意樂餐廳 (迎東邨)

營業中

休息中

今日晚上行過入去食，入去時餐廳內都唔太多人，由56分開始落單，當中有個熔岩tiramisu 同牛扒，甜品唔使10分鐘就上枱，仲開始溶緊，問個服務員可否食完個主菜先攞出嚟，佢哋先攞返入去雪，但個牛扒就等到半個鐘度都未嚟，要問先上枱，仲要係個鐵板微熱，塊牛扒同薯條凍晒嘅，質素非常好唔好。趕時間一定唔好入去食。到個甜品終於食啦！味道好似散嘅一樣，非常之唔好食，完全唔係tiramisu個樣嘢。所以成餐飯都係負評。

今次經過東涌，見到呢間西餐廳好多人排隊就嚟試吓😂 餐廳主打西餐同埋日式料理，餐牌上面提供好多唔同嘢飲，甜品就都係麵包布甸，蛋撻， Tiramisu等等。有沙律，牛扒，雜扒，唔同嘅意粉，烏冬，意大利飯等等。今次嗰個咗個雜扒，白酒蜆肉，沙律，蜆肉意粉，再加咗雞翼。餐廳質素一般，環境都係一般，只係話同普通茶餐廳一樣。服務態度亦都麻麻地。有改善空間！嘢食唔熱，冇咩鑊氣味。唯獨好處就係夠平，夠高性價比同埋鄰近街坊。賣相只能話係不過不失。😊

叫外賣，等左四十分鐘，我已經好包容等到三十五分鐘先問佢地幾時有，佢話催左廚房，ok 我再等，但五分鐘後走黎同我講賣晒。仲要唔止我一個係咁，有位小姐同我講佢等左一個鐘，職員先同佢講話賣晒。真係多謝晒。我只可以講，間餐廳好差………………………………………………………………………………差到一個點

外賣叫完等左成粒鐘先有得拎！！！！！！!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!’nnnnnnnnnnnnnnnnnnnnnnnnn

今天6点多钟和家人去吃晚餐，第一次在這間吃晚餐，服務&食品真的是差不可言!首先是点餐，点完餐到最後一杯飲品時我点了凍阿华田，侍應說沒有阿华田，那麼我就再看看餐牌，誰知那侍應竟然不耐煩說你以后先想好再点餐! 大佬，我想說我早就想好了，誰知你們沒有阿华田？ 如果不是你們沒有我想要的飲品，我需要再想其他飲品吗？还要給話我們听？？再來就是那個侍應后來拿起掃把掃地，在客人一邊吃你們就一邊塵土飛揚的掃掃掃，然後在隔着板的隔壁枱下面一把掃過來，掃到我媽媽的脚，也沒有道歉! 你要打掃過來不會叫我們先蹜脚嗎？掃到人也不道歉是道理嗎？还有就是我点的牛油果蝦扁意粉，味道麻麻不在話下，可能是不合我的口味，但是吃到最後1/4的時候竟然發現有一條頭髮! 有沒有搞錯？頓時想吐! 當然就沒有再吃下去了!這樣的服務態度和食物品質是在幫老闆倒客嗎？还是和老闆過不去？

小弟因為工作關係要周圍走都食過唔同地區既意樂，我諗呢間意樂啲職員係最蠢個間，一係就漏單，一係俾錯野，一係就好似今日咁，已經早半個鐘叫餐，去到都係無得拎要等，入面又唔係多客，都唔知佢班職員係到做乜

已經兩個月沒有光顧，今天下午order了一份日式牛肉炒烏冬作為午餐(餐牌上顯示是新菜式)，賣相是不錯 但當開始食的時候發現肥牛只得兩塊 其中一塊像風乾牛肉一樣不能入口的。 這個是午餐所以烏冬的份量很多 可惜好像是吃素菜炒烏冬一樣。當吃到最後的時候看見碟底的油份更加恐佈，相信沒有下次了。

一早起身食乜好, 開咗咁耐都唔知原來東涌有間意樂係迎東，平時喺市區都見好多人幫襯，唔知過到東涌水準會唔會有改變，叫咗個魚柳早餐，都唔錯，魚柳應該係即炸，多士唔夠燶，檸檬茶用新鮮檸檬汁所以冇檸檬，同埋唔知點解餐飲方面冇得叫latte，我記得出面嘅意樂好似有得加錢轉. 整體嚟講算係咁.

黑松露野菌煙肉炒珍珠飯$49 一打開蓋就已經聞到好香既黑松露味👍🏻炒飯分量剛剛好，足夠一人食用～配料絕不吝嗇，充足既野菌和煙肉配搭仲有洋蔥和蔥花，增加香口程度Cp值好高，推薦👍🏻+熱利賓立下午茶餐包一杯熱飲天氣凍凍地飲杯熱飲最適合不過熱利賓立，唔會好甜好酸，味道剛剛好～

平時去完迪士尼都會出番東涌搵食，朋友介紹下話一定要去迎東村食癮世高手親民價錢的西餐「意樂」，可能會話意樂是連鎖餐廳🍴區區都有咁濟，點解要去東涌？係因為呢餐完全感受到地區差異，東涌分店廚師👨‍🍳廚技超好。烤牛肉比薩🍕（HKD 59): 牛肉用上肥牛，肥瘦適中，食得出牛脂味，用上洋蔥🧅爆香肥牛，就似日式餐廳吃到的牛肉汁，味道比較偏甜，味醂的甜味能增強食物的色澤之餘，還帶出食材的鮮味，連薄餅餅底都係自家製，邊位夠脆身，帶點焦香，好味。慢煮秘製咖喱焗牛腩配珍珠飯（HKD 58):慢煮牛已經無得輸，牛腩每件都十分軟糯，牛味香濃，咖哩香味十足，偏辣，仲有水牛芝士點綴，一啖接一啖。薯仔🥔都吾馬虎，過左冷河做到脆皮效果，珍珠米夠曬濕，仲伴有沙律🥗。檸檬茶：維他命C，冷壓果汁🍹仲有檸檬顆粒，吾會太酸，剛剛好。總結：癮世高手在民間 價錢親民西餐

