蕃茄凱撒沙律,其中沙律質素不錯,三人共享有點意猶未盡呢,可是豬仔骨就惹味得來燒得乾身了,我是小一件就夠數。 反而烤雞墨西哥辣肉腸闊條麵是估不到的好吃,一來辣肉腸夠惹味,二來甜酸醬又開胃,而且闊條麵也遠較意粉有口感,我前後也添食了三輪呢! 最後又一起分享了木糠蛋糕,成品味道不差,不過稍嫌瑪莉餅乾碎不夠多,而且配上芝士餅底感覺不太相干,不過有了這飯後甜點一頓又的確更為完滿。餐飲時間,我把握最後不多的機會點了熱奶茶,不過成品太奶了,茶香非常不足呢! 午餐不設任何優惠(會員折扣除外但我們沒有),但吃完埋單的單據下次再光臨可當$10現金劵使用,可我已經用不著了,嘻嘻。多謝大家的同時,也真期待三小花變四小花的日子,特別希望妹妹長大後會似S般標緻可人!  繼續閱讀
(以上食評乃用戶個人意見 , 並不代表OpenRice之觀點。)
等級4 2013-06-27
167 瀏覽
晚上8點半到達, 等位都要等11張, 看著店內的人別得7788, 照等吧!一邊等一邊有疑問: 為何非卡位的4人檯只坐兩個人, 非不把檯開變成兩張2人檯呢??看見有最少4張都是可以分, 即有4張2人座spare, 店員都沒有這樣做, 叫等候的繼續等。最後我等左超過35分鐘先安排我入座 是日點了一個pasta (parma ham雞肉花邊粉)、總廚沙律、banana crumbleparma ham雞肉花邊粉花邊粉唔係咁多地方有供應, 呢種意粉的口感是一流, 因為一條意粉有 一邊是厚點, 花邊那邊是薄d, 一啖有兩種口感,而呢種粉同忌廉汁好配, 好掛汁的。至於pasta的材料, 我沒有什麼特別評價, 雞肉是粒狀, 有d pepper味, ham就有一般貨色, 味道似金華火腿多d~ <-- 是給花邊粉的 沙律點左總廚沙律價值$92,上菜後我真搞不清如何值$92???盛沙律的碟, 表面面積很大, 沙律卻只是平舖薄薄一層,蔬菜用上平價西生菜, 配幾束貴少少的沙律菜,汁用上日式芝麻醬,材料方面有火腿粒, 蕃茄仔, 幾片salami腸, 雞肉...這個真非常失望!食到尾聲叫左banana crumble (原名好長, forgot:-p)你只要想像把蘋果批的蘋果換上香蕉, 就是那個味道了!有d脆粒在面, 有球雲尼拿雪糕。焗得唔夠熱, 雪糕一球唔夠喉, 呢個都不錯的!overall, 我唔會再黎食, 一來服務上的愚蠢座位安排, 二來食物同價錢不成正比。 繼續閱讀
(以上食評乃用戶個人意見 , 並不代表OpenRice之觀點。)