影片
開飯介紹
"自1979年起，意粉屋以款式繁多味美的意粉成功建立了「意粉專家」的地位。憑藉大廚的精湛廚藝、挑選最上等的材料，如來自意大利的意粉、新鮮蔬菜、優質橄欖油及芝士等等，多年來為客人帶來無限美味驚喜。\r\n意粉屋在香港及南中國擁有超過25間分店，店舖設計時尚舒適，裝修更會定期作出提升，而所有員工均致力為客人提供無微不至的服務。\r\n我們的使命，是慇懃款待每一位顧客，端上營養豐富的美食，讓您在最舒適的環境裡細意品嚐。顧客的欣悅和滿足，就是我們的動力。"\r\n
繼續閱讀
附加資料
無肉餐單詳情: 每天供應多款素食菜式
營業時間
星期一至日
11:00 - 23:30
以上資料只供參考, 請與餐廳確認詳情
呢排BEA做緊在意粉屋叫$400 (不包括優惠套餐, 要注意啊!) 即時減$100, 所以都有興趣試下D平時少D在Menu中叫的食物 (如果有留意我之前既食評, 好多時我地2個去到意粉屋都只係叫同一個Set dinner, 因為平宜很多嘛...哈哈!)先黎一個Caesar Salad配雞肉, Caesar Salad中的沙津醬同沙津菜都很好吃, 但是當中的配包就很難吃了, 又硬又乾又凍...! 至於雞肉味道都不錯, 不會是雪到沒有味道的模樣。Pop-Up Pizza - 我好似從頭都尾都唔知咩叫'POP-UP PIZZA'.....!! 哈哈! 不過個Pizza非常芝士! 芝士夠多又夠溶又夠熱! 所以我呢個芝士怪物覺得佢非常好食! LIKE!芝士焗龍蝦汁海蝦蟹肉菠菜卷 - 雖然從相片中見到既佢"奇貌不揚", 但係其實佢好好味架! D龍蝦汁好好味, 焗既芝士一條長既拉唔斷果隻; 至於個海蝦蟹肉菠菜卷都食到有少少蟹肉既...整體黎講我最中意食呢個!燴海鮮意大利粉 - 呢個入面都有好幾種海鮮, 好似青口、魚同蝦咁~個汁都幾夠Creamy, 不過都係一凍左D味道就打左個7折, 所以想好食就要快手食。
繼續閱讀
田螺薯蓉幾好味，同埋D多士。龍蝦湯好一般，像普通蕃茄湯，下次唔洗叫。芝士焗茄子都ok，芝士好味。豬仔骨退哂步，又乾又硬。最好味係個龍蝦配墨汁麵，龍蝦份量都唔細，汁好味。
繼續閱讀
同fd行完mega box，出番德福覓食，就去左意粉屋。6:20pm去到，等左一陣就有得入去喇！我地都叫左唔少野食~~「薯蓉配田螺肉」：主角係薯蓉，睇相都見到佢好乾，明顯落唔夠牛油同cream去打個薯蓉；面頭pat螺肉就不過不失啦，但同個薯蓉好唔夾，兩者好似搭檯咁！「煙三文魚沙律」：超難食！！D青椒、青瓜同洋蔥好硬；個沙律醬太杰，根本唔可能撈勻D菜，結果我地係將D菜點個醬黎食=-=「燒豬仔骨」：豬仔骨夠淋，不過個醬汁唔知點解有陣怪味，好似鐵打酒咁，我同個fd食左一半都被迫放棄了。「肉醬千層麵」：哩款主食就OK，肉醬有好多肉粒，亦有唔少蕃茄碎，所以口感唔錯；D麵亦唔會煮得太淋或者出哂水。「卡邦尼意粉」：黎親Spaghetti house必點，個汁好挺身，亦好香蛋黃味同芝士味，完全唔洗額外加芝士粉都夠rich！「羊鞍配墨魚汁鍋飯」：另一推介主食。佢個飯係用鍋上，所以上檯時熱辣辣；羊鞍好淋，充滿香草味，同個墨魚飯好夾！「肉腸pizza」：好多年前食過spaghetti house既pizza係超唔得，但而家改善左喇！Pizza個底焗得好鬆脆，餅面有好多肉腸，有豬肉腸、雞肉腸等，有辣有唔辣，好似食緊肉腸platter咁；略嫌唔夠多芝士。「香蕉朱古力金寶」：apple crumble個fd，不過用香蕉肉同朱古力醬代替蘋果蓉。本身香蕉同朱古力就好match，焗過之後兩者D味更出，加埋面頭焗到脆脆既crumble，好甜好好味！不過怕甜既就應該會唔鍾意哩隻甜品喇！佢D野食幾好食既，但主要係意粉、鍋飯同pizza，其他小食或者前菜就麻麻地喇！
繼續閱讀
左:好有海鮮味，加上內有細件的煙三文魚肉，增加忌廉湯的美味右:龍蝦湯味濃郁，不是只有鹹味的罐頭湯可比，湯很熱，我要停一會待涼些才飲樣子漂亮，各樣只有一件，不同腸的肉各有各味道，一併放入口，同一時間口腔充滿這組合的味道 – 和味巴馬火腿焗過後有少許硬和帶點脆，配以似日式沙律醬，是一個簡單的沙律這個闊條麵我們三人都讚賞，第一次吃有這麼多龍蝦肉的麵，第一次吃有鑊氣的西式麵，第一次吃松子仁醬，雖然不覺有甚麼松子仁味，大鄉里亦不知松子仁醬是何味真是原隻，還有2隻龍蝦鉗，我好小心用刀和牙籤將鉗內的肉全拿出，蝦肉美味彈牙；很碎的黑魚籽味被芝士味蓋過薄底pizza，不用加入任何醬已足夠，因三樣本身都是非常有味的食物吃完三人都飲凍檸檬茶大家很滿意這餐，粉麵胭韌度合我們要求，湯和食物都很熱，員工快手將食物送上枱亦是原因之一，不用吃完一碟要等下一碟，差不多吃到一半，下一碟就到，吃完不覺飽膩，是剛剛夠。今次用HSBC credit card有47％折扣，非常化算。
繼續閱讀
上星期六約左朋友食TEA,不約而同諗起意粉屋,3:00幾都已經要等位啦,等左一陣就有位,我地兩個人點左兩個茶餐一齊食呀,一個公司三文治餐,另一個係肉醬意粉配酥皮忌廉湯餐.我地都加錢轉飲品,分別叫左一杯忌廉鮮奶焦糖咖啡及忌廉鮮奶棒子咖啡,餐湯先到,我將D酥皮放落D湯度一齊食,OK唔會好結好適中,都唔係好咸,幾多料呀.好味.公司三文治有四件的,有一些薯片係面,三文治唔係烘過的,幾好味,都係有火腿,蛋,沙律菜,煙肉等等料,份量正常的,唔會太過多醬,麵包都OK,雖然冇烘過不過都唔會好淋身的.肉醬意粉幾大碟喎,好味呀,好多肉醬架,同埋芝士,意粉一般啦,但肉醬就唔會過油過咸,好食呀,份量都好多架,食得多都唔覺得好漏呀.飲品,我的鮮奶忌廉棒子咖啡好大炋,賣相好靚,上面好多忌廉,棒子味道唔算好出,不過都幾香,因為我唔係飲慣啡啡都怕苦,不過因為有忌廉又有鮮奶,所以好飲唔苦呀.朋友飲的焦糖咖啡佢話好飲,我見柸底都有一層焦糕架.最後還送左一張COUPON俾我地添.
繼續閱讀