帶子蝦意大利飯雖然佢呢個意大利飯唔係做到好正宗嘅🤣🤣不過普通茶餐廳嘅價錢其實已經好合格👏🏻😋飯粒比較淋，唔係比較有咬口嗰種～不過個味道都做得幾好食，帶子同蝦嘅份量都唔少，仲有啲蜆肉都幾抵食！賣相又唔錯！利賓納啫喱冰冰呢款嘢飲好得意，佢的確係平時我哋飲利賓納嘅嗰種味道，所以都比較甜，但係佢仲有配埋啫喱，好似我哋出街會食到嘅啫喱杯嗰種味道🤣雖然都係普通野，不過配嘢飲度，層次比較豐富，都幾得意嘅嘢飲！

好耐冇寫食評，入咗嚟荒島住咗幾年，周不時都揸車喺附近食嘢。都食到冇咩好食，最近特登嚟迎東村試吓呢間「意樂」。離島區嚟講，中午時間人均消費$60到，絕對係一個不錯既選擇。今日叫咗一個天使面，另一個係牛扒，咁當然啦呢類型嘅餐廳食嘅牛扒就冇得order幾成熟啦，畢竟都只係幾十蚊。而最後出嚟嘅味道都不錯，黑椒汁都OK，不會太濃味。天使面就中規中矩啦，蒜蓉味香味都OK嘅，不過，就係冇乜餡😂飲品就反而有少少失望，比普通茶記差少少，除非你order咖啡囉，咖啡就好啲嘅。當然啦喺離島區嚟講，都算不錯，話晒而家去高佬食碗酸辣粉，加多一個餸再加支可樂，都成$60囉🥴

嚟到東涌探朋友，晚餐唔想主人家又煮又洗咁大陣仗，一於落樓下搵食醫肚！呢度嘅餐廳選擇唔多，我哋決定食呢間好多分店嘅連鎖餐廳，貪佢環境闊度，又冇乜人，可以密密針！晚市餐牌嘅選擇偏少，款式都係偏向西式為主，我叫咗個芝士咖喱薯仔焗牛腩飯，跟餐嗌多杯凍檸茶。咖喱味都幾濃，食得出落咗好多種唔同嘅香料，牛腩炆得好入味，唔係一般大家樂大快活嗰種咖喱。而且咖喱入面嘅薯仔好香，應該有微微煎過先再一齊煮，唔係就咁揼落去炆。凍檸茶幾特別，應該係將個檸檬絞碎再沖茶，唔係一般見到杯茶上面有幾片檸檬俾你篤嗰種。整體不過不失，正常發揮，符合價錢同CP值。

在一次黎到迎東村意樂餐廳享用晚餐🥣 ，貪佢性價比高價錢親民，仲有得加配香口小食。龍蝦海鮮湯珍珠飯（HKD 61): 海鮮有數款，毫不吝嗇有帶子、青口、蝦🦐、蜆，魷魚圈，樣樣都洗得乾淨，食湯飯最緊要係個湯頭，龍蝦就未必有，但係有好多芫荽，同香菇提升味道，湯頭香濃，加埋胡椒粉落去，味道偏辣熱鮮，珍珠米好有咬口。安格斯牛柳粒炒珍珠飯(HKD 64):炒飯有鑊氣，珍珠米粒粒分明，配上香甜粟米🌽粒、牛味濃郁安格斯牛柳，加上適量香蔥香菇吊味，整體熱辣辣得黎又有燒汁味，甜甜地咁幾好味。水牛城辣汁雞翼（加配HKD 18 / 四件):雞翼炸得非常香脆，幾乎連軟骨都可食埋，我估係用氣炸鍋炸雞翼，咁樣冇咁多油份，雞表皮收干水得黎又吾會太干，保持肉汁鎖緊水份，辣汁鋪喺面，比較似蒜香味多點，但食吾停口。總結：性價比高西餐廳🍴會再來

東涌平時冇咩好食，聽朋友講迎東開左間意樂，好似唔錯，去試下1，接待雖然唔係預左茶餐廳有咩服務態度，去問佢拎飛，一個話叫我地收銀攞，收銀又話唔洗攞，點黎點去，算，想食餐飯姐2，堂食之後睇menu 落單叫野食，普通茶餐廳對答，個呀姐拎張單過黎，過左5分鐘再拎碗湯過黎，次次都：“拿，比你啦，比你啦”咁，施捨咩，唉，算啦3，上餐時間上完碗湯，個湯冇味既，以為好快有野食，太天真啦，出單8點27分，等左9個字有多，d野食先到，我明食物係要煮，不過會唔會耐左少少……？期間有幾枱都係到吹單，半個鐘冇野食4，食物質素叫左個飯都算正路，點知個扒餐，牛扒熟到硬 ，都還叫可以食，塊雞扒表面熟，入面係生既！同個呀姐講，好似我地錯咁，明知佢都係入去番叮，仲要唔知等幾耐，攞個外賣盒拎番屋企自己煎算唔想出黎食個飯都要嘈，自己都係做飲食，唔會去第二次啦