意樂餐廳 (寶熙苑商場)

營業中

休息中

長沙灣出名多嘢食，就算真係諗唔倒食咩？隨便搵一間都唔太差，意樂就係其中一間，早餐、午餐、下午茶、晚餐都已經食過好多次😆😆選擇多、質素好，最重要係價錢合理👍早餐款式多，港式美式都有，意粉好食、多士好脆！午餐、下午茶的炒麵類好有獲氣，野飲Ok！晚餐那個牛排餐係必食的，一百多蚊一個餐，牛排有質素有水準，牛味濃、我食七成熟都唔硬，配薯條或者意粉，我只食薯條，因為薯條好鬆脆、有高級西餐廳質素。值得支持的香港餐廳👍

叫咗個焗鴛鴦意粉，有小型雞扒豬扒。面頭都有芝士仲添加咗炸鮮奶同埋炸魚腐。各樣三條。炸得都OK唔會太高溫變成高溫油（有致癌物）。嘢飲叫咗杯熱奶茶。埋單要成百幾蚊。

佢哋嘅焗嘢都係典型的。加錢可以有碟白酒煮蜆，都幾好食。佢哋杯鮮榨檸檬汁夠晒酸。一定好多維他命C。至於蛋蓋飯就一條般。滑蛋好普通，塊排都喺一般。價錢$58。2025/2/15

做街坊生意，食物普通無話特別好味，環境乾淨其他員工服務唔錯，不過企收銀中短髮戴眼鏡呀姐就好無禮貌，她行過放低餐牌時，叫她要杯熱水，她叫等等，然後叫其他員工：‘拎杯熱到滾得死人嘅熱水俾XX號枱’，就算食物幾好味，其他員工幾好禮貌都無用，呢個呀姐一粒老鼠屎已經令間餐廳變到無客。

40蚊一個餐白汗雞絲佢俾得兩條雞絲駛唔駛咁少佢如果係就黎完早餐時間唔夠餸佢可以叫我轉其他而唔係俾兩絲皮嘅雞絲我愈食愈嬲不如改名白汗素菇天使麵，食完根本唔飽希望好好正視問題

今日第二次叫外賣外賣平台，蒜蓉多士好味，够入味，味道濃郁。黑松露蛋都唔錯，好大舊，而且有驚喜嘅係有薯蓉&蔬菜沙律（餐單冇提及）凍華田都唔錯。以為唔會再漏餐具，點知都係咁，唉。

平時叫開外賣自取，方便，去到有得拎，雖然成日奶茶會瀉，但係都接受到。不過尼次真係好過分，佢哋外賣紙（熱敏紙）唔記得拎走，擺左入食物度，當我打開果陣，見到張紙我已經呆左一下，唸住無嘢嘅，餐廳都有咁啦…但係當我拎張紙出黎見到啲紙無曬，我就唔咁食了🥲反胃🤢

今天跟朋友吃飯，點了一個午餐和一個下午茶餐，午餐是牛扒配雜菜和飯，份量都0K，有餐湯和一杯熟柚子茶。而下午茶餐就有厚多士和雞扒公仔麵(湯味比較濃)，及一杯凍檸檬茶。這間餐廳的食物質素都幾好，座位舒適，環境唔錯。

當日忘記落單叫杯茶走，叫侍應提供煉奶，佢見我落完之後，這位侍應好不禮貌兼大聲要收費2蚊，她的態度給我嚇一跳，此2蚊不是本人付不起問題，商品說明條例，如果係要收費，應該係事先聲明，由我決定加定唔加，不是事後才要收費，侍應原來可以濫收費用，這樣未免太不合理，當然最後是沒有收取，侍應當左自己係老闆上身，但係我相信老闆一定會這樣對待客人，請這位侍應檢討吓服務態度，不是這樣對待客人，希望有關負責該公司領導人，好好教導下前線服務人員應有基本態度同禮貌。

長沙灣真係唔係一個揾食嘅好地方，因食肆唔多路過尼間餐廳！見幾企里而且五點幾仲有茶餐食便入去試吓門面比起一般茶餐廳乾淨！我哋叫咗兩個茶餐～烤豬扒焗珍珠飯（$40）及自選雙拼意大利蕃茄濃湯長通粉（$34）！焗飯味道幾好，猪扒都香不過份量較少！而蕃茄濃湯長通粉，個湯偏酸！味道麻麻哋如果想Hea座尼渡會係個幾好嘅選擇

看電視旅遊節目，Amanda S. 遊英倫，其中１節在倫敦吃 fish and chips，看完就想吃！受COVID-19 第３波疫情影響，差不多２個月沒有出外吃下午茶，今次發現意樂餐廳，下午茶推出新品：千島吉列脆魚柳，立即點了１份試試！#千島吉列脆魚柳，可選配沙律或薯條，我覺得炸魚配薯條是個經典組合，但 今次 我選錯了！炸薯條又凍又硬！不好吃！吉列脆魚柳挺好吃！脆槳薄身、夠脆，魚肉白雪雪，配千島醬，好合拍！#即磨咖啡，意樂的咖啡好喝！每次來必點！

今日跑完步又去左我的最愛「意樂」食早餐，呢間又平又好食！🍅鮮野菌蕃茄濃湯通粉 $27 + $3 蒜蓉多士野菌好新鮮，炒得好好味，配上蕃茄濃湯底，蒜蓉多士又夠熱，簡直一流，早餐唔使一定要食肉嘅，都可以好好味！無糖麥皮加配流心蛋多士 $25 呢個簡直係健康之選，要讚一讚多士, 有芝士同流心蛋同多士一齊焗，成個層次即刻升華左，估唔到係普通一個茶餐廳都食到，仲要$30 都唔使，抵食！ 意樂嘅早餐就食得多，下次試下佢個lunch 先 😋😋

有人晏晝去咗呢一度食午餐，嗌咗份卡邦尼意粉，加兩件水牛城雞翼，飲凍柚子茶。想講個卡邦尼意粉完全冇味，搞到我要係咁落鹽同胡椒粉去調味，啲汁勁水，完全冇心機煮。個水牛城雞翼其實只不過係炸雞翼，之後林小小酸辣汁，完全唔入味，淨係得皮上面啲汁係水遊城味。杯柚子茶仲好笑，勁多檸檬核，差唔多每三啖就有有一粒，最慘係杯野係苦㗎。雖然我對啲嘢食好失望，不過啲侍應服務態度係幾好嘅，同埋環境都幾好，坐窗邊望街景坐得好舒服😌

因為餐廳係屋企附近，而且環境坐位都算舒適，所以都算是我喜愛飯堂其中一間。 食物唔算貴，但質素唔錯。 我特別喜歡 安格斯牛 個套餐，黑松露蘑菇湯勁好飲。 而我老公就喜歡佢地既牛腩飯， 夠晒淋。 不過餐飲唔包， 要另外加錢。

今日運動日，所以早點食個豐富的早餐，來到這間餐廳環境舒適燈光柔和非常之適合食一個寫意的早餐，今日我點了一個燒雞扒香腸流心蛋加多士的早餐，這個雞扒燒烤到外脆內肉質嫩滑還有這個流心 蛋光半熟非常好味仲有一杯提神的鴛鴦茶這個早餐令我精神百倍。