意樂餐廳 (逢源大廈)

營業中

休息中

幫襯了意樂很多次，一直以為已寫食評，今天查看記錄才知未寫，上OpenRice原來才發現意樂是很大的連鎖餐廳。..因疫情關係，枱與枱之間有加隔板，我喜歡他們的隔板，首先多色彩，令人心情都愉快些，第二是有內容提點大家要守的規矩，第三是夠大塊，真正起到隔離作用，不像很多其他餐廳只是象徵式的加塊板。..下午茶餐選擇多，足有4版😊價錢經濟，二十幾蚊 (連餐飲) 都有。有飽類如🐷扒飽、西多士、雞翼、意粉、飯等。..下午茶餐牌:晚餐及正餐也有鋸扒，餐牌也有好幾版: 自選雙拼意大利濃湯扁意粉 (鮮野菌及煎熟蛋) 下午茶餐 $31 ⭐️⭐️⭐️⭐️家人叫了的是熟蛋，其實意樂標榜他們的煎焗流心蛋，不過家人想安全些便要熟蛋。.剛好今天好像有少少失準，平時的蕃茄湯比較濃，上次還有片南瓜🎃。味道還是不錯的。..b] 蛋黃煙肉卡邦尼長通粉下午茶餐 $39 ⭐️⭐️⭐️這個一看便知不是正宗的卡邦尼，如果整得好味的話其實都無所謂，不過這碟我覺得好像淡口無落鹽，我加了少許胡椒粉調還是可以的，反正少鹽一點也健康些。不過我都是只給3分。我喜歡夠汁。要了熱華田，現在改善了，以前覺得似有少少華田色的糖加水，現在是正常的，欣賞意樂的改善👍

去完龍脊行山🥳攰攰地想食返個下午茶補充下能量。今次我哋叫咗鴨胸炒天使麵和烤雞茄子忌廉焗飯。上碟賣相都不錯，份量頗多。炒天使麵用咗茄汁炒，醬汁入味。茄子和忌廉的味道幾夾。...🏠意樂餐廳 (筲箕灣)筲箕灣筲箕灣道388-414號逢源大廈地下F號舖

$108 安格斯牛扒餐😍吸引咗我去試下套餐有一塊牛扒，一個湯同埋一杯比較港式嘅嘢飲，例如紅豆冰或者梳打配啫喱粒粒，所以都幾飽肚湯比想像中大碗，有啲蘑菇粒粒香味都OK，可以再濃郁啲每份扒餐都會有薯條同埋焗蔬菜🥬薯條🍟都幾脆，好好味😋亦都可以配一個牛肝菌汁食，味道唔錯.兩塊牛扒嘅大小差得有啲遠添😅兩塊牛扒本身都係叫五成熟，但係出到嚟比較似三成熟，不過反而仲好食😋簡單咁點鹽同胡椒原來先最夾牛扒！！.有肉汁，好香牛肉味👍🏻牛扒亦好嫩，唔會有咬唔難嘅情況，我會再食😍.所以嗌嘅時候要有心理準備，可能佢生熟度會同預期唔一樣，不過都算唔錯啦，怕生嘅朋友要留意

今天在上班前，我就在附近選擇了這間餐廳，吃我的早餐，這間餐廳在地鐵走過去大約幾分鍾就可以到達，這間餐廳最特別就是牆壁，因為有一個復古的大鍾和牆壁掛著一張張的懷舊木板，而木板上的手繪亦是有歐洲的感覺，恍如置身外地一樣，而今天點了一個野菌牛肉沙嗲通粉，這個野菌散發着震震的香菌味再配上沙嗲牛肉，有點辛辣而且帶出底底的味道，而通粉也富有彈性真的回味無窮，最後當然就是來一杯香醇的咖啡作為結尾。

