77
17
5
港鐵鑽石山站 A1 出口, 步行約10分鐘 繼續閱讀
所有分店 (3)
電話號碼
39564744
營業時間
今日營業
15:00 - 00:00
星期一至日
15:00 - 00:00
付款方式
Visa Master AlipayHK 支付寶 現金 AE 銀聯
座位數目
16
其他資料
支持防疫 詳細介紹
Wi-Fi
酒精飲品
自帶酒水
支持減塑 詳細介紹
泊車 詳細介紹
外賣服務
加一服務費
室外座位
當面支付
食評 (126)
門口就可以見到係有文宣,黃到金咁!!!然後我就入左去,當時店面得兩位店員,而且應該可以坐到三枱客,當時已經坐左兩枱!由於我吾知道入去前要量體溫,就被女店員要求店門外等,佢同另一個男店員當時係整緊甜品!我都比較抱歉,吾小心就入左去 !但都建議番可以加番個入店內前要量體溫既牌!不過可能我眼大睇過龍,有但我就吾小心睇吾到!然後生得比較高既男店員都有走過黎,有禮貌同我講番聲吾好意思,入店內要量體溫,然後問我要食D咩。我就話要個乳酪雪糕拎走!重頭戲黎啦,佢門口有個類似酒精消毒液既野。我就想消毒隻手,手多多咁整左少少,整落隻手上面似精油,聞落似玫瑰花香咁,但搓完之後係勁黐立立,成隻手勁黏,真係似整到糖漿落隻手咁最後去附近廁所洗鬼左佢!講番隻雪糕,食落口係百香果乳酪味,因為無添加劑,所以會溶好快!隻乳酪雪糕清新、香口得黎,有少少酸!我自己就吾like 個雪糕筒,似百佳買既雪糕筒質地,吾多鍾意!不過整體$15都Ok,隻雪糕多少少就完美了! 繼續閱讀
(以上食評乃用戶個人意見 , 並不代表OpenRice之觀點。)
住左係黃大仙咁耐,都係第一次食「想甜嚐甜」呢間甜品店,「想甜嚐甜」由2016年開始營業至今,一直比我嘅感覺都係比較港式嘅糖水舖,所以小妹一直都冇太大嘅興趣去試,不過黃大仙嘅甜品店確實沒有太多嘅選擇,見佢在foodpanda on list,就姑且試一下,不過真係試唔過!🤢雖然大家都想支持黃店,但係都要講求質素吧!雖說係黃店,但食物唔好食,都唔應該太盲目支持吧!芒芋($48)有芋圓、地瓜圓、紫薯圓、小丸子、水晶珠、芒果粒、雞蛋布丁,見到材料好似好豐富咁,但其實份量極少,完全唔符合性價比,芋圓、地瓜圓、紫薯圓、小丸子夾埋得個10粒,口感粉,又唔夠煙韌,芒果粒得兩三粒,水晶珠份量算係最多,不過其實味道口感冇咩技巧可言,都係現成入貨,雞蛋布丁味道酸酸地,好似乳酪咁,搭配芋圓有啲古怪!芒果汁唔似係鮮榨,而且加左檸檬汁,味道酸酸甜甜,以為會refreshing d?但其實感覺就係唔新鮮,artificial,古怪無極限!整體來說,$48一碗真係唔抵食,唔會再試! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-15
170 瀏覽
同女朋友食完晚飯經過哩間甜品鋪,鋪頭個名幾得意...決定試吓!入去嗌咗一個甜品一齊share...間鋪頭有非常多口味嘅心太軟...我嗌咗個「紫心甜薯併乳酪雪糕」入口感覺唔錯,如上圖一樣,有流心,焗到啱啱好...一啖熱,配上一啖凍嘅雪糕...口腔內冰火交融,無論係視覺還是感官,都達至一個醉人的境界雖然內裏感覺非常文清,而且走後生仔囡路線..但鋪頭坐位不多,空間稍嫌緊迫,而且靜對大馬路,難免會有廢氣灰塵漂進店內,所以有少許扣分 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-13
461 瀏覽
二零二零年四月十二日晚上八點半黎到鑽石山蒲崗村道"想甜嚐甜"疫情期間當然入座請探熱同消毒雙手成幅牆都係香港加油個人黎講就好有感受仲播住2019 年社會運動嘅MV 同短片唔係黃人 真係唔會有咁深嘅感受揀左近排最出名嘅:阿華田熔岩心太軟配乳酪雪糕$50乳酪雪糕係青蘋果味 好清新啊 而且好大球架果然係熔岩心太軟 熱辣辣嘅阿華田熔岩爆哂出黎心太軟都係阿華田味架焦糖香蕉窩夫配乳酪雪糕熱辣辣即叫即制好鬆軟嘅窩夫仲有脆卜卜焦糖爆谷 深黃年輕人甜品店 仲有大角咀同堅尼地城分店大家作為黃人要多多支持 繼續閱讀
(以上食評乃用戶個人意見 , 並不代表OpenRice之觀點。)
等級1 2020-04-01
397 瀏覽
第一次寫食評就送比佢!營業時間3點,3:10 到達,員工看見我們在門口”裝裝”下, 無表示,門口用櫈攔住。明白剛開門,就一路等一路喺門口欣賞下Pepe posit🙂. 過多5分鐘,都係冇表示,唯有自己問個員工幾時ok. 佢叫我地等陣🤨,好啦又再等陣。等啊等等啊等😑最終頂唔順再伸個頭入去問仲要等幾耐先開,個男仔員工話因為啱啱開所以要等耐啲,我話你地唔係開三點咩?佢唔耐煩咁話係呀三點開始返工準備呀嘛!嘩我真係第一次聽營業時間係講緊員工番工時間😑跟住佢話等多起碼20分鐘😨。咁不如你更新你地開4點啦!就算係黃店咁嘅服務態度都幫唔落!你唔憂做都唔係咁嘅態度呱🙄 繼續閱讀
(以上食評乃用戶個人意見 , 並不代表OpenRice之觀點。)