101
34
21
餐廳: 意歐
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵旺角站 E2 出口, 步行約4分鐘 繼續閱讀
電話號碼
26686722
開飯介紹
意歐是一間焗薯專門店,主打意日式西餐,焗薯採用美國上等薯仔,其黑松露醬碎蛋沙律和芝士菠菜雜菌口味均是自創的。設有無肉菜單,以創新手法烹製,適合素食者。 繼續閱讀
特色
包場派對
附加資料
多款素食菜式每天供應
營業時間
今日營業
11:00 - 00:00
星期一至日
11:00 - 00:00
公眾假期
11:00 - 00:00
公眾假期前夕
11:00 - 00:00
付款方式
Visa Master AlipayHK 支付寶 現金
座位數目
52
其他資料
網上訂座
Wi-Fi
酒精飲品
自帶酒水
電話訂座 詳細介紹
賞訂座積分
外賣服務
加一服務費
當面支付
有關獎賞計劃
招牌菜
芝士牛柳黑松露碎蛋焗薯
食評 (176)
同朋友喺旺角行完街之後想搵啲嘢食,於是走咗去女人街望吓,見到呢間舖頭嘅下午茶價錢真係嚇一跳,竟然仲係我中學時候出去食飯既價錢,見啲野食好似都唔錯,就決定入去試下。入面人流都幾多,所以要等左陣先有位。不過佢裏面啲枱好密,坐嘅位置都比較窄,坐得唔係咁舒服。餐牌上面嘅選擇都幾多,而且下午茶套餐勁抵,最平只係30幾蚊,就可以叫到一個主食加湯、多士同飲品。🎈羅宋湯及多士佢嘅羅宋湯蔬菜都幾多,而且味道都濃,算係唔錯。但係佢嘅多士就整得好乾,咬落口好似食餅乾咁,都幾脆既😅🎈卡邦尼長通粉店員話冇晒長通粉嘅關係,幫我哋轉左做意粉。呢個意粉嘅份量幾多,但係味道比較淡,蛋味較突出,煙肉嘅份量唔多。🎈鐵板牛仔柳配蛋沙律焗薯佢嘅牛肉已經切開一粒粒,所以幾方便食,但係味道就真係好普通,反而個焗薯算係唔錯,有蛋黃醬同埋雞蛋碎,但係食到落底就會乾咗少少。整體來講,哩間餐廳算係幾抵食,但係一分錢一分貨,你預咗佢咁平嘅話,味道都唔會真係去到好好,不過都算係一個平價嘅下午茶選擇嚟嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-19
162 瀏覽
走過旺角,咁啱想食個甜品,飲杯嘢,於是睇中左呢間餐廳,於是試試先睇餐牌,其實價錢係唔錯,廿零蚊起步嘅下午茶係唔易搵,呢度有飲品先上,居然蜜桃紅茶同蜜子蜜係唔洗加錢,正足料冇偷減,飲起係唔過甜又唔淡,啱啱好朱古力雪糕窩夫 $29雖然同想像有出入,不過下午茶計份量唔錯,而且外面好脆,雪糕夠晒平分兩件食,加上兩件OREO,價錢上真係好抵食超值朱古力心太軟配雲尼嗱雪糕 $45論價錢,平過其他店,輪份量唔細過出面。睇賣相係好靚嘅,再開埋個芯睇,過左火,要思考佢到底自己出品定係現成呢?不過重點係個芯都仲軟,近9 成熟,但係味道好好,唔係太甜有服務有質素,仲要唔收加一,真係茶記都唔多一間做到,如果得閒想食件餅,呢度啱晒睇埋其他餐牌,如果晚市開返,我真係會立刻去幫襯試埋,因為價錢真係好公道,雖然擺碟presentation唔會好去邊,不設勝在價錢,性價比實在高 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-30
791 瀏覽
#意大利餐 環境有點似茶餐廳,少許舊。好像不設最低消費#意歐二人餐 $278+1 (分量很大,覺得可以三個人食)有 忌廉湯 配 蒜蓉多士 (2客)加$10有 #酥皮忌廉湯 熱騰騰,幾好飲,酥皮也不錯😋#小食拼盤 蜜糖雞翼超正,熱辣辣,外層少脆,惹味。似醬粗薯條就有啲淋,蒜蓉雜腸是:司華力腸和雞肉腸粒,普通。#凱撒沙律 #🥗 沙律醬偏酸,是煙三文魚配生菜和麵包粒 #薄餅 #意歐薄餅,餅底像餅乾,辣肉腸像鹽味的辣椒油(建議可挑走),很咸😂芝士分布不平均,我吃的那塊很多芝士可以拉絲,然後其他就冇乜芝士。不推介#意大利飯 #意粉 選了 #燒紐西蘭羊鞍半野菌意大利飯 ,肉質不會粗糙,燒得不錯,口感幾好,很酥😂粒粒意大利飯有咬口,味道不錯#朱古力心太軟 配雪糕這個是心很軟,沒有流心,但係幾好吃, #雲呢拿雪糕 也不會太甜,不錯👍🏻推介套餐包熱飲#玫瑰花蜜 清甜幾好飲😃#凍朱古力咖啡 +$19ᶘ ᵒᴥᵒᶅ個人口味評分:8/10———-#焗薯餐 #帕馬火腿焗薯 $60+1 火腿偏鹹,焗薯上面蛋沙律,涼涼的(還以為是熱騰騰)配餐湯和蒜蓉包和一杯熱飲 (不推介) 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-18
383 瀏覽
女人街出名多好野食,今次黎到一間cafe食好西☕️呢到主打焗薯,我叫左個碎蛋焗薯拼德國豬手🥔🐷意外地,焗薯非常地軟滑,入口即溶的口感,有點像薯蓉呢👍🏻特別要提及的是,加上焗薯幼鹽好有驚喜,突出番薯仔的味道!德國豬手大大舊,啖啖肉,食落大滿足!值得一提的是蒜辣軟殻蟹墨魚麵🦑,辣辣地,加上我最愛的軟殻蟹🦀,好惹味!最後,好欣賞餐廳乾淨企理,環境清淨,絕對係同好閨蜜一個好好邊談心邊食野GE好地方❤️ 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-10
342 瀏覽
第一次跟朋友去嘗試呢間餐廳,入到去環境都唔錯算乾淨,店員主動有又禮貌都細心。我朋友點咗個豬扒骨餐上枱超大份!仲好香!睇落好似骨好大舊但超多肉...女士們可以點黎分享(轉蕃茄汁)淋上面酸酸甜甜好開胃!咁我自己就點咗個牛柳排,超級厚肉!唔好睇我圖切開好似好熟咁,中間係粉紅色嘅岩岩好緊緊熟好嫩口!第一啖我無淋黑椒汁想試下原味啦~牛味真係好香濃!入口軟熟係我鍾意嘅口感。(芝士要快快趁熱食..帶有小小拉絲)仲有佢個碎蛋焗薯真係堅大份..我提提大家食佢個黑松露碎蛋沙律焗薯!超香!我撈勻未食都已經香氣迫人!大家不妨試下!最後我地叫咗個心太軟,雖然好普通周圍都有得食但係個流心做得好好,外層蛋糕亦做得到鬆軟帶點脆口,味道同質感都好唔錯。而佢旁邊個雲呢拿雪糕我初時諗住係普通野最後先食啦...點知似雪芭口感有碎碎冰粒係有驚喜嘅!整體好味,擺得都幾靚,可以相機食先,上餐好都快手,所以我會再幫襯。 繼續閱讀
(以上食評乃用戶個人意見 , 並不代表OpenRice之觀點。)