放工同男友去左筲箕灣搵食，見之前食過意樂幾好食，所以帶左佢去試，點知今次中晒伏。八點去到都要等位，等左十分鐘左右。入到去我地坐Corner 位，兩個人坐都幾迫。我地叫左龍蝦汁海鮮焗珍珠飯同美國豚肉斧頭扒。斧頭扒跟餐有個磨菇湯，暖暖地，湯面畫左個好求其既星星圖案，唔畫好過畫。飲落啲湯都有磨菇蓉，味道還可以。之後到龍蝦汁海鮮焗珍珠飯，面頭有好多芝士，海鮮有一隻連殼既蝦、一隻無殼既青口、一隻五蚊銀size 既帆立貝、四隻連殼既蜆同兩個魷魚圈。以前一上菜就已聞到好香既龍蝦味，但今次一啲都聞唔到，最慘係連食落都食唔出龍蝦味😣，好似食緊西班牙海鮮飯咁，龍蝦汁變左蕃茄汁，貨不對辨 ! 之後黎個斧頭扒，由於張枱太細，已經擺滿晒，咁我地好心幫個侍應執好啲位比佢放啦，點知個侍應嫌我地執得唔好阻住佢，佢態度同語氣勁差咁講「等我黎執啦 ! 」!!!! 我即刻火左忍唔住黑佢面😡。可能佢都知出事，即刻不斷解釋同攞走堆餐牌 ! 放低碟斧頭扒就係我面前消失 ! 講返個豚肉斧頭扒，都厚身，亦全熟，但塊扒煎到好硬，啲肉好鞋，伴碟既薯條仲要係凍既👎🏻。啲野食同服務都咁差，唔會再黎 !

其實筲箕灣好多餐廳都好有特色， 好本地化。 今次又一間連鎖餐廳進駐令到我有啲出奇。 不過一試都無妨嘅。食咗個tea time， 其實味道都叫不過不失， 同埋tea個價錢都十分之抵。 不過應該唔會經常幫襯， 因為我比較支持小舖。

同屋企人去食lunch或者tea多 其實呢間餐廳算幾平 50幾就有個lunch 選擇都幾多 珍珠飯同天使麵都幾好味 跟住最鍾意蕃茄湯底 幾濃幾新鮮 不過晚餐叫過鰻魚飯 覺得太多汁太膩 不過整體來說 五六十蚊都算幾抵

上星期同友人坐完電車河，終點站係筲箕灣，經過見到有間餐廳都幾多人排緊隊等食，見到原來係Tea time 時間，唔怪之得咁多人排隊食啦！拎左張飛仔等左30分鐘左右就有位啦！我地又唔想食得太過heavy,所以就叫左2個輕盈既Tea set! 😊😊首先登場就係西多士配綠茶🍵醬，配搭幾新鮮，唔會太過甜。另外柚子蜜芝麻雞翼配沙律，熱辣辣甜甜地幾好味，雞肉味都幾軟滑，唔會太大陣雪味！套餐可以半價加$轉野飲！真係好抵飲，我地就揀左綠茶啫啫冰同利賓納啫啫冰，裡面仲有一層啫喱好有口感！😋😋

某日同同事去左筲箕灣既意樂食lunch, 間店都好細，好快坐滿人，個日要等位，等左10分鐘先入到去~當日我地叫左胡麻蒜香煙肉豬骨濃湯拉麵，香草烤雞鮮野菌忌廉扁意粉，飲意大利雜菜湯再加多$8追加柚子蜜味芝麻烤雞翼~胡麻香蒜豬骨濃湯拉麵 $52d拉麵好淋，湯底都好啖，煙肉又油香草烤雞野菌忌廉扁意粉$51這個d汁好結，食到好漏，扁意粉冇口感可言，雞肉普普通通冇咩特別意大利雜菜湯個湯好啖好油，好似溝左好多水咁柚子蜜味芝麻烤雞翼這個最正常，柚子蜜味正，甜甜地，雞翼脆口其它食物都。。。。。。，um.....應該不會再來

早餐時間較多人，等了一會才有位置。餐牌上餐的種類蠻多。不是第一次光顧，可是這嫩煎香草雞扒 （$36）是第一次吃這個餐包括一整塊蒜蓉包，兩款配料 （煙肉，餐肉，火腿，腸仔或煎焗流心蛋）和嫩雞扒配上一杯熱飲品。蒜蓉包蒜蓉十分足料，美足不足是由於烘底，面包較硬。雞扒十分嫩口，味道佳配上可口的汁，一流熱飲我點了茶走 （奶茶加煉奶），個人認為味道不俗。配料餐肉圓形整塊不會太薄。價錢方面認為貴了一點 但份量足夠。其他食品味道都不俗。人手較少，如果多人候餐時間會較長。 

幫親戚整完屋企野轉個頭已經下午茶時間,想食少少野但又唔想食粉麵,見到呢間D下午茶好似幾正同普通茶餐廳有D唔同,決定入去試試~~身痕突然想食個西多士但諗起午餐都未食一黎就西多會唔會去得太盡，佢呢度個下午茶餐原來可以配沙律架！exactly 係我想要嘅配搭。個沙律雖然唔係好大碟，但都足夠打底，一個杯仔裡面除左菜仲有小蕃茄，爽甜多汁， 又有青瓜，都幾完整，不過我覺得沙律醬多左D 個厚多士西多士真係同普通相比係厚左D，佢炸到剛剛好，完美嘅金黃色，睇到都feel 到佢脆！切開見到花生醬佔據麵包嘅80%，覺無偷工減料，熱食嘅時候麵包外脆裡面就有熱辣辣嘅花生醬，係一份超過80分嘅西多。點解我唔畀高分d ？因為西多咁厚但糖漿相對少得濟，問佢攞多盤又多左好似好浪費咁，如果一黎就多少少就好啦。我叫左杯凍央少甜，咖啡奶茶份量均勻，唔會飲唔到奶茶味，都唔會太奶，好飲的，無諗過唔小心行過都食到好西～

一個人的晚餐，行經意樂見未食過，不如入去試下，想食番茄味食物開下胃，就選左番茄海鮮湯意粉，本身真係無乜期望，點知上菜見到都幾多餸，有好外菇，茄粒，洋蔥，尤魚圈，青口，蝦等等，一食發覺個茄湯好香，夠晒味，出奇地好食。

下午一點，我點左一個意粉、一杯野飲同一個紅湯😂😂野食大概二十分鐘後黎齊👍🏻👍🏻講杯野飲同意粉大致上都無咩問題，不過不失🤪🤪為一個敗點係個紅湯到，同買剩溝水出黎既效果一樣，得個淡字🤦🏻‍♂️🤦🏻‍♂️

一開始叫咗個白汁芝士海鮮焗扁意粉， 好有趣囉，嚟咗係茄汁，仲要係飯黎，但我一嚟到聞到咁香，就即食啦！後黎先諗起自已係叫白汁㗎喎?!不過錯有錯著，佢非常好味，而原來個飯係隔離枱的order，最後隔離枱唔要我個白汁意粉，老板好人到送埋比我，大家開心!另外又叫咗日式芥末煙肉菌皇意大利飯，好鍾意芥末香辣刺激既感覺，而且日式又比較温和，太愛了。這個飯底好好，粒粒軟身。至於小食的蒜蓉包，竟然用上巴馬神芝士，真係好難抵抗的美味而杯牛乳抹茶啫喱冰冰，絕對比到消暑減壓既感覺你

與朋友在一個炎熱嘅平日嘆一個下午茶，人唔多所以可以坐耐d，同朋友傾計談心，避開外面的酷熱。我叫咗元個厚多士加一杯熱奶茶，22元，價錢十分合理。煎脆嘅多士好似在烈陽下照耀過一般，可能外面溫度有點高，所以有微微的焦和幹，但配合花生醬及煉奶，不失為一個與朋友邊聊邊食，慢慢切嘅美食。同行朋友叫了一碗蕃茄湯意粉加一杯飲品，也只是25元。當然了，價錢平的食物，大家對服務就不要期望太高了，都是平易近人嘅姐姐們。等候期間看了看餐牌，發現其實菜式也不錯，正餐價錢也是40至60左右，我希望可以有機會再來試試。